قصة العمل الأسود
الحلقة الثامنة عشر { ١٨ } 🧿
بقلم سهيله سعيد
ماجدة : عاوزة اتكلم معاك 😟
( يدخل مازن يقعد ع سريره ، تدخل وراه ماجدة )
مازن : ايه الي جابك ؟
ماجدة وهي واقفة قصاده : جيت افهم
مازن : تفهمي ايه ؟
ماجدة : افهم ليه عملت معايا كدة 🤷
مازن : هو لما واحد ميبقاش عاوز واحدة يبقا لازم يحط تفسيرات ومبررات 💁🏻♂️
ماجدة : لما تبقا الواحدة دي معاه بقالها اكتر من ٦ سنين وفضل معاها ع الحلوة
والمرة واستناها وبعدين خطبها وعيشها اسعد ايام حياتها وييجي فجأة يسيبها يبقا لازم يحط تفسيرات ومبررات 💔
( يقوم يقف قصادها )
مازن : وانا معنديش حاجة افسرهالك
ماجدة : ي مازن حرام عليك الي انت بتعمله فيا دة انا بسببك نفسيتي زي الزفت وتعبانة .. لازم تفهمني انا عملتلك ايه 😧
مازن : معرفش .. انا بس كارهك مش اكتر .. مستحقرك كدة مش طايقك 🤷🏻♂️
( تنزل دموعها )
ماجدة : انا مش عارفة اقولك ايه .. انت بجد صدمتني فيك 💔
مازن وهو بيشدها من وسطها عليه : ايه دة بجد مصدومة 🤨
ماجدة وهي بتزقه : اوعا 😕✋
مازن : اوعا ليه مش انا مازن حبيبك
( بيحاول يبوسها )
ماجدة وهي بتقاومه وبتعيط : كنت حبيبي دلوقتي معرفكش اوعاااا 😣
( تزقه وتمشي منهارة م العياط ، يبتسم مازن ب سخرية )
ميار : ماجدة !!!
( متردش ماجدة وتمشي )
ميار : في ايه بس 🤦🏻♀️
( تعدي الايام وع دة الحال مازن خناق دايماً مع امه واخواته وماجدة ميعرفش عنها حاجة من اخر مرة وكل حياته شروق حتى الاكل والشرب مبقاش بياكل ولا بيشرب غير من ايدها لما خس النص وبدأ يبان عليه التعب والارهاق دايماً حتى شغله مبقاش يروح وخد اجازة طويلة ، شروق قاعدة مع رنا )
شروق ب خضة : ي نهار اسود .. محمد مات 😳
رنا ب حزن : ايوة 😔
شروق : ازاااااي ؟؟؟
رنا : بسبب ام العمل والزفت .. موته بسببي .. جم يصحوه م النوم لقوه نازف دم من بؤه ومناخيره وعنيه وميت 😥💔
شروق ب خوف : ي نهار اسود ي نهار اسود .. وعرفوا اهله ؟؟؟
رنا : لأ طبعاً بس من سبب الموت انا فهمت لان قعد من فترة يشتكي ب معدته لان العمل ف معدته
شروق : احيه طب اعمل ايه انا مش عاوزة مازن يموت 😧
رنا : هو بيشتكي ب حاجة ؟
شروق : كان ب معدته بردوا
رنا : كان يعني مبقاش دلوقتي ؟
شروق : لا دلوقتي لأ
رنا : طب خلاص يبقا هو كويس
شروق : انا عاوزة افك العمل 😟
رنا ب خضة : تفكي ايه انتي اتهبلتي !!!
شروق : مازن خس اوي ي رنا وبقا شبه المدمنين مبقاش مازن بتاع زمان .. كفاية كدة هو خلاص حبني وعملت الي ف دماغي وخليته يسيب خطيبته وبقا بيكرها .. انا مش عاوزة اخسره 😥💔
رنا : وانتي فكرك لو فكيتي العمل كل الي حصل بينكم دة هيتنسي
شروق : ايوة مش المفروض يروح مع العمل ؟
رنا : لا طبعاً الي بيروح تأثير العمل بس يعني هيرجع يكرهك تاني واكيد هيرجع ل خطيبته دة غير بقا انه هيقول اكيد ع كل الي حصل بينكم 🤷
شروق : طب اعمل ايه بس 🤦🏻♀
رنا : تسكتي .. تسكتي خالص
شروق : افرضي جراله حاجة 😕
رنا : م ف داهية والا انتي الي هتروحي ف ستين داهية 💁🏻
( تسكت شروق ودماغها عمالة تودي وتجيب ، ف بيت مازن ، مازن ف اوضته قاعد ع السرير لابس بنطلون بس وحاطط دماغه ع رجله باينة فقرات ضهره من كتر رفعه ، برة قاعد مروان مع امه وميار )
الام : ابني هيضيع مني 😔
مروان : والله حاولت اقنعه كتير ينزل معايا المستشفى مش راضي
ميار : طب وبعدين ي مروان نسيبه كدة 😟
مروان : هحاول اسحب منه عينة دم اعمله تحاليل
( تقرب مروة )
مروة : ماشي ي حببتي سلام
( تقفل وتقعد )
ميار : دي ماجدة ؟
مروة : اه .. مبتبطلش سؤال عليه
الام : مش عارفة ايه الي جرالهم .. عين وصابتكم ي حبايبي عين وصابتكم 🤦🏻♀
مروان : ميار ابعتي البواب يجيب حقنة عشان اسحب منه الدم
ميار : حاضر
( تقوم ميار تكلم البواب ويجبلهم الحقنة ، ياخدها مروان ويدخل ل مازن )
مروان : مازن
( يبصله )
مروان : عامل ايه ؟
مازن : كويس 😒
مروان : لسة بردوا مش عاوز تروح مستشفى ؟
مازن : لسة
مروان : طيب خليني اخد منك عينة دم احللهالك
( يفردله دراعه من غير م يتكلم ، يقرب مروان ويسحب منه الدم )
مروان : ياريت تغير رأيك قريب
مازن : انا اسف
مروان ب استغراب : اسف ع ايه ؟!
مازن : ع ضعفي 💔
مروان : انت بتتأسف ازاي بس لو تسمع كلامي وتروح معايا المستشفى اشوف مالك 🤷🏻♂
مازن : مش اسف ع ضعفي الجسدي .. اسف اني ........
مروان : انك ايه ؟؟
مازن : ولا حاجة 😶
مروان : هودي العينة المعمل عشان مينفعش تفضل اكتر من كدة هتفسد وهرجعلك تاني
مازن : اوك
( يمشي مروان ، بعد دقايق ، يرن جرس الباب ، تفتح مروة )
مروة : دياب !!
دياب : مروة عاملة ايه ؟
مروة : فل الحمدلله اتفضل
( يدخل دياب )
الام : دياااااب 😃
دياب وهو بيبوس ايدها : ست الكل
الام : عامل ايه ي حبيبي ؟
دياب : بخير الحمدلله
الام : دايماً ي بني
دياب : انتوا عاملين ايه ؟
الام : اهو عايشين 🤷
دياب : هو مازن هنا ؟
الام : اه موجود
دياب : اصل بقالي فترة بتصل بيه مبيردش ورحتله الشغل قالوا اخد اجازة طويلة ف استغربت صراحة !!!
مروة : هتستغرب اكتر لما تشوفه 😐
دياب ب قلق : هو كويس جراله ايه ؟؟
الام : دخليه ل اخوكي
مروة : حاضر
( تقوم مروة ويروح وراها دياب )
مروة : اتفضل
( يدخل دياب ل مازن ، قاعد نفس القاعدة )
دياب ب قلق : انت كويس ي بني ؟؟!!!
( يتخض دياب لما يشوف شكله كويس )
دياب : ايه دة يخربيتك 😦
( يقرب يقعد جنبه )
دياب : ايه الي عمل فيك كدة انت تعبان ؟؟؟!!!
( يشاورله ب اه )
دياب : تاعبك ايه ؟؟
مازن : كل حاجة 💔
دياب : مالك بجد ايه الي حصلك 😕
مازن : انا عملت مصيبة 😟
دياب : مصيبة ايه ؟!!!
مازن : حبيتها 🖤 لا لأ محبتهاش ✋ انا عشقتها 😐 مش شايف غيرها 🤦 كرهت كل الناس ماعدا هي ☝️ او الاصح اني كرهت كل الستات ماعدا هي 💔
دياب : ماجدة ؟؟
مازن : لأ .. انا سيبت ماجدة
( يتخض دياب )
دياب : انت بتهزر سيبت ماجدة !!!!!!!!
مازن : سيبتها اه 😊
دياب ب انفعال : لييييييه ي غبي 😧
مازن ب انفعال : مش طايقهااااااا .. مش طايقها ولا طايق حد هنا مش طايقها 😟😠
دياب : عملتلك ايه طيب ؟؟
مازن : معملتليش حاجة
دياب ب تفكير : لما انت سيبت ماجدة .. اومال مين الي انت بتعشقها ؟؟؟
مازن : شروق 😐
دياب : مرات اخوك ؟!!!!!!!!
( يشاورله ب اة )
دياب ب انفعال : انت اتهبلت يلا اتجننت مش كدة 😠
دياب : اتجنيت فعلاً .. حبها جنني .. انا مبقتش قادر ابعد عن حضنها ثانية بتجنن بجد 🤦💔
دياب ب استغراب : حضنها !!!! انت هببت ايه بالظبط ؟؟؟؟
مازن وهو عمال يترعش
ويبص حواليه ب خوف : خنته خنت اخويا خنت ماجدة .. خنتهم الاتنين ✌🏻💔
( يبدأ يعيط )
مازن : بس انا مكانش قصدي والله كان غصب عني غصب عني كل دة والله غصب
عني ي دياب فيا حاجة غلط حاجة بتخليني اتشد ليها ببقا
هموت عليها مبعرفش ولا اقدر ابعد عنها بقيت عاشقها عاشقها عاشقها 😣
دياب وهو بيحاول يهديه : اهدى طيب بس اهدى وطي صوتك 😕
دياب : اعمل ايه اعمل ايه دة انا كنت بكرها وكنت مبطيقهاش
دلوقتي بعشقها دلوقتي مش قادر ابعد عنها ولا الي عملالي عمل 🤦💔
( يفكر دياب ل ثانية )
دياب ب تفكير : عملالك عمل .. ممكن بجد تكون عملت كدة 😐