قصة : { العمل الأسود 🔞 } 🕯📿
الحلقة التاسعة عشر { ١٩ } 🧿
مازن ب توتر : لا لا انا مقلتش عمل مقلتش عمل ✋
( يسكت دياب باصصله )
مازن : انت بتبصلي كدة ليه ؟!!!
دياب وهو بيقوم : اااا .. انت عندك صداع ؟؟
مازن : دايماً 😟
دياب : واية تاني ؟
مازن : معدتي وجعاني مروان هيعملي تحليل
دياب : طب تمام هبقا اتابع انا مع مروان
مازن : ماشي 😔
دياب : حاول تسيطر ع نفسك من موضوع شروق دة
مازن : حاولت كتير مقدرتش 😟
دياب : حاول تاني عشان خاطري 😐
( يشاورله ب اه ، يقوم دياب )
مازن : انت رايح فين متمشيش
دياب : هرجعلك تاني بس هخلص كام حاجة كدة الأول
مازن : ماشي
( يطلع دياب م الاوضة )
دياب وهو بيقرب ع مروة : مروة عاوز اتكلم معاكي لوحدك معلش بعد اذنك ي طنط
الام : ع راحتك ي بني 🤷
مروة ب استغراب : حاضر 😕
( تدخل مروة البلكونة ودياب وراها )
مروة : شفت مازن ؟
دياب : شفته .. انا عاوز اقولك حاجة بس وحيات مازن عندك وتجبيلي مصحف تحلفي عليه دلوقتي ان كلامي دة ميطلعش ل اي حد وبالذات مروان اخوكي ☝️
مروة : في ايه ي دياب هو مازن قالك حاجة ع مروان ؟!!!
دياب : لا مش ع مروان بس ...........
مروان : ايه ؟؟
( يسكت دياب مش عارف يبدأ منين وخايف كمان ل مروة تتهور ب اي تصرف )
مروة : م تقولي في ايه قلقتني 🤷
دياب : طب بصي انا هعمل شوية حاجات كدة وبعدين اكلمك ماشي
مروة : م تقولي في ايه طيب ؟؟
دياب وهو بيديها الفون بتاعه : اديني رقمك بس وانا هكلمك 🤳🏻
مروة : طيب حاضر
( تحط رقمها وتديله الفون )
دياب : همشي دلوقتي وهبقا اكلمك 😐
مروة : اوك
دياب : صحيح هي شروق مرات اخوكي اهلها ساكنين ف ***** صح ؟؟
مروة ب استغراب : اه ليه ؟!!!
دياب : اصل سمعت ان بباها ليه محل عند البيت بيصلح موبيلات وكدة ف كان ليا واحد صاحبي عاوز يصلح الفون بتاعه ف قلت هو اولى يعني 🤷🏻♂
مروة : اممممم
( متقتنعش مروة لان ظروف دياب المادية كويسة واكيد صحابه كدة ف مش هيروحوا منطقة زي دي عشان يصلحوا فيها موبايل ولا كمان وقت حاجة زي كدة .. !!!!! )
دياب : ف قوليلي العنوان واسم بباها ايه عشان أسال ع محله
مروة : هبعتهولك ع الواتس
دياب : ياريت قريب
مروة : هبعته حالاً 😕
دياب : اوك
( تبعتهوله )
دياب : همشي وهبقا اكلمك اوك 🤙
مروة : اوك
( تاني يوم ، ف شركة ابو ماجدة ، قاعد بباها ف مكتبه ، يخبط باب المكتب )
الاب : ادخل
( تدخل ماجدة )
ماجدة : هااااي 😊
الاب : هااي ي قلبي تعالي ايه النور دة 😃
( تقرب تسلم عليه وبعدين تقعد ويلف يقعد قصادها )
ماجدة : عامل ايه ؟
الاب : الحمدلله .. اخيراً خرجتي 🤷🏻♂
ماجدة : اهو 🤷
الاب : المهم انتي عاملة ايه ؟
ماجدة : انا فل 🙏🏻
الاب : لسة مفيش اخبار عن مازن ؟
ماجدة : تعبان .. كل الي اعرفه انه تعبان 💔
الاب : مش المفروض تبقي معاه ف وقت زي دة !!
ماجدة : حاولت بس هو مش عاوزني .. مش عاوزني معاه 😒💔
الاب : انا مش عارف بس ايه الي جرالكم 🤷🏻♂
ماجدة : انا نفسي مش عارفة 😅
الاب : بتعرفي اخباره من اخته ؟
ماجدة : اه من مروة
الاب : طب وبعدين طيب م انتي لازم تخلي حياتك تمشي انتي كدة هتضيعي مني ولا بتاكلي ولا بتشربي ولا حتى بتخرجي من اوضتك !!!!
ماجدة : هبقا تمام متقلقش 😊💔
الاب : مش واضح
ماجدة : بص .. هي حياتك بتبقا عادية جداً .. وفجأة ييجي حد يشقلبهالك ويعيشك احلى ايامك وتتعود عليه سنين لدرجة ان فراقه معناه انه مات لان مينفعش تتفارقوا .. وفجأة بردوا يسيبك حتى من غير سبب من غير عتاب من غير كلام من غير اي حاجة تنبهك انت بس قمت صحيت اكتشفت انه بعد وسابك .. دة مش بسيط انه يعدي بالساهل 😅💔
الاب ب حزن : عارف ي قلبي 😟
ماجدة : بس هبقا تمام 🙂💔
الاب وهو بيمسك ايدها : ان شاء الله هتبقي تمام 💜
( ف بيت مازن ، مروة قاعدة ف الانتريه مع مروان ومامتها )
مروان : التحاليل مفيهاش اي حاجة 🤷🏻♂
الام : الله اومال ماله بس !!!!
مروان : لازم يروح ل دكتور نفساني هو سايب نفسه ينهار كدة
مروة : مظنش مازن هيرضى
مروان : اهو نقولوله ونجرب
( يرن فون مروة ، تاخده وتدخل البلكونة )
مروة : الو
دياب : مروة عاملة ايه ؟
مروة : دياب ازيك ؟
دياب : فل الحمدلله .. بقولك كنت عاوز اقابلك ضروري
مروة ب استغراب : في حاجة 😕
دياب : عاوز اشوفك الموضوع يخص مازن
مروة : طيب حاضر ماشي
دياب : هعدي عليكي اخدك
مروة : خلاص ماشي باي
( تقفل مروة ، يعدي الوقت ويوصل دياب ياخد مروة من قدام العمارة ويمشوا )
مروة : قولي في ايه ي دياب قلقتني !!!!
( يعدي الوقت ودياب حكالها كل حاجة حكهاله مازن قبل كدة ع شروق والي قاله مازن من شوية )
مروة : انت بتهزر .. مازن وشروق .. ازاي 😦
دياب : الي بيحصل دة كلوا غصب عنه
مروة ب انفعال : غصب عنه ايه دة هي فضلت وراه لحد م وقعته مش غصب عنه 😧
( يفرمل دياب )
دياب : لا مهو بصي انتى اه اخت مازن بس انا اعرفوا من واحنا ف حضانة مع بعض ف انا بقا ادرى ب صاحبي ف دي .. مازن لا حب ولا هيحب حد غير ماجدة والي بيحصل دة ليه سبب ومتأكد ان الست دي عملاله حاجة لان الي بيخون ي مروة مبيحسش بالزنب ☝️
( تنزل دموعها )
مروة : بس دة كتير اوي 😥
دياب : عارف ولازم نتصرف .. انا مرضتش اقول ل مروان لانه مش هيصدقني والموضوع هيكبر ومش هنقدر ساعتها نتصرف ف هتعرفي تثبتي معايا كدة وتهدي لحد م نعرف بالظبط في ايه ولا ارجعك زي م جبتك ؟؟
مروة وهي بتبص حواليها : انت جبتنا فين صحيح ؟!!!!
دياب : دي منطقة شروق .. انزلي
( ينزلوا يتمشوا ، دياب يوقف واحد )
دياب : لو سمحت
....... : أأمر ؟
دياب : هو في واحد هنا اسمه مرزوق عبدالله ؟
....... : ايوة ابو شروق بتاع الموبايلات
دياب : ايوة هو دة 😃
........ : شايف الشارع الي هناك دة اول م تدخله هتلاقي بيتهم
دياب : طب انا كنت عاوز يعني اقعد مع حد يعرفهم اصل انا كنت متقدم ل اختها وعاوز اسأل عنهم
....... : ااااه قلتلي .. لا ي باشا يبقا الي هيفيدك الولا حمو كاچو دة يعرف عنهم كل حاجة
دياب : حلو اوي الاقيه فين دة ؟؟
....... : نفس الشارع الي وصفتهولك هتلاقيه ع القهوة
دياب وهو بيدي فلوس للراجل : شكراً ي شبح 👋
....... : حبيبي تؤمر 👋💵
( يمشي دياب ومروة يدخلوا الشارع ويسألوا ف القهوة ع حمو كاچو )
القهوجي : اهو ي باشا الي قاعدة دة 👈
( يقربوا ع شاب بيشيش )
دياب : انت حمو كاچو ؟؟
( يتخض الشاب ويرمي الشيشة من ايده ويقف )
حمو : وربنا ي باشا عليا مراقبة وماشي ف السليم وبروح امضي 😧✋
دياب : ي عم اهدى انا مش ظابط
حمو : اومال اي الدخلة دي ي باشا 🙄
دياب : حقك عليا
حمو : مين حضرتك ؟!!
( يشوف مروة )
حمو ب اعجاب : والهانم ؟؟
دياب وهو بيديله فلوس : انا عاوزك ف كلمتين بس وماشي
حمو : بس كدة كرسيين للبشوات يااااض
( يجري القهوجي يجر كرسيين ويحطهملهم يقعدوا )
حمو : خير أأمرني ؟؟
دياب : انا جاي أسألك ع مرزوق عبدالله
حمو : ابو شروق ؟
دياب : اه ابو شروق
حمو : تسأل عليه ازاي ولامؤخذة 🤔
دياب : متقدم ل بنته ف جيت أسأل
حمو : ل عزة ؟