قصة العمل الأسود
الحلقة الثانية عشر { ١٢ } 🧿
مازن : العفو
الام : ربنا يخليك لينا ي حبيبي
مازن : تسلميلي .. انا هروح اغير الهدوم دي
ميار : ايوة روح الي يشوفك يقول قاتل قتيل بالدم دة 🤭
مازن وهو ماشي : رخمااا 🙄
( يمشي مازن يروح ، يعدي الوقت ، تنتهي ميعاد الزيارة وتبات مروة مع شروق ويمشي الباقي ، تاني يوم ، مروة نايمة ع الكنبة وشروق ع السرير صاحية ، يخبط الباب وتدخل الدكتورة )
الدكتورة : صباح الخير
شروق : صباح النور
الدكتورة : عاملة ايه انهاردة .. حاسة بتحسن ؟
شروق : اه الحمدلله
الدكتورة : ايه بقا الي عملتيه اجهضك ؟
( تتخض شروق وكأن الدكتورة عارفة الي عملته )
شروق : ولا حاجة 😐
الدكتور : انا كاشفة عليكي قبل كدة وحملك كان طبيعي جداً .. اكيد في سبب !!
شروق : كنت بعمل ف البيت بس مش مجهود للدرجة وفجأة حسيت بالمغص ونزفت
الدكتورة : اكيد مجهود جامد
شروق وهي بتبص ل مروة النايمة : لا بالعكس 😒
الدكتورة : ع العموم ربنا يعوض عليكي
شروق : ان شاء الله
الدكتورة : تقدري تخرجي اي وقت
شروق : شكراً
الدكتورة : العفو
( تمشي الدكتورة ، تتنهد شروق ب ارتياح 😑 تمسك الفون )
شروق : الو
مروان : ايه ي قلبي صباح الخير
شروق : صباح النور
مروان : عاملة ايه انهاردة ؟
شروق : وهو يعني انت سألت عليا م الصبح 😒
مروان : والله مطحون عمليات من ساعة م وصلت المركز
شروق : ربنا معاك .. انا هخرج الدكتورة كتبتلي ع خروج
مروان : هتطلعي دلوقتي ؟
شروق : المفروض البس وامشي
مروان : طب متقدريش تستني ساعة كمان بس 😬
شروق ب عصبية : لا مقدرش ي مروان هقول ل الدكتورة سبيني ساعة كمان ازاي انا هبقا اخد تاكسي انا ومروة سلام
( تقفل شروق ، يغمض عينه مروان ب تنهيدة 😑 )
شروق : مروة .. مروة اصحى
( تصحى مروة )
مروة : ايه ي شوشو انتي كويسة ؟
شروق : اه الدكتورة كتبتلي ع خروج
مروة وهي بتقوم : طب هتصل ب مروان اقوله
شروق : لا انا اتصلت بيه وراه عمليات مش جاي
مروة : هنروح ازاي طيب 😕
شروق وهي بتحاول تقوم : هناخد تاكسي
( تقرب مروة تسندها )
مروة : طب استني هشوف ميار لو مش ف الكلية تجيلنا
شروق : مش مهم ي مروة نروح احنا
مروة وهي بتمسك الفون : اصبري بس .. الو .. ايه ي ميار فينك .. طب تقدري تجيلنا شروق هتخرج .. ماشي يلا باي
( تقفل )
مروة : جاية
شروق : ماشي
( تساعدها مروة تغير هدومها ويستنوا ميار ، توصل ميار المستشفى )
ميار : يلا بينا
مروة : يلا
( يسندوا شروق وينزلوا بيها ، يلاقوا عربية مازن ومازن جواها )
مروة : ايه دة جبتي مازن !!
ميار : عربيتي مع بابا .. اركبي قدام عشان المطبات
( يفتحولها قدام ، تسند ع العربية وتحاول تركب )
مازن وهو بيمدلها ايده : هاتي ايدك 👋🏻
( تسند ع ايده وتقعد ، يركبوا البنات ويمشوا ، ف الطريق )
ميار : بقيتي احسن دلوقتي ؟
شروق : اه الحمدلله
ميار : هتحملي تاني ب اذن الله وهتكوني احلى ماما بالعالم 😊
شروق : تسلميلي ي روحي 🙂
( يوصلوا قدام العمارة ، ينزلوا البنات ويسندوها تنزل وينزل مازن ، يدخلوا البنات العمارة مسندينها ، يقربوا ع الاسنسير ، يجري عليهم البواب )
البواب : عطلان ي باشا
مازن : لا والله !!!
مروة : يلهوي 🤦🏻♀
البواب : بعتنا نجيب المهندس زمانه ف السكة
ميار : قدامه اد ايه يعني دول ٩ ادوار
البواب : ممكن نص ساعة الله اعلم 🤷🏻♂
مروة : كتير اوي
شروق : مقدرش استني نص ساعة وكمان لسة هييجي يصلح هطلع وخلاص
ميار : اه تعالي نحاول كدة مع بعض
( يسندوها وتطلع سلمة سلمة 🙄 )
شروق ب تمثيل التعب : استنوا شوية بس 😔✋
( يقفوا )
مازن : وسعوا ي بنات
مروة : ايه ؟!
( يقرب مازن ويشيلها )
مروة : استنى هنطلع واحدة واحدة
مازن : انتوا بقالكوا ساعة ف اول دور !!
شروق : ي بني دول ٩ ادوار هتقع مننا كدة نزلني !!!
مازن وهو بيطلع بيها : لما اتعب هنزلك
( يطلعوا دور واتنين وتلاتة والتسعة كاملين وطبعاً شروق هتموت م الفرحة ، يوصلوا قدام الشقة )
مازن : افتحي بسرعة
( تجري مروة تفتح باب الشقة ، يدخل بيها )
مازن ب نهجان : احطك هنا .. ولا جوة ؟؟
شروق : ي عم ارميني ف اي حتة وخد نفسك بس 😂
الكل : ههههههه 😂
( يحطها ع الكنبة ويترمي جنبها )
مازن : جردل ماية بسرعة 😑
( تجري ميار تجيبله ماية ، يشرب الازازة كلها ويفتح اول زرارين ف القميص )
مروة ب ضحك : ايه فرفرت ولا لسة 😂
مازن ب تعب وهو مغمض عينه : لو ماجدة لسة عندها امل ف جواز اشرحولها ظروفي 😓✋
الكل : ههههههه 😂
ميار : اجمد ي وحش اومال لو مراتك بتولد هتعمل ايه 🤷
مازن : اكيد مش هطلع بيها ٩ ادوار ع رجلي ☝️
ميار : ههههه انت وحظك بقا 😄
( يرن فون شروق )
شروق : الو .. اه وصلت مازن وميار خدونا .. الله يسلمك .. اوك سلام
( تقفل )
مازن وهو بيقوم : هنزل انا
شروق : خليك خد نفسك الأول
مازن : انا فل كدة لو في اي حاجة رنوا عليا 🤙
البنات : اوك
مازن : يلا سلام وحمدلله ع السلامة
شروق : الله يسلمك 💜
( ينزل مازن وشروق بصاله ب حب ع الي عمله معاها ، تبدأ شروق تاخد موانع حمل ، بعد يومين ، شروق عند حماتها قاعدة )
الام وهي بتقوم : هعملك كباية عصير ب ايدي
شروق : تسلم ايدك مش عاوزة اتعبك
الام : لا ازاي مش هغيب
شروق : اوك 😊
( تدخل الام المطبخ ، تقوم شروق تخبط ع باب اوضة مازن ، مازن واقف ف البلكونة )
مازن : ادخل
( تدخل شروق )
شروق : فاضي دقيقة ؟
مازن ب عدم ارتياح : تعالي 😐
( تدخل تقف معاه ف البلكونة )
مازن : عاملة ايه دلوقتي ؟
شروق : تمام الحمدلله .. انا مش عوزاك تزعل مني
مازن : ازعل منك ليه ؟!
شروق : ع الي حصل لما دوخت انا مكانش قصدي طبعاً بس مكنتش حاسة بنفسي وعيني كانت مزغللة وكنت تعبانة والله 😟
مازن : محصلش حاجة ي شروق انا نسيت الموضوع اصلاً .. انتي زي اختي وانا متأكد انك مكنتيش قاصدة طبعاً 😒
شروق : ايوة اكيد
( تبدأ عيونها تدمع )
شروق : انا بس كان الحمل دة تاعبني بجد .. وشكل من كتر م كنت بقول كدة فارقني .. انا ام فاشلة 😔💔
( تصعب عليه )
مازن : متقوليش كدة دة اكيد فيه خير ليكي .. افرضي كان كمل ولقدر الله جه ف شهر متأخر ونزل ولا خلفتيه فيه عيب ولا مشكلة كنتي هتفرحي وقتها ؟
شروق : لا طبعاً 😟
مازن : يبقا قولي الحمدلله بقا
شروق : الحمدلله ع اي حال
مازن : ب أذن الله ربنا هيعوضك
شروق : ب اذن الله .. ماجدة عاملة ايه ؟
مازن : كويسة الحمدلله .. انتي كويسة دلوقتي ؟
شروق : اه الحمدلله
الام من برة : ي شروووق .. انتي طلعتي !!!
شروق : هشوف ماما
مازن : اوك
( تقرب عليها شروق )
الام : كنتي فين ؟!
شروق : كنت بسلم ع مازن وبشكره ع الي عمله معايا
الام : تشكريه ع اي ي بنتي انتوا اخوات
شروق : ربنا يباركله
الام : امين يارب .. تعالي يلا اشربي عصيرك
شروق : حاضر
( تروح تقعد مع حماتها ، يلبس مازن وينزل شغله ، ف الشركة ، مازن قاعد مع دياب )
دياب : والله ممكن تكون فعلاً غصب عنها عشان داخت بس وكانت تعبانة ف جت فيك يعني 🤷🏻♂
مازن : انا صدقتها عشان لازم اصدقها
دياب : ايوة وشيل الموضوع دة من دماغك بقا
مازن : شايله من وقتها .. المهم انت اخبارك ايه ؟
دياب : اهو فل الحمدلله
مازن : بفكر اتجوز واخد ماجدة وارجع امريكا تاني