قصة : { العمل الأسود 🔞 } 🕯📿
الحلقة الخامسة { ٥ } 🧿
بقلم سهيله سعيد
عزة : قولي الحمدلله غيرك ولا لاقيين مال ولا جمال ع الاقل
لحقتي حاجة فيهم .. وبعدين يختي م انا قدامك اهو متلقحة 🤷
شروق : انتي الي فقرية انا والنعمة لو مكنتش متنيلة متجوزة
وواحد زي مازن دة قصادي كنت وقعت امه ف حبي وخليته
خاتم ف صوباعي كمان 🙂
عزة : بس انتي بتقولي رايح يتقدم ل واحدة !!
شروق : انا بتكلم عمتاً مش ع مازن بالتحديد وبعدين دة فكك منه مظنش انتي تنفعي ع سكته
عزة : ومنفعش ليه يختي وحشة 😏
شروق : لا عشان انا حطيته ف دماغي
عزة ب خضة : انتي هبلة ولا ايه انتي متجوزة 😮
شروق : هتطلق
عزة : ي بنت المجنونة بتقولي ايه 😳
شروق : ايه في ايه ؟
عزة : انتي بتهزري صح ؟؟؟؟
شروق ب توتر : اه طبعاً انتي هبلة ولا ايه 🙄
عزة ب ارتياح : خضتيني يخربيتك 😑
( يعدي الوقت ، جوة ڤيلا صغيرة شيك جداً ، قاعد مازن واهله مع ماجدة واهلها بيتكلموا )
ام ماجدة : مشاء الله كبرت ي مازن 😃
مازن : اخر مرة شفت حضرتك فيها كنت ف امتحانات ٣ ثانوي 😄
ام مازن : الولاد بيكبروا بسرعة عن البنات
مازن : اه زي الكلاب كدة 😂
الكل : هههههههه 😂
( يغمز ل ماجدة من غير م حد ياخد باله ، تبتسم ب كسوف 🤭💛 )
ابو ماجدة : يلا اهو هنخلص منكم ومن زنكم 🤷🏻♂
مازن : خلصنا دراسة اهو ملكوش حجة 😊
مروان : نحدد الخطوبة بقا
ماجدة : كنت انا ومازن متفقين انها تبقا يوم عيد ميلادي لانه قرب وكدة 😅
مروة : ايوة بقا متفقين ومخططين كل حاجة طب قولي دة انا حتى اختك 😉
مازن : وانتي مالك ي رخمة ولا اعرفك 😂👊🏻
الكل : ههههههه 😄
مروة : لا ريلي اصيل 😂💔
( يعدي الوقت ، عند شروق وعزة )
عزة : وانتي مرحتيش معاهم ليه انتي مش مرات اخوه الوحيد !!
شروق : مقاليش تعالي معايا ومجاش ف بالي اروح تصدقي 😕
عزة : لا كان المفروض تروحي عشان كمان العروسة الجديدة تعرف انك ليكي وضع وانك مهمة ف كل حاجة
شروق : خلاص مش مهم يعني 🙄
( يلاقوا الباب بيتفتح بالمفتاح ويدخل مروان )
شروق ب انفعال : مش ترن الجرس ي مروان افرض عزة قاعدة براحتها 🤷
مروان ب احراج : معلش والله مختش بالي معرفش انها لسة هنا 😬
عزة ب ارتباك : حصل خير براحته يعني دة بيته 😅
مروان : لامؤخذة ي عزة ✋
عزة : لا يخويا ولا يهمك
مروان : عن اذنك
عزة : اتفضل اتفضل
( يدخل مروان اوضته )
عزة : هبيتي ف الراجل كدة ليه يخربيتك ي شيخة 😐
شروق : ولا هبيت ولا نيلة مش في حريم قاعدة الله 😑
عزة : وهو ايش عرفوا يعني .. انا قايمة مروحة
شروق : رايحة فين باتي معايا
عزة : ابات ايه انتى اتهبلتى انتوا عرسان !!!!
شروق ب تريقة : عرسان ايه بقا العرسان اخو الاستاذ والحلوة الجديدة احنا قدمنا خلاص 😏
عزة وهي قايمة : والله دي بقا بالذات ف ايدك .. يلا سلام ✋
شروق : سلام 🙄✋
( تمشي عزة ، تدخل شروق ل مروان ، تلاقيه بيغير هدومه )
شروق : مروان
مروان : اممم ؟
شروق : معلش متزعلش مني انا بس خفت عزة تكون اتحرجت منك
مروان : لا مفيش حاجة انا بس فكرتك لوحدك
شروق : حصل خير .. عملتوا ايه مع اهل العروسة ؟؟؟
( يحكيلها )
شروق : امممم .. يعني الخطوبة الاسبوع الجاي ؟
مروان : اه .. والنبي حضريلي العشا بسرعة عشان هصحى الصبح بدري وهموت وانام
شروق : ماشي 😒
( تدخل شروق المطبخ تحضر ف الاكل وكل تفكيرها ف
عروسة مازن ، شكلها ، اسلوبها معاه ، علاقتهم عاملة ازاي ،
مازن تحت ف اوضته بيتكلم ف الفون )
مازن : جبته بس قلتلك عاملهولك مفاجأة متبقيش رخمة بقا 🙄
ماجدة : وحياتي ي مازن هموت واشوفه 🙏🏻
مازن : عشان خاطري خليها يوم الخطوبة
ماجدة : بتحلفني ليه بس 🤦🏻♀
مازن : اقنعتك 😁
ماجدة ب ضحك : لأ 😂
مازن : ههههه مفيش فايدة 😂💔
ماجدة : انا مش مصدقة اننا هنبقا سوا اخيراً 😍
مازن : ي قلبي احنا سوا من ٥ سنين فاتوا
ماجدة : فاكر كنت انت ف ٣ ثانوي وانا لسة داخلة اولى
مازن : فاكر طبعاً .. كنتي عاملة زي القطة البيتي الي صحابها رموها ف الشارع 🚕🐈
ماجدة : ههههههه عليك تشبيهات رائعة 😂💔
مازن : هههههه حياتي 😂💔
ماجدة : عاوزة اشوف مرات اخوك اوى ياترى مين عرفت توقعوا دة بعد كل السنين دي 🤔
مازن : اه والله بس هي كويسة يعني الحمدلله
ماجدة : حلوة ؟؟؟؟
( يبتسم مازن ب خباثة )
مازن : مزة 🤭
( تتصدم ماجدة )
ماجدة : مين دي الي مزة 😐
مازن : الي انتي بتسألي عنها 😌
ماجدة : انت بتهزر مش كدة ؟!!!
مازن وهو ماسك ضحكته بالعافية : ليه ي بنتي مبهزرش انتي
بتسأليني وانا بجاوب دي مكنة كدة 🤷🏻♂
ماجدة ب انفعال : وهي دي اجابة يعني ايه الي بتقوله دة 😠
مازن : طب اقولك ايه طيب .. حلوة اه 😊
( تقفل ف وشه ، ينفجر مازن م الضحك )
مازن : ههههخخخعهععخخههه 😂🤦
( يهدى وبعدين يتصل بيها )
ماجدة : عاوز ايه ؟؟
مازن : قفلتي ليه 🤔
ماجدة ب انفعال : عشان انت بتقول كلام ينرفز وانا هنفجر
فيك ف اقفل احسن 😡
مازن ب ضحك : ي بنتي بهزر اقسم بالله بهزر عارف انك
هتتعصبي وبحب اعصبك 😂💜
ماجدة : حرام عليك انت بوظت مودي ي مازن 🤦🏻♀💔
مازن : وربنا بهزر هو في احلى منك ي قمر ي كايدهم ي فارسهم ي بطل انت 😉
ماجدة : هههههه كفاية جو السرسجية والمتحرشين دة 😂💔
مازن : ههههههه 😂
( تعدي الأيام ، ف المطعم الي كانت شغالة فيه شروق ، واقفة
رنا ع الكاشير ، يقرب عليها شاب )
محمد : لميلي كل الفلوس الي ف الكاشير حالاً عشان هعمل جرد
( ملحوظة .. محمد ابن صاحب المطعم )
رنا : طب قول سلاموا عليكم الاول 🤷
محمد ب جدية : انتي هتصاحبيني ولا ايه خلصي
رنا : حاضر اسفة 😐
( يسيبها ويمشي ، عند مازن ، ف اوضته بيتكلم ف الفون )
مازن : ماشي ي قلبي اجهزي
ماجدة : قدامك اد ايه ؟
مازن : ساعة بالكتير
ماجدة : اشطاا هلبس
مازن : اوك باي
( ف بيت شروق )
شروق : انت رايح فين ؟؟
مروان : عندي عملية ف المركز كمان ساعتين
شروق : انا مش قيلالك من امبارح اني عاوزة اروح عند ماما 💁🏻
مروان : ايوووووه نسيت والله 🤦
شروق : ايوة م انا ف اخر حساباتك اهم حاجة الشغل عندك وبس 🙅🏻
مروان : والله نسيت اعذريني 😬
شروق : ماشي ي مروان انا هروح لوحدي
مروان : لا طبعاً مش هتروحي لوحدك خليها بكرة واوصلك
شروق : بكرة ايه انا قلت ل ماما اني جيالها انهاردة وجهزت
نفسي ع كدة مينفعش 😕
مروان : ولا ينفع اخليكي تروحي لوحدك اتصلي بيها اعتذريلها
وخلاص ي شروق 🤷🏻♂
شروق ب انفعال : اعتذر ل مين هي عيانة من عيانينك
هعتذرلها .. يعني انت مش كفاية نسيتني ونسيت كلامي معاك
لأ وكمان عاوزني اقعد ومرحش اشوف اهلي وياريتك قاعد
معايا الا تيجي نص الليل تقولي تعبان وعاوز انام واقعد انا
وشي ف وش الحيطان لوحدي وانا لسة عروسة 🤷
مروان : يعني انتي عاوزة ايه دلوقتي 😐
شروق : عاوزة اروح عند اهلي عاوزة افك عن نفسي بقا زهقت 😟
مروان : ماشي البسي ي شروق وانا هتصرف
شروق : هتتصرف ازاي ؟؟
مروان : ملكيش دعوة بقا البسي قلتلك
شروق : ماشي 😒