رواية مين قال انتى عانس
ها قولتى ايه ياوعد يابنتى
والدتها
موافقه طبعا ، هى كانت تطول واحد زيه يتقدملها يبصلها حتي ، على البركه كلمه ياحج وقوله يتفضل يجي هو واهله فى اي وقت
الاب
مش لما اسمع رد صاحبة الشأن الاول يا ام وعد
الام
وهي اللي زيها هيكون ليها عين تقول لا ، واهو مش متجوز ولا عنده عيال لما نشوف حجتك المرادى ايه ياست وعد
الاب
ماقولتيش رايك ياوعد يعنى ؟ موافقه عليه اكلمهم يجي هو واهلو واتشوفو بعض ولا رايك ايه ؟
وعد ..
بص يا بابا هو من ناحية انه كويس فهو كويس جدا وأى بنت تتمناه وكمان مش متجوز وسنه مقارب لسني بس حوار انه كان كاتب كتابه قبل كده وطلق على ورق وكمان مش شغال واهله اللي هيصرفه عليه مش مريحني
قولتلك دى بومه عارفها بتدور على النكد وخلاص ، شكلها حبت القعده جنبي وهتبور ده أن مكنتش بايره اصلا
الاب
استنى بس يا ام وعد
بصي يابنتى هو على كلامو أن خطيبته او مراته كانت شايفه نفسها عليه علشان كده سابها واحنا برضه مش هنرميكى اكيد هنسال وهنعرف اصل الموضوع ده ايه ولو على الشغل اديكى شايفه الحال شباب اليومين دول
كله قاعد فى البيت مش لاقي شغل وياما رجاله كتير متعلمه وواقفه على عربية فول ، وهو من عيله كبيره يعنى ماتخافيش مش هتنامى جعانه وممكن لو مستدقله تاخدو فلوس من ابوه ممكن والده يحطلع مبلغ محترم فى البنك تصرفوا منه برحتكو، هاا قولتى ايه
وعد
يا بابا طب لو زي مابتقول كده انها هى السبب ماسبهاش ليه قبل ما يكتب واكيد ده نصيب بتاع ربنا انا مقولتش حاجه بس..
بس برضه مقلقه من الحوار ده ، وكمان انت ترضهالى اخد مصروف من ابوه ويوم لما اعوز حاجه اروح اقول لحمايا عايزه فلوس بدل ما اقول ل جوزى !؟ ولو افترضنا انه حطلنا مبلغ فى البنك نصرف منه لما الفلوس تخلص هنقعد نشحت ولا هنروح ناخد من ابوه برضه ؟
لو انت ترضها لبنتك انا مارضهاش ، اسمحلى اقولك يا بابا انا ماخدش واحد بياخد مصروفه من امه وابوه ومش معتمد على نفسه
من اولها ومش شايل مسؤوليه امال فى المستقبل هيعمل ايه ؟
انا قولتلك من الاول البت دى مش وش نعمه قولت لا، شوفت لما خدت رئيها حصل ايه ؟
وعد
انا اللي هتجوز مش انتى ياماما ، لو مش هتاخدو رأيي هتاخدو رأي مين ؟ ولا هتجوزونى بالعافيه
الاب
محدش قال كده ياوعد ، ده كل شيئ بالخناق الا الجواز بالاتفاق يابنتى احنا عايزين مصلحتك ونفسنا نفرح بيكى قبل مايحصلنا حاجه لقدر الله
وعد
بعد الشر عليكم ، ماتقولش كده
وبعدين يا بابا يا حبيبي وانا كمان اكيد عايزه افرحكم وافرح انا كمان زيكم بس لازم تكون كل حاجه حسب الأصول وبالعقل
واللي زي ده شخص مش مسؤول هيتحمل مسؤوليه جواز وبيت وعيال ازاى و هو لسه بياخد مصروف من اهله
الاب
يعنى ده آخر كلام عندك
وعد
اللي انت شايفه صح اعمله يا بابا
خرجت وعد تركه المعركه تدور بين امها وابيها وهى تتنهد بحزن ، لما السعاده لا تكتمل ولو لمره واحده ؟
احقاً اصبحت معقده مثلما تقول امى ؟ هل الذي فعلته الصواب ؟ هل رفضي لهو كان خطاً ؟ ام كان الصواب ؟
انا لم أعد أعلم الخطأ من الصواب حقاً ؟ هل رفضي ل رجل مثله خطأ؟ أنا كل ما اريده هو شخصاً يعتمد عليه وليس مسؤولا من والده وعالاً عليهم ، أريد رجل يكن مسؤولا من نفسه شخص يعتمد عليه ، شخص يستطيع أن يكون ابً لاولادى..
هل هذا كثير علي ؟!
ام اننى معقده كما قالت امى ؟
الفصل الثامن
طب فكري تانى كده بالعقل مش يمكن لما تشوفو بعض ترتحيلو ، ده لو فلت من ايدك مش هتلقي واحد زيه ، فكري يابنتي ربنا يهديكى ويكملك بعقلك
وعد
ياماما اشوفو ازاى وانا اساساً رافضته علشان اهله اللي بيصرفو عليه ، ازاى اساساً بتحاولو تقنعونى بقالكم اسبوع اشوفه ده بدل ما انتو اللي تقولو لا بنتنا ماتخدش واحد ماهواش قد المسؤواله ؟ انتو بتتكلمو ازاى ؟ أنا بجد مصدومه فيكم
الام
يعنى ده آخر كلام عندك ؟
وعد
ايوه ، آخر كلام
ولو هو ده آخر راجل فى الدنيا مش هاخده واعنس احسن الا اذا اشتغل واعتمد على نفسه
الام
وحدزى ده وعند اهله العز ده كله هيسيبه علشان خاطرك انتى ، امال لو مكنتيش بايره ومحدش باصصلك يعنى كنتى عملتى فينا ايه ؟ واعملى حسابك لو ده طفش زي اللي قبله ادى دقنى لو حد جالك تانى ، وخليكى حاطه الكلام ده فى دماغك
ده كمان كويس لينا انه مش هييجى علشان لو كان جه كنتي مش هتعجبيه وهيمشي زي اللي قبليه..
بنت مش وش نعمه بصحيح
وعد وقد فاض بها كل ماتكنه من الالام لتقول..
انتى ليه بتعملى فيا كده ؟ هو انا مش بنتكم يعنى
مافيش مره سالتو نفسكم على نفسيتي عامله ازاى من كلامكم وكلام غيركم ، حرام عليكم انا تعبت ، والله تعبت تعبت نزلت دموعها لتضيف مره واحد بس مره واحده بس قولتى لنفسك انا ايه اللي بقوله لبنتى ده او حالتها عامله ازاى ؟ مره واحد..
ده انتو ياشيخه لو قاصدين تموتونى مش هتعملو فيا كده ، ده انا بنتكم مش بنت حد غريب من لحمكم ودمكم..
لتضيف باستهزاء..
مع العلم لو مت محدش هيحس بيا ، لييييه؟؟
علشان انا وحده عانس مابتحسش مع انى لسه مكملتش ال تمانيه وعشرين سنه ، ليه بتعملو فيا كده ؟
يعنى ده كان بايدى انى افضل بايره زي مابتقولى ، مش بايدى والله مش بايدى
الام
اهو جالك وانتى اللي رفصتي النعمه بايديكى المرادي
وعد
بص بقول ايه وانتى فى ايه !!!
بصي اعملو اللي انتو عايزينه كده كده بقت مش فارقه معايا خلاص ، انا قلبي من قسوتكم مات ومابقتش تفرق معايا كده كده هى خربت واللي كان كان
دخلت وعد غرفتها والقت نفسها فى السرير وهي تبكي بحرقه واضعه الوساده على رأسها تكتم شهقاتها كلى لا تسمعها ، أو لعلها تذهب من هذه الحياه..
الام
اما اروح الحق الحج قبل مايرفضهم واقوله يخليهم يجو ، نظرت لغرفت وعد ... ابكي دلوقتى بس بعدين هتيجى تبوسي رجلي علشان جوزتهولك ... بنات آخر زمن
ذهبت راقضه كي تخبره أن ابنته قد وافقت على أن تجلس مع العريس جلسه شرعيه..
الاب
متاكده انها موافقه ياحجه ؟ اصل ده جواز مش سلق بيض
الام
انا لما اتكلمت معاها براحه وفهمتها الصح وافقت على طول ، شوفت كان معايا حق ازاى لما قولتلك مايجيبها الا ستاتها
الاب
على العموم هكلمه كمان شويه واللي فيه الخير يقدمه ربنا
الام بإصرار
كمان شويت ايه اللي زي ده ميت وحده تتمناه كلمه دلوقتى ياحج واتفق معاه قبل مايشوف غير بنتك
اسمع منى ، كلمه وقوله يتفضل فى اي وقت مناسب وشوفو لما يجى مين هيجى معاه علشان اجهز الاكل علي حسب اللي هييجي ، وبعد ما تخلص معاه ابقي تعلالي علشان اقولك على الحاجات اللي هتجيبها علشان لما يجى لازم نبان قدامهم اننا مش اقل منهم علشان نطلع البت الاصتبرصة فى وشي دى ، ماشي ياحج
الاب
حاضر ياحجه ، هكلمه وجاي وراكي علي طول وبالمره نتكلم انا وانتى فى لزوم الماخر والمهر والباقي علشان نبقي متفقين من اولها على كام
الام
تمام ياحج كلمه ولما تخلص انده عليا وانا هجيلك طوالى
خرجت لكى تبدء بالتنظيف بينما قد بداء الاب الحديث مع العريس الذي رحب به كثيراً واخبره انهو سوف يخبر عائلته ويعود الاتصال به ليخبره عن معاد قدومهم..
فلتشهد عليا " هزايمي " إني حاولت .
" دائما كنت الفتاه الغير مرغوب بها من العائله والاصدقاء و المجتمع ، كنت الفتاه التى اتت على الدنيا بمحض الخطأ لم يكن بوسعي فعل شيئ غير الصمت ، وهذا أكثر ما اتعبنى..
لو كان بوسعي فعل شيئ لكنت صرخت بوجه الجميع واكملت طريقي الذي لا أعلم اخره او إلى اين يذهب بي
فقد كنت اكمل ولا التفت إلى الوراء لكني لم احسب فى يوم حساب هذه الحفره التى وقت بها فى منتصف طريقي..
ولا اعلم هل سوف اخرج منها حيه ام ميته ؟