الفصل العاشر
رواية مجنونة الوليد
بقلمي / هدير ممدوح
بسم الله الرحمن الرحيم
بمنزل وليد
كانت ايمان تطهو الطعام بمساعدة الشغالة
إيمان : يا صباح
صباح. (الشغالة ) ايوة
ايمان: روحي صحي وليد يابنتي الساعة داخلة علي خمسة وهو لسة نايم هو ومراته
صباح: حاضر
وذهبت الخادمة لتوقظ وليد ونغم
اخذت تطرق حتي ان اتها صوته من الداخل
وليد : ايوة صحيت اهو
صباح : الست هانم مستنياك ياوليد بيه
وليد : قوليلها هيغير وينزل
صباح : امرك
ونزلت الخادمة للاسفل
اما وليد قام بغسل وجه وتبديل ثيابه ووقف أمام مرآته لتصفيف شعره
ليسمع صوت نغم
نغم : عمو وليد انت رايح فين
يقترب منها وليد ويجلس بجانبها ويمسك يدها
وليد :: قولي وليد مش عمو
نغم ببرأة: بس انت كبير
وليد : مش انا جوزك
نغم : يعني اي جوزك
وليد : يعني انا بقيت لنغم وبس ونغم بقيت لوليد
نغم : يعني اي
وليد : يعني هتقوليلي وليد بس من غير عمو اتفقنا
نغم : لا هقول جوزي وليد
وليد : ايوة كده أحلى
نغم ماشي
يلا تعالي اغسلك وشك وننزل
نغم : اه
وبعد قليل نزلا للأسفل
ايمان يلا ياحبايبي تعالوا الاكل جاهز
نغم : يا امي
ايمان : ايوة يابتي
نغم انتي هتأكليني
ايمان : من عيني يابتي
يلا اقعدوا
يقاطعهم مجيئ الشغالة وهي تتحدث
صباح : استاذ وليد في واحد برة وجايب معاه الشرطة وبيسألوا عليك............
لم تكمل جملتها حتي رأوا دلوف رأفت ومعه ثلاث افراد من الشرطة.
الظابط : انت وليد الشرقاوي
وليد : ايوة
الظابط : انت متهم بخطف نغم ايمن العيسوي
ايمان : بس ابني مخطفش حد ونغم تبقا مرات ابني
رأفت : حضرت الظابط هي مش مراته اكيد بيقولوا كده بس عشان يغطو علي عملتهم وتوجه الي نغم
وهو يضغط علي يدها وينظر لها بغضب ونغم هتقولك الحقيقة وليد الشرقاوي خطفك صح .
نغم بصوت عالي وهي تبكي من الم يدها : انا بكرهك انت انا مش بحبك انت وحش انا بكرهك
.رأفت بتوتر : شوفت ياحضرت الظابط البنت خايفة و مرعوبه منه ازاي
يتوجه له وليد ويبعد يده عنها
لتحتضن وليد وهي تبكي
وتتحدث بصوت عالي انا مش بحب عمو رأفت ومش عايزة اروح معاه
وليد : حضرت الظابط انا مش محتاج اتكلم اكتر من اللي شوفته وسمعته
الظابط : يعني انتي بتعترفي قدامنا ان وليد يبقا جوزك
نغم : ايوة وليد جوزي انا .
رأفت حضرت الظابط اكيد هي مش عارفة بتقول ايه وبعدين اتجوزته إزاي وأنا أعتبر ولي امرها و وكيلها الوحيد
يأتي صوت من خلفهم
...........واحنا روحنا فين يا رأفت ولا قتلتنا بالحيا
الظابط وانت مين
.........انا خالها مسعد وده اخويا و خالها اسماعيل ووليد جه واتقدم لبنتنا نغم وجدها هو وكيلها ياحضرت الظابط والراجل اللي قدامكم ده كان بيضحك علينا و...........
وليد بمقاطعة : حضرت الظابط الاستاذ رأفت مكنش يعرف ان انا ونغم اتجوزنا اظن ده السبب اللي استدعي رأفت يتهمني اني خطفت بنت اخوه .
الظابط : تمام وياريت يا استاذ رأفت تبقا متأكد قبل ما تعمل اي ابلاغ .
اومأ رأفت برأسه
و غادروا أفراد الشرطة
مسعد : اي ياوليد انا كنت هحكيلة حقيقة الراجل الندل ده
وليد : هتنكشف حقيقته قريب ياعمي بس هتنكشف كاملة
ينظر له رأفت بشده
مسعد : صح بس محتاج تربية من اول وجديد وكاد ان يهجم عليه حتي منعه اسماعيل
اسماعيل : لا يا خوي ده شخص مش طبيعي وقريب هيتحاسب علي أعماله
وليد : اي يا رأفت لسة واقف برضه شكلك حابب تاخد دروس ف التربية .
ينظر له رأفت بغضب ومن ثم يغادر
وليد : عمي مسعد عمي اسماعيل اتفضلو
اسماعيل: اه ياولدي والله تعبنا واحنا بندور علي بيتك يابني
وليد : انا لو اعرف ياعمي انكم هتيجوا كنا مشينا كلنا سوا
إسماعيل: مش مشكلة ياولدي كويس ان وصلنا ف الوقت المناسب و قدرنا نشوف رأفت و معلش هنتقل عليك.....
وليد: لا ياعمي انا اشيلكم فوق راسي
اسماعيل : اصيل ياولدي
وليد : امي نسيت اقولك عمي اسماعيل وعمي مسعد هما اخوات والدة نغم
ايمان : اهلا وسهلا بيكم نورتونا
اسماعيل : مسعد / اهلا بحضرتك
ايمان :انا هروح احضر الاكل يابني
وليد : ماشي يابني
💐اللَّهُمَّ اغْفِرْ لِي ذَنْبِي كُلَّهُ، دِقَّهُ، وَجِلَّهُ، وَأَوَّلَهُ، وَآخِرَهُ، وَعَلَانِيَتَهُ، وَسِرَّه💐
🌺🌺🌺🌺🌺🌺🌺
عند رباب رجعت هي وزوجها
اعتماد : اهلا وسهلا ما لسة بدري
شادي : بدري من عمرك ياست الكل
اعتماد: كل بعقلي حلاوة
رباب اومال فين شيماء
اعتماد : وسطها اتقطم وهي بتنضف الشقة راحت ترتاح شوية
شيماء : انا اهو بتسألي ليه عليا يا هانم ليكون الشغالة بتاعتك لسة في حاجة معملتهاش .
شادي : في ايه تصدقي انك متستهليش .
شيماء : ليه يعني وهي بتسأل عليا ليه
شادي : عشان زي ما اشترت لنفسها طقم اشترتلك انتي وامك
شيماء : وريني جيبالي اي
رباب : اهو ده بتاعك وده بتاع خالتي اعتماد قالتها وهي تمد يدها لهم بالاكياس
تفتح كلا منهم حقيبتها لتجد
اعتماد وهي تلوي فمها : عباية وطرحة
شيماء : وانا دريس لونه كشميري و بايخ كده برضه هو ده اللي جبتيه
شادي : ما احنا غلطانين
اعتماد : ايوة غلطانين بدل الصرف و الخروجات دي كنت روحت كشفتلها وشوفت محملتش ليه لحد دلوقتي
شيماء : اه واللي بدال القرف ده قالت جملتها وهي تلقي بالدريس ع الأريكة وبعدين صحيح انتي مخلفتيش ليه لحد الان ده انتي ليكي سنين متجوزة مش سنة ولا اتنين
رباب :وانتي ليكي عشر سنين متجوزة ومشوفناش ليكي عيل ليه ها
شيماء : انتي ازاي تتكلمي معايا كده وبعدين ده امر الله
شادي: بظبط امر الله ولو سمعت حد بيفتح الموضوع ده هاخد مراتي واسبيلكم الشقة دي وامشي ومهتعرفوش ليا طريق ياريت يا امي تكوني فهمتي انتي وبنتك
واخذ الدريس الملقي والحقيبة الذي بيد والدته وامسك رباب من يدها وكاد ان يتوجه الي غرفتهم حتي تحدثت والدته
اعتماد : طاب بتاخد ليه الكيس من ايدي 🤣🤣
شادي : مش قولته قرف يبقا نقرفكم ليه بيه.
قال جملته وغادرا
شيماء : شوفتي مستقوية ب...أبنك ازاي كانت الاول زي الخرسة واتعيط دلوقتي بقيت ترد
اعتماد : دي عايزلها ضربة قوية
شيماء : افضلي اتكلمي ومفيش فعل
اعتماد : انا مش هسكتلها وهفكرلها في حاجة بس اصبري ......
💐 رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ".💐
🌺🌺🌺🌺🌺🌺🌺🌺🌺🌺
الساعة العاشرة مساء
كان يجلس وليد ومعه نغم و مسعد وإسماعيل ووالدته
اسماعيل : استأذن انا هروح انام
وليد : البيت بيتك ياعمي
مسعد :خدني معاك ياخوي تصبحوا علي خير ياجماعة
نغم : وليد وانا عايزة انام
وليد: طيب يلا بينا مع اني مش بنام بدري
ايمان : وليد انا عايزاك وانتي يانغم اطلعي يابنتي نامي ووليد جي وراكي
نغم : لأ انا هخاف لوحدي
ايمان : صباح خدي نغم لأوضتها وخليكي معاها لحد ما وليد مايطلع
صباح : امرك ياستي .
امسكت نغم بيد صباح وذهبت معها
وليد : صحيح يا امي انتي جبتي شغالة جديدة
ايمان : ايوة دهي صباح بنت انغام هي تعبت من الخدمة وبنتها جات مكانها .
وليد : تمام
ايمان : يلا كمل
وليد : اكمل اي
ايمان : قصتك انت والسنيورة اللي مكملتوش مع بعض غير اربعين يوم وفجأة رجعت تقولي ماتت اشرحلي اي اللي حصل واي كانت فكرتها اللي خلت اهلها يوافقوا
وليد : اننا نتجوز عرفي
ايمان وهي تضرب علي صدرها كردة فعل : يا مصيبتي يعني انت متجوزها عرفي
وليد: اهدى يا امي هحكيلك
♤ فلاااش باااااك ♤
نورهان : انا عندي فكرة ومتأكده انها هتنجح
وليد : اي هي
نورهان : نتجوز عرفي
وليد : انتي بتقولي اي انتي مستحيل تكوني عاقلة
نورهان : ايوة فعلا مجنونة مجنونة بحبك وبعدين اديني فرصة اكمل
وليد : ماشي ياستي كملي
نورهان : اسمعني احنا هنكتب ورقة عرفي واهلي اكيد اول مايعرفوا........
وليد بمقاطعة : قبل ما تكملي انا مستحيل اعمل كده انتي فاهمة
نورهان : ياوليد مقدمناش غير الطريقة دي
وليد : يستحيل ياروح ارجعك لاهلك دلوقتي واتقدملك لأما بلاها الفكرة دي كلها
نورهان وهي تدور احد الافكار برأسها : وانا موافقة يلا بينا
وليد : اوعك تكوني بتخططي لاي حاجة
نورهان : لأ ويلا بينا عشان سبتهم و المأذون كان هناك
وليد : يلا .......
بعد قليل من الوقت
وصلا وليد ونورهان
وليد متأكدة انك عايزة تسيبي كل العز ده و تعيشي معايا انا
نورهان وهي تتمسك بيده :متأكده
(صلي علي محمد )
دخلا نورهان و وليد الي المنزل لتجد ابيها متعصب جدا
والد نورهان : شوفتي ياهانم اللي بنتك عملته فينا هربت فيوم كتب كتابها وده كله بسبب دلعك ليها
والدة نورهان : انت عارف كويس ليه بنتك هربت فمتجبش الحق عليا
والد نورهان : انا هبعت الرجالة يدوروا عليها واول مايمسكوها هقتلها هي واللي اسمه وليد
نورهان : بابا
يلتفت والد نورهان خلفه ليجد ابنته تتمسك بيد وليد
وليد : عمي بنتك اهي وانا مقبلتش امشي اهرب معاها وج..........
والد نورهان : انت اللي جبته لنفسك و شاور للحراس
الذين كانوا يقفون خلفهم
ليمسكون بوليد
والدة نورهان : سيبي ايده يابنتي وتعالي هنا
نورهان : يستحيل اسيب ايده ومش هسيب وليد غير علي جثتي
يتوجه لهم والد نورهان لينزع يدها من يده بصعوبة
ويدفش نورهان لتسقط امام الطاولة لتنظر لها لتجد سكين أعلي طبق الفواكه 😂😂
( معلش الروايات مأثرة عليا )
وتتمسك به
نورهان اذا انا وليد متجوزناش دلوقتي يبقا هطلعني علي قبري
والدة نورهان : ابعدي يابنتي السكينة دي من علي رقبتك
وليد : نورهان سيبي السكينة دي
نورهان يستحيل وتابعت وهي توجه كلامها لأبيها : اي يا عز بيه مش هتقول حاجة معلش متتكلمش دلوقتي بس شوية كده هتطر تشرح للصحافة كلهم اي اللي حصل ووصل بنت عز بيه رجل الاعمال المشهور للانتحار ده غير الخسارة الكبيرة اللي هتخسرها ف شركاتك
عز (والد نورهان ) والمطلوب
نورهان بسخرية : زي ما توقعت كل اللي يهم عز بيه هو شركاته وسمعته ها اخترت اي ياعز بيه
عز : وانا موافق علي جوازك من الشخص ده بس علي شرط
نورهان : الاول خليهم يسبوه
شاور لهم عز ليرجعا إلي الخلف
عز :دلوقتي المأذون هيجي يكتب بس انتي هتطلعي من البيت من غير ولا اي حاجة ولا مليم مفاتيح العربية هاخدها حتي هدومك هسيبلك بس اللي عليكي
نورهان : وانا موافقة
عز : ههههههه تعرفي انا وافقت ليه بس عشان عارف بنتي كويس وانها مش هتقدر تعيش عيشة الفقر ومش هتستحمل والايام هتثبتلك .
نورهان : انا مع وليد هبقا اسعد و أغنى إنسانة
عز: وانا هتصل ب...المأذون يرجع
بعد مرور ساعتان من الوقت تم عقد القران وأصبحت نورهان زوجة ل.....وليد
عز : بيتي هيفضل مفتوح ليكي ليكي و بس
نورهان : عن اذنك ياعز بيه وتابعت وهي تتمسك بيد وليد انا دلوقتي همشي علي بيت جوزي
غادرا وليد ونورهان الي منزله البسيط في احدى الاحياء الشعبيه وكانت البداية غير مبشرة
نورهان : ياياي اي الريحة دي يع دي في قطة ميته اهي
وليد : اي انتي هتبتدي من الاوى
نورهان : سورى بس انا مش متعودة علي كده
وليد : انتي اللي اخترتي ولازم تتعودي
نورهان : اوكي
دلفوا لاحدى البنايات القديمة
نورهان : اوعك تقولي انك عايش هنا
وليد : للاسف هصدمك بس انا فعلا عايش هنا
نورهان وليد حبيبي بس بيتكم ده باين انه هيقع
وليد : هصدمك للمرة التانية واقولك ان دي بناية ومش انا وحدي اللي ساكن فيها انا بس ليا شقة قعدين فيها انا وامي
نورهان : اه انا علي عشان اعمل كل حاجة
وقف وليد امام احدي الشقق ليخرج المفتاح من جيبه
اما نورهان تنظر حولها ب....تقزز
وليد : يلا ياحبيبتي ادخلي .
تبتسم له نورهان و تتدلف للداخل
ليجدوا امامهم ايمان
ايمان مين دي
وليد.: دي مراتي يا امي
ايمان : يعني اي انت اتجوزت من ورايا
وليد : امي دي البنت الوحيدة اللي بحبها وهي سابت بيتها وعملت المستحيل عشاني .
نورهان : طنط ارجوكي انتي معرفاش احنا اعملنا اي عشان اهلي يوافقوا ارجوكي ياطنط متقفيش فوش سعادتنا عشان خاطر وليد ي.......
ايمان بمقاطعة: انا انا عمري ما قف فوش سعادة ابني
ولو وقفت علي كل المهزلة دي ف بس عشان ابني
يمسك وليد يد ولدته و يقبلها
وليد : ربنا يخليكي ليا ياست الكل
مر يومان بسلام دون ان يحدث اي شيئ غير ان نورهان دائما ومعها هاتف وليد التي اعطاها اياه بعد زواجهم بغرفتها المخصصة لهم
وف اليوم الثالث
رجع وليد من عمله
ليجد امه كالعادة تطهو الطعام .
وليد : مساء الخير ياست الكل
إيمان : مساء النور يابني
وليد: نورهان فين
إيمان : جوة يابني
يتوجه وليد لغرفته
نورهان : وليد بص ياحبيبي الفستان ده جنان
وليد : اه جميل جدا
نورهان : طيب اي رأيك اجيبه
وليد : ما انتي عارفة ان سعره قد مرتبي بخمس مرات
نورهان : يعني ايه يعني
وليد يعني مش محببه
نورهان بس انا عايزاه و هموت عليه كمان وبعدين مش كفاية اني مستحملة وعايشة ف الخرابة دي و بلبس من لبس اختك القديم و بصحى كل يوم علي صوت الخناقات انا زهقت
وليد : كله ده انتي لحقتي زهقتي احنا ملناش غير يومين مع بعض
نورهان : وليد انا عايزة الفستان اتصرف.
وليد : انا مش بحب اعيد كلامي كتير انا طالع اطفح
وخرج
نورهان : اووووف انا زهقت بجد اي ده
بعد قليل من الوقت تخرج نورهان وهي سعيدة
نورهان: وليد عايزة اقولك حاجة
وليد : قولي
نورهان : ماما جابتلي هدية
وليد : انا قولتلك قبل كده متقبليش هدايا من عيلتك صح
نورهان : صح بس دي هدية متترفضش
وليد : اي هي
نورهان :ماما حجزتلنا تذاكر رايح جاي للغردقة وحجزتلنا في فندق كمان
وليد : وانا مستحيل اقبل بكده
نورهان : ليه انت مشكلتك كانت ف الفلوس واهي انحلت كل حاجة ببلاش
ايمان : روح يابني غير جو وشم شوية هوا انت شقيان وتعبت وانا معايا خمس الاف كنت شايلهم علي جنب خدهم وروحوا يابني
نورهان : الله يخليك ياوليد وافق
وليد : تمام موافق
نورهان : ربنا يخليك ليا ياروحي
عدا اليوم سريعا واصبحوا وليد ونورهان بالغردقة
نورهان : احنا هنحط الشنط ف الفندق ياحبيبي وننزل بقا نتمشي
وليد : ماشي
نورهان : وليد انا عايزة اشتري طقم الله يخليك ومتقلقش انا معايا فلوس كنت شايلهم من قبل جوازنا .
وليد : ماشي يلا بينا
اشترت نورهان اكثر من طقم وصرفت جميع المال الذي كان معها وغادروا الي الفندق
نورهان : وليد في حاجة تانية عايزة اقولك عليها
وليد خير قولي
نورهان : مامتك
وليد : مالها
نورهان : ليه متسبهاش ف دار مسنين ل. . .....
وقبل ان تكمل جملتها صفعها وليد بشده
نورهان : ااااااه انت اتجنيت بقا بتمد ايدك عليا ياحيوان انت
وليد وهو يقبض علي يدها : الحيوان ده انضف منك يا *******
ويدفشها لتسقط ع الاريكة
نورهان بعدما استوعبت ماقالته : انا مكنش قصدي حاجة بس انا مش عارفة اخد راحتي ولا اتنفس حتي
وليد : ليه ها بتكلمك ولا بتقولك تعملي حاجة من شغل البيت بل بالعكس هي سيباكي لانك عروسة جديدة والاكل بيجيلك لحد عندك
نورهان : بصراحة بقا ماما اشترت شقة لينا وف مكان راقي ومش كده وبس شافتلك شغلانة هتكسب منها كويس اوي
وليد : قولي كده ياهانم بس احب اقولك انا مش هوافق علي جثتي فاهمة
نورهان ليه يعني
وليد عشان عندي كرامة وعزة نفس
نورهان ومبقتش استحمل كل ده انا كنت بسهر ومبرجعش غير وش الفقر وكل هدومي ع الموضه ده غير شعري وفطاري كل حاجة اتغيرت من اول ماتجوزتك
وليد : وانا مضربتكيش علي ايدك يامدام انتي اللي جيتي بنفسك وقولتي هستحمل
نورهان : انا مكنتش متوقعة كده ان حياتي هتبقا بالشكل المقرف ده
وليد : المطلوب ايه هاتي من الاخر
نورهان : توافق نسكن ف الشقة اللي ماما اشترتها لينا ونسكن فيها انا وانت وبس فهمت
وليد : لاااا ده ف احلامك .
مرت الايام وهم في جدال يومي تكون سببه نورهان
حتي فاق يوما ليجد وليد بجانبة ورقة ولم تكن الا من نورهان وهي غير موجودة
يفتحها وليد ليقرأ مضمونها
(انا مش قادرة استحمل اكتر من كده انا همشي * )
يتنهد وليد بعمق
وليد كنت عارف انك هتعملي كده وده اخرة اللي يحب واحدة زي دي اهي كسرت قلبك ياوليد ومشيت .
النهاية .
إيمان ياحبيبي يابني عشان كده انت اتغيرت ومن بعدها قبلت مصطفي وسافرتوا لندن وقررت انك مش هترجع غير لما يكون ليك اسم ف السوق
وليد : ايوة يا امي قدرت ابني روحي من ولا حاجة والحمدلله ربنا كرمني
إيمان بس انت ليه قولتلي انها ميتة وانكم عملتم حادثة
وليد : انا فعلا عملت حادثة بس هي مكنتش معايا وقولتلك ان الجنازة في بيت اهلها ومش مطرين نعمل اي حاجة انا قولت كده لانها ف نظري ميتة ووقتها سافرنا انا وانتي من اسكندرية ل....مصر وهناك قبلت مصطفي
ايمان : ومش خايف ترجع لانها لسة مراتك وعلى ذمتك
وليد : لو رجعت هطلقها يا امي ولو مرجعتش يبقا هي ف نظري ميته
ايمان : ربنا يقدم اللي في الخير
وليد امي
ايمان : نعم ياحبيبي
وليد : مش ناوية تقوليلي ليه سبتي ابويا وهربتي .........