رواية رواية جائنا غريب
الفصل الخامس ..
بقلم ساره احمد
*الساعه ٤ الفجر عبده و سليم في الجنيه*
دواك فضيييي الجيوووووب و خلي النااااس تعيااااااايب
يا ملطططططشششششه القلوووووووووب اااااه يا جلااااااااب المصااااااايب ..
سليم : بس يا عبده وطي صوتك عيب الناس نايمه
عبدالرحمن بيكمل غني : و تقوووووللللي هووووس يجييييييييككككك اوااااااااء دخللللككككك مننيييين سرسوووووب الهوااااا .. هتروووووح يووومييين و تجييليي جررييييح تقووولي دبررر حق الدوااا
سليم زعق و عبدالرحمن اتفزع : يا ابنيييي اسكتتتت الناس هتصحي !!
عبدالرحمن : يعني صووتي الحلو ده هيصحي الناس و صوتك الجعر ده مش هيصحي الناس
سليم : انت صوتك حلو انت ؟؟ ده انت بتجعر مش بتغني
*عبدالرحمن اتعدل و ابتدي يغني*
_من اوول يوووم في لقااانا خااادني هووواك عشتتت معااااك احلي سنيين عمري يا غااالي باان علي طول اي جووانا لما العين جاات في العين و لا حسيت باللي جراالي بينا نعييش ده العمر ليله متقوليش نستنا ليله ده الايام جاانبك جميييله و عمري يا غالي نسيته معااك 🖤🌍
*كان بيغني بصوت يشبه مزيكا كلاسيكيه هادئه و جميله*
سليم بصدمه : ايدا ده انت صوتك طلع حلو ياد
عبدالرحمن : شووفت بقي انا فنان شامل زي لهفه كده الاقيش عندك عروسه ؟
سليم قام من مكانه : قوم يااض قوم يا عبدالرحمن الله يهديك نام قووووووووم الله يوجع دماغك زي ما وجعت دماغي يا بعيد منك لله
عبدالرحمن ضحك و سليم طلع ينام
عبدالرحمن لقي نور الاوضه بتاع نور مفتوح ابتسم بشر و طلع السلم جرب يخبط قال لا ممكن حد يصحي نزل و من الجنينه طلع علي شبابيك و من شباك لشباك لحد ما وصل للبلكونه و دخلها (( حبوا واحد رياضي يا جماعه )) المهم .. نخششش في الموضوع ع طول ..
عبدالرحمن باشا دخل الاوضهه لقاها واقفه في المرايه و بتمسح ميكب من ع وشها .. اتخضت اول ما شافته ظهر فجاه في المرايه
عبدالرحمن اول ما شاف المنديل اللي هتمسح بيه الميكب في ايديها : لاااااا استنني استني
نور باستغراب : اي في اييي + انت اي اللي دخلك اوضتي
عبدالرحمن : متمسحيش الميكب اكيد هلاقي برعي تحت الميكب ده !
نور : اولا يا محترم انا مش حاطه ميكب ده منديل مبلل بمايه الورد و دي مهمه للبشره عشان بتقفل المسام و بتقلل افراز العرق فهمت ؟؟
عبدالرحمن بطفوله رخيمه : هاتي حبه ؟
نور : لا ، دي للبشره الدهنيه انت مشاء الله بشرتك جافه
عبدالرحمن : انا اصلا قمررر ..
نور : انت اي اللي جابك هنااا ؟؟ اطلع برا لحسن حد يجي بقاااا !
عبدالرحمن ببرود : لا انا قاعد هنا 😁
نور : يووو بطل برود
_ بتكلمي.مييين يا نوووور ؟؟؟؟؟؟؟؟
*صوت عدلي جيه من بعيد نور اترعبت و قالت بتوتر*
_صاحبتي يا عمي ..
عدلي : طب نامي .. الجو اتاخر
_ حاضر ... *بصت لعبدالرحمن اللي باصص ببرود*
نور : ينفع كده ؟؟ امشييي يلا بقي !!!
عبدالرحمن : نمشوا بس بشرط ..
نور : نمشوا ؟؟؟ انت منين ؟؟
عبدالرحمن بغرور : سكندري 😎
نور : و علي اي الفزلكه دي ؟؟ ده البحر ماالح و الوش كالح (( كداااابه انا بحب اي حد اسكندراني ))
عبدالرحمن : كرماً مني و من اخلاقي الحميده مش هرد عليكي .. مش عاوزه تعرفي شرطي ؟؟
نور : قوووول ؟؟؟
عبدالرحمن اترمي علي السرير : قوليلي بحبك عبووووداااا
نور : نعم ؟؟ امشي يىلااااا من هناااا
عبدالرحمن : انتي خدتي عليااا اوووي
نور : يوووو بقي امششششي
عبدالرحمن : قوليلي بحبك عبودااا هالحين ابغي هالحين تقوليلي بحبك عبودا
نور : يعني لو قولت هتخرج ؟؟
عبدالرحمن : اه انا وعدتك !
نور : تمام .. بحبك امشي بقي
عبدالرحمن : عبودا ؟؟
نور :عبودا
عبدالرحمن : قوليها علي بعض .. " بحبك عبودا "
نور بصت في الارض : يوووو بقي بحبك عبودا حلو كده ؟
عبدالرحمن : مع اني مش حاسسها من قلبك بس ماشي همشي حالي بيها يلا تيكير هجيلك تاني سلاااام !
نور مصدومه لحد ما نزل زي ما طلع بصت عليه و هو ماشي بيجري و يتشقلب و ينط في الهوا .. ابتسمت بحب و دخلت نامت و هي في قمه سعادتها .. طب لي ؟؟
طب هو عمل اي خلاني مبسوطه كده ؟؟ يعني هو جيه وقف و هزر بس و بعد كده مشي .. موقف بسيط منه خلاها في اسعد لحظات حياتها هو في ضحكته سحر رهيب 🖤
*ولما جأتني يا اجمل غريب لم استطع النظر الي وجهك حتي لا اقع شباك تلك الابتسامه الساحره* 💜🌍
.
.
*لا تقولي غريب .. فأنا لكِ و منكِ و بكِ فانا انتي انا ساكن روحك* ❤️🌼
.
.
*غريب مثلك افضل من الف قريب*❤️🌍صحيت نور الصبح و بما ان اليوم هيتم اعلان عبدالرحمن كابن للعيله عبدالرحمن كان مشغول بحاجات مهمه جدا وقاعد بيلعب مع العيال برشاشات المايه .. 😂
بصت من شباكها شافت المنظر عبدالرحمن لابس بنطلون چينس ابيض و فانله بنص كم سودا و بيجري و يلعب زيه زي باقي الاطفال اللي حواليه .. !
سليم جيه جابه من قفاه و دخله البيت : انت مجنوووون يااااض ؟؟
عبدالرحمن : اييييي هو اناااا عمللت حااااجه
سليم بزعيق : لااااا خاااالص لااااامممم العييااااااللل و بتلعبببببب انت عببببببييييييط ؟؟
الكل اتلم و طبعا الكل كاتم ضحكته الا عبدالرحمن اللي انفجر في الضحك
تاملته كتير .. حركه شفايفه عند ضحكته غمازاته خفيفه بس جميله .. دقنه الخفيفه و الشامات كتير فيها لحد رقبته .. نظرة عيونه .. حركه شعره بفعل الهوا كل لحظه تكتشف تفصيله صغيره جميله مليون مره من اللي قبلها
فاقت علي صوت عبدالرحمن و هو بيزعق بضحك : جراااا ايى يا راااااجالللللل ماااالك ؟؟؟
سليم : هيشللللللني هتشششششااااال
عبدالرحمن : اهدا بس اهدا يا سمسم في اي
سليم ساب عبدالرحمن و ابتدي يهدي وعبدالرحمن ماسك ضحكته .. اول ما بص لسليم اللي بيحاول يهدي
عبدالرحمن : هههههههههههههههههه هموووووووت
سليم قايم و بيتجه لعبدالرحمن وقف عدلي في النص حاجز بينهم و عبدالرحمن استخبي ورا توفيق ..
عدلي : خلاص بقي يا سليم اهداا بس هو عمل اي لده كله يا اخي
سليم : البيه لاممم عيال من الحي و بيلعب معاهم !! و المفروض النهارده بليل هنعلنه ابن للعيله و نعرف الحي بيه افرد حد لمحه
هشام : منك لله يا سليم جايبلنا عيل صغير !!
سناء : عقله بصراحه عقل طفل
عائشه بضحك : طفلل كبير
الكل ضحك و عبدالرحمن بااصصلهم باستحقار ..
عبدالرحمن : انا طفل ؟؟؟؟ مش هرد عليكم عارفين لي لاني لو رديت هقل ادبي و عيب اقل ادبي ع الاكبر مني !
امينه : اه مهو انت محترم اوي ياض
عبدالرحمن : طبعا يا حبيبتي
عدلي : طب يلا اطلع اجهز ..
عبدالرحمن : لسه بدري و عاوز اروح شقتي اجيب هدومي و ...
سليم : و اي ؟؟؟
عبدالرحمن : سيمبا و سكار وحشووووني !
سليم : خلاص هاتهم !
عبدالرحمن بفرحه : بجد .. ؟؟ شكرا ربنا يخليك لينا يا رب
سليم : و يخليك ليا يا رب .. يلا بقي عشان متتاخرش
عبدالرحمن طلع جهز و راح بيته جاب هدومه و اتفق انه يقابل صحابه ياخد منهم سيمبا و سكار و بالمره يشوفوه ..
(( ابراهيم .. كريم .. محمد ))
ابراهيم : اي يسطا عاش من شافك ؟
عبدالرحمن : لا عادي يعني ..
كريم : هو اي اللي عادي يعني كنت فين
عبدالرحمن ببرود : و انت عاوز تعرف لي ؟
محمد : هو اي اللي عاوز اعرف ليه ؟؟ يعني احنا صحابك !!
عبدالرحمن بسخريه : صحابي ؟؟؟ ااه فعلا صحابي طب لي محدش فيكم سال فيا افرد كنت مت او حصلي حاجه في الشقه و انتو التلاته عارفين كويس اني عايش لوحدي و ماليش حد نهائي و لا انتو مش بتعرفوني الا في المصايب ؟ احنا مكوناش كده ليه التغير المفاجئ ده ؟؟ لي بقيتوا كده انتو كنتو سندي الوحيد بس بقيتوا .. كده لي ؟؟ لو في مصيبه تعالي يا عبده مفيش خلاص
ابراهيم : قصدك اي بقي ؟؟
عبدالرحمن : قصدي ان كل واحد فيكم بتاع مصلحته .. ببقي جانبكم كلكم لو حد احتاجني لكن انا لو وقعت بقع و اقوم لوحدي من غير ما حد يحس او حد يسال فيا ( اتكلم بصوت متاثر ) انا بنام كل يوم و ببقي خايف اموت من غير ما حد يحس بيا و المفروض انكم سندي لانكم صحابي و انا للاسف ماليش اهل .. فالمفروض تبقوا معايا ومش معني اني بضحك كتير ابقي مبسوط افهموني .. انتو لو صحاب بجد كنتو حسيتوا انا فيا اي !
الصمت عم الكل ..
عبدالرحمن : مش مستني منكم رد .. انا ماشي و مش هتشوفوا وشي تاني خلاص !
الكل بص بصدمه
محمد : انت بتقوول اي ؟
ابراهيم : اي مش هنشوف وشك تاني ازي ؟؟
كريم : عبدالرحمن .. ؟؟
عبدالرحمن : مالكوش انكم تعرفوا عني حاجه و انا مكونتش جاي عشان اودعكم انا كنت جاي اوضحلكم مدي علاقتنا اللي دامت سنين علي اللا شئ !! انا كنت بقدم كتير لكن مكونتش بلاقي رد للجميل .. استنزفتوني ياما و خلاص هبطل هبل سلام ..
نادو عليه كتير بس هو مسمعش ركب عربيته شريط حياته مر قصاد عينيه ميعرفش هو لي قال الكلام ده لصحابه لان الموقف ميستاهلش و كمان
بقالهم فتره كدا بس يمكن هو حب يطلع اللي جوا و اللي شايله من ناحيتهم وصل الحي ودخل البيت و ابتسامته ع وشه و معاه سكار و سيمبا ..
سليم : كوويس انك متاخرتش
عبدالرحمن : اي خدمه تعالي بقي اعرفك ع سيمبا و سكار
*كلبين مع عبده من زمان اوي من ساعه ما كان عنده حوالي ١٩ او ١٨ سنه سكار بني محروق و عيونه عسلي و شرس شويه لكن طبعا زيه زي اي كلب
مخلص جدا لصاحبه و بيحب عبدالرحمن جدااا و سيمبا لونه جملي فاااتح يشبه الاصفر و عينه خضرا اجنبي يعني 😂 سيمبا رقيق حبه عن سكار و هادي*
العيله كلها شافت سكار و سيمبا حبيتهم و بعد شويه عبدالرحمن طلع جهز .. المفروض هيعملوا زي حفله يعني عشان يعرفوا اهل الحي علي عبدالرحمن ..
ملحووووظه قلبووووظه : اهل والده عبدالرحمن عايشين عادي بس هو سابهم من زمان اوي .. لكن اهل ابوه بعد موت ابوه بفتره كانو في البيت
و اتحرق بيهم و كلهم ماتو و طبعا لانه الوريث الوحيد كل حاجه
راحتله .. املاك كل فرض في العيله بقت ملك عبدالرحمن .. بس هو فتح الچيم و خلاه مصدر داخله بعيدا عن الفلوس