قصة العمل الأسود
الحلقة العاشرة { ١٠ } 🧿
شروق : جداً ي مروة ياريت تكلميه عشان ان اتكلمت كتير وكل
شوية يقولي فترة وهتعدي وعدى شهور والفترة دي معدتش 🤷
مروان : لا هكلمه والله حاضر
( يطلع مازن لابس سويت بانس بس وعريان من فوق وحافي
وباين عليه لسة صاحي طالع يتاوب 🥱 ومش شايف قدامه ،
تشوفه شروق ، تتخض وتتحرج )
مروة : انت ي عم معدي ع كفار 💁🏻
( يبص مازن يشوفهم ، يتحرج ويرتبك )
مازن ب توتر : ااا مشفتكوش معلش 😬
( يرجع اوضته بسرعة )
شروق : احم 😐
مروة : مسطول والله 🤦🏻♀
( تبتسم شروق ويفضل يتعاد شكله قصاد عنيها )
شروق : هدخل اسلم ع ماما
مروة : اوك
( ف اوضة مازن ، ياخد تيشيرت يلبسه ويلبس شبشب ويدخل التواليت يغسل وشه وبعدين يطلع ، ف المطبخ )
شروق : لا والله مش بعمل مجهود
الام : ايوة كدة خلي ربنا يتمملك ع خير
شروق : امين يارب
( يدخل مازن )
مازن : ام عتريس 😋
شروق : صباح الخير ي عم
مازن : صباح الفل .. القهوة والنبي ي ست الكل
الام : حاضر ي حبيبي
شروق : هعملهالك انا
الام : لا متتعبيش نفسك انتي روحي اقعدي
شروق : لا انا كويسة متخافيش
مازن : شكراً ي شروق 😊
شروق : العفو 🙂❤
مازن : هروح البس عشان الشغل
شروق : انت بتشتغل ؟
مازن ب ضحك : اومال لأ 😂
شروق : لامؤخذة 😅✋
( يمشي مازن يروح يغير هدومه ، تخلص شروق القهوة ، تقرب بيها عند اوضته وتخبط )
مازن وهو بيلبس القميص : ادخل
( تدخل شروق )
شروق : القهوة ☕
مازن وهو بيقفل زراير القميص : تسلم ايدك
( ياخدها منها يشربها )
مازن : عليكي فنجان قهوة يظبط الدماغ 👌🏻
شروق : بالهنا 😊💜
( يسكتوا ومازن مستغرب انها لسة واقفة ، يروح يلبس كوتشيه ويلبس ساعته ، تنتبه هي كمان ل وجودها الي ملوش اي لزمة )
شروق : محتاج حاجة تاتي ؟
مازن : لا ي قلبي سلامتك
( تتخض شروق من كلمة قلبي وقلبها يدق بسرعة ، بالنسبة ل مازن قالها ب تلقائية مجاملة عادي هي زي اخواته لكن بالنسبالها كأن محدش ف الكون اتقالتله غيرها 👌♥️ )
شروق : اوك 🙂♥
( تلف شروق عشان تخرج ، تجيلها فكرة شيطانية 💡 تسند ع الترابيزة وتعمل نفسها هتقع ، يشوفها مازن يجري عليها يسندها )
شروق : اااه هقع 😞
مازن : ساندك متخافيش 😕
( يسندها تحط ايدها ع رقبته وتمسك ف ايده ، يقعدها ع السرير )
مازن : ثواني هندهلك ماما
( لسة هيمشي تمسك ايده )
شروق : لا لأ متخضهاش انا باخد نفسي بس ✋
مازن : ع مهلك
( تسيب ايده )
مازن : اجيبلك ماية طيب ؟؟
شروق : لأ تسلملي 💚
( تقوم شروق وتعمل نفسها هتقع تاني ، يحط ايده ف ضهرها
يسندها ، تبقا قريبة منه اوي ، باصين لبعض ، كل مادا م شروق
بتقرب وشها ل وشه ، خلاص فاضلها سم وشفايفها تلمس
شفايفه ، تلمسها ، ينتبه مازن ان دة كله غلط ، يسيبها تقع ع السرير )
شروق : ااه
مازن : اسف 😐
( ياخد الفون والمفاتيح بسرعة ويمشي )
شروق ب ندم : غبية 🤦🏻♀
( ينزل مازن وهو متوتر ومش ع بعضه ولا فاهم ولا قادر
يستوعب هي ازاي عملت كدة !!!!! يركب عربيته ويمشي ، يمسك الفون بتاعه )
مازن : ايه ي بني .. اه لسة نازل .. عاوز اقابلك ضروري ..
تعلالي الشركة .. لما تيجي اقولك .. ماشي سلام
( يقفل مازن ، يرن فونه من ماجدة ، يتخض وقلبه يوجعه كأنه
عامل مصيبة ، وهي فعلاً مصيبة ، ميردش عليها ، يعدي الوقت
يوصل الشركة يلاقي صاحبه مستنيه ، ياخدوا ويدخلوا مكتبه )
دياب : في ايه ي بني قلقتني !!!!
مازن : في حوار كدة بس ميطلعش ل جنس مخلوق برة ☝️
دياب : قول ي اخي سيبت ركبي 🤦
( يحكيله مازن الي حصل من شروق )
دياب : احيه بتهزر 😳
مازن : وربنا .. انا م الاول كنت بحاول اخد كل تصرف ليها ب
هزار لكن دايماً نظراتها ليا مش متظبطة بس حاولت ع اد م
اقدر منبهش نفسي ل كدة والي متأكد منه ان هي مثلت ومكانتش تعبانة وقت الي حصل دة 😐
دياب : الموضوع دة مينفعش يتسكت عليه
مازن : انت اهبل هتكلم ف حاجة زي كدة مع مين وازاي اصلاً 🤷🏻♂
دياب : لا مش قصدي كدة قصدي ان انت لازم تصدها البسلها الوش الخشب لما تكونوا لوحديكم هي شيفاك بتهزر وتضحك ف فكرتك تيجي ف السكة الشمال ف عشان متتماداش فيها لازم تقلب عليها ☝️
مازن : يلهوي هي لسة هتتمادى 🤦
دياب : وانت يعني اخوك ساب بنات الدنيا كلهم وملقاش غير م المنطقة الوس*ة دي !!!
مازن : اتعرف عليها من مطعم كانت شغالة فيه 🙄
( يرن فون مازن ، يعمله سايلينت وميردش )
مازن : مش وقتك خالص
دياب : مين ؟!
مازن : ماجدة
دياب : م ترد عليها
مازن : من ساعة الي حصل وانا حاسس اني خنتها .. مش هعرف اكلمها 😑
دياب : خنت ايه ي بني محصلش حاجة
مازن : لمستها .. لمستها ي دياب والنبي اسكت 🤦
دياب : طب متحطش الموضوع دة ف دماغك عشان كدة غلط وكلم خطيبتك
مازن : ماشي
دياب وهو بيقوم : همشي انا عشان ورايا شغل لو في حاجة كلمني 🤙
مازن : اوك
( يمشي دياب ، يرن فون مازن )
مازن : ايه ي قلبي 😑
( مروة قاعدة مع شروق )
شروق وهي بتقوم : انا هطلع بقا عشان عاوزة انام
مروة : طيب ماشي اطلعي ريحي
شروق : ابقي قولي ل ماما لما تصحى اني طلعت
مروة : ماشي ي روحي
( تطلع شروق شقتها ، تمسك الفون )
شروق : الو
رنا : ايه ي بت عاملة ايه ؟
شروق : الحمدلله وانتي ؟
رنا : اهو عايشة مبروك ع الحمل عزة قالتلي
شروق : الله يبارك فيكي .. فاضية ؟
رنا : انا مع محمد بنتفسح 😌
شروق : امممم .. يعني متعرفيش تجيلي عاوزة اقعد معاكي حبة
رنا : لو خلصت بدري هعدي عليكي
شروق : طيب ماشي 😒
رنا : سلام
شروق : سلام
( تقفل شروق وتدخل اوضتها ، تقف قدام المراية ، تفتكر
الموقف ، تبتسم وتحط ايدها ع شفايفها )
شروق : هتقع هتقع 🙂
( يعدي الوقت ، مازن ف شغله مش عارف يركز نهائي ولا
يشتغل ، يسيب الورق ويرجع دماغه ل ورا ويغمض عيونه
ويتنهد 😑 عند مروان ف المركز ، يرن الفون بتاعه )
مروان : ايه ي مروة عاملة ايه ؟
مروة : كويسة ي حبيبي انت عامل ايه ؟
مروان : اهو بخير الحمدلله
مروة : كنت عوزاك تعدي عليا انهاردة قبل م تطلع البيت
مروان : في حاجة ولا ايه ؟!
مروة : لا عوزاك ف موضوع بس متنساش
مروان : طيب حاضر هعدي عليكي
مروة : تسلملي 😊
( يعدي الوقت ، عند شروق ، قاعدة مع رنا )
رنا : يلهوي بتهزري 😳
شروق : انا معرفش عملت كدة ازاي بس هو الي عنيه سحرتني يخربيته 🤦🏻♀
رنا : يخربيتك انتي دة اخوا جوزك جوززززك احيييه 😱
شروق : خلاص انا مش طرشة سمعتك وبعدين كان غصب عني قلت مكنتش قاصدة 🙄
رنا : انتي عينك م الولا دة صح ؟؟
شروق : انتى هبلة انتى لسة قايلة اخو جوزي 💁🏻
رنا : بقولك ايه ي شروق .. من غير لف ودوران كدة انتي عينك
منه وهتموتي عليه والا مكنتيش عملتي الي عملتيه دة
ومتخافيش سرك ف بير ف اتكلمي معايا بصراحة مش يمكن اقدر اساعدك 🤷
( تسكت شروق )
رنا : بالطريقة الي وقعت بيها محمد 😉
( تنتبهلها شروق )
شروق : ازاي ؟؟
رنا : الاول تقوليلي كلامي صح ولا لأ 💁🏻
شروق : م انتى عارفة كل حاجة خلاص 🙄
رنا : تقوليلي ب لسانك انتى لان الي هقولهولك دة سر انيل من دة بكتير
شروق ب استغراب : في ايه ي بت 😕
رنا : اخلصي بتحبيه صح ؟؟
شروق : ايوة قولي بقا وقعتي محمد ازاي ؟؟