رواية فارس احلامى
الفصل الرابع
الامهات مع فارس واحلام بينقوا طبعا الشبكه
فارس تقريبا سايبهم كل واحده تقول رايها ولانها شبكه هتبقي اختيار العروسه
احلام لو اختارت حاجه امها تقولها لا وخفيفه
وعلي الحظ ام فارس رايها زي راي سوسن واحلام بتحارب في النص
حاولت احلام تشارك فارس وانه يحاول معاها يحارب في المعركه الخسرانه دي
احلام : ايه رايك يا فارس
فارس : اه جميله
احلام : طيب دي
فارس : برده حلو
احلام : طيب اخد مين فيهم
فارس : الاتنين حلوين شوفي انتي تحبي ايه
احلام طبعا كانت علي اخرها وحاولت متخرجش البركان الي جواه من ضغط امها ووالده فارس وكمان تجاهل فارس
احلام : طيب يا جماعه هخرج بس ثواني هشتري ازازه ميه
وخرجت احلام وهي وشها احمر ولسه تدفع لقت فارس قدامها دفع ليها وخرج معاها
فارس : قلت ليكي جاي معاكي بس شكلك مسمعتيش
احلام : زعلت عشان مسمتعكش
فارس : لا لان اكيييد متقصديش يعني
احلام : بس لو كررت الفعل وانا حتي مقصدش
فارس : هضايق طبعا
احلام : التجاهل وحش صح
فارس : اكيييييييييييد
احلام : والي انت بتعمله جوه ده ايه بقي !!!
فارس : ههههههههههههههههههههههههه
احلام : انت بتضحك
فارس : حسيت سبب خروجك فعلا انك مضايقه
احلام : وانت شايف ان دي مش حاجه تضايق
فارس : اقول الحق من خمس دقايق لو كنتي جيتي وقلتي انا مضايقه عشان انت مش بتقول رايك ولا مهتم
كنت هقولك ليه وان دي الشبكه ومن رايك ومليش دخل انا والكلام ده
بس عارفه شكلي كده والله اعلم حبيت واحده ذكيه بتعرف تفهم الي قدمها غلطه ويعترف بيه كمان
اصلها بتحطه في نفس الموقف الاول وتقوله احكم وكده يبقي حكم علي نفسه
احلام : فارس انا عارفه ان الشبكه دي حاجات بنات والمفروض انا بس الي من حقي الاختيار
بس برده دي حياتنا ولما احتاج رايك في حاجه وترد ببرود
دي حاجه وحشه البنت بتحب الاهتمام حتي لو في ابسط الامور
فارس : عندك حق الحياه مشاركه ومن حقي برده اقول راي في شبكه عروستي ولا ايه
احلام : مش لما ابقي اقول انا راي فيها
فارس : هههههههههههههههههههههههههههههههه
احلام : اضحك اضحك انا كل ما اختار اي حاجه ماما ووالدتك دي صغيره دي رفيعه دي خفيفه متوزنش
ايه الذوق ده لا لا لا متستحمشلش يا بنتي
الدهب بتقله مش بس رقته
لو كنت فضلت جوه كمان مع تجاهلك ده كنت هنفجر
فارس : بعيد الشر عنك وبسيطه يا ستي خدي نفس كده
احلام : حد قال اني عندي بانك اتاك
فارس : خدي نفس يا احلام
احلام : اهو
فارس : شوفتي بسيطه ازاي
احلام : هي ايه الي بسيطه
فارس : انك تاخدي نفس
احلام : هههههههههههههههههههههههههه انت بتقول ايه
فارس : يا ستي بهزر معاكي لا بجد اقصد بهدوووء خالص احنا ندخل كل الي يقولها تمام وحاضر اه دول اهلنا برده
ويا ستي ليكي عليا الدهب كله يتغير بعد الجواز وانت وانا بس الي ننزل نجيبه واختاري بقي الي انتي عايزاه
احلام : اه والله فكره لاني عمري ما كنت هعرف اخد حقي جوه خاااااااالص
فارس : شوفتي بقي طول ما انا معاكي متقلقيش
احلام : شكرا يا فارس
فارس : ده الرد علي الي انا بقوله
طيب ايه رايك بقي انا هروح اقولهم ولعلمك مش مغير حاجه بعد الجواز
احلام : ههههههههههههههههههههههه
فارس : ايوه كده اضحكي فيه عروسه تكشر وهي بتنقي دهبها مع انك عسل برده
احلام : ماما عايزاني صح ندهت
فارس : ههههههههههههههههههههه تقريبا
وخلصت الشبكه علي خير
ويوم الخطووبه المشهود
اتفقت العيلتان الخطوبه في بيت احلام الاهل والقرايب وبس
طبعا سوسن قامت بالواجب خاااااااالص بس المره دي محتاجه مساعدات خارجيه
(احلام عندها خالتين تم استدعائهم للمساعده بجانب الجيران المقربين )
تم تزيين البيت طبعا وخصوصا كوشه العرسان
اما احلام طول اليوم محبوسه في الاوضه عندها الكوافيره طبعا اختارت فستان سهره بسيط وطرحه رقيقه وهتلبسها عاديه
وبليل
اصوات مزيكا والاهل كلهم متجمعين
خاله : لولولوولووي مبرووووووووك يا احلام ما شاء الله ايه القمر ده
خاله تانيه : قمر يا روحي تاخدي العقل
سوسن : ايه سيبو البنت دي بنتي علي فكره خمسه وخميسه
احلام : طب بتعيطي ليه دلوقتي بقي
سوسن : كبرتي يا روحي
احلام : علي اسااس ده جه فجاه عليكي وكانو مخبين عليكي ولا ايه
سوسن : بتتريقي بكره تخلفي وتعرفي نظره الام لولادها ايه
احلام حضنت امها : ربنا يخليكي ليا ياااااااااااارب
سوسن : ويخليكي يا روحي
لبني : محدش يعيط فاهمييييين اليوم من اوله حلو بلاش نكد
سوسن : عقبال ما اتعب ليكي في فرحك يا لبني ياااااااارب
لبني : تسلمي يا ماما
خاله : هو مش فارس هيجي ياخدك تتصوروا الاول
احلام : لا
سوسن : لا ليه
احلام : اولا انتي بتشوفي صور اي خطوبه بتبقي عامله ايه
يعني ايه واحد غريب عني يمسك ايدي ولا يحط ايده في وسطي
ولا ايه نقرب لبعض اووي زي الي في الصور دي
سوسن : يا بنتي مش كلهم كده وناس بتتصور عادي
احلام : اه ما انا عارفه بس نقعد نشرح للمصور بقي لييييه بلاش تعب وبعدين متقلقيش فارس قال هتصرف
سوسن : ده انتو متفقين بقي
احلام : ايوه هو اصلا الي فتح الموضوع وكان ممانع موضوع التصوير ده
سوسن : والله ولقيتي الي بيمشي علي هواكي وفكرك
احلام : الحمد لله من دعاكي يا حاجه
سوسن : ايوه طبعا انكري بقي
احلام : هو انا اقدر
خالتها : االعريس جه يلا عشان تخرجي
وكله خرج وكان باقي احلام ولبني
احلام : لبني انا شكلي حلو
لبني : قمر انتي مشفتيش نفسك في المرايا
احلام : اصلي مش حاطه ميكب يعني وحتي الطرحه عملتها عادي
لبني : احلي ما فيكي بساطتك يا احلام وانتي جميله ومش محتاجه
الميكب معمول للي مش عارف يبقي جميل
احلام : يا رافعه معنوياتي
لبني : اي خدمه هع هع
ادهم : ما شاء الله يلا يا بنتي وباس راسها جاهزه يلا
احلام : ايوه يا بابا
وخرجت احلام مع ادهم ووسط زغرايط وهيصه وقعدت هي وفارس
ولاحظت احلام وجود شخص بكاميرا نازل تصوير
احلام : هو مين الشخص ده
فارس : اه مش قلت ليكي هتصرف متقلقيش ده صحبي
وهو له في التصوير وكده وانا قلت الصور الي بجد مش الي في الاستديو هي الي تبقي حقيقه فعلا من قلب الحدث يعني
وعرضت عليه بقي وهو مصدق يعييني نفس يظهر موهبته هههههههههههه
بس قال سبني هبهرك وهطلع صور محصلتش
وهيفضل لازق معانا كده طول الخطوبه سبيها يشوف شغله يعييني مصدق
احلام : هههههههههههههههههههه ما هو واضح اهو ده مسبش اي حد دخل او خرج الا واخد له الصوره
انا لو لقيت في الصور صوره الحيطان او الابواب مش هتفاجي والله
فارس : هههههههههههههههههههههههههههههههه
بعد فتره جه وقت لبس الدبل
وقامت والده فارس بالشبكه وادت فارس دبلته ولبست احلام شبكتها
وبعد الخطووووووووووبه
فارس واحلام قاعدين
فارس : زعلتي عشان ماما لبستك الدبله والشبكه
احلام : لا ابدا والله
فارس : يعني اعترف واقول اني الي طلبت منها كده وخفت تتضايقي
عشان كده بينت زي ما يكون هي الي عملتها من قصدها
اصلي بصراحه عايز افضل راضي ربنا معاكي عشان يبارك لينا في حياتنا
احلام : تعرف يا فارس انت كل يوم بتزيد في نظري اوووي
فارس : الكلام ده ليا والله
احلام : ههههههههههههههه اه والله مستغرب ليه
فارس : ابدا دي اول مره تقولي كلمه عدله يوه قصدي حلوه في حقي
احلام : لا دي مجامله بس
فارس : بقي كده وانا الي كنت محضر ليكي مفاجاه يلا بلاش احسن
احلام : مفاجاه ايه ايه
فارس : لا مش مجامله بقي
احلام : انت عارف يا فارس اني بهزر الله بقي قول بقي بالله عليك قول
فارس : عامله زي الاطفال كده ليه وانتي بتطلبي
احلام اتكسفت : انا ليه يعني بوص خلاص مش عايزه حاجه
فارس : خلاص خلاص والله الكسوف ده حاجه حلوه
احلام : انت رخم علي فكره
فارس : ماشي طيب وقام خرج من الاوضه
احلام : رايح فين
فارس : استني
احلام ( بهزر يا عم انت ارجع انت بتصدقني ليه انا اساسا بنت كدابه )
وبعد خمس دقايق
احلام : ( لازم لساني ده يتقص فعلا وبعدين ما هو فعلا الي رخم بيحرجني وبيكسفني كل شويه ها ليه بقي ها ليه هاا ليييييه ) وهي بتفكر بعقلها نطقت : ليه لييييييه
فارس : ههههههههههههههههههه انتي بتكلمي نفسك
احلام :ها !! انت هنا من امته
فارس : ابدا من اول لييييييه لييييييييه
احلام : لا ابدا ابدا متخدش في بالك
فارس : طيب يلا
احلام : يلا فين
فارس : انتي مفكره الخطوبه كده خلصت
احلام : ايوه امال فيه ايه
فارس : استاذنت بااباكي وهاخدك انتي وبنات خالتك وهنخرج
احلام : وبابا وافق
فارس : لا تقريبا هو قال ازاي واحد وخطيبته يخرجوا وكمان معاهم بنات خالتها ايه الفسق ده
احلام : ههههههههههههههههههههههههه انا بس عشان يعني مش متعوده مش بقولك متخدش في بالك
فارس : طيب يا مصدومه
وخرجت احلام وفارس وبنات خالتها
احلام : ها هنروح فيييين
فارس : اصبري ما هي دي المفاجاه
احلام : طيب ما نلعب لعبه عروستي يمكن اعرف
فارس : ههههههههههههه مش بقولك طفله
احلام : خلاص هسكت اهو
فارس : هههههههههههههه شطوووره
وبعد شويه وقف فارس
فارس : يلا انزلي
احلام بصت لقت انها قدام البحر
فارس : تعالي يلا
احلام : هنروح فين بقي
فارس : اتفرجي يا ستي
فارس صحبه عنده يخت فعمل المفاجاه دي لاحلام زين المركب كله وبلالين وحركات كده وهياخدها ويتفسحوا في البحر شويه
احلام : هنركب مركب
فارس : ها ايه رايك
احلام : الله عمري ما ركبته
فارس : هيعجبك اكيييد خصوصا انه معايا
احلام : دي مفاجاه حلوه اوووووي شكرا يا فارس
فارس : انا كلمه الشكر وصلت خلاص كفايه عنيكي والفرحه الي ملياهم
انا كده حاسس اني ملكت الدنيا كلها