الحلقة الثالثة { ٣ } 🧿
بقلم سهيله سعيد
مازن : وانت كمان .. مكنتش قادر تستنى يومين الامتحانات عشان احضر فرحك ي
معلم دة انا كنت هخربهولك 😉
مروان : هههههه والله كل
حاجة كانت بسرعة اسأل ماما وشروق 😄
شروق ب كسوف : اه والله فعلاً 😅
مازن : ع العموم مبروك ي شبح عقبال م احضر سبوع النونو كدة 💚
مروان : حبيبي الله يخليك 💜
مازن وهو قايم : اقوم انا بقا
مروان : تقوم فين ي عم انت لحقت !!!
مازن : لا كفاية كدة انتوا لسة عرسان مش عاوز ابقا رخم 😉
( تبتسم شروق ب احراج )
مروان : لا والله م هتنزل غير لما تتغدى معانا
مازن : غدى ايه ي عم انا
جعان نوم والله حتى امك ملحقتش اقعد معاها م المطار عليك ع طول
مروان : مليش دعوة هتاكل معانا ☝️
مازن : والله العظيم فاصل وهموت وانام 🤦
مروان : قلت هتتغدى م تقولي
حاجة ي شروق ليفكرك بخيلة 🤷🏻♂
شروق ب ارتباك : لا لازم طبعاً انا طبيخي حلو ع فكرة 😅
مازن : هدوقه وهقرفك كل
يوم بس انهاردة مش قادر والله 🙅🏻♂️
مروان : خلاص عندي فكرة حلوة خليه عشا تكون نزلت نمتلك كام ساعة وظبطت حالك
بالليل تطلع تتعشى معانا
مازن : م الايام جاية كتير ي عم والله هروح منكم فين يعني 🤷🏻♂
مروان : خلصنا بقا قلتلك ع العشا اهو وهسيبك تنام براحتك
مازن : طيب ماشي 😊
مروان : لو مطلعتش هننزل نجيبك احنا ☝️
مازن : هههههه لا هطلع والله هصحى واطلعلك 😄
مروان : ماشي ي حبيبي هنستناك
مازن : اوك عاوزين حاجة ؟
مروان وشروق : سلامتك
مازن : يلا سلام ✋
( ينزل مازن بيتهم تحت )
شروق : شكلوا طيب اخوك
مروان : اه جداً .. برنس العيلة دة واخد الدلع كله
شروق : عشان الصغير ؟
مروان وهو بيقعد : عشان الصغير وعشان لسانه حلو مع الناس اي حد بيحبوا وبيحب يتعامل
معاه ودمه حلو مش رخم او م النوع الي كئيب بالعكس بيحب الهزار والضحك اوي
شروق وهي بتقعد جنبه : اممممم 🙂
مروان وهو بيقرب ع شروق : مش هتغدينا ولا ايه
شروق : اوك 😊
( تدخل شروق المطبخ تحضر الاكل وكل تفكيرها ف مازن ، طريقة كلامه ، شكله ، تصرفاته
، كلام اخوه عليه ، كل تفصيله فيه عمالة تتعاد ف دماغها
، تحت ، مازن قاعد مع امه )
مازن : شكلها طيبة العروسة
الام : اه بنت ناس ع اد حالهم ومشفناش منها غير كل خير الحمدلله
مازن : اومال كنتي مقلقة منها ف الاول ليه ؟!
الام : من موضوع العفش بس وانا مكنتش طيقاها وقلت داخلين ع طمع .. وف الاخر
قلت م كل دة ف بيت اخوك 🤷
مازن : ايوة صح كلوا ف وشه وبعدين هو مش قليل ولازم بيته يكون مفروش كويس
الام : ايوة اكيد
مازن : انا هقوم انام بقا احسن مروان صمم اتعشى معاهم بالليل
الام : طيب ي حبيبي قوم
( ييجي الليل ، شروق ف المطبخ بتعمل ف الاكل وبتتكلم ف الفون )
شروق ب صوت شبه واطي :
ي بت بقولك قمر قمر عارفة القمر والله م ييجي فيه شكة كدة 🤷
عزة ب حماس : يخربيتك شوقتيني اشوفه 😃
شروق : ف مرة تعالي واعملي حجة انك بتسلمي ع حماتي وعدي عليها هتلاقيه تحت
عزة : من بكرة هكون عندك 😂✋
شروق : هههههه .. بجد انا لما شوفته مبقتش عارفة اتكلم ولا اشيل عيني من عليه دة كفاية
عينه يلهوي عليها ولا ملامحه 🤦🏻♀💙
عزة : الله يحرقك طب وطي صوتك ل جوزك يسمعك 😐
شروق : بيتفرج ع ماتش كورة ف الاوضة بعيد عني
عزة : وانتي بتعملي ايه مش قاعدة معاه ليه ؟!
شروق : زهقت من خلقته 🙄
عزة : انتي لحقتي ي بنتي !!!!
شروق : مش عارفة انا من ساعة م شفت اخوه وانا مش طيقاه
عزة : لاااا هو هييجي يقلبك ع جوزك ولا ايه ي حلوة 🤷
شروق : ولا قلب ولا نيل
روحي يلا خليني اعمل الاكل عشان هيطلع يتعشى معانا
عزة : اخوه ؟
شروق : اه
عزة : طيب وامسكي نفسك كدة ل جوزك يلاحظ طريقتك دي تبقا مصيبة 🤦🏻♀
شروق : متخافيش ي بت انا بهزر معاكي
عزة : طب يلا روحي شوفي الي وراكي سلام
شروق : ماشي سلام
( تقفل شروق وتكمل عمايل الاكل ، يعدي الوقت ، مازن ف اوضته نايم ، يرن فونه )
مازن ب صوت كله نوم : الووو 😞
ماجدة : الحلو الي نايم للعشا !!!
*( نوقف لحظة .. ماجدة بنت جميلة ، بشرتها بيضة ، عيونها عسلي ، رفيعة وقصيرة
شوية ، شعرها اسود طويل ، عندها ٢٢ سنة ، ليها اخت عندها ١٧ سنة
، من عيلة غنية ، كانت زميلة مازن من ثانوي وبقت حبيبته حالياً .. نرجع تاني )*
مازن : ايه ي بيبي 💜
ماجدة : ايه ي روحي ♥️
مازن : عاملة ايه ؟
ماجدة : تمام الحمدلله انت عامل ايه ؟
مازن وهو بيتاوب : انا فل اهو 🥱
ماجدة : نايم ل دلوقتي !!!!
مازن : والله واصل متأخر وكنت عند مروان بباركله
ماجدة : اهااا طيب هتصحى ولا ايه ؟
مازن : ربعاية كدة بس فاصل والله مش قادر 🤦
ماجدة : طب ماشي اما تصحى كلمني
مازن : ماشي ي قلبي باي
ماجدة : باي 💜
( يقفل مازن ، لسة هينام تدخل مامته )
الام : مازن
مازن : اممممم 😞
الام : قوم ي حبيبي يلا
مازن : شوية بس ي ماما
الام : يلا اخوك اتصل الساعة داخلة ع ٩
مازن : لسة بدري هما بيتعشوا بدري كدة ليه !!!!
الام : يلا بس كفاية نوم
مازن : طيب حاضر 🤦
( يقوم مازن ياخد دش ويلبس ترنج رياضي وكاب ع دماغه ويطلع ، يقرب ع باب الشقة
ويرن الجرس ، تتخض شروق ب فرحة ، يقرب مروان يفتح )
مروان : حبيبي 👋
مازن : اهلاً بالناس الي بتتعشى بدري 🙄👋
مروان : هههههه تعالى 😄
( يدخل مازن يقعد ، تقرب شروق )
شروق : صحناك معلش 😅👋
مازن وهو بيقوم يسلم عليها : عرسان بقا مش هتكلم 😊👋
شروق : هههههه ☺
مروان : انتي لسة هتقعدى
قومي حضري الاكل يلا
شروق وهي بتقف ب احراج : اه حاضر 😶
مازن : ي عم براحة عليها دي لسة عروسة وانا مش جعان لسة اقعدي ✋
مروان : ي بني الاكل سخن يلا ي شروق
شروق : حاضر
( تدخل شروق المطبخ تحضر الاكل ويقعد مازن مع مروان برة يتكلموا ، شروق طالعة
داخلة تحط ف الاكل ع السفرة وعينها ع مازن وتصرفاته ، يلاحظ
مازن كل م يلمحها يلاقيها بصاله ف تحرجه ، يرن فون مروان )
مروان : ثواني ي زوما معلش ✋
مازن : حبيبي ع راحتك
( يدخل مروان البلكونة يتكلم ف الفون ، يقوم مازن يقرب ع باب المطبخ )
مازن : ناوليني وانا احط
شروق ب احراج : لا لأ روح انت انا قربت اخلص اهو 😅
مازن : ناوليني بس بدل م انتي رايحة جاية انا قاعد بنام عاوز افوق نفسي
شروق : طيب ماشي اتعشى واعملك كباية قهوة تفوقك 🙂
مازن وهو بياخد منها الطبق : تسلم ايدك 😊
( يروح يحطه ع السفرة وهي باصة عليه ومبتسمة ، تكمل ملي الاطباق ومازن واقفلها ع
باب المطبخ هي تديله وهو يحط ، يقرب مروان )
مروان : ايه دة شغلتك 😃
مازن : حرام نساعدها بردوا 🤷🏻♂
مروان : ههههههه 😄
شروق : شايف الزوق اتعلم 😏
مازن ب ضحك : اوبااااا شكلها شايلة اوي ي معلم 😂
مروان : مش ساعدتك اول يومين جواز عاوزة ايه تاني بقا 🙄
مازن : ستات طماعة والله ي اخي ايه دة 😂
مروان : مش عارف 😂
شروق : انت مش كنت معايا من شوية 😂💔
مازن : م انتوا الاتنين عرسان مش عاوز ازعلكم ف بهدي النفوس بس 😂💜
الكل : ههههههه 😄
( يقعد الكل ياكلوا )
مازن : تسلم ايدك الاكل يجنن بجد 💙
شروق ب كسوف وحب : بالهنا 😍
مازن : غلبت طبيخ امك 😂💪