رواية قلبي سامح قسوتك
الحلقة السادسة { ٦ } 🔥
بقلم سهيله سعيد
زينة : اوعى تمسحهم 😦
رامى : مش مستنى رأيك 😊
زينة ب عصبية : اووووووووووف 😠
( يفضلوا ناقر ونقير طول الطريق ، يوصلوا الشط ، الكل قاعد ع الشط بنات وشباب بيهزروا مع رامى وهى ولا معبرينها عشان ميعرفوهاش وهى قاعدة ع اخرها ، تقوم تقف )
رامى : رايحة فين ؟!!
زينة : هروح اغير هدومي عشان انزل الماية
رامى : عارفة هتروحى فين ولا اجي اوصلك ؟
زينة : اه عارفة
رامى : اوك
( تاخد زينة شنطتها وتروح تلبس مايوه وترجع ، تلفت نظر صحاب رامى ويتنحولها شباب وبنات ورامى مش واخد باله ، تنزل زينة الماية )
شادي : يخربيتها مزة 😍
سعيد : بس ل يسمعك 😬
رامى : في ايه .. مين دى الي مزة ؟؟
شادي : لا ما ...........
چيچي : خطيبتك شكلها زهقت مننا ونزلت الماية انا نازلة انا كمان 🤷
( يقوموا البنات ينزلوا الماية ، يبص رامى يشوف زينة ، يرجع يبص ل شادي ب غيظ ، يقوم شادي يقف )
شادى : وربنا م فكرت انها خطيبتك اتكلمت من غير م افكر 😦
رامى : مزة هااا 😐
( يجري شادي ويجري رامى وراه وبعدين يقف ويرجع ع اخره ، ينده ع زينة )
رامى : زيناااااااااااا 🗣️
( يفضل ينده عليها متسمعهوش ، يصفر جامد ورا بعض ، تشوفه زينة ، يشاورلها تطلع )
زينة : ايه ؟
رامى ب انفعال : تاكي ستين اوة مين قالك تنزلي ب ام مايوووه ؟؟؟
زينة : انا بنزل ب مايوه عادي 😕
رامى ب عصبية : دة ف بيت ابوكى انا معنديش الكلام دة 😠
زينة : كلام ايه هو دة فيه عندى وعندك 🤷
رامى ب غيظ : غوري . غيري . الزفت . دة 😡
زينة : ع فكرة مش من حقك تحاسبني ع اي حاجة وانا لسة مش مراتك 💁🏻
( رامى يجيب اخره ، يقرب عليها مرة واحدة ويمسك دراعها ب عنف ، تتخض )
رامى : اقسم بالله لو م روحتى تغيري هدومك ل هطلع عين اهلك .. فاهمة 😡
زينة : خلاص بطل زعيق فرجت الناس علينا وسيب ايدي انت واجعني 😟
رامى : غوري 👋
( يسيب ايدها ، تمشي زينة ع اخرها تغير وترجع تقعد ، ييجي الليل وزينة قاعدة مكانها متحركتش ، يقرب عليها رامى )
رامى : لسة منكدة ؟
زينة : انا بردوا الي منكدة ؟؟
رامى : حصل خير
زينة : لا محصلش بطل تحكمك فيا دة ☝️
رامى : دة مش تحكم انا خايف عليكي 🤷🏻♂
زينة : م الشاطئ كله لابس مايوه انت شوفت حد جه جنبي ؟؟
رامى : مش هستنى لما حد ييجي وبعدين م هما كالوكي ب عنيهم من شعرك ل صوباع رجلك
( تسكت زينة )
رامى : مش كل م افهمك ان في غلط بتعمليه تقوليلي اني بتحكم فيكي لان صدقينى انا لو اتحكمت فيكي هخلي ايامك سودة ي زينة 😐
( تبصله وعينها تدمع تضير وشها ، يهدي نفسه )
رامى : قومي
زينة : هنروح ؟
رامى : لا هنتمشى
زينة : مش عاوزة 😒
( تضير وشها )
رامى : قومى بلاش رخامة 👋
( يشد ايدها يقومها ويتمشوا )
رامى : الڤيلا جهزت لو عايزة تبصي عليها قبل الفرح
زينة : مش مهم
( يمسك فونه )
رامى : دي صورها 🤳🏻
( يديها الفون تتفرج ع الصور )
زينة ب اندهاش : لا بجد دي الڤيلا ؟؟!
رامى : اه
زينة ب اعجاب : تحفة .. باينة كبيرة .. ديكورها يجنن والعفش كمان مش ناقصها حاجة 😍
رامى : لا ناقصها
زينة : ايه ؟؟
رامى : انتى 🙂
( تيتسم زينة ب كسوف وتديله الفون )
رامى : بتتكسفي اوي 😏
زينة : بلاش رخامة 🙄
رامى : ماشي
( يمسك ايدها يكلبشها ف ايده ، تتخض زينة وتتحرج )
زينة : احم .. بس انا فكرتها شقة مش ڤيلا !!
رامى : لا م انا جبت ڤيلا عشان لما اضربك الفجر الجيران متتلمش علينا
زينة : لا والله !!
رامى : اها
زينة : لا متقدرش ع فكرة 😌
رامى : طبعاً مقدرش 😉
( يغمزلها تضحك ، يوم الفرح ، زينة مع رويدا ف الكوافير )
رويدا : والله ي بنتى بيخاف عليكي وبيغير عليكي متظلمهوش 🤷
زينة : لا انا مش ظلماه .. انا بدأت اصدقه واتعود عليه كدة .. شكلي هحبه بجد ولا ايه 😐
رويدا : بتهزري ؟؟!!!
زينة : لا مبهزرش .. هو بيحبني وبيخاف عليا .. هحتاج ايه اكتر من كدة .. هو عصبي حبتين .. بس عشان انا فعلاً بستفزه .. اظن لو لميت لساني وبدأت اعامله ب حنية زى اي اتنين هيتجوزوا كمان ساعتين خلاص هتبقى حياتى معاه جميلة اوي ❤️
رويدا : طب الحمدلله ربنا يهدي 🤷
( ييجي ميعاد الفرح وكله تمام ، ييجي وقت الرقصة ال slow ، تقوم زينة ورامى يرقصوا )
رامى : الفستان هياكل منك حتة 💜
( زينة لابسة فستان تايبست طويل وب كم شيفون وديل طويل ، شبه فستان بيلا ف توايلايت 💛 )
زينة : عجبك ؟؟
رامى : يجنن عليكي 💚
زينة : مرضتش يبقى مفتح وكدة عشانك 😊
رامى : لا جميل كدة 🧡
زينة : اها
رامى : عاملك رحلة ل روما تحفة
زينة : بجد هنسافر !!!
رامى : اه شهر العسل
( تفرح زينة ، يعدي اليوم ، زينة ورامى بيتمشوا ع البحر لسة ب فستان الفرح مروحوش البيت ، زينة عمالة تلف وتجري وتتنطط )
زينة ب مرح : انا فرحااااااااااااااانة فرحااااااااانة اوي 😆
رامى : ايه الي فجأه كدة !!!
زينة : مش عارفة بس حاسة ب كدة حاسة انى عاوزة اطير .. حاسة اني عاوزة انزل الماية .. وب فستاني كمان 😂
رامى : انتى مجنونة !!!
زينة : ههههه 😅
رامى : بس انا اجن 😏
( يقلع جاكيت البدلة ويفك الجرافت ويقلع القميص )
زينة : بتعمل ايه ؟؟
( يشيلها ويقرب ع الماية )
زينة : يا مجنوووووووووون 😆
( ينزلوا الماية ويقعدوا يهزروا ويضحكوا مبسوطين ، يسكتوا فجأه باصين ل بعض ، يقرب عليها )
زينة ب ارتباك : اااااا هنروح ازاي كدة !!!
رامى : عادي 🤷🏻♂
زينة : طب يلا دة الفجر أذن
( تطلع زينة م الماية ووراها رامى ، تقعد زينة تعصر ف ديل فستانها ، رامى يمسحلها الماية من ع وشها )
رامى : انتى بتترعشي !!
زينة : اه سقعت اوي 😄
( يحط عليها الچاكيت بتاعه ويقربوا يركبوا العربية ويمشوا ، يوصلوا الڤيلا ويدخلوا ، يطلعوا اوضتهم )
زينة : غير بقا انت برة عشان انا سقعانة اوي
رامى : اوك
( ياخد رامى هدومه ويطلع م الاوضة ، يغيروا هدومهم ، يخبط رامى ع الاوضة )
رامى : خلصتي ؟
زينة : اه ي رامي ادخل
( يدخل رامى ، زينة قاعدة قدام المراية بتسرح شعرها ، يقرب رامى يقعد ع السراحة قصادها باصصلها ، تتحرج زينة )
زينة : بتبصلي كدة ليه 😅
( ميردش رامى ، تبتسم زينة )
زينة ب كسوف : رامى متبصليش كدة انت ...........
( ومتحسش غير ب قلم ع وشها يوقعها من ع الكرسي من قوته ، تتخض زينة وتنزل دموعها مصدومة ، يقرب عليها يشدها من ايدها يرفعها يقومها م الارض يوقفها قصاده )
رامى : القلم دة عشان تعرفي تقوليلي ي غبي تاني ☝️
( يضربها قلم تانى تقع ع الارض ، يقرب عليها ف الارض )
رامي : ودة عشان تعرفي ان مفيش مخلوقة خلقها ربنا تقدر تلعب عليا .. مهما كانت بالنسبالي غالية هكسرها ☝️
( يضربها قلم تانى وهى منهارة م العياط وبؤها بينزف دم وخدها وارم مش لاحقة ترد مصدومة )
رامى : ودة عشان ابشرك ب أيام سودة جاية .. زى م وعدتك بالظبط ي قلبي .. وانتي عارفة وعدي 🙂
( يشدها يقومها تانى )
رامى : بصي ي حلوة .. أنا اتجوزتك بس عشان اكسر غرورك
دة وازل كرامة الي جابك .. عشان بس متكونيش مفكراه عشق وغرام .. ماشي ؟
زينة ب عياط : انت حقير وحيوان 😥💔
رامى : لا انا لسة هبقى حقير وحيوان انتى لسة مشوفتيش حاجة 🤷🏻♂
( تييجي تمشي يمسكها من شعرها )
رامى : ع فين بس