قصة العمل الاسود
الحلقة الثانية والعشرون والأخيرة { ٢٢ } 🧿
مروان : ايه الي بتقوليه دة ي مروة انتي اتهبلتي !!!!!
مروة : انت لازم تطلقها حالاً ☝️
مروان : ميار خديها وانزلوا دلوقتي
مروة ب انفعال : مش نازلة دي عملت عمل ل اخوك وبتخونك معاه مازن مكانش هنا ب ارادته دة الحيوانة دي الي بتجيبه ومش اول مروة دول دايماً سوا ومستغفلاك كل دة 😧
( وفجأة ، يضربها بالقلم )
مروان : احترمي نفسك وانتي بتتكلمي ع مراتي 😐
مروة ب صدمة : بتضربني 😦
ميار : مروة مبتحورش وكل دة حصل وكانت متجوزة قبليك كمان
( يرتبك مروان )
مروان : متجوزة قبليا !!!!!
شروق : كدابين 😦
ميار : والله م بنكدب وكانت حامل كمان واجهضت 😧
( يتصدم مروان ، يرن جرس الباب ، تجري ميار تفتح )
ميار : كويس انك جيت
( يدخل دياب )
مروان : نتكلم بعدين انزلوا دلوقتي 😐
مروة : دياب عارف كل حاجة
( تترعب شروق )
دياب : واضح ان كل حاجة بانت 🤷🏻♂
شروق : كلهم كدابين والله كدابين ي مروان وكل دة عشان اخوك يرجع البيت عاوزين يجبوها فيا انا 😟
( يطلع دياب الفون ويديه ل مروان ، يقرا مروان الشات بين دياب وشروق )
مروان : ايه دة !!!!!
دياب : انا ممكن افبرك الشات بس مش هفبرك الرقم 🤳🏻
( يمسك الفون ويتصل ، يرن فون شروق )
مروان : ايه الي بيحصل بالظبط ؟؟؟
مروة : الي بيحصل ان الهانم عملت ل اخوك مازن عمل خلته يحبها خلته يعشقها كمان .. كرهته ف خطيبته وف كل الستات حتى امه .. خلته ميحبش غيرها وياريت ع كدة وبس .. دة اكتشفنا انها قبل م تتجوزك كانت متجوزة عرفي وحامل كمان وبعدين نزلت البيبي وعملت عملية واتجوزتك انت
( يتصدم مروان م الي بيسمعه )
مروة : ولو مش مصدق دياب بنفسه راح منطقتهم وسأل عليها لما شك فيها من كلام مازن عليها انه بيحبها وبيعشقها سأل وقالوله كلام زي الزفت عليهم وان سمعتها زبالة هناك
مروان ب ارتباك : يعني .. يعني ضحكت عليا !!!!
( يبصلها )
مروان : استغفلتيني 😦
شروق ب انفعال : انا مستغفلتكش ولا خبيت حاجة لو كنت سألت كنت عرفت كل حاجة ومكنتش اتجوزتك لان انا اصلاً بكرهك وهفضل طول عمري اكرهك ي مروان واه بحب اخوك وبعشقه كمان وخلاص مفيش اعمال هتتفك وهيفضل طول عمروا بيحبني ومتعلق بيا وخدام تحت رجلي 😠☝️
مروان : ي بنت ال ..........
( لسة هيقرب عليها يمسك قلبه ويقع ف الارض )
مروة : اخويا 😧
ميار : مروان !!!!!!
( يجروا عليه ، يعدي الوقت ، يحطوا مروان ف عربية الاسعاف ويروح وراه الباقي ، شروق ف الشقة قافلين عليها )
شروق وهي عمالة تهبد ع الباب : افتحوووووو 🙌🏻
( يعدي الوقت ، دياب والبنات ف المستشفى ومروان ف العناية المركزة )
مروة : هنعمل ايه دلوقتي بعد م الشيخ مات ؟؟
دياب : كويس ان العمل مشروب مش مدفون .. هنوديه ل شيخ بجد .. واحد صاحبي
ميار : ودة هيعرف يطلعوا ؟
دياب : قولي يارب 🤷🏻♂
ميار : يارب 🤦🏻♀
( تعدي الايام ومروان مازال ف العناية ، ف بيت مروان ، حابسين شروق جوة اوضة وبرة دياب ومازن ومروة وشيخ معاهم ، يمسك الشيخ كباية فيها ماية ويقرأ عليها قرءان )
الشيخ : *{ قال موسى ما جئتم به السحر ان الله سيبطله ان الله لا يصلح عمل المفسدين * ويحق الحق ب كلماته ولو كره المؤمنون }* صدق الله العظيم
( يقرب الشيخ ويقف قصاد مازن )
الشيخ : اشربها 🥛
( ياخدها مازن يشربها ، شروق جوة مرعوبة مش عارفة هما بيعملوا ايه برة ، وفجأة ، ييجي وجع رهيب ف بطن مازن )
مازن وهو بينزل ع الارض : ااااه 😣
( لسة هيقربوا عليه ........... )
الشيخ : سيبوه ✋
( يحاول مازن يرجع مش عارف ، يتكرر اكتر من مرة عاوز يعمل كدة ومش قادر ، بعد فترة قصيرة م المحاولة يرجع حاجة لونها اصفر ويغمى عليه ، وفجأة .............. )
شروق ب صريخ : اااااااه 😨
( يتخضوا )
مروة : ايه دة 😕
( يقرب الشيخ ع مازن ويحط ايده ع دماغه ويقرأ ايات معينة من القرءان ، يبدأ يفوق ، يقوم الشيخ )
الشيخ : العمل اتفك .. بس الجن لسة ف المكان
( يبصوا ع الاوضة الي فيها شروق عمالة تعيط وتصرخ )
الشيخ : واضح ان هي عجبته 😐
دياب : لبسها 😦
الشيخ : خلوني اقرأ عليها
مروة : لأ ✋
( يبصولها ، تقرب مروة ع الاوضة وتفتحها ، تلاقي شروق قاعدة ف الارض وباين ع وشها الزهول وعمالة تصرخ ، تقرب مروة تشدها من دراعها وتجرجرها ع برة )
شروق ب عياط وصريخ : مروة ابوس ايدك سبيني مروة والنبيييي 😣
( ترميها برة الشقة )
مروة : مش دة عملك الأسود .. دوقي م الي دوقتي اخونا منه 💁🏻
( تقفل الباب ف وشها )
شروق ب صريخ : مروااااااا 😧
( تعدي الأيام ويبدأ مازن يستعيد صحته ، ماجدة ف النادي بتجري ع التراك ، تتعب تقف تاخد نفسها )
مازن : وحشتيني 💜
( تلف ماجدة ب اندهاش )
ماجدة : مازن !!!!
مازن : انا أسف .. مش عارف هتديني فرصة احكيلك ولا لأ .. او حتى هتصدقي الي هحكيه بس كل الي عاوزك تعرفيه اني عمري م حبيت ولا هحب حد غيرك ولا ادك 😟
ماجدة : مروة حكتلي ع كل حاجة
مازن : بجد !!!!
ماجدة : انا كنت مستنياك 😅
مازن : يعني مكرهتنيش !!!
( تشاورله ب لأ ، يقرب عليها يحضنها ، تحضنه وتنزل دموعها ، تعدي الايام ، مروان يتنقل اوضة عادية والكل قاعدين حواليه )
الام : كلنا بنغلط ي حبيبي المهم نتعلم من غلطنا دة
مازن : يلا شد حيلك ي معلم عشان تحضر الفرح 😃
مروان : حدتوه ؟
مازن : لا طبعاً مستنيينك تقوم بالسلامة 😊
مروان : انا اسف ي مازن
مازن : متتأسفش .. يعتبر لا انا ولا انت كنا ف وعينا عن الي حصل
مروان : انا فعلاً مكنتش ف وعيي 😒
الاب : قوم انت بالسلامة بس وانا هجوزك ست ستها
مروان : لا خلاص .. انا ماليش ف جواز 🙂💔
مروة : متقولش كدة ي مروان بالله عليك 😟
ماجدة : يعني بزمتك مش فرحان ان ربنا بينلك كل حاجة ع حقيقتها ولا كنت هتبقا افضل لو كل حاجة زي م هي مستخبية ؟
مروان : لا فرحان طبعاً بس الموضوع صعب 💔
ماجدة : قول بس الحمدلله ومتوقفش حياتك ع الوحش .. الحلو بس الي يستاهل حياتنا تقف عشانه ☝️
مروان : عندك حق
( تعدي الايام ، يوم فرح مازن ، الكل مبسوط وفرحان ، يقرب مروان ع البوفيه وف ايده طبق يحط فيه اكل ، يلف مرة واحدة يخبط ف بنت )
جنات : هيييي 😬
مروان : احيه انا اسف والله ✋
جنات : حصل خير لحقت نفسي 😅
مروان : مخدتش بالي
جنات : ولا يهمك .. انت دكتور مروان صح ؟؟
مروان : اه
جنات : كان نفسي اتعرف ع حضرتك من زمان انا جنات صاحبة مروة 😍👋
مروان ب ابتسامة : اتشرفت ب معرفتك 🙂👋
( تعدي الايام ، دياب قاعد مع صاحبه الشيخ )
دياب : يعني هو طلع من مازن ولبسها هي ازاي !!
الشيخ : الاعمال دي بالذات ملهاش امان مفيش ليها ضمانات .. يعني ممكن العمل الي عملته دة يتقلب عليها بمنتهى السهولة ان زي م خلته كره الستات الا هي ممكن يكرها هي كمان مهي من ضمن الستات .. وممكن يمرض لحد الموت .. ممكن الجن الي اتسخر عشان يخليه يحبها فعلاً يحبها ويطلع منه ويلبسها هي زي م حصل .. وممكن ينطق ويقول فلانة سحرتلي .. ذائد ان العمل اصلاً طول قصر مبيدومش وبيضيع ف مدة قصيرة جداً بعدها ب كام اسبوع ولا كام شهر مش اكتر 🤷🏻♂
دياب : اممممم 😕
( ف بيت اهل شروق ، شروق جوة اوضتها ، قاعدة شروق ف الارض ومربعة رجليها وعمالة تبص حواليها كل شوية ، تثبت ويبقا فيه زي وسوسة ف ودانها ، وفجأة .................. )
شروق ب هستيريا : هههههههههههه 😆
*( السحر عمره م حرك قلب ، ولا عمره حرك روح ، السحر سر وقابل الجن انه بيه يبوح ، السحر جسد ، عروسة ورق ، وكل مجرب فيه مجروح .. 🔮 )*
*( النهاية )*