رواية فارس احلامى
الفصل السابع
في الجامعه تاني يوم
فارس ملحقش يشوف احلام قبل ما تدخل محاضرتها بس فجاه وهو ماشي سمع حد بنادي عليه
الشخص : فاااااااااااارس
فارس التفت : سمر
سمر : ازيك يا فارس
فارس : انتي جيتي هنا ازاي مش انتي معيده في جامعه ...
سمر : ايه ده مكنتش فاكره انك لسه فاكرني وكمان تعرف عني معلومات
فارس : ههههههههههههههه انا وانتي يا سمر نفس الدفعه واكييد اعرف انتي بقيتي ايه
سمر : وانا من زمان بسال عليك وبحاول بكل جهدي انقل نفسي معاك وعلي حظي عمي بقي رئيس قطاع في التعليم ونقلني
انا عارفه انه يا خساره نقلني بعد الخطوبه صحيح ملحقتش اقول مبروك ليك لا وكمان هدخل حالا اقولها لخطيبتك اصلي انا المعيده بتاعتها
اسيبك بقي
واختفت سمر من قبل ما تسمع اي كلمه من فارس يمكن تقصد ده عايزه تعصب فارس
وكمان خافت فارس يمنعها انها تدخل المحاضره
المهم تدخل سمر المحاضره
سمر : ازيكم يا دكاتره طبعا الكل مستغربني واول مره ادرسلكم
دكتور هناء الي كانت بتديكم اخدت اجازه وانا هكمل معاكم الكورس
انا اسمي دكتوره سمر
ونتعرف عليكم بقي بالدور كده
وجه دور احلام
احلام : انا اسمي احلام
سمر : ااااااااه انتي بقي خطيبه دكتور فارس
احلام طبعا بتلقائيتها ملحظتش الاسم ولا لاحظت نبره السوال انها تقصد ايه وردت بطيبه : ايوه
سمر : اه علي فكره دكتور فارس زميلي ونفس دفعتي كمان
احلام هنا انتبهت وبدا ردار الانثي لاول مره يشتغل عندها
طبعا ده ردار لاي بنت مرتبطه او متزوجه بيتميز بالذكاء الشديد
وبيكشف اي نوايا خبيثه سواء من الرجل الي يلعب بديله او اي شي يتعلق بيه
( سمر ونفس دفعه فارس وطريقه الكلام كده لا بقي دي هي فعلا بس ليه هي هنا وبتعمل ايه )
وبدات المحاضره واحلام مخها بيشتغل وبيفكر في الي سمعته ويا تري هي ولا لا
المحاضره خلصت سمر خرجت
احلام : لبني
لبني : ايوه يا احلام
احلام : الدكتوره اسمها ايه
لبني : ايه يا بنتي ما قالت سمر
احلام : ومن دفعه مين
لبني : انتي سخنه يا حبيتي ما اتنيلت قالت برده من دفعه فارس
احلام : يبقي صح
لبني : هو ايه !!
احلام : ها لالا متخديش في بالك
لبني : والله شكلك لسعتي خالص
احلام : ايه ده فارس كان رن عليا الصبح هو تقريبا دلوقتي عنده بريك تعالي نروح نشوفه
لبني : بقولك ايه روحي وتعالو هستناكو في الكافتيريا عشان نقعد مع بعض
احلام : تمام
في الوقت ده بقي
سمر خرجت وراحت للمكتب المعيدين كلهم ليهم غرفه كبيره ليهم وكل معيد مكتب
سمر دخلت لقت فارس موجود بس مكنش واخد باله انه حد دخل
وكمان كان قاعد بيفكر فعلا ايه الي هتعمله سمر وعايزه منه ايه
سمر : الي واخد عقلك
فارس اتفزع : سمر انتي ايه الي جابك هنا (سمر كانت قاعده علي مكتب فارس وقريبه منه جامد )
سمر : ايه يا عم براحه اتخضيت كده ليه ايه ده مكتب يعني وبعدين دخلت وانت ولا انت هنا
عماله اخبط في الكتب مفيش بس تعرف شكلك وانت سرحان تحفففففففه
فارس : اولا بدام ملقتيش حد هنا في المكتب ومفيش غيري وغيرك يبقي الباب يفضل مفتوح مش هقولك يا ستي متدخليش لا من حقك ده مكتبك
وتصدقي انا الي هسيبه وهمشي عشان اتخنقت وبعدين تاني مره اوعي تقعدي القعده خافي من ربنا وخافي لحد من الدكاتره او الطلبه يجي يشوفك قاعده كده
سمر : لسه زي ما انت متغيرتش
فارس : واتغير ليه بدام ماشي في الطريق الصح ياريت انتي الي تتغيري
سمر : لو علي ايديك موافقه
فارس : سمر انا وانتي كنا لسه عيال يدوب طيش شباب وانتي شوفتي بنفسك بعد ما بعدت عنك انا عقلت تماما
وحتي طول فتره الدراسه محاولتش ارجع ليكي ولا انتي كمان
انا كان سببي اني عرفت ديني كويس وعرفت اني كنت ماشي غلط واتعدلت
وانتي بقي معرفش بعدتي ليه بس مهما كان السبب مش هيهمني اعرف
المهم عندي دلوقتي اني خاطب وبحب خطيبتي وصدقيني مش مستعد اخسرها لاي سبب من الاسباب
سمر : فارس انت بتاعي انا وبس
فارس : وواضح انك لسه متغيرتيش وانك لسه عيله يا سياده الدكتوره
سمر : ايوه عيله عشان محستش بقيمه النعمه الي كانت في ايدي
عيله عشان كنت مفهمتش ان الي كنت بتقول ليا كان غيره وخوف عليا وقررت اسيبك
عيله لاني قلت اسيبك تعرف قيمتي طول السنين الي فاتت واخليك ترجع ليا بدل ما انا الي رجعك بايدي
بس ملحوقه
فارس بعصبيه : لاخر مره بقولك انا مش هخسر الانسانه الي حبتها لاي سبب من الاسباب حتي لو كان الموت
خرج فارس وهو متعصب من افعال سمر وردودها جريت عليه سمر
في الوقت ده احلام كانت متجه ليهم
المنظر ( سمر بتشد كتف فارس وبتطلب منه يستني يسمعها وفارس كان لسه هيبتدي يهزاها علي انها ازاي تمسك ايده وفجاه يلاقو احلام في وشهم )
فارس : احلام
احلام : ..........
سمر : احلام ازيك عامله ايه
احلام بهدوء تام : الحمد لله
فارس فك ايديه من سمر
سمر : ههههههه ايه فارس اتحرجت عشان خطيبتك ولا ايه
اصل يا احلام كنا بنتكلم في المكتب انا وهو فقام وسابني فقلت الحقه نكمل كلام
احلام سكوت تام منها
فارس : احلام تعالي انا عايزك
سمر : ايه يا احلام انتي ساكته ليه . ايه يا فارس انت محكتلهاش احنا كنا ايه اخص عليك
هنا بص فارس لسمر نظره اشمئزاز من طريقتها بس يقطع كلام سمر ونظره فارس صوت احلام
احلام : تقصدي انك كنتي يعني حبيته الاولي
سمر من المفاجاه مقدرتش تكمل
احلام تبتسم و كملت كلامها : متتخضيش اوووي كده وبصت لفارس
بوووصي يا سمر لو كنتي تعرفي فارس كويس كنتي هتعرفي انه مش بيخبي وعلطول صريح
وانه طبيعي هيحكي حاجه زي دي لخطيبته ومراته بس للاسف شكلك مش عرفاه
سمر : حكي ليكي !!!
فارس : يلا يا احلام تعالي نمشي من هنا
وسابو سمر وهي بتموت من الغيظ
احلام بعد ما تحركوا محستش بنفسها الا وعنيها بتدمع
فارس : ايه ده يا احلام انتي بتعيطي
احلام : ها لا انا هدخل بس الحمام ثواني وجربت عليه
احلام لاول مره تتحط في الموقف ده فجاه تلاقي خطيبها مع حبيته الاولي وواقفين
وحبيته بتحاول تغيظها كمان وهي تمالكت اعصابها وعرفت تعدي الموقف
بس رهبته والضغط النفسي وعشان احساس الغيره الي عندها مقدرتش تتحمل كل ده دمعت
فارس عمال بيرن عليها وهي مش بترد
كان نفسه يكسر الباب ويدخل بس ميقدرش
احلام من ذكائها اختارت المكان الوحيد الي فارس ميقدرش يدخله لحد ما تهدي من ضغط الموقف وعشان ميصدرش منها اي موقف تندم عليه
رن علي لبني عشان تدخل تشوفها هي عامله ايه
بس وهو بيرن خرجت احلام
جري فارس عليها
فارس : احلام انتي كويسه
احلام : انا كويسه وتمام والله وابتسمت احلام
فارس : انا اسف بجد اني حطيتك في موقف زي ده
احلام : فارس انت ذنبك ايه بس
فارس : كان المفروض اخرصها ومخلهاش تتكلم نص كلمه ولا انها تحاول تستفزك او انها تخليكي تعيطي
انتي دموعك دي غاليه عندي ومتستهلش تنزل عشان واحده زي دي
احلام : انا بس عشان اول مره اتحط في الموقف ده وكمان طريقتها الجريئه وكلامها
ويبقي جنان وغباء مني اني اظلمك او ازعل منك بسبب موقف زي ده انت ملكش دخل فيه
فارس : انا والله مش بحبها يا احلام وبحبك انتي ومش مستعد اخسرك بسببها حتي لو الحل اني اقدم استقالتي
احلام : فارس استهدي بالله بس ممكن تهدي
وتاخد نفس
فارس ابتسم ليها وافتكر يوم ما قال ليها الكلمه دي
احلام : ايوه اضحك انا بقيت كويسه والله
وهقولك حاجه هي جايه عشان تخرب علينا سعادتنا وانا مش هسمح ليها بده
وانت تستقيل ليه ده اسمه جبن علي فكره وبعدين تهرب ليه انت مش حكيت ليا كل حاجه
وكنت صريح معايا وانا وافقت عليك يبقي خايف تخسرني ليه
احنا بنينا حياتنا علي اساس سليم عشان كده عمره ما هيتهد
فارس : وانا مستحملش اشوف دموعك دي يتنزل بسببها تاني
احلام : خلاص بقي انسي انا خلاص نسيت وان شاء الله مش هتنزل تاني
فارس : بس عجبني ردك ليها بجد وكنت لسه هرد عليها كده بس سبقتيني يا ام لسان وكنت هزعق ليها علي مسكه دراعي دي
بس انتي نجدتيها مني والله
احلام : ههههههههههههه
فارس : انا مش عايز اشوف غير ابتسامتك دي وبس
احلام : متقلقش يا فارس انا واثقه فيك ومتاكده انك مش هتعمل حاجه غلط
او هتعمل حاجه تجرحني وعارفه انك بتراعي ربنا فيا حتي وانا مش موجوده
فارس : احلام انتي خطيبتي ومراتي ان شاء الله ومفيش اي مخلوق هيقدر يبعدني عنك ولا سمر دي
وانتي اوعي تصدقيها في يوم
احلام : متقلقش انا عارفه هي عايزه توصل لايه وان شاء الله مش هخليها تنوله
فارس : ايوه كده بحبك والله
احلام : مش هنروح لبني بقي
فارس :ههههههههههههههههه يبقي رجعتي ام لسان تاني
احلام : هو انا اقدر انساه
فارس : بس لسان ما شاء الله ياخد جايزه نوبل في القتل والغيظ
احلام : مع ان كان شكلها مستفز وهي بتتكلم وبتقلدها احلام ( ايه يا احلام انتي ساكته ليه . ايه يا فارس انت محكتلهاش اخص عليك)
يختي اخص عليكي انتي
فارس : هههههههههههههههههههههههههههههههههههههههه مش قادر كفايه يا احلام
احلام : اضحك اضحك والله من رحمه ربنا بيها اني تمالكت اعصابي هناك وكنت عاقله والا كانت شافت مني يلا الحمد لله علي نعمه العقل
فارس: ههههههههههههههههههههههههههههههههه كنتي عملتي ايه ؟
احلام : لا السوال سبتي ايه ومعملتوش
فارس : كل ده للدرجه دي بتغيري عليا
احلام : طبعا مش خطيبي ومن حقي ولا لا ؟
فارس : بركاتك يا سمر دي اعترفت كمان انها بتغير عليا ^^
احلام : ويا ويليها لو مسكت ايدك تاني
فارس : صدقيني المره الجايه لو صدر منها اي موقف انا الي هتصدر ليها
احلام : احسن برده
فارس : هههههههههههههههههههه
احلام : بتضحك ليه
فارس : انا مش بضحك بس انا طاير من السعاده اصل عرفت معزتي في قلبك اد ايه
وبعدين صحيح نسيت اديكي شيكولاته النهارده اتفضلي ولو انك تستاهلي علبه بحالها بعد الكلام الحلو ده
احلام : الله شيكولاته كده انا مش زعلانه
فارس : اوعي تزعلي في يوم مش عايز اشوف في وشك الا الضحكه انتي مش عارفه انا بحبك اد ايه يا احلام
احلام : احم احم لبني كده باين خللت في الكافتيريا
فارس : يلا يلا يا الي تاعبه قلبي
احلام : يلا يا خطيبي
وعدت احلام الموضوع
وتاني يوم في المحاضره
سمر : بوصو يا جماعه المنهج كبيييييييير جدااا وعشان اشرحه لازم اوقات كمان
عشان كده انا خصصت ساعتين كمان في الاسبوع وهنتقابل فيهم الساعتين دول مكلمين للشرح هنا
لازم الحضور في الاتتنين عشان تفهمو الماده
وهيبقوا الساعه 2و5
احلام : بتشوف جدولها لقت الميعادين دول عندها محاضرات
احلام : لو سمحتي يا دكتور انا عندي مواعيد محاضرات فيهم
سمر : للاسف انا ملقتش الا الميعادين دول الي فاضيين في جدولي
وبنبره خبت وبعدين ما تقلقيش يا احلام لو حتي محضرتيش هيبقي جزء بسيط بيتشرح فيهم وركزي هنا وخلاص
احلام : تمام يا دكتور ( روحي يا بعيده منك لله )
سمر : تمام ( ابقي وريني اخرك يا احلام )
وبتعدي ايام
وفي مره خرجت احلام مضايقه
فارس : مالك يا احلام
احلام : ها مفيش
فارس : لا فيه مالك بجد
احلام : سمر كنت قلت ليك انها بتعمل مواعيد للمحاضرات الزياده عشان شرح الماده
وانا ببقي مشغوله في المواعيد دي
المهم بقت الايام دي تقضي المحاضرات هزار وضحك لحد ما تخلص وتشرح كل حاجه في الاوقات الي مش بحضرها
وانا كده بضيع الماده مني وكمان امتحان الميد ترم علي الابواب
فارس : هي ايه الي بتعمله ده دي بتستعبط ولازم حد يوقفها عند حدها
الجامعه متسمحش بده لازم المحاضرات برده يتشرح فيها حاجات مش كل يتشرح في الساعات الزياده
احلام : هتروح تقول ايه يا فارس تشتكيها
عشان كل الي في الجامعه يقول ست احلام لو مش عاجيها اي دكتور تروح تقول لخطيبها و هو يغيره
فارس : بس الي بتعمله ده فعلا غلط كده في ناس كتير مش بتحضر
احلام : لا مش كتير غلط عليا انا ولبني بس
لان جدولنا الوحيد المختلف زي ما تكون شافت جدولنا وحددت المواعيد عليه
فارس : يخربيت دماغها ايه ده
احلام : قدر الله وماشاء فعل
فارس : متزعليش طيب
احلام : مش زعلانه وبعدين متقلقش وراك رداله هحاول اذاكرها بنفسي واشوف
في البيت
احلام بتحاول تفتح الماده وتذاكرها ويمكن تفهم حاجه لكن ما فيش
يقطع مذاكرتها سوسن
سوسن : احلام احلا م
احلام : ايوه يا ماما
سوسن : فارس بره وعايز يشوفك ضروري
احلام : فارس خير ليه حتي ده مكلمنيش
سوسن : مش عارفه ليه يا بنتي
احلام : طيب يا ماما هلبس الازدال وخارجه اهو
احلام : خير يا فارس مقلتليش انك جاي
فارس : طب قولي نورت . فرحانه اني شفتك
احلام : انا بس قلقانه ليكون حصل حاجه
فارس : لا لا متقلقيش مش قلت ليكي طول ما انت معايا متقلقيش
انا جاي اقولك اني لقيت الحل للمشكله