قصة : { العمل الأسود .. 🔞 } 🕯📿
الحلقة السابعة { ٧ } 🧿
بقلم سهيله سعيد
( تقوم شروق تطلع برة )
شروق وهي بتبص ل مازن : هعملك شاي
مازن وهو بيقوم : لا لأ مفيش داعي انا نازل ✋
شروق : انت مش عاوز تشرب حاجة ف بيتنا ولا ايه لتكون قرفان 😒
مازن : لأ طبعاً انتي بتقولي ايه مش قرفان !!!!
شروق : ع العموم ميغركش المنظر المكركب دة احنا نضاف اوي يعني
مازن : ي بنتي وربنا مش قرفان 🤦
شروق : يبقا تقعد لما اعملك شاي ☝️
مازن : حاضر
( يرن فون مازن )
مازن : الو
شروق : ادخل البلكونة عشان الشبكة
مازن : اوك
( يدخل مازن البلكونة وتدخل شروق المطبخ تعمل الشاي )
مازن : ايه ي قلبي عاملة ايه ؟
ماجدة : فل الحمدلله .. هننزل امتى انا تقريباً جهزت
مازن : اديني ساعة بس
( ماجدة سامعة صوت دوشة واطفال وكركبة م الشارع )
ماجدة : هو انت مش ف البيت ؟!!!
مازن : لا انا عند اهل مرات مروان
ماجدة ب استغراب : بتعمل ايه هناك 😕
مازن : كنت بوصل شروق عشان مروان عنده شغل
ماجدة ب غيظ : والله ويعني انت الي معندكش اشغال وفاضي !!!!!
مازن : لما اتصل بيا اتحرجت ف قلتله ماشي
ماجدة : يعني انت هناك دلوقتي ي مازن 😐
مازن : اه بس نازل والله
ماجدة ب انفعال : وايه الي يطلعك اصلاً انت مش وصلتها تطلع ليه ؟؟؟
مازن : ي قلبي ممكن تهدي طيب 🤦
( تسمعه شروق تعرف انه بيكلم ماجدة ، تتصنت )
ماجدة : انت تعمل الحاجة الي تعصب وتقولي اهدى !!!!
مازن : طيب خلاص لما اجيلك نتكلم
ماجدة : لا متجيش ي مازن متجيش خليك قاعد عندهم واولع انا 🤷
مازن : طيب اهدى طيب 🙄
( تعرف انهم بيتخانقوا )
شروق ب صوت عالي م المطبخ : مازن شايك ايه 😏
( يتوتر مازن وتسمعها ماجدة )
مازن : ااا ثواني ي شروق .. ماجدة هكلمك اما انزل اوك
( تقفل ف وشه ، يغمض عينه ب تنهيدة ويقفل الفون ، تقرب عليه شروق )
مازن : شايك ايه ؟
مازن : تقيل ي شروق 😐
شروق : اوك
( ترجع شروق المطبخ ويفضل مازن واقف ف البلكونة ، تقرب شروق بالشاي )
شروق : اتفضل 🥃
مازن وهو بياخد الكباية : شكراً
شروق : انت كويس ؟
مازن : اه
شروق : حساك في حاجة .. حصل حاجة ؟
مازن : لا لأ مفيش
( يشرب الشاي )
شروق : محتاج سكر ؟
مازن : لا مظبوط تسلم ايدك
شروق : بالهنا 🙂❤
( يسند ع سور البلكونة )
شروق : طبعاً مش بتشوف المنظر دة كل يوم 😄
مازن ب ابتسامة : لا خالص 😅
( يكمل الشاي ، تقرب عزة )
عزة : سلامو عليكو
الكل : عليكم السلام
عزة : ازيك ي باشمهندس 😌👋
مازن : ازيك عاملة ايه 😊👋
عزة : الحمدلله .. دة انا كنت جاية اعملك شاي شروق قامت بالواجب بقا 🤷
مازن : اه الله يخليكي 😄
عزة : سمعت انك هتخطب مبروك
مازن : الله يبارك فيكي تسلمي
شروق ف سرها : الله يحرقك ي غبية 🤦🏻♀
( يكمل مازن الشاي )
مازن وهو بيدي الكباية ل شروق : انا كدة تمام اوي لازم انزل
شروق : طيب مش هعطلك اكتر من كدة بقا 🤷
مازن : اه .. سلام 👋
( يسلم عليهم وينزل ، يشوفوه م البلكونة )
عزة : هو معندوش عربية ؟!!!
شروق : لا عنده يختي بس معرفناش ندخل بيها عشان كبيرة
عزة : اممممم 🤔
شروق : انتي ي بت غبية ؟
عزة ب استغراب : ليه ؟!!!
شروق : ايه الي خلاكي تقوليلوا مبروك ع الخطوبة كدة هيفكر
اني بجيب ف سيرته وبفتح ف مواضيع تخصه
عزة : يختي انتي كمان هو هياخد باله 🙄
( تسكت شروق ب غيظ ، يوصل مازن عند عربيته ، يركبها
ويمشي ، يوصل قدام ڤيلا ماجدة ، يمسك الفون )
مازن : انا برة اطلعي
ماجدة : اوك 😒
( يقفل ، بعد ٥ دقايق تطلع ماجدة تركب معاه ويمشوا ، طول
الطريق ساكتين ، تلاحظ ماجدة ان مازن متضايق )
ماجدة : المفروض مين فينا الي يعاقب التاني بالسكوت ؟؟
مازن : انا مبعاقبش حد
ماجدة : يعني انا مش من حقي ازعل 💁🏻
مازن : لا من حقك تزعلي بس الي مش من حقك انك تعلي
صوتك عليا وتزعقيلي كأني عيل صغير وتقفلي السكة ف وشي كمان !!!!
ماجدة : م انت الي استفزتني 🤷
( يفرمل مرة واحدة يخضها )
مازن ب انفعال : استفزيتك ف ايه اخويا ومشغول وقالي
اوصل مراته عند اهلها وعزمت عليا ب كباية شاي ومرضتش
اصر ع الرفض لتفكر قرفان منهم ولا متكبر عليهم عشان بيتهم بسيط .. ايه الاستفزاز ف كدة ؟؟؟؟
( تسكت ماجدة )
مازن ب زعيق : م تردي 😠
( يخضها )
ماجدة ب خوف : معرفش 😐
مازن : لا الي تعرفيه كويس انك تعلي صوتك عليا وتقفلي ف وشي .. تمام اوي ي ماجدة 😒
( يكمل سواقة ب عصبية ، ف بيت شروق قاعدة مع عزة )
عزة : صحيح البت رنا كانت عاوزة تقعد معاكي قالتلي لما تيجي هنا ابقي اتصلي بيها
شروق : هتصل بيها وحشاني
عزة : بس ايه اللبس دة هو مروان سامحلك تخرجي كدة ؟!!!!
شروق : مشافنيش بس اظن عادي يعني 🤷
عزة : بس اوڤر اوي يعني
شروق : وانتي مالك خليكي ف حالك 🙄
عزة : انا غلطانة 😑
شروق : اومال فين امك ؟
عزة : ف السوق وابوكي ف المحل
شروق : طيب
( يركن مازن قدام قاعة افراح )
مازن : يلا 😒
ماجدة : ممكن تروحني ؟
( يبصلها يلاقيها بتعيط )
مازن : بتعيطي ليه دلوقتي 😕
ماجدة : روحني بليز 😔
مازن ب تنهيدة : استغفر الله العظيم يارب 😑
ماجدة : روحني ي مازن
مازن وهو بيمسح دموعها : ممكن تهدي طيب
( يذيد عياطها )
مازن : ليه دة كلوا انا اسف خلاص
ماجدة ب عياط : مفيش حاجة بس عاوزة اروح لو سمحت 😣
مازن وهو بيرفع وشها : عشان خاطري خلاص انا اسف اني انفعلت عليكي 😟
( يمسح دموعها )
مازن وهو بيبوس دماغها : حقك عليا
ماجدة : مفيش حاجة 😥
مازن : لأ لسة زعلانة
ماجدة : انا من حقي اغير عليك .. متحرمنيش من دة
مازن : بس دي مرات اخويا ي قلبي يعني زي اختي مش ست غريبة !!!
ماجدة : اديك قلت ست .. مهما كانت ست وانا كمان ست ولما
تكونوا سوا لوحديكم لازم هغير وهتضايق وانا لسة معرفهاش 🤷
مازن : طيب ي بيبي انا غلطان اوعدك بعد كدة هبقا اتحجج ب اي حجة وموصلش حد تاني ✋
ماجدة : لأ انا مش عوزاك تبقا وحش ف نظر حد او مش جدع
بس ع الاقل تلتزم بالي المفروض تعمله 🤷
مازن ب عدم فهم : يعني ايه 🤨
ماجدة : يعني مثلاً طلبت توصلها تقوم توصلها وبس ولا تطلع عند حد ولا غيره 🙅🏻
مازن وهو بيحط ايده ع خدها : تمام حاضر المهم متكونيش
زعلانة اوك .. احنا داخلين ع خطوبة واحلى ايام مش عاوزين حاجة تبوظ دة ماشي ي قلبي ؟
ماجدة ب ابتسامة : ماشي 🙂♥️
مازن وهو بيبوس خدها جامد : ايوة كدة اضحك ي قمر 😗💚
ماجدة ب كسوف : خلاااااص 😅💜
( عند شروق عند مامتها ، قاعدة مع رنا )
رنا : لا يختي اتكلمي عن نفسك ف الاستعجال انا وقعت واقفة 😌
شروق : ارتبطتي ولا ايه ؟؟
رنا : اتخطبت قصدك ✋
( توريها الدبلة ف ايدها )
شروق ب اندهاش : ي واطياااا ومتعزمنيش 😮
رنا : والله كل حاجة جت بصي صاروخ كدة وكانت خطوبة
عائلية عشان مستعجل ع الجواز 😎
شروق : ومين سعيد الحظ دة ؟