رواية فارس احلامى
الفصل التامن
سوسن : فارس بره وعايز يشوفك ضروري
احلام : فارس خير ليه حتي ده مكلمنيش
سوسن : مش عارفه ليه يا بنتي
احلام : طيب يا ماما هلبس الازدال وخارجه اهو
احلام : خير يا فارس مقلتليش انك جاي
فارس : طب قولي نورت . فرحانه اني شفتك
احلام : انا بس قلقانه ليكون حصل حاجه
فارس : لا لا متقلقيش مش قلت ليكي طول ما انت معايا متقلقيش
انا جاي اقولك اني لقيت الحل للمشكله
احلام : ايه هو الحل
فارس : انتي نسيتي اني معيد ولا ايه
احلام : وده ماله ومال الحل
فارس : ما انا هدرس ليكي الماده
احلام : انت بس ازاي !!
فارس : ايه يا احلام عادي دي ماده زي اي ماده ومتنسيش اني اخدتها قبلك كمان
وعلي فكره يعني انا جبت فيها امتياز يعني علي ادي اهو
احلام : هههههههههههههههه
فارس : ها قلتي ايه
احلام : بس هتجيب الورق منين انا لسه هدور عليه لاني طبعا مش بحضر في وقتها وهي بتشرح في الوقت الي انا مش فيه يعني هحتاج اشوف مين بيحضر واجيب منه الورق
فارس : سييبي الموضوع ده ليا كريم صاحبي بيشتغل معاها في القسم هخليه يجيب الورق ليا
احلام : ربنا يخليك ليا يا فارس
فارس : ربنا يخليكي انتي ليا انا مستعد اعمل اكتر من كده ليكي كمان وبعدين انا السبب في المشكله دي
احلام : ممكن متقولش كده علي فكره ممكن حظي ان يجي معيده لا اعرفها ولا تعرفني ويحصل ده برده ده في الاول وفي الاخر قدر وخير ان شاء الله
فارس : ان شاء الله هتجيب فيها تقدير كمان ده كفايه ان انا الي هديكي
احلام : احم احم ربنا يستر
فارس : بتقول ايه يا احلام
احلام : منور يا فارس
فارس : هههههههههههههههههههه ده نورك انتي
احلام : يا ماما الشاي يا ماما
فارس : هههههههههههههههههههههههه
تاني يوم في الجامعه فارس راح لكريم صاحبه عشان يحاول ياخد الورق
فارس : سلام عليكم ازيك يا كريم
كريم : عليكم السلام ازيك يا فارس فينك يا عم وحشني والله
فارس : وانت يا عم معلش بقي
كريم : ياعم الله يكون في عونك دخلت القفص بقي والمفروض ندعي ليك
فارس : والله ده احلي قفص بس لو راعينا ربنا بس
كريم : ده في االاول بس بعد كده هتقول يا ريت الي جري ما كان
فارس : يا عم ده انا بقول ياريتني عملت ده من زمان
كريم : هيييييييييييح ربنا يديم ليك الحب ياااااارب
فارس : المهم يا برنس عايز منك ورق دكتور سمر
كريم : اه موجود معايا بس ليه انت رجعت طالب ولا ايه
فارس : لا يا برنس ده لخطيبتي عشان بس مش لقياه وهحاول كمان اشرح ليها
كريم : اتفضل يا برنس انت تؤمر وخد دول كمان دي مراجعات كانت هتبدا بيها من بكره الورق كله كان معايا
فار س: حبيبي وكفاءه والله
كريم : بس هتشرح ليها فين يعني ولوحدها ولا ايه ؟
فارس : لا يا برنس طبعا مقدرش اقعد معاها لوحدنا وكمان ليها واحده صحبتها هتقعد معانا وهشرح ليهم هما الاتنين
كريم : اه كنت بحسب هتستغل الموقف بقي
فارس : انا نفسي استغله بدل الشرح اني اقعد اقولها واشرح ليها اد ايه بحبها
كريم : لهو انت بتقعد تقولها الكلام ده
فارس : اه هي مش خطيبتي ومن حقي اقولها اني بحبها !!
كريم : لا طبعا يا فارس دينك مأمرش بده بوص يا فارس الدين حافظ علي المراه اوووي
انت دولقتي راجل غريب عنها وزي ما قلت مينفعش تقعد معاها لوحدكم ولا تلمس حتي ايديها
وكمان مينفعش كل شويه تسمعها كلام يحرك المشاعر
انتو مش مكتوب كتابكم عشان يبقي عادي تقول ليها اي كلام بتحسه لان ده ممكن يحرك مشاعرها وتفكيرها
وكمان الكلام والبوح وهي مش حلالك لسه لايجوز
وكمان لازم تغض بصرك معاها مينفعش التسبيل والكلام ده
فارس : يا عم ابص ايه دي وشها دايما في الارض بس اول مره اعرف اني مينفعش اقول ليها بحبك او اي كلام حب
كريم : كتير من الناس غافله النقطه دي وكتير من الخطوبات تمت وكل واحد بيعامل خطيبته كانها مراته
عادي امسك ايديها واخرج معاها واقول الي عايزه ما هي هتبقي مراتي
طيب يا اخي هتبقي يبقي هتقول مش تقول من دلوقتي
وبعدين انت اعترفت ليها بحبك خلاص وهي عارفه يبقي تمام
و يبقي بقي تحوش الكلام ده لحد ما تبقي حلالك وتقوله ليها
دينا حافظ علي المراه لابعد حدود حتي حافظ عليها من خطيبها
اصل فيه حالات ممكن تتفسخ الخطوبه ساعتها بقي يسيب البنت وهي متحطم قلبها من الي كانت بتسمعه
وممكن كمان متتجوزش بعده او تفكر في الارتباط من اساسه
فارس : يا الله اللهم لك الحمد علي نعمه الاسلام دينا ده في حاجات عظيمه بس الي يعرفها متشكر يا كريم بجد نورت طريقي
كريم : ربنا يوفقك يا صاحبي ويجمعك بيها في حلاله ويبارك ليكم ياااارب
فارس : ياااارب امييييييين
وبعد ما اخد فارس الكتب اتصل باحلام
واتفقوا علي المواعيد الي هيتقابلو فيها عشان فارس يشرح ليهم الماده
ومرت الايام وفارس بيشرح ليهم الي مش عارفينه واحلام بتذاكر كويس
لحد امتحانات الميد ترم بدات وعلي ميعاد الماده
فارس : اطمنوا ان شاء الله هتعرفو تحلو
لبني : انا ميه ميه انا كنت بقول عايزه اعدي منها لكن بالشرح بتاعك يا دكتور فارس ان شاء الله هجيب تقدير فيها
فارس : ان شاء الله
لبني : ونفسي اشوف منظر بقي دكتوره سمر لما تشوف درجاتنا واحنا مكناش بنحضر معاها
فارس : هههههههههههههههههههه هتتصدم طبعا بس متنسوش حلاوتي
لبني : اكييييد يا دكتور
فارس : انتي ساكته ليه يا احلام
لبني : لا دي عاده احلام دايما بتقلق قبل اي امتحان
فارس : ده بجد يا احلام
احلام : عادي عادي متعوده علي القلق قبل اي امتحان وكمان الماده خايفه عشان كمان اضيع ثقتك الكبيره دي فيا
اني اقدر انجح فيها
فارس : تنجحي يا بنتي انتي هتجيبي فيها تقدير كمان ده انا الدكتور الي شارح ليكي الماده عيب عليكي
احلام : هههههههههههههه
فارس : خليكو هنا ثواني وراجع
لبني : فكي يا احلام بقي ده حتي فارس بيطمنك اهو
احلام : والله عادي انا سبتها علي الله انتي عارفه بقي يا لبني قلق كل مره وخلاص
فارس : متاخرتش صح اتفضلي يا احلام
احلام : ليا
فارس : كنت بجيب ليكي المصحف بتاعي من العربيه بوصي قبل ما تدخلي الامتحان اقري سوره يس
وفي اخر السوره ادعي اي دعاء انتي عايزاه هو فيه دعاء معين بس طويل بس قولي ده
اللهم اني اسالك بحق سورة يس واسرارها وانوارها وبركتها ان تتقبل مني ما دعوتك به
وان تقضي حاجتي يا ارحم الراحمين اللهم هذا الدعاء وعليك الاجابة وهذا الجهد مني
وعليك التككلان ولا حول ولا قوة الا بالله العلي العظيم والمد لله اولا واخيرا وظاهرا وباطنا
وصلىالله على سيدنا محمد واله وصحبه الطيبين الاخيار الطاهرين وسلم تسليما كثيرا
دائما ابدا الى يوم الدين وحسبنا الله ونعم الوكيل والحمد لله رب العالمين وصلى الله على
سيدنا محمد
احلام : الله حلو الدعاء يطمن لوحده و هقراها حاضر
فارس : يلا وان شاء الله خير وطمنوني بعد الامتحان ربنا معاكم
لبني : ومعاك يا دكتور
ودخلو الامتحان وخرجوا منه
فارس : ها عملتو ايه
احلام : كنت هكلمك اطمنك
فارس : لا انا ملقتش عندي اي محاضره فضلت قاعد مستنيكي
احلام : الحمد لله حليت كويس كان من المراجعات بتاعتها
فارس : الحمد لله دعائي مرحش علي الارض
احلام : انت قعدت تدعي ليا
فارس : طبعا يا احلام
احلام : وانا قرات سوره يس وفعلا حسيت براحه جوه
فارس : الحمد لله
احلام : ممكن اطلب طلب منك
فارس : اؤمري يا احلام
احلام : ممكن اخد المصحف ده منك
فارس : مفيش اي مشكله اعتبريه بقي بتاعك بس ليه
احلام : ها !! لا مفيش استريحت لما قرات القران يعني فعشان لو بعد كده في اي امتحان اطلعه واقرا قبله سوره يس
فارس : اااااه تمام اتفضليه
لبني : انا جيت تمام الحمد لله حليت كويس
فارس : الحمد لله هتشرفوني باذن الله
لبني : اكيييييييييييد
وطلعت نتيجه الميد ترم فعلا وفارس هو الي عرفها الاول
فارس : الو ايوه يا احلام انتي عندك محاضره دلوقتي
احلام : لا بريك
فارس : طيب تعالي انتي ولبني عايزك
احلام : يلا يا لبني فارس عايزنا
لبني : خير تعالي بينا يلا
وراحو المكتب فعلا له
فارس : انتو تعرفو ان النتيجه هتبان النهارده
احلام ولبني بصوا لبعض : لا