رواية { قلبى سامح قسوتك } 🥀
الحلقة الاولى { ١ } 🔥
بقلم سهيله سعيد
( بنتين قاعدين ف كفتريا جوة كلية ، واحدة بتتكلم ف الفون )
زينة : الو
طارق : ايه يا قلبي
*( نوقف لحظة .. زينة بنت جميلة ، شعرها اسود ، بشرتها
بيضة ، عيونها عسلي ، طولها متوسط وجسمها متوسط ، من
عيلة غنية ، عندها 22 سنة ، ف اخر سنة ف الكلية ، ليها اخ
اكبر منها متجوز عنده 25 سنة ومخلف ولد عنده 6 شهور
وليها اخت صغيرة عندها 15 سنة ، اهلها اغنية ومدلعينها جداً
.... طارق شاب وسيم ، بشرته خمرية ، عيونه بني ، شعره
خفيف شبه اصلع ، طوله متوسط وجسمه رياضي ، من عيلة كويسة ، عنده ٢٣ سنة .. نرجع تاني )*
زينة : حبيبي وحشتني اوى ♥️
طارق : وانتى كمان 💚 وصلتى الكلية ؟
زينة : اه من شوية
طارق : حضرتى محضراتك ولا لسة ؟
زينة : لا قاعدة مع رويدا مبدئناش لسة
طارق : اوك خلي بالك من نفسك وقبل م تطلعي م الكلية كلمينى عشان اجى اخدك
زينة : ماشي يا حبي .. باي
( تقفل زينة )
رويدا : بتكلمي مين ب شوق كدة ؟!
زينة : دة طارق
رويدا : طارق مين 🤔
زينة : شاب اتعرفت عليه ع الفيس من فترة وكدة
رويدا : طب ورامي ؟
زينة : لا كنسلته 😒
رويدا : بسهولة كدة !!!!
زينة : مكنتش بحبه اصلاً وكان بيتحكم فيا ب طريقة فظيعة رايحة فين جاية منين قاعدة مع مين 🤷
رويدا : عادى كلهم كدة 🙆
زينة : انتى عارفة مبحبش حد يتحكم فيا 🙄
رويدا : طب علي وقلنا ماشي مش تيبك لكن رامي بصراحة زعلتينى 😐
زينة : فكك منهم
رويدا : بس انتى ناسية انه شغال مع اخوكى وصحاب
زينة : لا مش ناسية
رويدا : طب مهو ممكن يعاند ويقوله ويعملك مشكلة كدة 🤔
زينة : يا ذكية مهما كان ذياد اخويا هنرجع نتصالح لكن رامى
هو الي هيخسر لو فتن في حاجة زى كدة .. هو ذكي جداً ع فكرة ميعملش كدة ☝️
رويدا : طب وطارق دة ايه نظامه ؟
زينة : بيتحكم بردوا وكل حاجة بس ب طريقة تخليكي
متقوليش غير حاضر وانتى مبسوطة كمان لانى بحبه .. بحبه بجد ❤️
رويدا : طب طلاما بتحبيه اركزي بقا يا زينة عشان حواراتك
كترت اوى مع الشباب 🤷
زينة : اعمل ايه مكنتش لاقيه الي يدخل قلبي ف كنت بتسلى 😊
رويدا : اديكي لقتيه حافظي عليه بقا
( يرن فون زينة )
زينة ب انفعال : اهو مش مدينى ام فرصة احافظ ع حد 🤦🏻♀
رويدا : مين ؟!!!
زينة : الزفت رامي .. الو
رامي : هاي ي حبي
*( نوقف لحظة .. رامى شاب وسيم ، بشرته بيضة ، شعره
اسود ، عيونه رمادي ، طويل وجسمه رياضي ، غنى جداً ، عنده
24 سنة ، ليه اخ عنده 7 سنين واخت عندها 20 سنة ، رامي
كان حبيب زينة زى م عرفنا وصفاته زي صفاتها بالظبط مغرور
ومتكبر ويمكن اكتر منها كمان .. نرجع تاني )*
زينة : حبك برص عاوز ايه ؟؟
رامي : ههههه براحة ع نفسك بس 😄
زينة : يا مصبرني والله هقفل انا مش عارفة بتتصل بيا ليه اصلاً مش خلصنا 🤷
رامي : بطمن عليكي بس
زينة : لا ريح بالك مش محتاجة اهتمامك ودى اخر مرة هكلمك فيها انا برد من زنك مش اكتر
رامي : اقولك حاجة امسحي رقمى
زينة : مسحاه من قبل م تقول بس للاسف كنت حفظاه ف عارفة انه انت ف متفكرش انى مكنتش مسحته ☝️
رامي : مهو دة العشم بردوا يا متربية
زينة : متربيه غصب عنك
رامي : اوك هنعرف دة قريب 😏
زينة : تعرف والله انت غبي عشان تفتكر انى ممكن احب واحد يتحكم فيا 🙄
رامى : انا غبي ؟
زينة : اه غبي ي رامي
رامى : اد كلامك دة ؟؟
زينة : لو مش قده مكنتش قلته 💁🏻
رامي : تمام
( تقفل ف وشه )
رويدا : يخربيتك كلتى الولا 😳
زينة : بلا قرف انا نقصاه 😑
رويدا : بس حرام عليكي كان بيحبك
زينة : كان
رويدا : طب كنتى بتكلميه ليه م الاول ؟!!!!
زينة : فشخرة مش اكتر اولاً الولا مز عضلات ووسامة وانتى
عارفة مبقبلش ب اي حد ثانياً انتى عارفة دة ابن مين 🤷
رويدا : مش عاوزة اعرف اديكي حلقتيلوا يلا قومى محضراتنا بدأت
زينة : يلا
( يطلعوا البنات يحضروا محضراتهم وشاب عمال يبص ل زينة ب غيظ )
رويدا : علي مش طايقك 😐
زينة : تصدقي بنبسط لما اخلي حد مفروس مني كدة 😌
رويدا : ربنا يستر عليكي والله هتتجنني قريب 🙄
زينة : بعد الشر عليا انا اجن بس .. معاش ولا كان الي يجنني يا قلبي 😏
رويدا : طيب هتخرجي معايا بكرة ؟
زينة : هنروح فين ؟
رويدا : عاوزة اشتري فستان ل فرح كوكى
زينة : اها اوك هبقى اقول ل طارق
رويدا : بدأنا سي طارق 🙄
زينة : هههههه 😄
( تانى يوم ، الساعة 5 ، زينة بتتكلم ف الفون )
زينة : يا حبيبي والله مش هنتأخر
طارق : لا انتوا هتبقوا بنات لوحديكم لحد يضايقك انا خايف عليكي
زينة : عارفة والله بس متقلقش معاك راجل 😊
طارق : مهو دة الي قالقني 😐
زينة : ههههههه لا والله انا بس مش عارفة اقول ل رويدا لا
هتزعل مني عشان دايماً بنخرج مع بعض وكمان هى معندهاش
اخوات بنات ف هتضايق اوى ومش هتروح كدة
طارق : ماشي عشان خاطر رويدا بس ☝️
زينة : وخاطري انا يا قلبي ؟؟
طارق : وانتى كمان بس بالله عليكي م تعملي مشكلة مع حد انا لو فاضي كنت جيت وصلتك
زينة : لا لا متقلقش اي حد يكلمنى مش هرد وهروح مع السواق واجي مع السواق
طارق : شاطرة حبيبتى 😌
زينة : ههههههه 🤭
( تنزل زينة مع رويدا ويشتروا الهدوم ويمشوا م المول ، ف جراچ المول )
رويدا : اشوفك بكرة
زينة : اوك باي
رويدا : باي
( تركب رويدا عربيتها وتمشي ، زينة واقفة قدام العربية وماسكة الفون )
زينة : ايوة يا قلبي .. انا مروحة اهو .. حاضر ربنا يستر
( تركب العربية )
زينة : باي
( تقفل زينة ، يشغل السواق العربية ، تلاقي زينة الي بيخبط ع ازاز العربية )
رامى : افتحي
زينة : لا 😐
رامى ب عصبية : اقسم بالله لو م فتحتى الازاز ل اكسره ☝️
السواق : في حاجة يا استاذ ؟!!
زينة : ملكش دعوة انت يا عم إمام ✋
( يهبد رامي ع الازاز )
رامى ب زعيق : افتحى ام الشباك 😠
( تفتح زينة شباك العربية )
زينة : نعم ؟
رامى : ممكن تنزلي ؟
زينة : ليه ؟!
رامي : عاوزك 😒
زينة : مش هنزل طبعاً وبعدين انا مش فاهمة حاجة الي بينا انتهى عاوز ايه مني ؟؟
رامى : لا عاوز اعرف بس قد كلامك الي قلتيه دة ولا لأ واعرفك مين فينا الغبي 💁🏻♂
زينة : انت الي غبي وانا قد كلامى كله ومش هتخوفنى ب الكلمتين دول 🤷
رامى : م بلاش ي زينة السكة دي .. انتى لسة متعرفنيش
زينة : هههههه ولا هاممني اعرفك 😄
السواق : اتصل ب ذياد باشا ولا ب والدك ؟؟
زينة : قلتلك ملكش دعوة انت 🙄
رامى : انزلي يلا
زينة : انا هتصل بالبوليس
رامى : هههههههه اتصلي وخلي الباشا الكبير ييجي يشوف فضايح بنته .. مسكينة يا زوزة 😏
زينة : امشي يا عم إمام
رامى : لو اتحرك من مكانه هخلي ليلتك سودة ☝️
( تلاقي شابين نزلوا من عربية )
زينة ب قلق : رامى بلاش جنان 😐
رامى : من يومى مجنون م انتى عارفة 🙆🏻♂
( يقعد شاب منهم فوق العربية من قدام والتانى يقرب ع
السواق ياخد المفاتيح والسواق راجل كبير ميقدرش يتكلم )
رامى : يلا انزلي
زينة : لا 😐
رواية قلبى سامح قسوتك
الحلقة الثانية { ٢ } 🔥
بقلم سهيله سعيد
( تقفل زينة ازاز العربية ، يبتسم رامى )
رامى : ماشي
( يضرب الازاز ب كوعه يكسره ، تصوت زينة م الخضة ، يفتح باب العربية ويشدها ينزلها )
زينة : سيبنييي 😨
( تعيط زينة الازاز عورها ف رقبتها )
زينة ب صريخ وعياط : اوعى ي رامييي 😣
رامى ب زعيق : بس اهدي
( يزقها ع عربية هامر بتاعته ويقرب عليها )
زينة : يا رامي والنبي 😧
رامى : قلتلك اهدى ✋
( يطول كم الجاكيت بتاعه ويمسحلها الدم من ع رقبتها ، زينة
تحط ايدها ع رقبتها تلاقي دم بسيط جداً )
زينة ب خضة : عورتني !!
رامى : تستاهلي كنتى نزلتى بالزوق احسنلك 🤷🏻♂
زينة : طب اوعى
( تزقه )
رامى : يا بت هضربك وربنا 😐
زينة : دلوقتى بقا عندك قلب وخايف عليا ولا يمكن عندك امل احن وارجعلك ؟
رامى : مين قالك انى بفكر ارجعلك .. انتى ولا حاجة بالنسبة ليا .. شكلك فعلاً لسة متعرفنيش 💁🏻♂
زينة : طب ممكن تعرفني 🤔
( يبتسم رامى )
رامى : عارفة انا عمر م حد قدر يلعب عليا او يكدب عليا ..
بس انا عارف م الاول انك مغرورة وواطية بس حبيت اتسلى 🙂
زينة : وانت منزلنى من عربيتى وجايبلي صحابك يهددوني انا
والسواق وجو الاكشن دة كه عشان تعرفني انك كنت بتتسلى ..
طب م كنت قلت الجملة دى وانا ف العربية ووفرت عليا نزول وطلوع 🙄
رامى : انتى اوطى مما تخيلت .. اوعى تفتكري نفسك قوية
انتى هريتي من شوية كنتي فرخة طاير ريشها وسط عشة
ديوك ف اتلمى وبطلي ام غرورك دة ☝️
زينة : انت بالزات متتكلمش ع الغرور ولخص قول عاوز ايه مني ؟؟
رامى : مش عاوز منك حاجة .. انا بس حبيت اعرفك انا اقدر
اعمل فيكي ايه ودى بس كانت شكة دبوس .. يلا مع السلامة
ومرة تانية ابقي اعرفي انتى بتلعبي مع مين .. ماشي يا قمر ؟
( لسة زينة هتمشي ، يشدها رامى يزقها ع العربية تانى )
رامى : لحظة بس ✋
زينة : ايه تانى انا اتأخرت عاوزة اروح 😑
رامى : مش قبل م تقولي اسفة
زينة : ههههههه انت بتحلم 😄
رامى : طب اشطا انا واحد فاضي خلينا بقا لحد م ابوكى ينزل
يبلغ عن اختفائك واديكي اهو مع اخوكى يختى 😏
زينة : لا عادى بابي مش هيدور عليا لانه مش فاضيلي اصلاً 🤷
رامى : اه .. يعنى لسة متأدبتيش م الي حصلك 😐
زينة : متأدبة غصب عنك ☝️
( يهبد ع العربية الي سانده عليها ب ايده الاتنين يرعبها )
رامى ب انفعال : ي بت انتى مبتخافيش نفسي اعرف جايبة ام البجاحة دي منين !!!
زينة : من بعض ما عندكم 💁🏻
رامى : م الاخر قدامك حلين دلوقتى ✌️
زينة : الي هما ؟؟
رامى : اولهم انك تتأسفي ودة الحل الي انصحك بيه لانك
بعدها مش هتشوفي وشي تانى اما الي منصحكيش بيه انك
تغوري من وشي دلوقتي بس مشكلتك هتلاقينى ف كل مكان
بتروحيه وهدمر حياتك ببطئ واوعدك هخلي ايامك الي جاية
كلها سودة وانتى عارفة اني قد وعدي .. ف جربي 🤷🏻♂
زينة : تمام اختار الحل التانى وجواب نهائي .. وبطئ براحتك 😉
رامى : كل دة عشان متتأسفيش !!! يعنى مستعدة تدمري حياتك عشان متمسيش كرامتك !!!
زينة : بص يا رامى انا لما بغلط مبقولش ل ابويا الي خلفنى
واغلى حد ب حياتى انا اسفة .. يعني مهما حصل مبعتذرش
لحد .. حتى لو اذيت نفسي مبتأسفلهاش .. ف انسى انى
اقولهالك انت ولو فيها ايه 🤷
رامى : اوك براحتك بس اتحملي الي يحصلك بقا
زينة : تمام امشي دلوقتى ولا لسة المسلسل دة هيطول معانا 💁🏻
رامى : يلا يا شباب 😒
( ينزلوا من ع العربية ويحدفه للسواق المفاتيح )
رامى وهو بيفتحلها باب العربية : اتفضلي 💁🏻♂
( تركب زينة العربية وتمشي تطلع من الجراچ )
زينة : اوعى تقول ع الي حصل دة قدام حد لو كنت عاوز شغلك دة اوك ؟؟
السواق : حاضر بس هقلهم ايه ع الازاز الي اتكسر لو سألوني ؟؟
زينة : قلهم انك متعرفش وانك كنت بعيد عن العربية ولما
رجعت لقيته مكسور وانا هتصرف
السواق : حاضر
( تطلع فلوس تديهاله ، توصل البيت ، امها ومرات اخوها قاعدين ، تدخل زينة )
بوسي : زوزة كنتى فين ؟
زينة ب حزن : شوفتوا الي حصل 😔
الام : في ايه ؟
بوسي : حصل ايه ؟؟
زينة ب تمثيل : كنت ف المول مع رويدا بنشتري حاجات
واتصلت ب عم إمام يشيل حاجات رويدا عشان مقدرناش
نشيلها ولما طلعنا م المول لقيت شباك العربية مكسور
بوسي : لا بجد مين كسره ؟؟
زينة : معرفش اكيد حرامي 🤷
الام : فداكى المهم انتى كويسة ؟
زينة : اه الحمدلله
( حست زينة ان الحوار تافهه مش هيدخل ع اخوها ولازم دليل )
زينة ب حزن : بس الكارثة بقا اني سيبت شنطتى بالعربية
شكل الي كسر الشباك اخد منها الساعة الي بابي كان جايبهالي ف عيد ميلادي 😟
بوسي : ي قلبي منه لله متزعليش تتعوض المهم انك بخير
زينة : بس انتى عارفة يا بوسي الساعة دى غالية عندى اد ايه 😕💔
الام : فداكي مليون ساعة يا حبيبتى
زينة : خايفة بابي يزعل
الام : لا طبعاً كان هيزعل لو جرالك انتى حاجة الحمدلله انها جت ع اد كدة 🤷
زينة : اه الحمدلله 😔
( ف مكان تانى ، ف شركة هندسة ، يدخل رامي مكتب )
رامى : سلاموا عليكوا ✋
ذياد : انت مفيش مرة تييجي ف ميعادك ي عم 🙄
رامى : لا طبعاً 🤷🏻♂
ذياد : طب شوف الورق دة بسرعة عشان في اجتماع بعد 10 دقايق
رامى : اشطاا
( زينة ف اوضتها ، يرن فونها )
زينة : الو
طارق : ايه يا زينة بقالي كتير بتصل بيكي
زينة : معلش كنت قاعدة مع ماما وبوسي معرفتش ارد
طارق : وصلتى البيت ؟
زينة : اه من شوية
طارق : عاوز اشوفك بكرة
زينة : امتى ؟
طارق : بالليل بعد الكلية
زينة : اشمعنا ؟
طارق : وحشتينى وعاوز اشوفك بقالنا كتير متقابلناش هو انا موحشتكيش ولا ايه ؟
زينة : لا وحشتنى طبعاً ي بيبي 💚
طارق : خلاص بكرة هعدي عليكي الساعة 6
زينة : تمام
( تاني يوم ، زينة قاعدة مع طارق ف كافيه )
طارق : وحشتيني 💜
زينة : وانت كمان ي قلبي 💛
( يمسك ايدها ، تشدها منه )
زينة ب احراج : احنا ف مكان عام
طارق : طب قومي نروح عندنا
زينة : عندكوا فين ؟؟
طارق : البيت اهلي مسافرين
زينة : بس ..........
طارق : بس ايه انتي مش عاوزة تقعدي معايا ؟
زينة : لا عاوزة طبعاً .. بس انت بتقول اهلك مسافرين يعني البيت فاضي 😕
طارق : انا كنت حاسس انك مش بتثقي فيا 😒
زينة : لا واثقة طبعاً 😬
( زينة محتارة )
طارق : خلاص ي زينة هروحك البيت واضح انك مش عاوزة تبقي معايا 😕
زينة : لا عاوزة بس ...........
( زينة تلاقي رامى داخل الكافيه ، تتخض وتتوتر ، يبصلها
رامي ويبتسملها ويقعد ف الترابيزة الي ف وشها )
طارق : زينة !!!
زينة : نعم ؟
طارق : بس ايه ؟؟
زينة : خلينا نقوم اوك
( يقوموا يمشوا ، يوصلوا قدام ڤيلا ، يفتحها طارق )
طارق : تعالي
( تدخل زينة تتفرج ع البيت )
طارق : ايه رأيك ؟
زينة : جميل 😍
( يمسك ايدها )
طارق : تعالي اوريكي اوضتى
زينة : اوك
( ياخدها ويطلعوا اوضته ، تقعد تتفرج عليها )
زينة : نفسي اشوفلك صورة وانت صغير 😁
طارق : استنى
( يجيب البوم )
طارق : بس من غير م تعيبي ☝️
زينة : ههههههه لا مش هعيب 😄✋
( يقعدوا ع السرير يتفرجوا ع الصور )
زينة : كنت كيوت خالص 🥺
طارق : بقيت اوحش ولا احلى ؟
زينة : احلى طبعاً 💜
( تكمل زينة تفريج ع الالبوم ، طارق يحط ايده ورا دماغها
ويضمها ليه ، تتحرج زينة ، يقرب دماغها عليه ويبوسها )
طارق : انا بحبك اوي 💛