قصة : { العمل الأسود 🔞 } 🕯📿
الحلقة الواحد والعشرون { ٢١ } 🧿
دياب : انا هلبس واجي ادور ف مكانكم يمكن الاقيه لسة ممشيش
مروة : ماشي ي دياب مش عارفة اقولك ايه شكراً جداً
دياب : العفو دة اخويا ي مروة انتى متعرفيش مازن غالي عندي اد ايه
مروة : عارفة والله الله يخليك
( يقفل دياب مع مروة ويلبس هدومه ، يقرب ع الباب عشان يخرج يلاقي مازن ف وشه )
مازن : ملقتش حد اروحله غيرك 😟
( ياخدوا ف حضنه ، يعيط مازن )
دياب : اهدى بس
( يعدي الوقت ، مازن نايم ودياب واقف ف البلكونة وماسك فون مازن ، ياخد رقم عنده ويفتح الواتس ، عند شروق ، مروان ف التواليت بياخد دش ، يرن ماسدچ ع فونها ، تمسك الفون تفتحها )
ماسدچ : اخبار العمل ايه ؟
ماسدچ : انا عارف كل حاجة عملتيها ل مازن
( تتخض شروق )
ماسدچ : وهفضحك 🙂
شروق ب خوف : ي نهار اسود .. ي نهار اسود 😱
( تمسك الفون وايدها بتترعش )
شروق : ايه الي بتقوله دة ؟!
دياب : انتي عارفة كويس ايه الي بقوله
شروق : رنا دة لو انتي ف انا بجد مش ناقصة ومتهزريش ف كدة انا ف مصيبة
( يستغرب دياب مين رنا !!!! )
دياب : وكمان ليكي شريكة
دياب : شكراً انك بتسهليلي المواضيع اكتر
( تترعب شروق اكتر )
شروق : انت مين وعاوز مني ايه ؟؟
دياب : تفكي العمل احسن م هفضحك قدام جوزك واهله
شروق : متقدرش لاني هنكر اي حاجة
دياب : هتقدري تنكري دة قدام شيخ ؟
( تتوتر شروق )
شروق : مقدرش افك العمل مازن هيعرف كل حاجة وهتفضح بردوا
دياب : كل الي مازن فيه دلوقتي شبه غيبوبة ولما يفوق مش هيفتكر حاجة
شروق : وانا ايه يضمنلي انك انت متقولش ع كل حاجة لما هو يبقا كويس
دياب : مقدرش اقول لان ساعتها هيكون العمل اتفك ومفيش حاجة تثبت كلامي اما دلوقتي فيه كتير
شروق : ولو قلت مش موافقة ؟
دياب : هتصحى بكرة تلاقي نفسك ف الشارع دة لو مروان انسان متحضر دة هيبقا اخره لكن بالي عمله ل اخوه انهاردة عشانك مظنش هتلحقي تنزلي شوارع ولا حد هيعرف يحوشك من تحت ايده
( تترعب شروق اكتر )
شروق : خلاص هفكه 😟
دياب : بكرة .. قدامك لحد الساعة ٢ الضهر
شروق : بس دة بدري اوي الشيخ بيبقا بالليل
دياب : قصدك الدجال !
دياب : ماشي معاكي لحد الساعة ١٠ بالليل
شروق : اوك
دياب : لو بكرة متفكش العمل هيكون عملك انتي اسود ومش هستنى رد هتصرف ع طول 💁🏻♂
شروق : قلت هفكه
دياب : تمام
( يطلع مروان م التواليت ، تقفل شروق الفون ب توتر )
شروق : هروح احضر العشا
مروان : اوك
( تقوم شروق تدخل المطبخ ، تمسك الفون )
شروق : الو
رنا : ايه ي بت
شروق : الحقيني في مصيبة 🤦🏻♀
رنا : مصيبة ايه كفا الله الشر ؟؟؟
شروق : في حد عارف بالعمل
رنا ب خضة : ي نهار اسود حد مين ؟!!!!!
( تاني يوم بالليل ، شروق مع رنا رايحين للدجال ، يدخلوا المكان يلاقوه مقفول )
شروق : هو قافل ليه دة ؟!!!
رنا : مش عارفة 😕
( تخبط ع الباب ، تفتح واحدة )
......... : ايوة
رنا : هو شيخنا مش موجود ؟!
......... : شيخنا تعيشي انتي
( يتخضوا )
شروق : ي نهار اسود 😦
......... : عن اذنكم
( تقفل الباب )
شروق : اعمل ايه دلوقتي اعمل ايه ؟؟؟
رنا : اهدي بس وهنلاقي حل ✋
شروق : مفيش حل وهتفضح هياكلوني ب سنانهم لما يعرفوا هياكلوني ي رنا 😧
( تنزل دموعها )
شروق : ياريتني م عملت حاجة ياريتني 😥💔
( يعدي الوقت ، تدق الساعة ١٠ ، دياب يبص ف ساعته وبعدين يبص ع مازن نايم ، يقرب عليه يصحيه )
دياب : مازن .. مازن اصحى
( يصحى )
دياب : انت كويس ؟
مازن : اه 😔
دياب : انت لسة بتفكر ف شروق ؟؟
( ينتبه مازن لما يسمع اسم شروق )
مازن : عاوز اشوفها .. وحشتني اوي .. وديني ليها ي دياب والنبي 😟
( يتنهد دياب 😑 )
دياب وهو بيقوم : طيب انا هروح اجبهالك تقدر تستنى هنا ؟
مازن ب لهفة : استنى اوك هستنى 😃
دياب : تمام استنانى مش هغيب عليك
مازن : اوك
( يمشي دياب ، يعدي الوقت ، شروق ف بيتها قاعدة ف الانتريه وباين عليها التوتر ومروان نايم جوة )
شروق ف سرها : انتي السبب .. بيتك هيتخرب لا ومش اي خراب دة ب فضايح .. الناس كلها هتعرف الي انتي عملتيه .. هتقوللهم ايه .. هتقولي ل جوزك عملتي عمل ل اخوه ليه .. هتقولي اتغاظتي من خطيبته .. طب م كان ممكن تعملي العمل ل خطيبته مش ليه مش هيصدقوا ان دة السبب .. هتقولي ايه .. هتقولي ايه دلوقتي ع وجوده معاكي .. اكيد دلوقتي هيعرفوا انه كان ب مزاجي ومتهجمش عليا .. هتقولي ايه .. هتقولي ايه 🤦🏻♀
( يرن جرس الباب ، تتخض )
شروق وهي بتقوم : ايوة
( تقرب تفتح الباب ، تلاقي مروة وميار )
شروق : تعالوا
( تدخل ويدخلوا وراها يقعدوا )
شروق : عاملين ايه ؟
ميار : كويسين قلنا نيجي نطمن عليكي
مروة : انتي الي عاملة ايه مش باينة يعني 💁🏻
شروق : موجودة اهو .. تعبانة بس شوية
مروة : لا سلامتك
ميار : ايه الي مازن عمله ي شروق .. ممكن تحكيلنا ؟
( تتوتر شروق )
شروق : ااااا ولا حاجة 😐
مروة : ولا حاجة ازاي يعني .. الي حصل دة كلوا ولا حاجة !!!!!!
شروق : هو جه .. وهخبط وكدة وانا فتحتله عادي .. بس بعدها بقا اتهجم عليا 🤷
مروة : كدة فجأة من غير سبب ؟!!!!!
شروق ب توتر : قعد يقولي كلام ميصحش يعني .. انا بحبك وانا بعشقك وو وانا قلتله عيب يعني وميصحش يقول كدة ف اتعصب وعمل كدة 😕
ميار : كل دة حصل لما فتحتيله ؟
شروق : ايوة
مروة : اومال ايه الي وصله ل اوضة نومك ؟
شروق : هو انتوا جايين تطمنوا عليا ولا تحققوا معايا ؟!!!
مروة : لا نحقق معاكي 🙂
( تتخض شروق بس متبينش )
شروق : ودة الي حصل ي ست مروة 😒
مروة : لا مش دة الي حصل .. اقولك انا ايه الي حصل ؟
( تترعب شروق )
مروة : الي حصل ان اخويا جه وخبط ع الباب وفتحتيله .. بعدها خدكم الشوق لحد اوضة نومك والي هي مش اول مروة
شروق ب انفعال وارتباك : ايه الي انتي بتقوليه دة انتي اتهبلتي 😮
مروة : دة الي حصل 💁🏻
شروق : لا طبعاً محصلش
ميار : بقولك ايه احنا عارفين كل حاجة عارفين بالعمل الي انتى عملتيه ل اخونا ف ياريت نتكلم ع المكشوف بدل م نعلي صوتنا اكتر من كدة ومروان يسمع
شروق : اااااه انتوا بقا الي بتهددوني ف التليفون ؟؟
( يبصوا لبعض )
مروة : لا احنا لسة موصلناش ل مرحلة التهديد دي ف احسنلك تفكي العمل عن اخونا والا مروان هيعرف كل حاجة واولهم جوازك العرفي من حمو كاچو 😊
( تتخض شروق وتقوم تقف )
شروق : عرفتوا منين الكلام دة 😦
ميار : عرفناه مطرح م عرفناه هتفكي ام الزفت دة ولا لأ ؟؟
شروق : بقولكم ايه انزلوا من فوق نافوخي اعمال ومش هتتفك لان الشيخ الي عملهولي رحت لقيته مات
( يتخضوا البنات )
شروق : واخوكي الي مخمود دة واحدة غيري كانت خانته كل يوم مع واحد جديد دة كان المفروض يتجوز واحدة من سنه او ميتجوزش اصلاً خلاص فاته القطر 🤷
( تتغاظ مروة م الكلام وفجأة ، تقوم تهجم ع شروق تضرب فيها ويمسكوا ف خناق بعض ومتقدرش تسلكهم ميار )
شروق ب صريخ : ي بنت الكاااالب اوعيييييي 😡
مروة ب صريخ : والله م هسيبيييييييك 😡
( يقوم مروان م النوم مفزوع ع صوتهم ، يجري ع برة يشوفهم يتخض )
مروان : انتوا اتجننتوا بتعملوا ايه بس منك ليها 😮
( يسلكهم من بعض )
مروان : ايه الي بتهببوه دة !!!!!
شروق ب عياط وتمثيل : شفت اخواتك عملوا فيا ايه كل دة عشان اخوك والي حصل طب انا ايه زنبي 😥
مروة ب زعيق : ي كدابة ي حيوانة ي بتاعة الاعمال ي دجالاااااااا 😡
شروق : شايف بتقولي ايه 💁🏻
الحلقة الثانية والعشرون من هنا