قصة العمل الأسود
الحلقة الثامنة { ٨ } 🧿
رنا : ابن صاحب المطعم الي كنا شغالين فيه
شروق ب صدمة : نعم .. محمد 😳
رنا : اه محمد
شروق : يخربيتك وقعتيه ازاي دة ؟!!!!!!!!
رنا : عيب عليكي ليا طريقي 😉
شروق : لا بجد عملتيها ازاي ؟؟ دة ع قلبه فلوس ابوه اد كدة
وشايف نفسه ع الاخر بصلك انتي ازاي ؟؟؟!!!!!
رنا : حبني يعني عادي 🤷
شروق : بقولك ايه ي بت الحداد هاتي م الاخر مش عليا انا
الكلام دة دة الولا كان لو شافنا يبصلنا ب قرف كأننا كيسين زبالة 😏
رنا : وقعته 🙄
شروق : ازاي ؟؟!!!
رنا وهي بتقوم : لا كفاية عليكي كدة انا لازم امشي اتأخرت 🤳🏻
شروق : رايحة فين ؟؟
رنا : نازلين نتفسح 😌
شروق : امممم .. طيب .. لينا قاعدة تانية بقا
رنا : ان شاء الله .. ابقي سلميلي ع المز الاسمراني 😉
شروق : غوري بقا مش نقصاكي 😑
رنا : ههههييههي سلام 😂✋
( تمشي رنا وتسيب شروق نار جواها ، ازاي رنا الي اقل منها
جمال ومال هتتجوز محمد ابن صاحب اكتر من ٤ مطاعم ، لأ
وكمان شاب صغير وحلو وهي جوزها مروان الي عايش مع
العيانين اكتر منها ، العجوز بالنسبالها ، تفضل دماغها تودي
وتجيب ، عند مازن ، هو وماجدة ف القاعة بيتفرجوا
ومبسوطين وبيخططوا هيعملوا ايه مع الويدينج بلانر ، عند شروق ، يرن فونها )
شروق : ايه ي مروان 😒
مروان : ايه ي شوشو وحشتيني 💚
شروق ب قرف : وانت كمان 🙄
مروان : انا قدامي نص ساعة واكون عندك اجهزي هنتعشى برة
شروق : تمام اوك
( يستغرب مروان كان مفكرها هتفرح او تتفاجئ )
مروان : انتي كويسة ؟؟!!!
شروق : انا زي الفل ي قلبي 😊
مروان : اوك ي روحي .. باي
شروق : باااي
( يعدي الوقت ، مروان تحت بيت اهل شروق مستنيها ، تقرب
شروق تركب العربية ، يلاحظ لبسها )
مروان : ايه المسخرة الي انتي لبساها دي !!!!
شروق : مسخرة ايه عادي
مروان ب انفعال : عادي ايه دة زي الزفت انتي عايزة الناس
تقول عليا ايه .. اللبس دة ميتلبسش تاني فاهمة 😡
شروق ب خوف : طيب ي مروان براحة في ايه 😕
مروان : براحة ايه وزفت ايه بس 😑
( يسوق مروان ب عصبية )
شروق : روحني ي مروان مش رايحة ف حتة 😒
مروان : براحتك
( يروحوا البيت ، تاني يوم ، مازن ف البيت قاعد مع دياب )
مازن : م يخف عليك شوية ي بني انت لسة راجع !!
دياب : ي عم دة م صدق اصلاً 🤷🏻♂
مازن : مهو بردا معلمكش برة عشان ترجع تقعد جنبه 😂
دياب : هههههه لازم نتزل ي عم 😂
مازن : طبعاً ي معلم 😂
( تقرب مروة بالشاي )
مروة : ازيك ي دياب ؟
دياب : الحمدلله انتي عاملة ايه ؟
مروة : فل الحمدلله
( تحط الشاي وتمشي وعين دياب عليها ، يلاحظ مازن )
مازن : تاخد رقمها 🤔
دياب : اه لأ ايه ي عم متهزرش ف كدة 😬
مازن : ههههههه 😂
دياب : عيل غتت 🙄
مازن : قوم ياض روح شغلك انت ايه الي جابك عندي اصلاً 🤷🏻♂
دياب وهو بياخد الشاي : هشرب الشاي الاول 🥃
مازن : اطفح
( تعدي الايام ، يوم خطوبة مازن ، ف القاعة ، الفرح شغال
والناس كلها مبسوطة للعرسان الا شخص ، شروق ، قاعدة ع
الترابيزة ومفيش ع وشها غير نظرة الحقد والغل ع ماجدة )
ماجدة : انا مش مصدقة انك كنت لسة فاكر شكل الخاتم الي
قلتلك لما نتخطب هلبسه من واحنا ف المدرسة 😍
مازن : طبعاً فاكر انا مبنساش اي حاجة تقوليها مهما كانت 💜
ماجدة ب عشق : ي قلبي انت انا بحبك اوي ي مازن 😟♥️
مازن وهو بيبوس ايدها : انا اكتر ي روحي 💚
( تتنهد شروق وتضير وشها ، تقوم تقف )
مروة : رايحة فين ؟
شروق : هدخل الحمام
مروة : طب متغيبيش عشان هنتصور معاهم
شروق : ماشي 🙄
( تدخل شروق التواليت ، تقف قدام المراية تظبط الميكب بتاعها ، بنات واقفين )
........ : بجد الاتنين زي القمر لايقين ع بعض اوي 😍
........ : بس ماجدة قصيرة اوي عليه هههههه 😂
الكل : هههههه 😂
....... : بس حلو دة تحسي كدة انها بنته في احتواء ف علاقتهم تحفة بجد 👌♥️
....... : عقبالنا يارب ب واحد زي مازن كدة 😍
....... : قمر انهاردة 💚
....... : دة قمر ف كل وقت 😂💜
....... : هههههه بس ل تلاقوا ماجدة ف قفاكم 😂💔
....... : هههههه 😂
( تتنهد شروق وتخرج م التواليت ، تلاقيهم طلعوا يتصوروا مع
العرسان ، تروح تقعد ، يقرب عليها مروان )
مروان : كنتي فين ؟
شروق : ف الحمام
مروان : طب تعالي نتصور معاهم
شروق : اوك 🙄
( تروح معاه يتصوروا مع العرسان ، وفجأة تشتغل اغنية *انزل
ي جميل ف الساحة* ل عيد ميلاد ماجدة بس ع ريمكس
مهرجانات وتدخل تورتة كبيرة مربعة عليها صورة ماجدة ،
تتفاجئ ماجدة وتفرح لانهم اتفقوا يعملوا الخطوبة يوم عيد
ميلادها لكن متفقوش هيعملوا عيد ميلاد ، يبوس ايدها مازن )
مازن : كل سنة وانتي معايا 💜
ماجدة ب فرحة : وانت معايا ي بيبي 😍💚
( يرقص الكل ويروحوا مع ماجدة يطفوا الشمع ، يدخل
صندوق كبير يقرب ياخدوا مازن ويديه ل ماجدة ، تحطه ف
الارض وتفتحه ، تلاقي كلب هاسكي صغير 🐕🦺 )
ماجدة ب فرحة : الله كلب 🥺♥️♥️♥️
( تشيله وتفرح بيه هي والكل وصحابها يلعبوا معاه وشروق
واقفة متفاجأة ب كل الي حصل ف اقل من 10 دقايق ، بعد
شوية ، مازن وماجدة بيرقصوا slow وبينهم حالة عشق
بيحدسهم الكل عليها ، تبصلهم شروق وبعدين تبص ل مروان
ب غيظ ، تقلب الاغاني رقص والكل يطلع يرقص مع العرسان ،
تقوم شروق ترقص مع مازن وماجدة وطبعاً متتوصاش حتى
ماجدة تلاحظ اسلوبها ف لفت نظر مازن ف تضايق ومن وقتها
وهي منزلتش من ع الاستيدچ لحد م الفرح خلص ، يعدي
الوقت ، تدخل شروق البيت تغير هدومها هي ومروان )
شروق : هو احنا ليه معملناش خطوبة ؟؟
مروان ب استغراب : خطوبة !!!!
شروق : ايوة خطوبة زي الي كنا فيها دي 💁🏻
مروان : عادي يعني كل حاجة جت بسرعة 🤷🏻♂
شروق : اممممم .. كان لازم نعمل كان يوم حلو احنا استعجلنا اوي 😐
مروان : نعوضها ف سبوع ابننا ان شاء الله
شروق : ان شاء الله 😒
مروان : كانوا زي القمر انهاردة ربنا يتمملهم ع خير
شروق : اخوك كان حلو اما العروسة وحشة
مروان : حرام عليكي ماجدة وحشة !!!!
شروق : ايوة نفخالي فوق وتحت وف النص عاملة زي خلة السنان 🙄
مروان : ههههههه لا ماجدة مش بتاعة الكلام دة 😆
شروق : دي شبه باربي عاوز تقنعني انها طبيعية كدة 🤷
مروان ب ضحك : وانا مالي انا معرفش مازن ادرى 😄
شروق ب غيظ : اممممم 😐
مروان : بس انتي كنت زي القمر انهاردة 💜
شروق : وانت كمان .. هو انت مفكرتش قبل كدة تزرع شعر ؟
مروان ب استغراب : ازرع !!!!!
شروق : اه تزرع 🤷
مروان : لا مفكرتش 😕
شروق : طب م تعمل كدة او احلق خالص زي مازن
مروان : الموضوع مش مستاهل يعني ولا مبقاش شكلي عاجبك ؟!
شروق : لا طبعاً مش قصدي انا بقترح عليك عادي 😐
مروان : امممم 😒
( تعدي الايام ، ف بيت اهل مروان ، شروق ومازن واخواتهم
قاعدين سوا الا مروان لسة مجاش ، يخبط الباب )
ميار وهي بتقرب ع الباب : دي اكيد ماجدة
( تفتح الباب )
ماجدة : حياتيييي 💜
ميار : روحي عاملة ايه ؟
ماجدة : فل الحمدلله
( تدخل ماجدة تسلم ع الباقي ، تقرب ع مازن )
ماجدة وهي بتمدله ايدها : عامل ايه 👋
مازن ب صوت واطي وهو بيمسك ايدها : زفت 😐👋
ماجدة : ليه كدة !!
( ياخدها ع جنب ، تستغرب )
مازن : مش قلت بلاش البنطلون دة ؟
ماجدة : لا انت قلت ع الابيض
مازن : ودة كمان ☝️
ماجدة : نسيت والله فكرت الابيض بس 😬
( يبصلها ب غيظ ، شروق مرقباهم وسامعة معظم الكلام )