قصة العمل الاسود
الحلقة العشرون { ٢٠ } 🧿
دياب : ااا اه عزة
حمو : امممم .. وعاوز رأيي انا ؟
دياب : هما قالولي انت الوحيد الي هتفيدني
حمو : كلامهم صح بس انا مبحبش اخوض ف اعراض حد ولامؤخذة ✋
( دياب ومروة يبصوا ل بعض )
دياب : ايه دخل الموضوع ف الاعراض ؟!!!
حمو : بص هما الاب والام سمعتهم زي الفل وكمان عزة الي انت عاوز تتجوزها دي
دياب : اومال ايه المشكلة ؟؟
حمو : ف اختهم شروق
دياب : مالها شروق الي اعرفوا انها متجوزة 😕
حمو : متجوزة بعد ايه ي باشا بعد م لفت ودارت 🤷🏻♂
مروة : ممكن توضح اكتر معلش ؟
حمو : ممكن ي هانم .. مسألتوش نفسيكوا ليه الصغيرة اتجوزت قبل الكبيرة ؟
( يبصوا ل بعض )
دياب : ليه ؟؟
حمو : عشان الصغيرة ب عمايلها وقفت حال الكبيرة 💁🏻♂
دياب : ايوة عمايل ايه بقا ؟؟؟
حمو : بس كلام ف سرك ي باشا عشان دي اولاً اعراض ثانياً انا مش عاوز مشاكل انا كمان فتحت بيت الحمدلله ✋
دياب : قول متخافش كلامك مش هيطلع برة
حمو : انا كنت متجوز شروق دي
( يتصدموا )
دياب : متجوزها 😳
حمو : عرفي
مروة : ي نهار اسود 🤦🏻♀
حمو : باشاااا اوعا كلامي يطلع برة ☝️
دياب : ي عم متقلقش كمل بس
حمو : الكلام دة كان من فترة يعنى من ٣ سنين كدة وكانت امي واخواتى عارفين يعنى مش جواز حرام بس هي حملت وانا مكنتش اد مسؤلية عيال زي م انت شايف انا ع باب الله 🤷🏻♂
دياب : اممممم 😐
حمو : ف سيبتها ونزلت العيل ب عملية ولبسوها ل واحد غني كبير ف السن
( دياب بيغلي من جواه هو ومروة 🔥 )
حمو : ف لو عاوز رأيي ونصيحتي ابعد عن البيت دة 👈
دياب : طب هما ليهم ف الاعمال والسحر والكلام دة ؟؟
حمو : الي زي دول متستبعدش عنهم اي حاجة لان مفيش ايمان ف قلوبهم انهم يجوزوا بنتهم ل واحد ويضحكوا عليه ف اتوقع منهم اي مصيبة تانية ي باشا 🤨
دياب : عندك حق .. معاك نسخة من عقد الجواز دة ؟؟
حمو ب استغراب : وانت عاوز نسخة ليه ؟!
دياب ب توتر : اااا دة ..........
مروة : اصل هو اتقدملها ف ممكن لو رجع رفض تحصل مشكلة ف قلنا نلاقي حاجة يعني نواجهم بيها
حمو : ااااه .. لا بس احنا كدة دخلنا ف سكة تانية ي انسة وانا اصلاً معييش العقد النسختين قطعتهم من ٣ سنين فاتوا 🤷🏻♂️
دياب : تمام 😐
حمو : بس سيف رقمي يمكن تعوزني ف حاجة انا ف الخدمة ✋
دياب : اوك ادهولي
( يديهوله ، يقوم دياب يقف ، تقف مروة )
دياب : شكراً ي كاچو 👋
حمو وهو بيقوم : العفو ي باشا تؤمر 👋
دياب : يلا
( تمشي مروة مع دياب وهي تقريباً مش شايفة قدامها وكل تفكيرها حالياً اتحول من مازن ل مروان ، يقفوا عند العربية ، يركبوا ، تسند مروة دماغه ع الشباك )
دياب : مروة .. انتي كويسة 😕
( تبدأ تعيط ب حرقة )
دياب : مروة 😦
( ترفع دماغها وتمسح دموعها بس عمالة تنزل )
مروة : لو شوفت الفرحة الي كانت ف عيونه يوم فرحهم كنت اتقهرت زيي .. عنده ٤١ سنة .. ٤١ سنة .. استنى كل دة ف الاخر عشان دي .. ازاي دي تكون من نصيبه .. ازاي بس 😣
دياب : طب اهدى عشان خاطري 😟
مروة : الحيوانة استغفلته بنت الكلب 💔
دياب : كل حاجة هتتحل المهم مهما جرا اوعي تتكلمي ف الموضوع دة قصاد مروان مهما جرا ي مروة بالله عليكي توعديني ب دة ع الاقل لما نلاقي حل الاول
مروة : حاضر والله مش هتكلم
( ف عيادة مروان ، قاعد مروان ف اوضة الكشف باين عليه التعب والارهاق ، تدخل الممرضة )
الممرضة : استراحة ي دكتور ؟
مروان : لا لأ دخلي الباقي عشان عاوز اروح بدري
الممرضة : بس حضرتك م الصبح مقعدتش م المركز للعيادة !!
مروان : معلش انهاردة عيد ميلاد مراتي 😅
الممرضة : اااه حاضر كل سنة وهي بخير 😃
مروان : وانتي بخير 😊
( يكمل مروان شغله ، دياب يوصل مروة عند بيتها )
مروة : هنعمل ايه ؟؟
دياب : مش عارف دماغي مقلوبة .. هبقا اكلمك
مروة : اوك .. شكراً بجد ي دياب انك واقف جنبنا 💚
دياب : متقوليش كدة مفيش بينا شكر 💜
مروة : تسلم .. باي
دياب : باي
( تنزل مروة ويمشي دياب ، يعدي الوقت ، شروق ف حضن مازن غرقانين سوا ، يتفتح باب الشقة بالمفتاح ، تتخض شروق )
شروق ب خوف : مازن مازن اصحى مروان مروان
( يقوموا مفزوعين )
شروق : هعمل ايه ي نهار اسود 😱
مازن : مش عارف 😧
( تجيلها فكرة شيطانية ☠ تشد الملاية من ع السرير وتحطها عليها )
شروق ب صريخ : لا حرام عليك ي مازن حرااااام 😰
( يتخض مازن مش فاهم حاجة ويسمعها مروان )
شروق : انا زي اختك مينفعش تعمل كدة حرام عليييييييك 😨
( يجري مروان ع الاوضة يلاقي مازن واقف بالبنطلون بس وشروق مغطية نفسها بالملاية ، يتصدم ، تجري عليه شروق تترمي ف حضنه )
شروق ب عياط : الحقني ي مرواااان الحقني 😫
مروان : انت بتعمل ايه هنا ؟؟؟
مازن ب ارتباك : ااا انا اااا ..........
مروان ب زعيق : انت ايييييه .. طالع بيتي وانا مش موجود ليييييه 😡
( يهجم عليه يضرب فيه ومازن مش عارف يعمل ايه وشروق واقفة خايفة )
مروان وهو بيضرب ف مازن بالشلاليط : ي بن الكااااااالب 😡
شروق : مروان خلااااص 😧
( يجرجره مروان ع برة )
مروان : براااااا
( يزقه يوقعه من ع السلم ، يفتحوا اهله الباب ويشوفوهم ، يتخضوا )
مروان : مشوفش وشك ف العمارة كلها مش بس البيت ☝️
الام : في ايه ي ولاد في ايه 😧
مروة وهي بتقوم مازن : قوم معايا ادخل
مروان : ميدخلش ولا يخطي البيت دة تاني
الام : ايه الكلام الي بتقوله دة حصل ايه بس !!!!!
مروان : الاستاذ اتهجم ع مراتي
( يتخضوا )
الام : اتهجم عليها ايه اخوك مستحيل يعمل كدة 😦
مروان : اطلعي اسأليها ب نفسك 💁🏻♂
مازن : انا اسف اسف 😔
مروان ب زعيق وهو بيقرب ع مازن : اساااااااف بتتأسفلي 😡
( يضربه بوكس ف وشه دماغه تتخبط ف الحيطة مرة واتنين وتلاتة واخواته وامه يصرخوا )
ميار ب انهيار : باااااااس حرام عليك كفاية ي مروان والنبي 😣
مروان ب زعيق : يمشي من هناااااااا 😡
( يجري مازن ع تحت ودماغه عمالة تنزف ، يفضل ماشي ف الشارع بيعيط ، فوق ، مروة واقفة مش عارفة تتكلم لانها حتى معهاش اي حاجة تثبت كلامها )
الام ب عياط وانفعال : عملك ايه عملك ايه عشان تعمل فيه كدة حرام عليك دة عيااااان 😧
مروان ب زعيق : اتهجم ع مراتي طلعت لقيته جوة اوضة نومي ب منظره دة ومراتي بتصرخ 😡
( يتصدموا ويبصوا لبعض )
مروان : مازن لو دخل البيت دة تاني انا هاخد مراتي وهمشي من هنا ومش هتعرفولنا طريق ☝️
( يطلع مروان بيته ، شروق قاعدة ف الانتريه بتعيط ، يقرب عليها مروان وياخدها ف حضنه )
مروان : حقك عليا انا
شروق : انا اسفة اني خلتكم تتخانقوا كدة 😔
مروان : كان المفروض اموته مش اتخانق معاه
( تتخض شروق )
شروق : لا طبعاً اوعا تعمل كدة 😕
مروان : بعد كل الي حصل دة بتدافعي عنه !!!!
شروق : دة مهما كان اخوك وانا غريبة وسطكم
مروان : انتي مراتي يعني عرضي وشرفي ومش هسمح لحد مهما كان انه يمس شعرة منك فاهمة ☝️
شروق : ربنا يخليك ليا 😒
( مروة ف اوضتها رايحة جاية وماسكة الفون )
مروة : الو
دياب : مروة عاملة ايه ؟
مروة : مروان ضرب مازن ي دياب وطرده م البيت كله بالبنطلون بس ف الشارع بعد م لقاه متهجم ع مراته
( يتخض دياب )
دياب : ي نهار اسود 😦
مروة : اكيد عملاه عمل فعلاً لان مازن مستحيل يعمل كدة ب ارادته
دياب : ان شاء الله هنحل كل حاجة
مروة ب انفعال : ازااااي هي مستحيل هتعترف ب دة 😧
دياب : هنفكر ف حل المهم دلوقتي نعرف مازن فين
مروة : انا معرفش حد من صحابه غيرك معرفش ممكن يروح عند مين 🤷
دياب : ولا انا احنا مفيش بينا صحاب اعرفها
مروة : وبعدين طيب ؟
الحلقه الحادية والعشرون من هنا