رواية معشوقتي الصغيره
الفصل الخامس عشر
الدكتور : بصراحه ي جاسر بيه ف خبر مش حلو
جاسر : خبر اي ده ابني جراله حاجة ..؟! "بقلق وخوف" اانطق ابني جرالو اي
الدكتور : احنا امبارح بليل اطمنا عليه وكان كويس جدا وبصحه كويسه
جاسر : هاا وبعدين
الدكتور : روحنا انهردا الصبح نتطمن بس ..
جاسر : بخوف شديد " بسس اااي
الدكتور : ملقنهوش
جاسر : ملقتهوش يعني اي ملقتهوش
الدكتور : يعني اتخطف ابنك مش موجود هنا
عهد : بكت ومسكت ايد جاسر،"اابني ي جاااسر ، ابني ملحقتش اتهناا بيه واتخطف بترجاك رجعهوولي ونبي رجعلي ابني ..
"جاسر بيحاول يستوعب ومش عارف مين ال ممكن يأذيه بالطريقه دي او مين ال قدر يستجرأ يعمل كده معاه ، ليه اعداء كتيره جدا ومش عارف ممكن يكون مين ، عهد رجعت البيت وسرقت المسدس من اوضه جدها وطلعت ع بيت هايدي ورفعت المسدس ف وشها وواقفه تبكي"
عهد : فين اابني ال خطفتيه ي هاايديي
هايدي : خطفت مين اانتي بتقولي اي ، عهد شيلي البتاع ده من ايدك"هايدي بترجع لورا وعهد ضربت طلقه بس مجاتش فيها وهايدي صرخت ودخلت اوضتها وجسمها بيترعش ، قفلت الباب ورنت ع جاسر" الحقني الحقني ي جاسر بترجاك عهد هتموتني تعاااالا بسرعه
عهد : بتخبط ع الباب بجنون " ااافتحي متفتكريش ان الباب ده هيمنعني عن قتلك ، انا هكسرهولك خااالص ي زباله ، هااتيلي ابني وهسييبك
هايدي : هجيب ابنك منين ي عهد نا مخدتش ابنك صدقيني ما اخدوتش والله هخده اعمل اي بيه
عهد : هتاخديه عشان الفلوس انتي ميهمكيش حاجه غير الفلوس
هايدي: مش هتلزمني فلوسكم والله مهتلزمني
عهد : انااا عاايزه ابني
"جاسر وصل وحضن عهد من ضهرها وخدد المسدس منها "
جاسر : ينفع تهدي مين قالك ان هايدي ال اخدت مالك
عهد : هي اكتر واحده ليها مصلحه ف كده منت وهي يهمكم الفلوس وبس
جاسر : هتتحاسب ع الكلام ده بعدين بس يلا نمشي واهدي نا اكيد مش هسيبو وهحاول اوصلو فهمتي هوصلو وهدمر ال عمل كده "ومسك ايدها ورجعو ع البيت وطلعها ع الشقه ولقي البيت كله مبهدل ، اتصدمو هم الاتنين ، جاسر جري ع اوضه وبص ع المكتب ولقي القفل ال ع الدرج متشال وفتح الدرج وملقيش الفلوس ال كانت فيه ، بص ع ملفات شغله وملقهاش وكان ورق يوديه ف داهيه ، قعد ف الارض ومصدوم مش عارف يعمل اي هيتجنن ، عهد دخلت اوضه النوم ولقيت الهدوم كلها برا والدولاب متبهدل وكل حاجه ، بصت ع دهب جوازها والدهب ال كان بيجبهولها ولقيت العلب فاضيا "
عهد : اااي ال حصل مين ال عمل فييناا كده ي جااسر مين ال عايز يأذينا كده
جاسر : قام واتجه ليها واول مره تشوف دموع ف عنيه وحضنها" مش عااارف مش قادر ااعرف ي عهد انا ادمرت خلاص ، ابني اتخطف وبيتي بقا سهل الناس توصله وتبهدله بالشكل ده مش عارف اي ال وصلني لكده ، بس ان شاء الله هرجع مالك ب اي تمن كان ...
_______
"تاني يوم وجاسر راح ع الشركه ولقي ورق ع مكتبه وف ظرف فتحه وبيقراه"
.. ابنك ف امان لو تهمك حياته اككتب تنازل عن نص املاكك ، ده جزء من الورق ال هيوديك ف داهيه والباقي معاياا وافقت ع شرطي هتاخد الورق الباقي وابنك مش هتوافق هتتسجن وبردو هتتنازل ..."
جاسر : املاك اي هو نا معايا حاجه ده كله باسم جدي اعمل اي بس ف الورطه دي ولو روحت قولت لجدي مش هيوافق اما هو مش هيكتب املاكه ليا نا هيكتبها ل ده "ورن ع الرقم ال اتساب ف اخر الورقه وفهمه انه معهوش حاجه"
سيد : البيه بيقولك احنا ملناش دعوه هتتنازل عن نص املاكك ولا تتحبس وتتنازل
جاسر : طب لو سمحت ممكن تخليني اكلم البيه ده ممكن بعد ازنك
سيد : ممكن "وراح اده الفون ل ....."
مجهول : اهلا
جاسر : ي بني انت انا معيش حاجه الشركات والممتلكات دي كلها باسم جدي وهتبقا باسم ابني ال معاك ازاي انا هتنازلك عن حاجه مش ملكي
مجهول : اتصرف
جاسر : معنديش غير حل
مجهول : اي هو
جاسر : ترجعلي ابني وجدي يكتب الاملاك ليه وبعدين نقسمها زي م احنا عايزين قولت اي
مجهول: تمام هنتقابل بكره "قالو ع المكان وتاني يوم جاسر جهز رجالته كلها وراح ع المكان ال اتفقو عليه ، رجاله المجهول نزلو ومعاهم ابنه وهو فضل ف عربيه ولابس ماسك ، جاسر : خد ابنه ودفع 5 مليون تحت الحساب وكان هيموت ويعرف مين الشخص ال بيلعب بيه ده ، عربيات رجاله جاسر وصلو ونزلو ضرب ف رجاله المجهول وجاسر اده ابنه لعهد وجري ع العربيه ال فيها المجهول ولقي لابس ماسك حرصا من ان حد يشوفه ال مكنش واخد باله ان ف حد جايله وجاسر فتح الباب وشده ف الارض وفضل يضربو ف بعض والمجهول طلع المطوه وضربو ف ايديه وبردو جاسر كان مصمم يشيل الماسك من ع وشه لحد م اخد مطوه ف جنبه خلته وقع وفقد الوعي ، قام المجهول من تحته وجري ع العربيه ومشي ، رجالته جريو عليه واخدوه العربيه وطلعو ع المستشفي وكلهم كانو حواليه ، عهد وابنها وهايدي وبنتاها ومهران ومها ...."
عهد : ماسكه ايدو وبتبكي" هتبقا بخير ي حبيبي متقلقش
جاسر : مش قلقان ي عهد
مهران : معرفتش تقتلو بقا زي م قتلت ادم
عهد : ادم ؟ انت قتلت ادم " قامت من جنبه " قتلته ازاي
مهران : ف اي ي عهد
عهد : اي هو ال في اي ي عهد ، جاسر قتل واحد ازاي انت سايبه كده المفروض تعاقبه
مهران : انا ال قولتلو ادم كان لازم يموت
عهد : اتصدمت ورجعت لورا وخدت مالك من امها ومشت ونزلت ركبت العربيه وبكت" قاتل ، جاسر طلع بيقتل انا عايشه مع مجرم ، والله م مصدقه هي دي عيلتي هو القتل عنده طلع سهل كده ازاي بني ادم يقتل بني ادم والله ده قليل عليناا ال بيحصل ده ده احنا هنشوف سواد ، ول لا احنا ليه هو بس هو ال قتل هو ال طلع مجرم حسبي الله ونعمه الوكيل ....
مها : جاسر مكنش يصح انك تسمع كلامو
مهران : اخرسي خالص
جاسر : خلاص ي جماعه
مهران : مسك دراع مها وخدها برا وجاسر ادايق جدا وخاف لا يأذي مرات عمه زي م أذي امه ..." تعالي
جاسر : اي ال جابك هنا
هايدي : مقدرش اعرف انك ف مستشفي واسيبك
جاسر : قولتي لجدي اي
هايدي : ان صاحبت عهد مهو شافني قبل كدا جايا ازورها
جاسر : طب كويس ، اطلعي شوفي جدي بيعمل اي مع مها
هايدي: لا مش هسيبك ، مين ال عمل فيك كده
تفتكر حد تبع ادم جاي ينتقم منك عشان قتلتو
جاسر : بفكر ف كده بس ادم لما جالي كان باين اوي انو لوحدو وملوش حد
هايدي : ادم طلب منك فلوس ولا عيله
جاسر : فلوس
هايدي : بس هو كان ناقصه فلوس بس حواليه ناس كتير اوي يعني مش لوحده ولا محتاج حد يبقا جنبه
جاسر : ال معاه عربيات وناس كتيره بالشكل ده مش محتاج لفلوس بردو انتي متعرفيش الرجاله ال بتشتغل وبتضحي بحياتها عشان شخص بتاخد قد اي ، ادم اكيد معاه فلوس
هايدي : امال لي طلب فلوس
جاسر : اكيد مش عايزني اتهنا بفلوس ابويا لوحدي معرفش اي الانانيه دي
هايدي: يعني ال بيعمل فيك كده مش تبع ادم
جاسر : مش عااارف ، بس عهد
عهد انا مثلها الاعلي وقدوتها وسندها مش عارف هي عامله اي دلوقت اكيد اتصدمت لما عرفت ان قتلت واكيد هتخاف مني ونا مش عايز ده يحصل انا مخنوق عشانها اوي ، انا اكيد نزلت من نظرها
هايدي : خليها تغور
جاسر : احترمي نفسكك قبل متجيبي سيرتها بحاجه وحشه عشان هتزعلي بعد كده ...
"بعد اسبوع ف المستشفي وعهد معتبتش هناك خالص وهايدي هي ال كانت معاه طول الوقت وهو حاسس ان ف حاجه نقصاه بعدم وجود عهد جنبه وجيله احساس انو حابب وجودها ومشتقلها اكتر من هايدي ، رجع ع البيت وطلع ع شقته ولقاها بتنيم مالك ف السرير الصغنن بتاعه وهتمشي ولقيت نفسها ف حضن جاسر واتخضت جدا"
عهد : ااه ف حد يخض حد كده انت بتهزر والله
جاسر : اتخضيتي مش اتفاجأتي مثلا
عهد : هتفاجأ لي منا عارفه انك جاي انهردا
جاسر : كده تسيبي جوزك مرمي ف المستشفي ومتعبرهوش
عهد : هعبرك لي وبعدين حبيبتك كانت جنبك
جاسر : دي مش حبيبتي
عهد : حاجه متخصنيش بقا بعد ازنك
جاسر : مسك دراعها بقوه وقفها وهي اتوجعت " استني هنا
عهد : عااايز اي انت ، انت مش هتطلقني يبقا تسكت بقا اوع دراعي وجعني "سابها" ااوف عليك بص مكان ايدك معلم ازاي انا تعبت نفسيا منككك والله
جاسر : مش هطلقك
عهد : نعم ؟ لا لا احنا متفقناش ع كده
جاسر : والله م هطلقك انا محتاجك "وضمها لحضنه"
عهد : ي نهار اسود ، اابعد عنيي بقااا انت عايز اي ، جاسر انت شارب صح ، طب .. لالاا ي جاسر هتعمل اي
جاسر : هنجيب عيل تاني
عهد : جيبو من هايدي ي جااسر ...
________
"تاني يوم "
مهران جاب المحامي وقعد معاه ومع جاسر وكتب الاملاك كلها ب اسم مالك ، جاسر فرح جدا ومسك العقود ف ايدو وطلع وشالهم وعهد كانت قاعده ع السرير "
جاسر : بزعيق " تعالي هنا
عهد : اتخضت وراحتلو جري من سكات " ايوة
جاسر : نفسك جدك يتعذب ازاي
عهد : مش عايزاه يتعذب
جاسر : يعني اي
عهد : خلاص ي جاسر انت لازم تنسي
جاسر : انسي اي انتي عبيطه انا هاخد حقي منه ومش هتنازل عن كده
عهد : مسكت ايده" استني ي حبيبي ده مهما كان جدك كلها فتره وهيموت بلاش تجي عليه عشان خاطري سيبه
جاسر : قرب من عهد وحط ايديه ع وشها " حبيبك ؟ حبيبك حبيبك يعني ولا اخوكي
عهد :اخويا اي بقا انت خليت فيها اخويا ، المهم بلاش تأذي جدك
جاسر : ههههههههه "ونزل تحت وهي نزلت جري وراه .."