رواية قلبي سامح قسوتك
الحلقة الثانية عشر { ١٢ } 🔥
رويدا : لا قومى يلا دة فيه مطعم تحفة فاتح جديد وعامل عروض
زينة : هو مطعم ولا محل هدوم !!!
رويدا : بلاش رخامة بقا يلا 🙄
زينة : استنى اقول ل رامى طيب
رويدا : اوك
( تتصل زينة ب رامي )
زينة : حبيبي عامل ايه
رامى : الحمد لله انتى ازيك ؟
زينة : انا تمام .. بقولك
رامى : قولي يا قلبي
زينة : هروح مع رويدا في مطعم فاتح جديد هنروح نتغدى هناك
رامى : انتى لسة متغدتيش لحد دلوقتى دة الساعة 7 !!!!
زينة : اه لسة طلبت دليفري بس هي مصممة نروح المطعم
رامى : طب خلي بالك من نفسك وخليها هي الي تسوق واما
تروحي قوليلي العنوان وانا هاجي اخدك وانا طالع م الشغل اوك
زينة : اوك يا قلبي .. باي ❤️
( تقفل زينة وتقوم تلبس وينزلوا يروحوا المطعم )
زينة ب اندهاش : يخربيتك دة زحمة موت 😮
رويدا : عشان الافتتاح تعالي بس
( يدخلوا مطعم كبير جداً وزحمة جداً )
زينة : انتى هتقفي الطابور دة كلوا عشان الاكل !!!
رويدا : اه ي بنتى دة شكل اكله ع الفيس يجنن
زينة : طب اقفي انتى وانا هشوفلي اي حتة اقعد فيها 🤰🏻
رويدا : طب ماشي
( تقف رويدا ف الطابور وزينة تحاول تخرج م الزحمة بهدوء
عشان بطنها ، تلاقي حد حط ايده ع كتفها ، تلف وراها تلاقي
طارق ، تتخض وتشيل ايده من ع كتفها ولسة هتمشي تلاقي
مطرح ايده حاجة بيضة شبه الجيلي لزجة )
زينة : ايه القرف دة !!!
( تحط ايدها تمسحها وتشمها تحس بدوخة ، تحاول تطلع م الزحمة بسرعة وطارق وراها ، تطلع م الطابور وتسند ع ترابيزة ، يقرب عليها طارق وهى دايخة )
زينة : ايه الي حطيطه دة 😨
( لسة هتقع يسندها ، هى دايخة لكن فايقة وحاسة بالي حواليها، يسندها طارق ويطلع بيها برة المطعم وهى مش قادرة تتكلم وماشية بالعافية )
زينة ب تعب : طارق .. اوعى .. سيبني 😔
( زينة مش قادرة تفتح عينها ، يركبها طارق عربيته ويركب ويمشوا ، تطلع رويدا م الطابور متلاقيهاش ، تدور ف باقي المطعم مش لقياها )
رويدا : راحت فين دي !!
( تقرب عند التواليت ، شاب واقف )
رويدا : لو سمحت في واحدة حامل دخلت ؟؟
الشاب : لا
رويدا : اوك 😕
( تمسك فونها ترن ع زينة محدش بيرد ، ف العربية ، يمسك طارق الفون يقفله )
رويدا : ايه دة .. روحتى فين بس !!!!
( تروح رويدا تقعد ع ترابيزة )
رويدا : ماشي يا زينة مش هعديهالك .. اخرها احشر كل دة لوحدي 🤦🏻♀
( طارق ف العربية ، زينة جنبه ساندة دماغها ع العربية
ومدروخة وبتنزل دموعها مش قادرة تعمل حاجة ، طارق يمسك ايدها )
طارق : متقلقيش ي قلبي هخلصك منه 🙂
( يوصلوا بيته ، ينزل م العربية وينزل زينة يسندها يدخلوا جوة )
زينة ب تعب : اوعاا ✋
( تزقه وهو ساندها تقع ع الكنبة ، رويدا ف المطعم ، يرن فونها )
رويدا : الو
رامى : ايه ي رويدا
رويدا : ايه يا رامى عامل ايه ؟
رامى : كويس .. فين زينة وفونها مقفول ليه ؟؟
رويدا : هى مش معاك ؟
رامى : معايا فين ؟!!!
رويدا : انا وقفت اجيب الاكل وقلتلها تقعد تستنانى عشان كان
المطعم زحمة جبت ورجعت ملقتهاش فكرتك جيت خدتها 🤷
رامى : لا مخدتش حد 😐
رويدا : اومال راحت فين ؟؟
رامى ب انفعال : انتى بتسألينى انااا ؟
رويدا : يا رامي طب انا ايه زنبي م انا رجعت ملقتهاش واتصلت بيها كتير مقفول
رامى : قوليلي عنوان الزفت المطعم دة 😠
رويدا : حاضر
( ف بيت طارق )
طارق : انتى بتعامليني كدة ليه انا خايف عليكي وبقولك هنرجع لبعض
زينة : انت حطيتلي ايه دوخني ؟؟
طارق : اه معلش اسف تعالي هفوقك
( يسندها يدخلوا التواليت يغسلها وشها ويطلعوا ، يقعدها ع كرسي شوية ، زينة بتبدأ تفوق )
طارق : انتى كويسة ؟؟
زينة : روحني .. بيتى 😞
طارق : دة بيتك .. بيتنا
زينة : انا متجوزة
طارق : انا عارف انه اتجوزك غصب وانك بتحبينى وادينا مع بعض اهو 🤷🏻♂
زينة : لا متجوزنيش غصب .. انا بحبه
طارق : ايه الي بتقوليه دة !!!
( تقف زينة )
زينة : ايوة انا مطلبتش منك مساعدة .. دلوقتى صعبت عليك
وعاوز ترجعلي واتفاقك معاه انك تضحك عليا مصعبتش عليك وقتها ؟؟
طارق : انتى متعرفيش حاجة 😒
زينة : عرفني ؟؟
( يوصل رامي المطعم ، رويدا واقفة برة )
رامى : متصلتش ؟؟
رويدا : لا فونها لسة مقفول 😬
( يدخل رامى المطعم يفضل يسأل الموظفين عليها ويقولهم
مواصفاتها محدش عارف حاجة من زحمة المطعم ، ف بيت طارق )
طارق : انا كنت معاكى عشانه اه .. بس حبيتك ولما قالي اعمل
حوار الحادثة دة عشان اجيبك البيت قلتله اني بحبك بهدلنى وقعد يهددني لو مكملتش للاخر
زينة : لو كنت بتحبني بجد مكانش هيهمك حد ولا رامي ولا غيره بس انت جبان وخفت منه 😕
طارق : انا عارف اني غلطت انا اسف والله 😟
زينة : ماشي يا طارق مش فارقة اصلاً 🤷
( تمشي زينة ، يقرب طارق يشدها من ايدها )
طارق : رايحة فين ؟
زينة : ماشية
طارق : بعد كل دة وماشية مفيش مشيان
( تزقه وتمشي ، يقرب يشيلها غصب عنها تصرخ )
زينة ب صريخ : نزلنيييييييييييي 😨
( يطلعها فوق ويكتفها ويمسك فونه )
طارق : ايه فينك ي بنى .. طب تقدر تجيلي البيت .. اه حالاً
متغيبش .. لا لما تيجي هتعرف عاملك مفاجأه .. ماشي سلام
زينة : يا طارق فكني حرام عليك 😧
طارق : اخرسي ماشي دة انا هوريكي يوم اسود شبه وشك 😠
زينة : انا عملتلك ايه طيب 🤷
طارق : حبيتيه دلوقتى وعايشين حياه سعيدة واولع انا بقا 💁🏻♂🔥
زينة : عدى اكتر من ١٠ شهور لسة فاكرني دلوقتى !!!
( يبصلها ب غيظ ويحط لزق ع بؤها ويقفل الاوضة عليها ، ف
المطعم ، رامى بيتكلم مع الامن الي واقف برة ، تقرب جارسونة )
الجارسونة : لو سمحت هى البنت الي بتدور عليها كانت حامل صح ؟
رامى : ايوة اه
الجارسونة : انا شوفتها وواحد معاها مسندها كانت دايخة تقريباً وطلعوا م المطعم
رامى : واحد مين شكله ايه ؟؟
الجارسونة : شاب طويل وعريض كدة وشعره خفيف
رويدا : عينه رمادي ؟؟
الجرسونة : تقريباً مدققتش فيه .. بس اه عينه رمادي اه
رامى : انتى عرفاه ؟؟
رويدا : دة طارق 😐
رامى : طارق مي ...........
( يفتكر رامي شكل طارق فعلاً )
رامى : ابن ال ...........
( يجري رامى ع عربيته يركبها ويمشي ، ف بيت طارق ، يرن جرس الباب ، يفتح طارق )
على : ايه يابنى في ايه ؟؟
طارق : تعالى
( يدخل )
على : مفاجأه ايه الي عاملهالي ؟
طارق : مش هتصدق مين عندي
على : مين ؟؟
( يطلع طارق فوق وعلى وراه ، يدخلوا عند زينة ، اول م تشوف علي تتخض )
علي ب استغراب : ايه دة !!!!
طارق : مش انت مكانش مكفيك الي عمله رامى اهى عندك خد راحتك 💁🏻♂
على : انت اتجننت دي مراته وحامل كمان انت جبتها هنا ازاي اصلاً !!!
طارق : وانت مالك بقا جبتها ازاي هو اكل وبحلقة 🙄
على : انت عيل واطى ومتستاهلش كلمة صاحب اصلاً
( يقرب علي ع زينة يشيل اللزق من ع بؤها )
زينة : مشيني والنبي يا علي مشيني ابوس ايدك 😧
علي : اهدي طيب ✋
طارق : انت مش كنت زعلان م الي حصل دلوقتى مش عجباك 🤷🏻♂
( علي بيفكها )
علي : مش حكاية مش عجبانى بس الوضع اختلف دلوقتى وانا
مسامح ف الي فات خلصنا 😒
( يفكها )
طارق : لا مخلصناش واذا كان مش عاجبك الوضع اتفضل مع
السلامة انا غلطان انى اتصلت بيك سيبهالي بقا
علي : لا مش هسيبها وهتمشي
طارق ب انفعال : وانت مال اهلك 😡
( يزقه ، تكمل زينة فك رجليها )
علي : طارق متقلبهاش خناق احسنلك ✋
طارق : اطلع برة 👈🏻
علي : مش همشي من غيرها
( تقوم زينة تقف ورا علي )
طارق : زينة مش هتمشي من هنا ☝️
زينة : لا همشي معاه 😦
( يستفزوا طارق ، علي ياخد ايد زينة ويمشه ، طارق يلاقي
فاسة ع الترابيزة يمسكها ويضرب بيها علي ع دماغه يقع ف
الارض وزينة تصوت )
زينة ب صريخ : عااااااا 😨