قصة : { العمل الأسود .. 🔞 } 🕯📿
الحلقة الاولى والثانيه
بقلم سهيله سعيد
( جوة منطقة شعبية ، ف بيت دورين ، ف تاني دور ، واقفين
بنتين ف المطبخ بيغسلوا المواعين وبيعملوا الأكل )
عزة ب اعجاب : لا ومقولكيش الواد بصي حتة سكرة كدة يخربيته 😍
شروق : اه م الوحشين ليهم بخت يختي 😒
*( نوقف لحظة .. شروق بنت جميلة ، بشرتها خمرية ، عيونها
بني ، طولها متوسط وجسمها كيرڤي ، شعرها اسود طويل ،
عندها ٢٢ سنة ، عزة تبقا اختها الكبيرة عندها ٢٤ سنة ،
ظروفهم المادية بسيطة .. نرجع تاني )*
عزة : اه والنبي حسرة علينا .. ملناش بخت والله 🤷
شروق : دة العادي يعني
( تدخل الام )
الام ب عصبية : م تخلصوا ام الطفح دة بدل م انتوا عمالين تندبوا عاوزين نااااكل 😠
شروق : ولا نندب ولا ننيل انا هروح البس عشان شغلي
( تمشي شروق )
الام : شوفي بتتحجج عشان متعملش حاجة 😐
عزة : مهي كانت واقفة بتعمل معايا طفشتيها 🙄
الام : ال يعني البت بتعمل اوي بلا وكسة عليكوا انتوا الاتنين
امتى تغوروا من وشي واخلص منكوا 🤷
( شروق ف اوضتها بتلبس ، تخلص وتطلع م الاوضة )
الاب : بت ي شروق
شروق ب تنهيدة : ي نعم 😑
الاب : هاتيلي علبة سالمون وانتي جاية زهقت م الجبنة
شروق : هات فلوس 👋
الاب ب انفعال : طلعي م الي ع قلبك ي بت البخيلة 😠
شروق : والله م في ع قلبي غير الهم دة انتوا عيلة تخنق
( تمشي )
الاب : جلدة شبه امها ي ساتر 🙄
( يعدي الوقت ، جوة مطعم ل الوجبات السريعة ، واقفة شروق وبنت ع الكاشير )
رنا : ي بنتي م توافقي دة عريس لؤطة عنده شقة 🤷
شروق : ي ستي مش عاجبني انا 🤦🏻♀️
رنا : ليه بس ؟!!!
شروق : كدة
رنا : كدة ليه 🤔
شروق : قلت كدة خلصنا بقا وبعدين فرحنالي اوى ب شقته كأنها ڤيلا مثلاً 🤷
رنا : وهو حد هيبص ل بنات ف مستوانا دة عنده ڤيلا يختي ليه يكونش ابوكي وزير المواصلات 🤨
شروق : يبقا اسكتي بقا .. مكتوب علينا ام الفقر 😒💔
( يدخل شاب المطعم ، يقرب عليهم ب ابتسامة )
مروان : صباح الخير 🙂
*( نوقف لحظة .. مروان دكتور باطنة وعنده مركز طبي وكذة
عيادة برة ، بشرته خمرية ، عيونه عسلي ، طويل ورفيع ،
جسمه عادي مش رياضي ، عنده شعر م الجناب بس ولابس
نضارة نظر بس مش دايماً بيلبسها ، عنده ٤١ سنة ، ليه ٣
اخوات اصغر منه اتنين بنات وولد .. نرجع تانى )*
البنات : صباح النور
مروان : عاملين ايه ؟
البنات : كويسين الحمدلله
( ياخد مروان المنيو يبص فيه ، يرن الفون بتاعه )
مروان : الو .. ايوة انا جاي اهو بس بجيب فطار .. اوك .. باي
( يقفل مروان )
مروان : انتوا غيرتوا المنيو ولا ايه ؟!
شروق : اه ضيفنا حاجات جديدة
مروان : انا توهت .. خلينا ف اوردر كل مرة
شروق : اوك 🙂
( تطلبله شروق الاوردر ، يروح مروان يقعد ع ترابيزة ومش شايل عينه من ع شروق )
شروق : هو كل مرة ع الحال دة بيبصلي كدة ليه !!!
رنا : معجب 😉
شروق : اتنيلي انتى كمان 😑
رنا : والله معجب وباين عليه اوى يعني دة كل مرة يفضل قاعد باصصلك كدة
شروق : دة بيحلم انا ابص ل واحد ف سنوا دة لو كان اتجوز بدري شوية كان خلفني !!!!
رنا : بصي ل جيبوا يختي متبصيش ل سنوا دة عندوا مركز طبي بتاعه 🤷
شروق : لا والله !!!!
رنا : وربنا دة غير العيادات
شروق : طب خلصي طيب 🙄
( يكملوا شغلهم ، بعد شوية ، يقوم مروان يقرب عليهم )
مروان : ايه ي بنات ورايا مستشفى وعيانين 🤷🏻♂
رنا : اسفين والله ي دكتور بس في ضغط انهاردة انت فاهم 😅
مروان : لا انا كدة هشوفلي مطعم تاني
شروق : ايه دة تقدر تستغنى عننا كدة 💁🏻
مروان : لا صراحة ف متجوش عليا يعني 🤷🏻♂️
شروق : لا منقدرش نزعل حضرتك
مروان : تسلمي 🙂🖤
( تبتسم شروق ، يعدي يوم واتنين وتلاتة وع نفس زيارات
مروان للمحل دة غير الايام الي فاتت ، رغم انه بياخد الاكل
ويوزعوا ع الممرضات ف المستشفى الا انه مازال بييجي
ويشتري عشان بس يشوفها ✨💛 مروان وشروق قاعدين ف
كافيه شيك جداً ، شروق عمالة تبص حواليها متوترة )
مروان : ايه مالك ؟!!
شروق : معلش اصل مش متعودة اقعد مع حد غريب 😬
مروان : م انا جايبك هنا عشان اعرفك ع نفسي ومبقاش غريب
شروق : ايوة اه
( يقرب الويتر يحط المنيو قدامهم 🍽️ )
مروان : شوفي تشربي ايه
( تبص شروق ف المنيو متفهمش حاجة )
شروق : ااا الي انت هتشرب منه 😐
مروان : انا هشرب قهوة بس ممكن اختارلك انا
شروق : اه ياريت 🤷
( يشاور للويتر ✋ )
الويتر : أأمروا ؟
مروان : واحد قهوة تركي وتشيك ميلك فراولة
الويتر : اوك
( يمشي الويتر )
مروان : مع ان كان نفسي نتغدى سوا بس انتي مش راضية 🤷🏻♂️
شروق : معلش خليها مرة تانية عشان متأخرش ع البيت
مروان : طيب بصي ي ستي .. انا اسمي مروان انتى اكيد عارفة
شروق : اه عارفة طبعاً
مروان : عندي ٤١ سنة ودكتور باطنة والحمدلله ناجح ف شغلي
جداً .. مش متجوز قبل كدة لان ملقتش البني ادمة الي راسمها
ف خيالي .. بس اول م شوفتك بصراحة لغيت اي حاجة ف خيالي ورسمتك انتي ❤️
( تتحرج شروق )
مروان : ف بصراحة انا راجل دغري انا جبتك هنا بس عشان
نتعرف ع بعض لكن انا عاوز اجي اتقدملك
( تتفاجئ شروق )
مروان : ف انتي ايه رأيك ؟؟
( ييجي الليل ، ف عمارة كبيرة وفخمة جداً ، جوة شقة فيها ،
قاعد مروان مع واحدة ست كبيرة )
الام : قول ي حبيبي موضوع ايه ؟
مروان : انا قررت اتجوز 😊
الام ب فرحة : بجد والنبي 😃
مروان : والله
الام ب حب : اخيراً ي مروان هشوفك عريس ي حبيبي 😍
مروان : يارب الموضوع يتم بس واهلها يوافقوا
الام ب استغراب : وميوافقوش ليه ؟!!!
مروان : انا اكبر منها بكتير
الام : وايه يعني ي حبيبي بس مقتدر انك تفتح بدل البيت 10
. الراجل مش بالسن وانت الف بنت تتمناك انت بس الي
شغلت نفسك ب شغلك ونسيت حالك من بدري 🤷
مروان : خلاص ي ستي حددي يوم نروح نقابل اهل البنت وقولي ل بابا
الام : حاضر ي حبيبي هقوله
( تقرب اخته )
مروة : متجمعين كدة يبقا في حاجة بتخططولها 🤔
الام : باركي ل اخوكي هيخطب
مروة ب فرحة : الله بجد والنبي 😃
مروان : ايوة 😊
مروة : لولولولولولييييي 😝
مروان : بس بس ي فضايح انتي 🤦
مروة : بس ايه دة انا هبهدل الدنيا دة انهاردة فرح اخيراً هتتجوز 😍
مروان : ههههههه هو انا سمعتي وحشة اوى كدة 😄
مروة ب ضحك : اوي اوي 😂
ميار وهي طالعة من اوضتها : بتزغرطي ليه امك جالها عريس 🤔
الام : هيييي شوفوا البت 😮
مروة : ههههههه 😂
مروان : لسانك دة عاوز قطعه 😐
ميار : مين هيتجوز بجد ؟
( تعدي الايام ، شروق ف اوضتها بتتمكيچ ومعاها اختها )
عزة : وقعتي واقفة ي بنت المحظوظة 😐
شروق ب تكبر : عيب عليكي 😌
( تدخل امها )
الام : يلا ي بت العريس برة بقاله كتير !!!
شروق ب انفعال : م براحة يما في ايه مستعجلين ع غورتي ليه 🤷
الام : يخربيت فقرك وطي صوتك وانتي تطولي تغوري غورة
زي دي ي بنت الموكوسة دة صاحب مستشفى وعيادتين ✌️
شروق : لولا فلوسه انا مكنتش وافقت اصلاً 🙄
عزة : مش وحش للدرجة ي شروق بالعكس دة انتي هتتنغنغي 💸
شروق : مقلتش وحش بس مش مهتم ب نفسه وسنوا باين
عليه مش باين عليه فلوسه انا خايفة يكون بخيل 🤷
الحلقة الثانية { ٢ }
بقلم سهيله سعيد
عزة : والله انتي اتجوزيه وغيريه وخليه يبان عليه دة ف ايدك
انتي اما هو لسة لوحده ومفيش حد يهتم بيه .. خليكي ذكية بقا 😉
شروق : ع رأيك انا هظبط كل دة 🙂
( يعدي الوقت ، الكل قاعدين )
مروان : انا عندي شقتي ف عمارتنا الدور التاسع وفي اسنسير
طبعاً بس انا املك الشقة بس اما العمارة بتاعة الحاج 💁🏻♂️
ابو مروان : مالي هو مالكم
ابو شروق : ربنا يديك الصحة وطولة العمر 😊
ابو مروان : الله يخليك
مروان : وشغلي انا دكتور باطنة وعندي المركز طبي دة ملكي
وليا عيادتين برة ف اماكن مختلفة وان شاء الله مش هنطول ف الخطوبة
ابو شروق : احنا جاهزين من بكرة ✋
ابو مروان : يبقا خير البر عاجله 🤷🏻♂
مروان : خلاص هي كدة كدة الشقة متوضبة العروسة بس
تنزل تنقي عفشها والفرش ونحدد ميعاد الفرح ع طول
ابو شروق : ع بركة الله
ابو مروان : نقرا الفاتحة 🤲🏻
الكل : بسم الله ...............
( تعدي الايام ، مروة سايقة عربيتها ، تقف ف اشارة ، تقف
جنبها عربية فيها شاب ، يشوفها ، يزمر بالعربية ، تبصله مروة )
مروة : دياااب 😃
دياب : عاملة ايه ؟
*( ملحوظة .. دياب شاب عنده ٢٤ سنة يبقا صاحب اخو مروة الي مسافر )*
مروة : الحمدلله انت جيت امتى ؟!!
دياب : اول امبارح
مروة : مش المفروض تيجي مع مازن ؟
دياب : ايه ؟
مروة : مازن مش المفروض ترجعوا سوا ؟!
دياب : اااه لا انا تخصص تاني ف خلصت قبليه
مروة : اهااا حمدلله ع السلامة
دياب : الله يسلمك
مروة : سلملي ع طنط 😊
دياب : وانتي كمان سلمي ع الي عندك
مروة : ابقا تعالى بقا 🙂
دياب : هاجي حاضر
( تتفتح الاشارة )
مروة : باااي ✋
دياب : باي ✋
( تروح شروق هي واختها ومامتها الشقة عشان يتفرجوا عليها )
مروان : ايه رأيك ؟؟
شروق ب زهول : واسعة اوي 😐
مروان : المهم عجبتك ؟
شروق ب اعجاب : عجبتني جداً طبعاً 😍
الام م البلكونة : مشاء الله ع الشقة شرحة وبرحة وهواها بحري يرد الروح 🌬
عزة : تتهنوا بيها ان شاء الله
مروان : الله يخليكي ي عزة عقبالك
عزة : تسلم 😊
مروان : خلاص بكرة ب أذن الله ننزل نجيب العفش
شروق : وليه بكرة انا مواريش حاجة باقي اليوم خليها انهاردة 🤷
مروان : انا ورايا عيادة الساعة ٧
شروق : اعتذر انهاردة مش مهم
مروان : مش هينفع والله دة زمان الناس بدأت تيجي
شروق : ي حبيبي مفيهاش حاجة يوم يعني انت عريس
والفترة الجاية هتكون مشغول جامد
عزة : ايوة صح متستسهلش ان عشان الشقة متوضبة لا لسة
وراك حاجات كتير هتاخد وقت بردوا
مروان ب حيرة : مش عارف والله 😬
شروق تبص ل عزة ، تروح عزة تقف مع امها ف البلكونة )
شروق وهي بتقرب ع مروان : عشان خاطري اعتذر انهاردة
عاوزة ابقا معاك 😟
مروان : هشوف والله انا بس ..........
تحط ايدها الاتنين ع كتفه وتقرب منه )
شروق : انت مش عاوزنا نتجوز ولا ايه ؟
مروان : لأ عاوز طبعاً 😐💜
شروق : خلاص يبقا تسمع كلامي بقا وننزل نجيب العفش
انهاردة ونحدد ميعاد الفرح عشان نبقا سوا 😌
( تقرب اكتر )
شروق وهي بتبوسه من خده : ماشي ؟
مروان ب حب : الي تؤمري بيه ي روحي حاضر 😍
يعدي الوقت ، ينزل مروان مع شروق واهلها وتنقي اغلى
عفش ويشتريه مروان عشان يرضي شروق ، مروان قاعد مع مامته )
الام : بس دة غالي اوي ي مروان !!!!
مروان : مهو دة الي عجبها
الام : كنت قلتلها تشوف حاجات تانية ي بني
مروان : مقدرش اقول كدة هي كان نفسها ف دة ف جبتهولها 🤷🏻♂
الام : انا مش عارفة ليه حاسة ان البنت دي طمعانة فيك 😕
مروان : شروق !!! ليه بتقولي كدة كل الحكاية ان عفش عجبها
وجابته وعارفة انه ف مقدرتي ادفع تمنه
الام : بس مش لدرجة اوضة نوم وسفرة وصالون ب ٢٠٠ الف جنيه !!!
مروان : ١٩٤ 😊
الام : والنبي يخويا .. فرقت يعني ال ٦ الاف مهو شيلوك حتى
الفرش ودة المفروض ع العروسة 🤷
مروان : طب بزمتك اهل شروق هيقدروا ع فرش الشقة ؟
( تسكت الام )
مروان : الحكاية مش حكاية شيلوني بس انا عندي دم مش
اكتر كفاية عليهم جهازها
الام : طيب ي مروان بس مترميش نفسك اوي كدة مش كل
حاجة توافق عليها وتقول حاضر لازم تفكر الاول الحاجة دي
تناسبك ولا متناسبكش ☝️
مروان : حاضر ي امي .. متعرفيش مازن هيحضر الفرح ولا لأ ؟
الام : انت عارف صعب ينزل اجازة لانه ف امتحانات دلوقتى
بس هيخلص وينزل
مروان : ربنا يرجعوا بالسلامة يارب
الام : امين يارب 👐
( بعد يومين ، شروق وعزة معزومين عند اهل مروان )
الام : منورانا ي عروسة
شروق ب كسوف : الله يخليكي ي ماما 😌
مروة : لا حلوة يعني الحمدلله تقلت وخدت حاجة نضيفة 😂👌
الكل : ههههههه 😄
شروق ب احراج : تسلمي ي حببتي انتي احلى 😅
الام : يلا نحضر الاكل ولا عاوزين الضيوف يقولوا علينا بخلا 🤷
ميار : اه يلا
عزة : نساعدكم بقا
الام : لا خليكوا انتوا ارتاحوا
شروق : لا والله م يحصل ارتاحي انتى واحنا بنات مع بعضينا
هنظبط الدنيا
الام : تسلميلي ي حببتي اخدمكم يوم فرحكم كدة 💜
شروق : الله يخليكي ي ماما 💖
تقوم شروق تحضر مع البنات ، تعدي الايام ، يوم الفرح ،
يعمل مروان الفرح ف قاعة ويكون يوم حلو جداً ، بعد اسبوع ،
يخبط باب بيت مروان جامد ، مروان ف التواليت ، تقوم
شروق تلبس روب وتقرب ع الباب تفتح ، تلاقي شاب )
مازن : مبرووووك 😃
نوقف لحظة .. مازن شاب وسيم وجذاب ، بشرته قمحية
مايلة للبرونزي ، عيونه اخصر فاتح ، اصلع خالص ، طويل
وعريض وجسمه رياضي جداً عروقه بارزة 💪 عنده ٢٣ سنة ،
يبقا اخو مروان الصغير .. نرجع تاني )*
( تبصله شروق ب اعجاب )
شروق : الله يبارك فيك 🙂
مازن : انتى العروسة طبعاً ☝️
شروق : اه انا 😍
مازن : انا مازن اخو مروان 👋
شروق : اااه اتفضل اتفضل 👋
( يدخل مازن يحط شنط الهدايا ع السفرة )
شروق ب ارتباك : ااا مروان ف الحمام ثانية هقوله انك هنا 😐
مازن ب احراج : اه اوك براحتك 😊
( يقعد مازن وتدخل شروق تجري ع جوة ، تدخل الاوضة ،
تقرب ع المراية تشوف شكلها ، تلاقي نفسها حلوة ، تبتسم ،
تقرب تخبط ع باب التواليت وتفتحه )
شروق : اخوك برة
مروان : مازن !!!
شروق : اه
مروان : طب حطيلوا حاجة يشربها عبال م اطلع
شروق : حاضر
مروان : وغيري هدومك دي انتي طلعتيلوا كدة !!!!
شروق : فكرتوا ماما ولا عزة 😕
مروان : غيري طيب
شروق : م انا قافلة الروب 🤷
مروان : قلتلك غيري
شروق ب احباط : ماشي 🙄
( تروح شروق تلبس اسدال وتدخل المطبخ تحط عصير وتطلع بيه )
شروق وهي بتدي مازن العصير : اتفضل 😊
مازن : تسلم ايدك
شروق وهي بتقعد : هو طالعلك دلوقتي
مازن ب احراج : معلش طلعت من غير م اقول كدة بس كنت
حابب اعملهاله مفاجأة 😅
شروق : انت تطلع ف اي وقت دة بيتك يعني 🙂
مازن : الله يخليكي تسلمي .. انا لسة واصل والله
شروق : اه انت كنت بتدرس برة ف امريكا ؟
مازن : اه وخلصت الحمدلله
شروق : الحمدلله 🙂
مازن : كان نفسي احضر فرحكم
شروق : لو نعرف انك هتيجي قريب كدة كنا اجلناه لحد م ترجع طبعاً
مازن : الله يخليكي 😄
( يقرب مروان )
مروان : حمدلله ع السلاماااا 😃👋
مازن وهو بيحضنه : ايه ي عرييييس 😄
مروان : واحشني والله ♥️