رواية احببتك ياجمعه
(الفصل الرابع)
بقلم هدى زايد
فلاش بااك مستمر
كانت ترتجف من غضب والدتها وتحدثت بخوف شديد
جميله: براحه بس ياماما انا هعمل ايه يعني ارقص وابقى بنت كلها انوثه ولا ابقى راجل وبتعامل مع الكل على أن انا راجل
جلست بجانبها وهي تلهث أنفاسها اردفت بأمر
ناديه: خليك الاتنين البنت اللي كلها انوثه ووقت الجد تتعامل زي الرجال
فركت يدها في بعضهم البعض ثم تحدثت بجدية
جميله: اممم يعني ابقى جميله ووقت الجد اقلب جمعه
أشارت بيدها لتجلسها بجانبها رغما عنها
ناديه: الله ينور عليك تبقى جمعه ولا سبت مش فارقه المهم أن جعفر اللي جواك ميبقاش مسيطر عليك طول الوقت
قاطع حديثهن "احمد" مردف بتعجب
احمد: بتعمل ايه ياجميله وايه اللي في ايدك ده
كادت تتحدث ولكن قاطعتها "ناديه " محاوله اخفاء الأمر عن زوجها تجنبآ لاانفعالته الزائده تلك الفتره الاخيره
تحدثوا كثير حتى أمر "احمد" أن تترك "ناديه" له جميله ليطلعها على كل شيء يخص عمله
ظلوا ساعات طويله يتحدثون في كل شيء تقريبا
حتي انهى حديثه مردف
احمد: لمده ياجميله عرفتي كل حاجه ممكن تقف قدمك ولسه لما تنزل الورشه هتتعلم اكتر اهم حاجه متجيش على حق حد ولا تظلم حد
ولا تاكل مال اليتيم واوعى دعوة المظلوم واي حد متحاجلك لازم تقف جنبه
جميله: حاضر يابابا
احمد: اخر حاجه وهي هعلمك ازاي فلوس ميته ترجع لصاحبها
عقدت مابين حاجبيها متعجبه من هذه الجملة ارتشفت الشاي الساخن ثم اردفت بتعجب
جميله: يعني ايه يابابا فلوس ميته ؟!
ابتسم لها ثم تحدث بجديه محاول السيطرة على تعبه الذي يزداد يوما بعد يوم
احمد: يعني حد نصب على حد فى فلوس ومش عايز يرجعها انت بترجعها لوعرفت وبيكون فى اتفاق بينك وبين صاحب الفلوس على انك تاخد نسبه من الفلوس ولو رضي بترجعها ومبتخديش اكتر من حقك
تنهدت بقوة ثم اردفت بستفسار
جميله: طب افرض كان صاحب الفلوس ده بيضحك عليا او مثلا انا جبتله حقه ومدنيش المتقفين عليه
رتب على يدها بحنو وحب وتحدث
احمد: وهو ده اهم حاجه انك تتأكد من اللى حواليك لازم تكون حذره مع كل اللي حواليك ياجميله لازم تكون في حدود في التعامل خصوصا الرجاله
اوعى تصدق حد بسهوله ولا يضحك عليك بكلام معسول حط ربنا اولا ثم ابوك ميتكسرش
مالت على يده قبلتها بحنو رقررقت الدموع في عينيها الجميله وتحدثت
جميله: ماعاش ولا كان اللي يكسرك ياحاج احمد انت مخلف راجل هتخليك رافع راسك فى السماء
احمد: حبيبتي ربنا يخليك ليا ويحفظك ويبعد عنك ولاد الحرم قوم يالا عشان عندك تدريب مع الكابتن انت نسيت ولاايه
جميله: اه والله كنت ناسيه حاضر 5دقايق واكون جاهزة
تركته يتحدث مع زوجته المجذوبه كما تحدث بجديه امامها كانت تستشيط غضبٱ من حديثه الي ابنتها الوحيدة
جزت علي أسنانها بغيظ مكتوم تحدثت
ناديه: هو ايه يا احمد البنت هتتحاول من بنت رقيقه لواد اسمه جمعه
نظر إليها وعيناه تحتضن جهنم مردفآ بغضب شديد
احمد: مش احسن ماتبقى مدام جميله وهي لسه متجوزتش
قاطعته وتحدثت بصوت خفيض
ناديه: ياراجل حرام عليك بطل الواسوس اللي همش مخليك تعرف تنام
بتعمل كده ليه قولتها تغير طريقه لبسها اللي هو مش ملفت اصلا قولت وماله مش مشكله قولتها غيري نبرة صوتك وضحكتك واتعلمي كاراتيه قولت مش مشكله انى لعبه حلوة وتقدر تدافع عن نفسها وهو معاه حق لكن تنزلها الورشه معاك لا والف لا يااحمد ازاي بتخاف عليها من الرجاله وانت عايز تخليها تشتغل مع الرجاله هاا فاهمني دي مش فاهمه
قاطعها بحده مردف بجديه
احمد: أيوة لازم تنزل الورشه وتتعامل مع الرجاله على أنها واحد منهم وتنسى تماما انها بنت عشان هما كمان ينسوا انها بنت ومحدش يقربلها
اغتاظت كثيرا من حديثه فهذا الحديث لايصدق عقل اردفت بغيظ شديد
ناديه: ازاي يعني امال هتتجوز ازاي هاا ولما هي تنسى انها بنت وهما ينسوا انها بنت هتتجوز ازاي يعني قولي
احمد : اسمع ياناديه لما اقولك اللي جميله لازم تحافظ على نفسها بنتك لسه صغيره وممكن ينضحك عليها بسهوله ابعد انت عنها وبلاش الكلام اللي انت عايزها تعمله ده بلارقص وبلازفت خلاص
صمتت برهه ثم تحدثت بحزن عميق
ناديه: بنتي وعايزة افرح بيها مع عريسها فى الكوشه مش حقي افرح لبنتي الوحيدة
احمد: حقك محدش قال إنه مش من حقك بس كده مينفعش ولو حد معجب بجميله يبقى عشان جوهرها مش مظاهرها وده اخر كلام هيتفتح فى الموضوع ده مفهوووم
بتر حديثهما وهى تتحدث بمزاح
جميله: فى ايه مالكم زعلانين ليه اوع تكون زعلتها ساعتها مش هناكل ياحاج
ابتسم لها ثم تحدث بحنو
احمد: لا ياحبيبتي هى امك حد يقدر يزعلها برضو يالا عشان متتاخريش على الكابتن
جميله: ماشي ياحبيبى سلام ياجميل
&&&&&&&&&&&&&&&&
على الجانب الآخر وتحديدا فى شركة الانصاري للسيارات
تجلس امامه تبكي كثيرا
تنهد بقوه ثم تحدث بجديه محاول تهدئتها
ريان: ممكن تبطل عياط ريتاچ انا عارف اننا اجلنا معاد الخطوبه 4مرات بس معلش المرادي كمان
جففت بقايا دموعها مردفه بصوت محشرج
ريتاچ: انا لو عليا هستناه العمر كله لكن عدنان مبيتكلمش معايا على اللي تعبه مبيقولش ايه سبب تأجيل الخطوبه وكل لما اقوله جالي عريس وبائي
بيضغط عليا يقولي روحي اتجوزي وعيش حياتك انا نفسي اعرف ايه السبب
أغلق عيناه ثم تحدث بحزن عميق
ريان: انا السبب ياريتاچ
دقت حدقت عيناها ثم تحدثت بتعجب
ريتاچ: يعني ايه مش فاهمه
ريان: مش عارف اقولك ايه بس كل اللي اقدر اقوله أن جدو الله يرحمه كتب وصيه وشرط عليهم محدش يتجوز ولا ياخد ورثه غير لما انا اتجوز وبعد شهرين من جوازي يقدر عدنان يخطبك واخواتي البنات تشوف حياتها
انا عارف ان الوصيه فيها ظلم كبير لعدنان بس صدقني مش عارف ا عمل ايه
اغتاظت كثيرا من حديثه اردفت بغيظ شديد
ريتاچ: مش عارف ازاي اتجوز ونفذ الوصيه انت كده بتظلمنا معاك
نظر إليها ثم تحدث بجديه
ريان: انا مش عايز اتجوز لأسباب متخصش حد غيري ومنعتش عدنان يتجوزك انا اول ماسمعت الوصيه قولت لعدنان اتجوز بس هو رفض لأنه
عايز يخلي جدو مرتاح
ريتاچ: اه وهو هيفضل يتنازل عشان حضرتك مش عايز تتجوز وانا برفض العرسان عشان خاطر واحد بيفكر واحد اناني مبيفكرش غير في نفسه وبس
رفع احد حاجبيه محذرا إياه لحفظ مكانتها وعدم تطاولها فى الحديث معه
تنحنحت ثم اعتذرت واردفت بعتذر
ريتاچ: انا اسفه بس الموضوع بقى صعب جدا ومش عارفه اعمل ايه
انا بحارب لوحدي واخوك بقت بحس أنه مش عايز يكمل معايا
ريان: متظلميش عدنان هو بيحبك بس مش عارف يرضي مين ويجي على مين
ريتاچ: يقوم يجي عليا انا صح
وقفت وتحدثت بثقه ام غرور لايعرف
ريتاچ: انا رفضت عرسان كتير جدا وده اخر واحد هرفضه بس صدقني لو اخوك مجاش خلال الفترة الجاية دي انا هوافق على اول عريس يجيلي واكيد هيكون اغني انا حلوة ومليون واحد هيموت عليا بس انا اقول اوك
اسند رأسه على المقعد لن يتفجاء بما تتحدثه كان متوقع ولكن كان يظن أنها تفعل ذلك من أجل "عدنان" صفق لها ثم تحدث بسخرية
ريان: ههههههههه برافو عليك ايه الجمال ده اخيرا طلعت على حقيقتك جت متأخرة اوي يا ربتاچ
تعرف انا كنت عارف انك مش سهله وأنك مخبيه حاجه واكيد هعرفها بس انت اخدت وقت لحد لما ظهرت
اول واخر مرة تتدخل الشركه دي انا مش هقول ل "عدنان" بس قسما بالله
لو عرفت انك قربت منه لاخليك تندم ندم عمرك بررره
ابتلعت ريقهابصعوبه شديده ركضت من امامه قبل أن يفصل رأسها عن جسدها كما تحدث
زفر بحنق شديد ثم تحدث وهو ينظر إلى صورة جده
ريان: ليه عملت فيا كده ليه خلتني اكون عقبه في حياتهم لييه
ذنبه ايه يتظلم معايا ياترى لما يعرف هيعمل ايه ده حب 3سنين
&&&&&&&&&&&&&
فى أحد المراكز الرياضه
كان يجلس يتأمل السماء الصافية صامت لا يفعل سوي النظر إلى السماء
جلست بجانبه وتحدثت بمزاح
جميله: ماذا تفعل يافومنشي ههههههههه
ابتسم لها ثم أشار بيده كى تجلس تصمت ويتحدث هو
سيف: دي يوجا ياجاهله اتاخرت ليه
نظرت الى ساعه يدها ثم تحدثت بالامبالاه
جميله: دول كلهم 15دقيقه مش كتير وبعدين انا كنت ناويه اجاي بكره
كنت كسلانه اوي انهاردة
سيف:امممم في حكمه بتقول لاتوجل عمل اليوم إلى الغد
أكملت بمزح
جميله: بل أجله الى عاماً اخر
سيف: ههههههههه لا ياهانم مفيش تأجيل وحكمت في الحياة دي لازم تتغير فاااهمه
جميله: اوك ياكوتش قولي انهاردة فى تدريب صعب صح
سيف بتفكير: امممم مش عارف انت ايه رايك
ابتسمت له ثم اردفت برجاء
جميله: راي انك تديني إجازة انهاردة بالذات
عقد حاجبيه متعجبا ثم تحدث بجديه مصطنعة
سيف: اشمعنا يعني
جميله: انهاردة عيد ميلادي يعني مينفعش اروح ووشي مبهدل بسببك
سيف بخبث : بجد عيد ميلادك انهاردة مكنتش اعرف على العموم كل سنه وانت طيبه بس احنا انهاردة هنروح مسابقه مينفعش ابدا تتاجل وانا متفق مع عم احمد على كده
لوت شفتيها بتذمر ثم تحدثت بغضب طفولى
جميله: والله حرام عليك حتي يوم عيد ميلادي
سيف: معلش دي مسابقه مهمه جدا يالا عشان منتاخرش
ذهبت معه ولاتدري مالذي ينتظرها من مفاجآت عديدة
استقل دراجته النارية نظر إليها ثم تحدث بتعجب
سيف: وقفه ليه ماتركب خلص
جميله : اصل بخاف من الموتسكلات جدااا تعالى ناخد تاكسي
سيف: ههههههههه متخافيش انا معاك اركب وامسك فيا جامد
جميله: اوك بس لو حصلي حاجة مش هسامحك
سيف: اركب ياواحش متخافش معاك سيف الدين المصري
جميله: ههههههههه طب يالا ياسيف الدين
استقلوا سويا كانت في بادء الأمر ترتجف ولكن استطاع أن يجردها من خوفها شيئا فشئ
أردف بثقه
سيف: خلي قلبك قوى طول مانت ركب الموتسكل اوعى تحس انك فى خطر عشان ميحصلش حاجه غمض عينك
جميله: اهو
سيف: اقف واحدة واحدة
جميله: لالا مستحيل اخاف
سيف: اقف بقولك
جميله: اهو يامامااا
سيف: ههههه حاسه باايه دلوقت
جميله بسعاده غامره: حاسه ان انا اول مره احس ان سعيدددده وااااو
سيف: ههههههههه امسك فى الاحساس ده واوعى تسيبي يروح منك
جميله: ههههههههه وااااو
مرت الوقت ووصلوا الى المكان المنشود دلفوا داخل قاعه الحلفه
ظلت تنظر بتعجب ثم جذبته من قميصه مردفه بصوت خفيض
جميله: هو في فرح ولاايه
ابتسم على طفولتها ثم تحدث بجديه مصطنعة
سيف: اه في حفله بس تتفكر لمين الحفله دي
مدت شفيتها بتعجب وتحدثت
جميله: مش عارفه
مان رآها تحدثت هكذا رنت ضحكته فى أرجاء المكان وتحدث بمزاح
سيف: ههههههههه مش ممكن انت حاجه محصلتش ايه ياجميله ده انت داخله اولى جامعه ههههههههه ولسه بتتكلم زي الاطفال مش معقول
غمض عينيك
هزت رأسها بتعجب وتحدثت
جميله: ليه
تنهد بقوه ثم وقف واتجه نحوها وقام بمسك يدها ولكن قبل هذا اغلق عيناها بشريط اسود
كانت تسير ببطء شديد لاتعرف الى اين ولما يسير بها هكذا
توقفت وتفجاءت بازاله الشريط من على عيناها الجميله أردف بصوت خفيض (Happy Birthday) جميله
نظرت اليه ثم عادت بنظرها الي مايوجد على المائدة ابتسمت له ثم تحدثت
جميله: ههههه امتى وفين وازاي قدرت تعمل كل ده
سيف: من امبارح فضلت افكر ازاي احتفل بعيد ميلادك لحد لما لقيت نفسي
بجبلك الهديه دي وقولت يارب تعجبك
جميله: بتهزر طبعا عجبتني جدا بس الفستان ده شكله غالي اوي وبعدين ايه كميه الصور دي جبتها منين
سيف: تعالى نرجع بذاكره كده لوار
جميله: ههههههههه اوك يالا
سيف: فاكرة لما كنت بتتفرج على المجله وكان عجبك الفستان ده من بعدها بيومين عرفت عيد ميلادك قرب عملتلك قرد لحد لما جبته
جميله: ههههههههه انت جدعه اوي ياسيف بجد ميرسي طب والصور
كانت تسير معه في طريقها للعوده مره اخرى الى الطاوله جلسوا سويا وتحدث بمزاح
سيف: انت مجنونه سلفي وكل شويه تاخدي صوره شكل ولما فونك اتمسحت كل الصور من عليه رجعتهم تاني من غير ماقولك وبرضو عملتها مفاجاه
ابتسمت له بفخر واعتزاز على معرفتها به هو حقا خير صديق
أردف وهو يرتشف العصير الطازج بصوت رقيق
سيف: جميله عايز اقولك على حاجه
جميله: اتفضل
سيف: انا عايزك تخلى بالك على نفسك عايزك تاخد 3قواعد مهمه فى حياتك
عقدت حاجبيها متعجبه من حديثه كادت أن تتحدث ولكن أوقفها وتحدث بجديه
سيف: ارجوك خليني اتكلم
قاعدة رقم واحد اوعى تدي الامان لحد انت بنت خام ومحدش هيفهمك صح غير اللي يعرفك
2: اسرارك ارميها فى صندوق وترمي فى بير غويط محدش بيحب الخير لحد وممكن يستغل الفرصة يقلب عليك فى اي لحظه
3والا هم انت داخله الجامعه يعني فيها كل الأشكال فيها الحلو وفيها الوحش اوعى حد يقولك احنا وعادي لما نعمل أو نجرب ده لاااا فاهمه يعني لا
ابتسمت له ثم تحدثت وهي تشعل سيجارتها
جميله:عارف ان بابا معاه حق يقولي اكتر حد هيخاف عليك بعدي هو سيف
امسك السيجارة بغضب شديد قام باطفائها وتحدث بجديه
سيف: اولا حاجه لازم تعملها انك تبطل التدخين
ابتسمت بحزن شديد
جميله: ياريت ينفع مش عارفه حاولت ومش عارفه
سيف: لا هتعرفي انت رياضيه لازم جسمك يكون اقوي من كده مينفعش التدخين بيخلى نفسك قصير جدا بيتعب الرئه بيتعبها ايه ده بيدمرها
اوعدني انك تبطلها
تنهدت بقوة شديدة ثم تحدثت بمزاح محاوله الهروب من هذا الوعد
جميله: إنما قولي ياعم انت هدايا وفستان ونصايح وكمان وعود انت مسافر وبتامن قبل ماتسافر ولاايه ههههه
ابتسم لها ثم تحدث بسعاده غامره
سيف: هاخد إجازة مش عارف قد ايه بس انا مبسوط جدا بيها
جميله: هى جت خلاص
اؤم برأسه بالايجاب مردف بسعاده
سيف: اه وخلاص حالفه لو متجوزتش هتولع فيا ههههه
جميله: حمدالله على سلامتها واسمع كلامها واتجوز بقاااا واعترف لبنت بحبك ليها قبل ماطير من ايدك
ابتسم لها ثم تحدث بجديه
سيف: أن شاءالله قريب اوي هتحضر الفرح بس عشان خاطري بلاش
كاد أن يكمل حديثه ولكن تفجاء به وهو يجلس على المقعد وتحدث بسخرية
الله طب نجيب لمون وشجرة ونكمل القاعدة الحلوة دي
طب ماانت ليك فى الخروجات اهو ياجميله ولا عليا انا وعامله فيها محترمه
جحظت عيناها المصبغه بالاحمرار من حديثه المهين مردفه بصوت عال
جميله: ماااازن الزم حدك لو سمحت
اغتاظ منها عض على شفتيه السفلي وقام بنفخ دخان سيجارته ببرود مصطنع فى وجهها البشوش مردف
مازن: مازن ايه بس انت ليك فى سيف بس طب قوليلي وانا اجبلك فستان واعلقلك صور زيه ولازم مدرب كاراتيه عشان اعجب
اغمض عيناه ثم ضم قبضه يده على المائدة وابتسم وهو ينظر إليه
مردف
سيف :٠٠٠٠٠٠٠٠