رواية معشوقتى الصغيرة
الفصل الرابع من الجزء الثاني
جاسر :افهم ي مالك
مالك : انا مش عايزه افهم حاجه ، كده كل الحكاية وضحت والممتلكات والفلوس كلها ب اسمي ومش هسكت غير لما اخد العقود لاتجيبهم بالزوق لتجيبهم غصب عنك
جاسر : طلع من مكتبه وقرب منه " ي مالك اهدا بقا يعني لما العقود دي هتبقا معاك هتعمل اي بيها ، انا هنا شايلهم ليك انا هعرف احافظ ع الحاجات ال تعبت فيها انا وجدك وجد جدك انت متعرفش حاجه هنا وهتضيع وهتضيعهم معاك ، انا بحميك من عيون الناس ومن خطرهم وشرهم وكل همهم الفلوس والكل هيطمع فيك
مالك : الله بقا منت التاني طمعان فيا وعايز تاخد فلوسي ، هاااات الفلوس احسنلك
جاسر : انا مش طمعان فييك والله نا عايز احافظ عليك
مالك : بزعيق " كداب انت كل ال يهمك العقود والفلوس والممتلكات عايزهم يبقا ليك يبقا بتوعك وحارمني منهم سارق حاجتي ومعتبرها ملكك ومش عايز تدهاني عااايز العقود عايزهم بدل وربي هتشوف اخرتك هتبقا ع ايدي
جاسر : بعصبيه ورزعه قلم راح مالك اتجن ومسكه من رقبته وكان هيخنقه لولا مراد دخل ع صوت زعيقهم وبعد مالك عن جاسر "
مالك : القلم ده حسااابو كبير اوي معايا وهوريك ي جااسر
مراد : استنا ياد انت هو انت اي ال بتعمله ف ابوك ده
مالك : زق مراد بعيد عن طريقه ومشي"
جاسر : مالك اتجن ، مش هعرف اسيطر عليه ي مرااااد
مراد :مفيش اي حل غير تديلو العقود ي جاسر
جاسر : لو ادتهمله مش هقدر اكلمه ولا هعرف اتلم عليه اصلا ، اوع تكون فاكرني ان محتاج الفلوس دلوقت لا انا اتمتعت بيهم وانبسطت وقضيت اجمل ايام عمري مع عهد بس دلوقت عايز احافظلو عليهم اقسم بالله مش اكتر مالك هيضيعهم انا لو لقيتو عاقل وراسي ياك فاكرني كنت هخبي عليه وربي كان اول ما يجي هدهمله ع طول بس انا متأكد ان ف حد ورا مالك وهو ال قالو ع الاملاك دي انها مكتوبه باسمه يعني ممكن ببساطه بعد م اديلو العقود حد يستغفلو ويمضيه ع حاجات وتنازلات ويخسر مالك هيخسر كل حاجه لو ادتلو العقود
مراد : بس ابنك مش باين عليه خالص ان ممكن حد يعرف يوقعو او يستغفلو مالك شديد ادهمله وهو حر من حكم ف ماله م ظلم ، دي غلطه جدك انو يكتب املاكه ل عيل وميعرفش ان العيل ده هيطلع طايش بالشكل ده ولو ضاع انت هتبقا السبب ف ضياعه ع فكره ، نا قولتلك ال عندي اديلو العقود وسيبه هو حر يحافظ عليهم يضيعهم انت خلاص مبقتش محتاج ليهم
جاسر : بس لي تعبنا يروح ف لحظه لي ده يحصل ي مراد
مراد : نصيب ومكتوب علينا والفلوس الملعونه دي لازم تخلص لازم يبقا ليها نهايه لانها لو فضلت معاكم كلكم هتموتو بعض ، ادم وانت وعهد وهايدي ومالك وسلمي ، انتو مش هتسلمو من شر بعض وف ناس كتير هتتأذي بسببكم زي مهران لما مسلمش من الفلوس دي واخرته واخر ايام عمره قضاها ف دار مسنين يعني بالعربي الفلوس ال قعد يجمع فيها طول عمره منفعتوش ي جاسر متفكرش انك تحافظ ع الفلوس دي متفكرررش ......
"كلام مراد دخل ف دماغ جاسر وفضل يفكر فيه كتير وقال ل عهد وعهد موافقه ان يدي العقود ل مالك يمكن يرتاح ، بالفعل جاسر راح ع ڤيلا مالك ومعاه العقود ولقاه قاعد وف حضنه واحده وقدامه بيرا وحشيش ، بصلو ب يأس ومالك قام وقف "
مالك : تعالا
ريم : يجي فين انت اتجنيت احنا متفقناش ع كده
مالك : بطلي هبل ده ابويا روحي اطلعي فوق بس ونا جيلك
جاسر : هو ده ال علمتهولك بلاد برا
مالك : اها هو ده
جاسر : متعرفش ان كده حرام
مالك : لا عارف ومظبط نفسي "وطلعلو ورق العرفي " اي رايك تحب نكتبلك ورقتين انت واي موزه تختارها ولا تؤتؤ صح ده في قصه حب كبيره بينك وبين عهوده مش كدا ومزكره مليانه كلام حب بخطك وخطها وباليوم ال مكتوب فيه واالبوم الصور بتاعتكم .. لا حاجه عظمة اوي
جاسر : قرب منه وبصلو بغضب " انت عرفت الحاجات دي ازااي
مالك : منا بصراحه عجبني المزكرات والالبوم ف اخدتهم معاياا شان لما احب ابقا اعمل زيهم "وراح جبلو المزكرات والصور ورماهم ف الارض" بس لي حاسس ان قصه الحب دي مزيفه وانتو عمركم م حبيتو بعض
جاسر : اتعصب وراح مسكو من هدومو " ي اابن ااالكلب اانت ازاي تعمل كده ااازاي انت مستحيل تكون ااابني ف حد يعمل كده ف ابوه
مالك : ابعد عني احسنلك والله متفكرش ان مش قادر عليك انا قادر اخلص منك ف ثواني
جاسر : منت عشام زباله وملقتش حد يريبك ي حقير "وضربو قلم وقعو ع الترابيزه القزاز واتعور ف وشو ومسكه من شعره رماه ف الارض وادالو قلمين ، مالك حاول يقوم وزق جاسر وبعده عنه وعايز يضربو بس جاسر مسك دراعه ولواه "
جاسر : انا وربي ماسك نفسي عنك بالعافيا ، هخلص عليك عشان ارتاح
مالك : لو قدرت تعملها اعملها
جاسر : زقو ف الارض " للاسف مش هقدر وانت عارف كدا كويس
مالك : بس نا هقدر "وطلع المسدس" فاكر ده ، ال ضربت بيه ادم بس للاسف مامتش زي منت كنت بتتمني
جاسر : المسدس ده وصلك اززااي ، والكلام ده عرفتو ازاي انت ليك علاقه ب ادم ، انت بتتواصل معاه صح ؟؟؟؟
مالك : صح ، اصل تقدر تقول كده قلبت االڤيلا قبل م اخرج منها ،بس لسه دماغك شغاله مكبرتش يعني
انانيتك خلتك تقتل اخوك
جاسر : اقسملك بالله م كنت حابب كده ده جدي هو السبب
مالك : جدك بيأمرك تقتل شان الفلوس مش كده
جاسر : الفلوس دي هي ال عملت فيا كده وعملت ف ادم كده ووصلت جدك لل حصلو ووصلتك انت ل كده ي مالك ، مش كل الناس الاغنياء بتقتل وتأذي ف بعضها او بتأذي ف غيرها ، بس احنا الفلوس ال معانا ملعونه اقسملك بالله فلوس هتودينا ف ستين داهيه وهتقضي ع العيله كلها
مالك : الكلام ده مياكلش معايا ،هات العقود
جاسر : ي ماالك الفلوس دي خطررر
مالك : هاتهااا "جاسر رمالو العقود ف وشه ومالك نزل لمهم من ع الارض وجاسر اخد المزكرات والالبوم والمسدس ومشي بفقدان امل ف ابنه ، مالك ماسك العقود وابتسم بخبث "
مالك : كده هنبتدي الشغل ع اصلو ...
_______
عهد : حبيبي عملت اي
جاسر : اديتو العقود
عهد : طب كويس
جاسر : صدق جدي مهران لما رميته ف الدار ، قالي جمله عمري مهنساها لانها بقت حقيقه
عهد : قالك ااي
*فلاش باك*
مهران : قلبي مش راضي عنك ي جاسر ، اقسملك بالله كلو هيتردلك كل ال انت عملتو فيا هيتردلك ، اصبر بس وهتشوف حكمت ربنا ، ابنك ال مخلفو عشان الفلوس وبس ده عمره مهيكون ابن صالح لانه مش جاي بالحب مش جاي باالرضا هتتعذب ف حياتك وهتعرف ان ده ذنب ال عملتو فيا انا كنت عارف ان قلبك قاسي بس مش بالشكل ده ، قلبك ده حجر مفهوش زره رحمه واحده حسبي الله ونعمه الوكيل ..
*باك*
جاسر : فعلا مالك مش كويس ولا حتي بيحس وجدي كان بيقول ع قلبي انا حجر ، امال لو شاف قلب مالك كان هيقول اي ، كلامو كان صح انا اديني اهو هتعذب بسبب ال عملتو وال هيأذيني هو ابني ال انا خلفتو عشان الفلوس ....
------
"تاني يوم ومالك قال ل ادم انه معاه العقود "
ادم : الو ي باشا ، ال احنا مستنينه بقالنا سنين ع وشك انه يتحقق ، هندخل باكتساح ، الفلوس والشركات هيبقو ملكنا ومهما كان مالك شديد مش هيبقا اشد من جاسر ول اي
قاسم : اكيد طبعا ي ادم ، احنا ناخد الفلوس ونقضي عليه احسن من وجع الدماغ ال ممكن يعملو لينا
ادم : ده ابن اخويا ي قاسم مستحيل اقتلو
قاسم : والله شغلانتنا دي مفهاش احاسيس ومشاعر ، استريح هقتلهولك انا دي سهله علينا.
ادم : انا مش معاك ف دي احنا هناخد منهم الفلوس اه بس نأذي ونقتل حد منهم ف
انا معترض وممكن اوقفلك اللعبه دي كلها لو حطيت فكره زي دي ف دماغك احسنلك بلاش
قاسم : خلاص يعم ادم بلاش بلاش
ادم: ايوة كده خلينا حلوين مع بعض ..
___
سلمي : الو ي حبيبي ،
وحشني اوي اوي والله وعايزه اشوفك انت ليك اسبوع مش بتيجي الجامعه ، سيبك من ابوك وافضالي شويه نا حبيبتك
بردو ، ماشي ي عمري نا حبيبتك وخطيبتك ومراتك وكل حاجه بس اهلنا يوافقو ع علاقتنا دي بتمنا ......
لقراءة باقي الفصول الجزء الثاني من هنا
لقراءة الجزء الاول جميع الفصول كامله من هنا