رواية فارس احلامى
(الفصل الخامس)
فارس صحبه عنده يخت فعمل المفاجاه دي لاحلام زين
المركب كله وبلالين وحركات كده وهياخدها ويتفسحوا في البحر شويه
احلام : هنركب مركب
فارس : ها ايه رايك
احلام : الله عمري ما ركبته
فارس : هيعجبك اكيييد خصوصا انه معايا
احلام : دي مفاجاه حلوه اوووووي شكرا يا فارس
فارس : انا كلمه الشكر وصلت خلاص كفايه عنيكي والفرحه الي ملياهم
انا كده حاسس اني ملكت الدنيا كلها
وطلعت احلام المركب
كل ما تمشي في اي جزء كله بلالين وزينه
فارس : علي فكره مش هنقعد هنا تعالي معايا
احلام : فين
فارس : علي السطح
احلام طلعت شافت منظر تحففففه السما فوق والقمر مكتمل والليل والنجوم واضحه
وبرده سطح المركب كل الارضيه ورد وفيه بلالين ومكان يقعدوا فيه
واغاني رومانسيه بقي من اختيار فارس
طبعا بنات خالتها مبهورين هما كمان وبياخدو جوله في المركب وبيتفرجوا عليه لكن احلام انبهارها بالمشهد ده وكمان منظر الميه
ميه تحتها والسما فوق طبعا كانت مسحوره بالمنظر
احلام : سبحان الله بجد المنظر جمييييييل
فارس : الحمد لله انه عجبك
احلام : عجبني بس انا مش عايزه اتحرك من مكاني او ابطل اشوف المنظر
فارس : مش اول مره اركب المركب بس مش عارف ليه حاسس انه اول مره يمكن عشان معاكي
احلام : بس انت ازاي عرفت تعمل كل ده
فارس : لا احنا جامدين اوووي
احلام : ههههههههههههههههه اكييييد تعبت صح
فارس : ولا حسيت باي تعب لاني كنت كل ما اعمل اي حاجه اتخيل شكلك وانتي هنا اول ما هتشوفي الي عملته انسي التعب
احلام اتكسفت : انا فعلا مش مصدقه الي شفته وكمان شكل الميه حلو
فارس : تعرفي اني مش مصدق ان فعلا انك لبستي دبلتي
احلام بصت علي دبلتها وابتسمت : انا مش مصدقه اني لبستها برده ولا كنت متخيله اني هلبسها في يوم
فارس : ليه بتقولي كده
احلام : كنت بحس اني مش هلاقي اي حد يفهمني ولا يعرف انا بفكر في ايه
او حتي يقدر يتلائم مع فكري او يقدر يتجاوب معايا
كنت خايفه ان لو حتي ارتبطت يبقي شريك حياتي مش شبهي
فارس وبيعدل في الجرافته والبدله بتاعته : ها وطلعت بقي شبهك ولا لا
احلام : ههههههههههههههههههههههههههههههه
فارس : جاوبي يا احلام
احلام : ايوه طبعا انت يا فارس بحس انك بتفهمني من غير ما اتكلم
زي ما حصل واحنا بنختار الشبكه عرفت اني زعلانه عشان كده خرجت واتححجت اشتري ميه
بتعترف بالي جواك ومش بتحب تخبي
تحب الصراحه والوضوح والتفاهم
واكتر حاجه بتعجبني في شخصيتك هي خوفك عليا من نفسك وانك بتحاول ترضي ربنا فيا وتتقي ربنا فيا
(احلام بتقول الكلام ده طبعا وهي بتبص علي البحر بتحاول تتجنب تشوف فارس لانها مكسوفه جدااا
وباين علي وشها ملامح ده وبتداري نفسها انها تتكلم وهي بتبص له )
فارس مبلم وبيبص لاحلام : انا غبي
احلام انتبهت له : ايييييه ليه
فارس : يارتني سجلت الكلمتين الحلوين دول مع انهم دخلو قلبي وعمري ما هنساهم لانهم منك
بس كفايه انهم بصوتك ومن قلبك وبعدين انا عارف اني مش هسمعهم تاني اصل الكلام ده تحت تاثير المفاجاه بس
احلام : ههههههههههههههههههههههههههههههه انت مش طبيعي بجد
فارس : ليه يعني دمي خفيف صح صح اعترفي
احلام : تقريبا
فارس : تقريبا وجايه علي نفسك اووي كده ليه
احلام : انا كده كمان بجاملك
فارس : ماشي يا ام لسان
احلام : اهلا هي وصلت
فارس : هي ايه !!!
احلام : لقبي الشهير منذ الصغر وصلك يعني الملازم ليه علي مراحل حياتي
مهنتي الاساسيه في البيت تعالي يا ام لسان روحي يا ام لسان
تقددر تقول اسلوب حياه
فارس : ههههههههههههههههه بجد
احلام : اه ماما دايما تقولي كده
فارس : عندها حق لانك بتحاولي تهربي من اي حاجه او تعترفي بحاجه بلسانك ده
احلام : طيب الحمد لله
فارس : زي ما كنتي مكسوفه ومش عايزه تبصي عليا عشان متبنيش وشك عامل ازاي لما قلت ليكي جاوبي
احلام : احم احم منظر الميه جميييييله
فارس : شوفتي بقي ام لسان ولا لا
احلام : ههههههههههههههههههههههههههههه
وقعدوا يتكلمو شويه ورجع فارس احلام وبنات خالتها
فارس : يلا
احلام : يلا ايه احنا هنطلع وهكلمك اقولك دخلنا
فارس : لا طبعا انا واخدتك منين من البيت يبقي اسلمك في البيت
احلام : يا فارس متتعبش نفسك
فارس : انت بخيله اووي علي فكره
احلام : هههههههههههههههههههه خلاص اتفضل
وطلع معاهم لحد الباب ووصلهم فعلا
احلام : اما توصل ترن عليا اطمن يعني انك وصلت البيت ممكن
فارس : هو بعد ممكن دي ارفض
احلام ابتسمت له : في امان الله سلام
فارس : سلام
احلام دخلت تعبانه من اليوم غيرت واترمت علي السرير
وفجاه تليفونها رن
احلام : ايوه يا فارس وصلت
فارس : اه انا بفتح اوضتي اهو
احلام : تمام حمد الله علي سلامتك اسيبك تستريح بقي
فارس : تصبحي علي خير
احلام : وانت من اهله
جت تنام احلام مش عارفه كل ما تغمض عنيها تلاقي صوره فارس
تفتكر كل حاجه حصلت في اليوم من الخطوبه والمركب والكلام الي فيه وخوف فارس عليه
وانها بتحس بالامان معاه لانه هو اصلا خايف عليها من نفسه
واستمرت ساعه بتحاول تجيب النوم مش عارفه
وفجاه اتخضت موبايلها بترن
احلام رفعت بسرعه : الو ايوه يا فارس
فارس : انتي نايمه صحيتك ؟
احلام : لا لسه منمتش
فارس : اصلي مش عارف انام
احلام : ولا انا
فارس : احلام
احلام : ايوه يا فارس
فارس : انا بجد مش مصدق انك بقيتي خطيبتي وان شاء الله مراتي
ومش قادر اوصف فرحتي بجد ومش قادر انام من الفرحه
احلام : ولا انا يا فارس
فارس : تعرفي اني بحب اسمي اووي منك
احلام : مني انا
فارس : مش عارف كل ما بتنادي بيه بحس ان كل مره بسمعه منك كان اول مره اسمعه
ومش عارف قلبي بيدق بطريقه اول ما يشوفك كده وبيقول هي دي سبب تعبي
احلام : هههههههههههههههههههههه انا تعبت قلبك انا
فارس : هو فيه حد غيرك تعبني
شوفتي بقي يعييييني مسكين
كل يوم كل يوم يشكي ليا ويقول تعبان من التفكير فيكي
وانا اقوله مش احسن تعب يقولي ايوه طبعا احلي واجمل تعب شفته في حياتي
احلام : لا قلبك ده عايز تربيه وتبطل تدلعه
فارس : انتي شايفه كده يا دكتوره
احلام : ايوه ودي الروشته بتاعتي
فارس : بس مش هقدر اعملها طبعا ولا قلبي هيوافق بيها
خلاص عديت مرحله العلاج وبصرف النظر اني ادبست فعلا وخطبتك بس
ادمنتك انا وقلبي ومش عايزين نتعالج
احلام : ...............
فارس : سكتي ليه يا دكتوره شوفي ليا علاج
احلام : لا العلاج كل ما تتعب او تفكر عدد من واحد لعشره وهتستريح وكده هتبدا تنسي
فارس : ههههههههههههههههههههه يعني هو ده الحل
احلام : ايوه امشي عليه بس يا فارس وهتخف ان شاء الله
فارس : ولو انك دكتوره اسنان بس اكيييد هاخد بنصيحتك وربنا يستر لو حصل ليا حاجه
احلام : هههههههههههههههههههه لا دي وصفه مضمونه وكتير اتعالج بيها
فارس : والله
احلام : انت مفكر اني دكتوره مش شاطره ولا ايه الكل بيخف منها
فارس : يبقي علي بركه الله اجربها
احلام : انت زمانك تعبان اكتر مني اقفل استريح بقي وكمان عشان تتطبق العلاج
فارس : مكنتي ماشيه كويسه تعبان وخايفه عليا وهوووب تتطبق العلاج
احلام : هههههههههه تصبح علي خير يا فارس
فارس : تصبحي علي خير يا ام لسان
وفعلا احلام حاولت تنام وبعد عشر دقايق جت ليها مسج طبعا من فارس
(قلتي اعد من واحد لعشره يمكن قلبي ميتعبش اتفضلي شوفي قلبي عمل ايه وانا بعد
1- خجوله وبعشق كسوفها
2- قمر وجمالها بساطتها
3- طيبه اووي
4- دقاتي بقت ليها هي وبس
5- ابتسامتها بتعيشني
6- براءه وطفوله مش عند اي حد
7- قلب رقيق وبيفرح من اقل حاجه
8- ملكتني خلاص
9- روحها حلوه جدا
10- ام لسان
احلام قرات الرساله ومش قادره توقف وشها من الابتسامه
ولاول مره تحس ان فارس نعمه كبيره من ربنا ليها
وان فعلا الطيبون للطيبات
قامت بسرعه صلت ركعتين لله شكر
ومن غير ما تعرف فارس كمان كان بيصلي ركعتين لله
وتوحدت دعواتهم
(يااااارب احفظها /احفظه ليا دي نعمه كبيره وتستاهل الحمد يااااااارب اللهم لك الحمد )