رواية(فارس احلامي)
الفصل الثاني عشر
وبعد الامتحانات ماعدت وكله تمام
فارس : يااااااه اخيرا يا احلام هنجهز بقي لبيتنا سوا
احلام : احم احم فارس انا عايزاك في موضوع وكنت هفتحه والله من غير حتي ما تبدا انت
فارس : قولي يا احلام
احلام : انا حتي معرفتش اي حد قبلك وعارفه ان مشاكلنا محدش يحلها غيرنا
فارس : مشاكل ايه بس
احلام : انا مش عايزه اتجوز دلوقتي
فارس : ايه O:
احلام : اقصد يعني عايزه ااجل الموضوع شويه
فارس : ليه يا احلام هو انتي لسه مش عارفاني
احلام : الموضوع مش كده انا بس عايزه ادرس كمان انا في كورسات هتفدني جدااا قبل ما افتح العياده بتاعتي
فارس : طيب وده ماله ومال جوازنا
احلام : انت مش كنت دايما بتشجعني اني استمر واتعلم وبتشجعني اني اجيب تقدير وكده
وانا عايزه ابقي كمان دكتوره ناجحه مش مجرد دكتوره واخده شهاده وانا عارفه ان الجواز ممكن يعطلني ازاي اجهز لشقتنا وانا بدرس كمان
فارس : والاهم طبعا هو دراستك صح
احلام :العمل عباده يا فارس وان الله يجب اذا عمل احكم عملا ان يتقنه
وانا عايزه اكون متقنه في عملي
فارس : تمام يا احلام
احلام : انت زعلت
فارس : انا مضطر امشي يا احلام
احلام : يبقي زعلت فعلا
فارس : لا ازاي كان باقي شهرين علي جوزانا دلوقتي هيبقو سنه والمفروض ابقي عادي خاااالص
بقولك انا احسن امشي وابعد بدل ما اتعصب
وخرج فارس
احلام زعلت من رد فارس الي استغربته انه يخرج وهو زعلان كان جواها برده بتعذره بس متوقعتش ده منه
فارس كان مصدوم وكمان مكنش متخيل ان الترتيبات الي مجهزين ليها في يوم وليله تتاجل وازاي ومحاولش يستني لان كان ممكن يتعصب ويشدوا مع بعض والشيطان يدخل بينهم
فارس رجع للبيت واتوضي وصلي ركعتين حاول يهدي ويفكر بعقله واحلام برده كانت بتفكر
ميقدرش اي واحد منهم ينام والتاني زعلان
احلام بعتت مسج لفارس ومكتوب فيها
((( ﻋَﻦْ ﺃَﺑِﻲ ﺃَﻳُّﻮﺏَ ﺍﻷﻧْﺼَﺎﺭِﻱِّ، ﺃَﻥَّ ﺭَﺳُﻮﻝَ ﺍﻟﻠَّﻪِ ﺻَﻠَّﻰ ﺍﻟﻠَّﻪُ ﻋَﻠَﻴْﻪِ ﻭَﺳَﻠَّﻢَ ﻗَﺎﻝَ: ﻻ ﻳَﺤِﻞُّ ﻟِﺮَﺟُﻞٍ ﺃَﻥْ ﻳَﻬْﺠُﺮَ ﺃَﺧَﺎﻩُ ﻓَﻮْﻕَ ﺛَﻼﺙِ ﻟَﻴَﺎﻝٍ ﻳَﻠْﺘَﻘِﻴَﺎﻥِ ﻓَﻴُﻌْﺮِﺽُ ﻫَﺬَﺍ ﻭَﻳُﻌْﺮِﺽُ ﻫَﺬَﺍ ﻭَﺧَﻴْﺮُﻫُﻤَﺎ ﺍﻟَّﺬِﻱ ﻳَﺒْﺪَﺃُ ﺑِﺎﻟﺴَّﻼﻡِ ))
شكلك مااخدتش الحديث ده وكده يبقي 3 واحد ليا
وسلام عليكم بقي هه هه افتكر اني الي بدات
وخد نفس متضحكش وخد نفس شهيق زفير
فارس شاف المسج وفعلا اول ما شاف انها من احلام من غير لسه ميفتحها ضحك وكانه مكنش زعلان منها
وبعدها لقت احلام تليفونها بيرن
فارس : سلام عليكم
احلام : عليكم السلام بس انا الي بدات السلام الاول علفكره متضعيش الثواب مني
فارس : طيب يا ستي ليكي انتي الثواب
احلام : المهم انك متكنش زعلان يا فارس انا مقدرش اكون لسه بدرس وكورسات دي هتاخد وقت كبير مني جدااا
والمفروض بقي وسط دراستي دي اجهز شقتنا واجهز العياده بتاعتي كمان وبعد فتره اتجوز واتحمل بيت ومسئوليه وعيله وحياه زوجيه ومشاركه والمفروض وسط كل ده اعرف اذاكر حاجه
فارس : لا طبعا متقدريش
احلام : انا عارفه ان موضوع الكورسات ده جه فجاه وانا والله مكنش في دماغي بس لبني اقترحته وقالت فعلا هيفيدنا
وكنت لسه بقترح عليك انت زعلت
فارس : انا مزعلتش اد ما اتصدمت يا احلام وعشان كده خفت اتعصب او الشيطان ميخلنيش اتحكم في اعصابي
احلام : انا راعيت ده والله بس كنت عايزه منك مسانده وتشجيع اكتر يا فارس
فارس : ومين قال اني مش هساعدك
احلام : يعني ايه
فارس : يعني انا عمري ما اعارض علي دراستك يا احلام ده فعلا حق من حقوقك عليا انك تنجحي في حياتك وتثبتي نفسك وشخصيتك
احلام : يعني موافق
فارس : اه طبعا بس بشرط صغنووووون خالص
احلام : ايه هو اؤمر وانا انفذ هو بعد الكلام الحلو ده ارفض اي طلب
فارس : نكتب الكتاب
احلام : كتاب ايه نكتب الكتاب يعني مؤذون يعني ونكتب الكتاب يعني الي هو كده يعني
فارس : ههههههههههههههههه ايه يا بنتي ايوه اقصد نكتب الكتاب
احلام : بس يعني
فارس : ايه الاعتراض دلوقتي
احلام انتي قولتي بنفسك الكورسات وقتها طويل يعني ممكن تطولي في يوم وانا ممكن اجي اخدك ومش كل مره هاخد معايا بقي حد عشان اجي اوصلك واخدك
ثانيا انا كمان مش هبطل ترتيب في بيتنا انا هفضل اظبط فيه وانتي بتتدرسي واكييييد هخرج انا وانتي مرات نختار حاجات مع بعض
وبعدين اهم نقطه بقي في الموضوع
اني خلاص نفسي اقولك بحبك نفسي اقولك علي الي جوايا وخايف اغضب ربنا يا احلام انا نفسي اكون بعمل كل حاجه وهو راضي عننا
احنا كنا هنتجوز بس الحمد لله طلع لينا فجاه الكورسات ربنا يخلي لينا ست لبني
دلوقتي هناجل خلاص مفرقتش ناجل شويه بس واحنا مكتوب كتابنا
احلام : وانا موافقه يا فارس
فارس : بجد
احلام : ايوه طبعا انا قلت ليكي انا هاجل بس عشان دراستي مقدرش اوفق بين الاتنين وانا عارفاك كويس وعارفه اد ايه انتي بتحبني ومتفاهم معايا
كفايه انك حتي متعصبتش عليا لما قلت اجل دراستي واتفاهمت ده اينعم زعلت بس يلا الطيب احسن واخدت حسنه وانت لا
فارس : قلبك ابيض يا احلام
احلام : طول عمري علي فكره بس هنقول لبابا ازاي وهيوافقو بقي ولا هيتعصبو ويعملو اكتر منك كده
فارس : لا متقلقيش سيبي الموضوع عليا وكمان يمكن كتب الكتاب يهديهم شويه وانا برده من نحيتي هتحجج ان ترتيب الشقه والعفش وكل ده هياخد وقت كبير
احلام : بجد ربنا يخليك ليا يااااااااااااااااااااارب وكلام كتييييييييير كده بس بعد كتب الكتاب هبقي اقوله ان شاء الله
فارس : قول والله هتقولي ايه اه اه انا ممكن اروح اجيب الماذون حالا
احلام : انت عارف الساعه كام
فارس : مش مشكله اصل دي اول مره هتقولي ليا حاجات اه بقي يا تري ايه ها ها طيب ما تديني نبذه مختصره كده
احلام : نبذه مختصره مش بقولك استاذ عربي
فارس : سيبك مني وانطقي بس
احلام : بعد كتب الكتاب بقي
فارس : بكره من النجمه هكون عندكم وربنا يعيني واقنع باباكي
احلام :ونقنع بابا انا مش هسيبك انا السبب في الاول وهنحل سوا المشكله دي
فارس : ان شاء الله خير
احلام : تصبح علي الف خير
فارس : احلام علي فكره انا عمري ما كنت هسيبك تنامي وانتي زعلانه مني
احلام : انا كنت متاكده من ده بس انا يمكن معرفتش اوصل ليك الي عايزه اقوله وعصبتك كان لازم اصالحك برده
فارس : وانا برده مكنش لازم اتعصب وافهمك من الاول
احلام : مش مهم الي حصل المهم اننا اتصالحنا ومحدش فينا كابر وقال انا مش غلطان وكل واحد فينا اعترف بغلطه للتاني
فارس : عارفه الانسان الي بيعترف باخطائه لنفسه مش بيبقي مرتاح
طيب ما هو شريك حياتي هو روحي ونفسي يبقي معترفش ليه له
احلام : مش كل الناس بتفكر في شريك حياتنا انه روحه ونصه التاني
فارس : بس انتي نصي التاني يا احلام
احلام : احم احم ما انا عارفه تصبح علي خير بقي
فارس : وانتي من اهله بقي
احلام : سلام بقي
فارس : سلام بقي
والصبح وكانت الحرب ومحاوله اقناع كل من فارس واحلام الاهل بموضوع تكمله الدراسه وكتب الكتاب
وطبعا بدام فارس واحلام متفقين علي الاقل ده يدي مجال للمناقشه وفعلا وافقوا علي الموضوع
واتكتب الكتاب
والمؤذون جه والبيت اتملي من الاهل والجيران للمباركه بكتب الكتاب
احلام لبست فستان اوف وايت وطرحه عاديه وفارس بدله كانهم عرسان
والمفاجاه ان لبني وكريم هيكتبوا الكتاب هو كمان
فارس : يا ابني انا هحسدك والله يعني ايه بقالك شهر بس وتكتب كتابك
وانا الي بعاني بقالي اكتر من اربع شهوور اااااااه يا قلبي
كريم : اهو عنيكم دي الي هتجبنا ورا وبعدين انت مالك انا ولبني اتفاهمنا وقلناا اننا عشان حتي نعرف نتكلم وكده يعني نكتب الكتاب احسن
فارس : امشي من هنا يا كريم بدل ما اقتلك
كريم : يا احلام تعالي شوفي فارس الي اتجنن ده
احلام : معلش المفاجاه كبيره عليه
فارس : مفكرناش ليه نعمل زيهم قبل كده يا احلام :’(
احلام : نصيب بقي معلش
لبني : متزعلش يا دكتور انتم السابقون ونحن اللاحقون بعدكم بخمس دقايق
فارس : دول جايين يشلونا يا احلام
احلام : هههههههههههههههههه تقريبا
فارس :بس مش هيعرفوا عشان انا محضر ليكي مفاجاه بعد كتب الكتاب وهو مش فيها
احلام : بجد ايه ايه
فارس : استني بقي بعد كتب الكتاب
احلام : تمام
ولحظه ما فارس بيقول : وانا قبلت زواجها منك كان بيقولها وهو بيبص علي احلام
وبعد ما خلص
المؤذون : فين العروسه تيجي هنا
احلام : ايوه انا هنا
المؤذون : والعريس
فارس : ايوه نعم
المؤذون : بوصي يا بنتي دلوقتي فارس بقي زوجك علي سنه الله ورسوله وقدام الشهود دي
ولازم تراعيه وتصونيه وتحمي بيته وتصوني عرضه
وتصبري عليه يعني لو متعصب او زعلان قدريه
ولازم برده يلاقي عندك الحنيه والطيبه
ويرجع من شغله يلاقي الامان والدفا في البيت
حاولي علي اد ما تقدري تتحمليه وهو هيشلك جوه عنيه بدام رعيته وقت ضيقته
الرجاله يا بنتي كلها كده اتحمليها تشيلك جوه عنيها
فارس : اه بالله عليك يا شيخ وصيها عليا
المؤذون : وانت يا ابني مراتك دي خرجت من بيت اهلها لبيتك
وعايزه تلاقي فيك الاب الي سابته بخوفها عليها
والام بحنانها والحب الي تديه ليها
والاخ الي يسمعها دايما
ويا سيدي مش هتقدر تدلعها وتخرجها وتفسحها كل يوم يكفي الكلمه الحلوه دي حتي صدقه وهتاخد عليها حسنه
وكون ليها نعم الزوج وعاملها زي ما كان الرسول بيعامل زوجاته
وعاملها معامله الرجال وليست معامله من يدعون الرجوله فاهمني يا ابني
فارس : دي في عيني يا شيخ والله
المؤذون : ويلا يا جماعه كله يدعي بارك الله لهما وبارك عليهما وجمع بينهما في خير
الكل : اللهم امييييييين
ويخلص كتب الكتاب ولاول مره يقعد فارس واحلام لوحدهم
فارس : ياااااه يا احلام اخيرا هشوفك واملي عيني منك
احلام :
فارس رفع وشها بايديه : ما شاء الله تبارك الله
احلام : بقول ايه انا الي جبته لنفسي والله
فارس : احلام انا عايز اصلي بيكي
احلام : حالا يعني
فارس : اه عايز اول حاجه اعملها وانتي علي ذمتي هي ركعتين لله
احلام : طيب تمام
وصلي فارس باحلام وكان امام ليها
وهو في السجود قال دعاء ورفع من صوته عشان احلام تسمعه وتردد وراه
وبعد ما خلصوا
فارس : بقولك انتي يلا يلا مش هنقعد هنا
احلام : امال علي فين
فارس : مش قلت ورانا حاجه بعد كتب الكتاب
احلام : اه بس فين
فارس مسك ايديها : يلا بينا وبطلي كلام يا ام لسان
احلام : طيب
وقعد فارس يسوق عربيته
احلام : يا فارس هنروح فين بس
فارس : استني بس ايوووه هنا
احلام : انت مطلعني فين بس
فارس : ايه رايك في المنظر ده بقي
احلام : الله دي مصر كلها تحتنا
فارس : عشان نفسي مصر كلها تسمعني
احلام : تسمع ايه بس
فارس: استني وقام فارس مطفي نور العربيه
احلام : انت فين يا فارس انت جايبني هنا عشان تخضني بطل بقي وافتح نور العربيه :’(
فارس : تعالي بس امسكي ايدي وامشي
احلام : انا مش شايفه اي حاجه
فارس : خليكي معايا بس
احلام : طيب
فارس : ايوه هنا في النص كده
احلام : نص ايه
فارس : استني بقي واحد اتنين تلاته
وفجاه نور حولين احلام علي شكل قلب وهي في نصه النور
فارس : بقولك عايز مصر كلها تسمعني وانا بقولك بحببببببببببببك بحبببببببببببك بحببببببببببك والله العظيم بحبك
احلام : يا مجنون
فارس طلع من جيبه هديه : افتحي العلبه
احلام : دي ايه دي
فارس : افتحي
احلام : ده خاتم جميل اووي ده
فارس : ده قلبي الي في الخاتم ده
احلام : جمييييل جدااااااا
فارس : هاتي البسه ليكي وبوصي خليه في الشمال لحد ما تلبيسي دبلتي فيها
احلام : مش عارفه اقولك ايه يا فارس انت بجد وموجود فعلا ؟
فارس: انا كده عشان حبيتك بس ومستعد اعمل اكتر من كده عشانك برده وقلت ليكي عشان اشوف الفرحه في عنيكي مستعد اعمل اكتر من ده
احلام: وانا مش عايزه غيرك
وقعدوا شويه مع بعض في الجو الرومانسي ده
ووصلها فارس للبيت
فارس : يلا تصبحي علي خير
احلام : مش هتدخل تقعد شويه
فارس: لا انتي زمانك تعبانه علي مخضوضه من المفاجاه كفايه كده عليكي النهارده
احلام : طيب طمنيني لما توصل
فارس : هرن عليكي
احلام : هستناك
فارس بيلف عشان هيمشي وهو ماشي فجاه سمع صوت احلام الي لسه واقفه مقفلتش الباب
احلام : بحبك يا فارس
وهوووووب رزعت الباب
احلام : زمانه سمعها صح صح اه كده احسن ما انا مش هعرف اقولها له في وشه كده فله اووي
ده انا مقدرش اقولها تاني اه اه وبعدين وشي احمر كده ليه امال لو كان واقف قدامي
وفجاه يقطع تفكيرها ده كله صوت موبايلها
احلام : ده هو يااااااا نهااااااار ارد لا مردتش لا ارد عيب برده
احلام : الو
فارس : افتحي الباب بدل ما اكسره حالا بتخديني علي خوانه كده :’(
انتي عارفه انا مستني الكلمه دي بقالي اد ايه
انتي عارفه اني اتشليت بره ازاي افتحي يا احلام
احلام : انت مش كنت ماشي عايز ايه بقي الله
فارس : كنت ماشي وشقلبتيني بكلمه افتحي بس قوليها واقفلي تاني
احلام : لا كفايه مره واحده
فارس : هو انا حتي سمعتها كويس المره دي حرام عليكي يا شيخه
احلام : طيب هفتح وهقولها بس ما تبصش عليا
فارس : حاااااضر
احلام فتحت لقته قدام الباب
احلام : انت واقف كده ليه
فارس : انتي مش كنتي بتقولي ادخل اقعد انا غيرت راي وهدخل بقي
احلام : يا سلام لا يا بابا شطبنا امشي
فارس : بتطرديني
احلام : ايوه
فارس : طب مش همششي غير لما اسمعها بقي
احلام : طيب طيب وطي صوتك
فارس : انتي محسساني اني صاحب اخوكي وبحبك من روا اهلك وجاي فجاه عليكم
احلام : ههههههههههههههههههههه
فارس : يلا بقي
احلام : ما هو انت طول ما انت بتقول كده مش هعرف اقول حاجه
فارس: سكت اهو
احلام : طيب يلا تصبح علي خير
فارس : وانتي من اهله
احلام : سلام
فارس : والله
احلام : سلام بقي وو
فارس : اه
احلام : وبحبك
وقفلت في وشه الباب
احلام : بتتصل تاني ليه
فارس : خبطي مناخيري ينفع كده
احلام : احسن
فارس : هو لو هسمعها واتخبط تاني مفيش اي مشكله
احلام : هههههههههههههههه يلا بقولك ايه ماما بتنادي
فارس : اهربي مني بس مش مهم اي حاجه المهم اني سمعتها اخيرا
احلام : طمني اما توصل
فارس : ده اذا عرفت اتحرك من مكاني
احلام : ههههههههههههههههه انت لسه واقف
فارس : واي حد ممكن يفكر اني حرامي وجاي اسرق البيت
احلام : يلا امشي
فارس: طيب ماشي سلام
احلام : سلام
وبعد نص ساعه لقت احلام مسج علي الموبايل
(نفسي بيتي يكون بيتك وارجع من شغلي الاقيكي مستنياني
واجري عليكي واقولك وحشتيني وبحبك
نفسي تكوني ام ولادي ويكون حته منك مش عايز اي واحد شبهي كله صوره منك
انتي عملتي فيا ايه ده الحب قليل علي الي انا فيه )
ولاول مره احلام تبعت له مسج ترد عليه
( انا لقيت في عنيك بيتي الي مش عايزه اخرج منه
وانت الامان بالنسبه ليا ويومي من غيرك مش يوم
حياتي هي انت
انت مش بس النفس الي بتنفسه ولا نصي التاني الي بيكلمني
انت ببساطه روحي الي بيها بيعيش
وعلي فكره اولادي هيبقو نسخه منك انت عشان انا مش هشوف غيرك
عشان يطلعو شبهك )
وفي الصباح كان فارس موجود عند احلام لانها خلاص هتبدا الكورسات واتقفوا هيجي ياخدها ويرجعها
واما يسيبها فارس يروح يشوف شقتهم والتظبيطات الي فيها
وفي مره
احلام : فارس انا عايزه اقولك حاجه
فارس: قولي يا حبيتي
احلام : انا عارفه دي حاجه ممكن تفرحك علي فكره
فارس : بجد يبقي قولي بسرعه