( فارس احلامي)
الفصل الثالث عشر
احلام : فارس انا عايزه اقولك حاجه
فارس: قولي يا حبيتي
احلام : انا عارفه دي حاجه ممكن تفرحك علي فكره
فارس : بجد يبقي قولي بسرعه
احلام : امبارح وانا في المسجد كان بيتشرح لينا الزي الصحيح المحتشم للمراه يعني
فارس : اه يا قلبي
احلام : المهم شروطه لا يصف ولا يشف وانه يكون ساتر وكده يعني
فارس : تمام
احلام : اصبر يا فارس الله بقي
فارس : اصلي عايز اسمع الخبر ها قولي
احلام : انا كان معظم لبسي بناطيل وكده ومع انه لبس محترم بس برده ما هو بيصف جسمي وده غلط
انا عشان كده بفكر اغير لبسي كله لفساتين وجيبات وبلوزات يعني
فارس : انتي بتتكلمي جد يا احلام
احلام : اه والله بفكر في المضوع بجد ومن امبارح بعد الدرس في المسجد وانا لله كده حاجه جوايا كرهتني في اي لبس عندي
فارس : طب يلا بينا قومي
احلام : علي فين
فارس : مش بتقولي هتغيري لبسك يلا قبل ما شيطانك يغير فكرك او نفس الاماره بالسوء
بقي ربنا فتح ليكي باب تدخله منه لرضاه وانتي لسه هتفكري تعملي ولا لا
وبعدين انا عايز اول طقم يكون هديه مني ليكي عشان بجد فرحتيني
احلام : طيب طيب جايه اهو
وخرج فارس واحلام للمول
فارس : ها ايه رايك في ده
احلام : جميل وبسيط كده
البنت الي واقفه :ما شاء الله زوق خطيبك حلو يا انسه
احلام : ده جوزي مش خطيبي وشكر
البنت : ااااااااه اسفه بس اصل الدبل في ايديكم اليمين
احلام : مكتوب كتابنا
البنت : اه واسفه مره تانيه
فارس : هههههههههههههههههههههههه
احلام : بتضحك ليه
فارس : ها ابدا يا حبيتي
احلام : انطق بدل ما اخليك تنطق
فارس : انتي كان ناقص تاكلي البنت دي بس بتقول زوقي حلو يعني ما اجرمتش
احلام : والله ما تروح تقولها ميرسي كمان
فارس : اه صحيح ايه قله الذوق بتاعتي دي استني اروح اقولها
احلام : مين قال عايز يشتري فستان يلا بينا
فارس : بس يا مجنونه خلاص خلاص بهزر وبحب اشوفك وانتي بتغيري عليا كده
احلام : ها اغير ايه يا باابا هش هش
فارس : طيييييييييييييب
احلام : بتدور علي ايه
فارس : علي البنوته الي هنا عشان اقولها ميرسي
احلام : بنوته وميرسي انت عايزني انام في القسم النهارده صح صح اعترف
فارس : مش لما تعترفي الاول
احلام : انت بايخ اعترف بايه يعني اه بحبك وبغير جوزي مغرش ليه يعني
فارس : استتتتتتتتتني و سيببببببببببك من كل ده قبل بغير قلتي ايه ها ارجعي بالشريط لورا كده
احلام :قلت الفستان حلو ويلا نشتريه
فارس : انطقي يا بت بدل ما انا الي هابت في القسم بسببك
احلام : بحبك ارتحت بقي
فارس : انا بقول نجيب فستان كمان يمكن اسمع كلمه حلوه كمان اه والله ويا سلام لو البنت هنا كمان يا نهار هيييييييييييح
احلام : هههههههههههههههههههههههههههههههههههه
واشترت الفستان وكمان جاب ليها نضاره
احلام : الله شوف يا فارس القميص ده هيبقي حلو عليك
فارس : شكله مش بطال
احلام : والله بجد خد مني انا ذوقي فظييييع
فارس : هو فيه احلي من اني البس من ذوق مراتي تعالي يا ستي اشوفه
وفعلا اشتروا القميص
احلام : فارس فارس هو انتو بتلبسو البدل دي ازاي الجاكت كده تحس انه له هيبه كده
فارس : هههههههههههههه له هيبه
احلام : ما تتريقش استني بس داري عليا
فارس : هتعملي ايه يا مجنونه
احلام : يا عم استني هقيس جاكت البدله عادي يعني
فارس : هههههههههههههههههههههههههههههههه يخربيت منظرك
احلام : ماله ماله
فارس : تعالي شوفي في المرايا
احلام : علي فكره الجاكت الي مقاسه كبير
فارس شاف التيكت : هههههههههههههههههههههه ده M يا احلام
احلام كان الكم اطول من ايديها والجاكت لحد ركبتها
احلام : هههههههههههههههههههههه بجد
فارس : تعالي تعالي هاخد ليكي صوره معايا
احلام : وماله هبل بهبل بقي
وكل واحد عمل للتاني قرون
وخرجوا بسرعه قبل ما يطردوا بره المحل
فارس : يا نهار ابيض كل ما افتكر شكلك بالبدله هههههههههههههههههههههههه
احلام : ما خلاص يا عم الله بقي قلبك ابيض كده كتير
فارس : الحمد لله اني صورتك
احلام : يعني اول صوره لينا مع بعض هي دي ههههههههههههههههه
فارس: واحلي صوره بجد كفايه انك باينه فيها طفله صغيره
احلام : احم احم ماشي طول عمري اصلا طفله
فارس: ماشي يا لمضه بقولك بكره في اجتماع امهات عندكم عشاان عفش البيت وكده يعني
احلام : ااااااااااااه ربنا يستر ونقدر نقنعهم
فارس: لا انا عندي امل كبييييير طول ما احنا مع بعض متقلقيش
احلام : يااااااارب نفضل دايما مع بعض كده
فارس : ياااااااااااااااارب يا حبيه قلبي
الصبح بقي
سوسن : انتو اتهبلتو ولا ايه فوقو كده شكلكم لسه نايمين
سمر : من صدق عيال صحيح قال ايه بلاش جهاز كتير وبلاش وبلاش انتو عايزين الناس تاكل وشنا
سوسن : حقي يا سمر يا اختي دي حتي تبقي عيبه
فارس : مش بقولك فيه امل كبيييييير ازاي
احلام : ما انا بسمعه اهو
فارس : لا لا خدي جرعه التهزيق بصدر رحب كده عارفه اقولك نعمل ايه
احلام انتبهت فكرت فارس لقي حل : ها نعمل ايه
فارس : خدي نفس خدي نفس
احلام : هههههههههههههههههههههههههه
سوسن : بتضحكي ليه يا بت انتي تجيبوا لينا الضغط وتتضحكوا
سمر : تعالي يا سوسن نشوف الي ورانا وسيب منهم
سوسن :يلا
فارس : لا احلام كده كتير استعنا علي الشقا بالله شمري بقي وتعالي وريا
فارس : في ديلك يا ريس
فارس : يا ماما ربنا بيقول ( وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ )
وربنا قال
إِنَّ الْمُبَذِّرِينَ كَانُواْ إِخْوَانَ الشَّيَاطِينِ
انتو شايفين اخوات مين دول شياطين يا جماعه
انتو بقي لا ازاي سجاد اد ايه
واطباق اد ايه وحلل من كام نوع وكام طقم
ونجف كريستال
وعفش مش عارفه ايه
واجهزه كهربائيه ابقي قابليني لو استخدمناها المهم ده كله عشان يبقي محدش احسن مننا
احلام : بس ليه بننسي ان فيه ناس اقل مننا يا ماما البيت الي بتجهزوا ليه ده بيت مكون من شخصين
ليه بقي كل الي بتعملوه ده وايه كميه الطلبات والورق الي فيه حاجات لازم تتجاب دي وفي الاخر هتتحط في نيش عشان الزوار يجو يتفرجوا
يعني من الاخر قلبنا البيت متحف للفرجه
ربنا هيحاسبني لو اشتريت حاجه ومستخدمتهاش وانتوا بقي بتزودوا حسابي عنده وانا مرضاش
فارس : يا ماما احنا مش بنطلب متجبوش لا من حقكم تفرحوا وتجيبوا بس في المعقول مش كل حاجه لو منها عشر انواع نجيبها ليييييه
فرقت ايه يعني لما اجيب نوع واحد وخلاص
سوسن وسمر : الله الله اتفقتوا علينا
فارس : يا ماما نتفق ليه بس بذمتك انتي عندك في جهازك حاجات لسه جديده ولا لا وانتي يا طنط سوسن مش عندك برده
احنا بنحاول بقي منعملش كده احنا كمان
وبعد محاولات وساعات تم التنازل منهم في شويه حاجات الا النيش كله الا المعرض الرسمي الي الكل بيشوفه
لكن ادوات مطبخ او كهربيه او او مش مهم عادي
احلام : انا تعبت والله ايه ده امال لو مكنتش شقتنا وبيتنا
فارس : ههههههههههههههههههههه احمد ربنا اوووي اننا قدرنا علي الي عملناه ده انتي عارفه لو احمس ذات نفسه مكنش هيعرف يعمل ده
احلام :احمس انت بتقلب بعد الضهر زاهي حواس
فارس : يا ستي مش تدقي عليا الواحد من التعب بقول اي كلام
احلام : الف سلامه عليك يا فارس
فارس : لا لا لسه تعبان قولي بس الف سلامه عليك يا حبيبي
احلام : فارس اتعب براحتك يا اخويا
فارس : اخويا تعالي هنا ابت طب ايه رايك الشقه هتجهز زي ما هما عايزين بقي
وبدات التجهيزات في الشقه وفارس واحلام بيقولو رايهم في كل ركن
وهما الاتنين الي بيفرشوه علي مزاجهم هما
حتي لو الاهل ادخلو بيوافقوهم وبعدين يتفقوا اول ما بيتجوزوا هيغيرو الحاجه دي زي ما هما عايزين
واحلام في الكورسات وبتخلصها وبتجهز للفستان
وفارس في الشقه بيشطبها وبينهي فيها
واتحدد ميعاد الفرح وبيحجزوا القاعه
فارس : ايه رايك في دي يا احلام
احلام :جميله وخصوصا فيها بسين كده وانا بحب البحر انت عارفني
فارس : هي كبيره وعجبتني انا كمان وفيها سلم
احلام : وايه يعني
فارس : طول عمري بحلم باليوم الي هشوفيك فيه يا احلام وانتي نازله علي السلم وبالفستان الابيض وانا مستنيكي تحت
ونفسي اجري عليكي واخطفك واقولهم
دي مراتي انا ومحدش يبص عليها
دي ملكه بيتي
دي الي عشانها حبيت حياتي ونورت دنيتي
دي اغلي هديه جات ليا وبدعي ربنا انه يحفظها
احلام : كل ده ليا انا
فارس : والله قليل علي حاسه معاكي انتي روحي فعلا يا احلام
انتي حواء الي خلقت ليا انا عشان تانس وحدتي في الدنيا دي
احلام : وانا مش عايزه غيرك انت ادم عشان اعيش معاه
فارس : بحبك يا احلي حواء شافتها عيني
احلام : وانا كمان ومتحملش باكتر من كده
فارس : ههههههههههههههههههه بخيله بخيله هقول ايه يعني
احلام : لا ده توفير بس عشان بعد كده مش اكتر واوعي تفهمني صح
فارس : امته يجي بعد كده ده
احلام : هانت باقي قليل وبعد كده هتزهق مني هتلاقيني معاك ليل نهار
فارس : ازهق معقوووووول تعرفي ان كل يوم برجع البيت
واقعد اودع اوضتي وانا فرحان
طول عمري بحب اوضتي اووي ومحبش انام غير فيها بس لاول مره احس اني مش عايزها خلاص مبقتش هي اوضتي
انا ليا بيت وبعد الايام عشان اكون فيه مع الي ملكه قلبي
ليا بيت لما ارجع هلاقي قمر منوره كده واحكيله حصل ليا ايه
واقعد معاه ومزهقش هو فيه حد يزهق من روحه
احلام : اه انا بقي
فارس : يا بت فصلتيني خليكي بقي هنا وشوفي مين هيروحك
احلام :استني يا كابتشن يا كابتشن
فارس : ولا اعرفك ابقي اركبي ميكروباز وتعالي وريا بقي
احلام : ميكروباز روح يا فارس لوحدك
فارس : مش عجبك ميكروباز خليه تك تك يلا يلا
احلام " وماله حتي اعمل دماغ
فارس : دماغ انتي ليه الي عرفك ابت
احلام : عادي ركبت مره وكان فيه ولد بيشرب حاجه كده طويله ومحستش بقي غير وهو بيقول وصلتي وخرجت من هنا
وهوووووووب علي الارض
فارس : ههههههههههههههههههههههه انتي ملكيش الا البيت اه والله
احلام : احترم الاجرام الي احنا فيه يا ابو موته
فارس : هههههههههههههههههههههه بعشقك يا لمضه
احلام : ما انا عارفه
فارس : وبموت فيكي كمان
احلام : هيييييييح يلا بقي نمشي كده هنتاخر
فارس : يلا يا اخره صبري
ويوم الفرح بقي