رواية معشوقتي الصغيره الجزء الثاني2 الفصل الاول1والثاني2 بقلم دينا

الفصل الاول والثاني 

"الصبح وقام من نومه ع رنت تلفونه ، قام وبص ف المرايه ورفع شعره ال واخد اللون البني الفاتح وداخل ع اصفر ، عيونه الخضرا ورموشه الكثيفه وبشرته البيضه ودقنه الخفيفه ...: انا مش عارف اي لزمت نزولي مصر بس لازم اشوف اخرتها واتأكد من الكلام ال قالهولي الراجل ده صح ولا غلط "قعد ع السرير ومسك الفون وفتح   جوجل وبدأ يتصفح وبيتعرف ع جميع الاماكن ف مصر لانه عمره ما نزلها قبل كده ، ليه 20 سنه عايش برا وميعرفش اي حاجه ف مصر  ، بعد شويه وقام جهز هدومه وكل حاجه خاصه بيه وخد الشنط وركب العربيه وصلتو المطار وبعدها ركب الطياره ونزل ف مطار مصر ، ركب تكس وراح ع ڤيلا جاسر الهواري ..." 

البواب : اقولو مين حضرتك مهو مينفعش تدخل كده غير لما ابلغه دي تعليمات جاسر بيه

مالك : انت متخلف ي عسل انت 

البواب : تسلم ي بيه من زوقك بس بردو مفيش دخول 

مالك: طب اوعا من وشي كده 

البواب : براحتك انت ال هتجيبه لنفسك ونادم ع الامن مسكوه من ايديه الاتنين " اقولو مين بقا ؟

مالك : اتعصب جدا " وحيات ربي هكسركو كلكم مش هخلي في واحد فيكم سليم بس جدعام سبوني وخليكم رجاله وتعالو راجل ل راجل "واحد من البوديجرد بعد والتاني مسك مالك وضربو بونيه ف وشو ومالك   اتجن عليه وقام فيه ضربو ونيمه ف الارض وعمال يلطش فيه ، البوديجرد التاني مسك حجر وجاي يضربو ع دماغه بس البواب نادم ع جاسر ونزلو وراح بعد البوديجرد عنه ومسك مالك من هدومه وقومه بعيد عن البوديجرد وزقه بعيد ومالك موطي وشه ف الارض

جاسر : للبوديجرد "اي الهمجيه ال انتو فيها دي ف حد يعمل ف حد كده لي ممسكتهوش لحد منزلت اتصرف نا بنفسي مع البني ادم ده 

البوديجرد : هو ال استفزنا ي فندم ده شخص عديم الربايه وشكلو خطر ومش سالك وجاي هنا عشان يتخانق ويخرب الدنيا 

جاسر : لما نشوف بقا هو مين الفتوه ال جاي لينا ده وعايز اي "ومالك قام واتعدل ليه وهو اتخض لما شافو وكمان كان مضروب ف وشو ودم نازل   من بوقه ، جاسر قرب عليه ومسك وشه وبعدها اخده ف حضنه راح مالك زقه بعيد ومشي دخل الڤيلا وقابل عهد ال جريت عليه وهو منعها من انها تحضنه ، جاسر بحزن دخل الڤيلا " 

جاسر : مقولتش لي انك جاي 

مالك : نعم ؟ وهو المفروض ان اخد الاذن ول اي انا اتحرك وقت م احب وانزل وقت م احب وارجع مكان مكنت وقت ما احب 

جاسر : مش كده بس كنا عملنا حساب انك جاي وجينا اخدناك ، عارف انك زعلان بسبب الاستقبال الزفت ده بس هم مش عارفينك 

عهد : اي ال عمل ف وشك كده ي مالك 

مالك : فككم "ورما الشنط وداخل يتفرج ع الڤيلا " واو هو ده البيت ال عايشين فيه ال اسمهم امي وابويا دول 

جاسر : اي ال بتقولو ده ؟

مالك : تجاهله ودخل ع الجنينه " ههه واو بجد وحمام سباحه وشغل عالي ونا راميني ف اوتيل 

عهد : مالك حبيبي تعالا امسحلك الدم ال عند بوقك وبعدين اتفرج براحتك

مالك: متقربيش 

جاسر : هو في اي ياد انت متتعدل 

مالك : لي شايفني معوج ي راجل انت 

جاسر : دي طريقه تكلم بيها ابوك 

مالك : انت فاكر نفسك ابويا بجد ، تعرف تقعد ساكت 

عهد : مالك ...

مالك : قاطعها "وانتي كمان تعرفي تقعدي ساكته ، هو الطبيعي ان الاب والام بيخلفو طفل    ويرموه من وهو عنده سنه لحد م يكمل 20 سنه انت هزرتو جامد اوي وابقو استحملو نتيجه غلطتكم دي لانها مش هينه ، او يمكن بنسبالكم حاجه عاديه بس انا لا 

جاسر : افهم انت بس متعرفش الظروف ال مرينا بيها 

عهد : احنا كنا بنجيلك كل شهر مره ي مالك 

مالك : كنت بستحملكم امال هطردكم يعني ، وبعدين انتو ليكو 3 سنين مشوفتونيش ف بلاش شغل الهبل وامي وابويا انا مليش اب ول ام 

جاسر : تعرف انك عيل قليل الادب وشكلي هربيك ع كبر ، هربيك التربيه ال متربتهاش ف بلاد برا "ورفع ايده عشان يضربو بس مالك مسك دراعه بقوه " 

مالك : ايدك لتوحشك واتكلم ع قدك ولا شكلك كبرت وهتخرف لا نا هعرفك مقامك كويس لو فكرت تتعدا حدودك معايا "ومشي ودخل جوه وقعد ف الصالون وفتح الموقع عشان يشوف اوتيل قريب ،   جاسر وعهد اتصدمو ومش مصدقين ان ده ممكن يكون مالك ابنهم واي المعامله دي حاجه كانت فوق خيالهم ومكنوش متوقعينها .....

"سلمي دخلت البيت وشافت مالك وراحتلو " 

سلمي:  ملوووووك انت هنا 

مالك : اي ملوك دي احنا هنهزر ، انا مبحبش اسامي الدلع والهبل ده انا اسمي مالك وبس

سلمي : ايوة بهزر معاك مش اختك بقااا  ، جيت امتي واي ال ف وشك ده 

مالك : حاجه متخصكيش ، وانتي بقا ال قرفانا بصورك ع الانستا 

سلمي : فيها اي مش فاهمه 

مالك : مفهاش. روحي كملي ، نا بس نفسي اعرف احنا ازاي اخوات ومولودين ف سنه واحده والفرق م بينا شهور وبس ازاي ده 

سلمي : يعني انت متعرفش ان انا من ام غير مامتك !

مالك : اقسم بالله اول مره اعرف ، يدينيي 

سلمي : وفيها اي بقا 

مالك : مفهاش يست انا همشي 

"عهد راحتله ووقفت جنبه"

عهد : هتروح فين 

مالك : اوتيل 

عهد : انت بتستعبط هتسيب الڤيلا دي كلها وتروح تقعد ف اوتيل 

مالك : امال هقعد فين 

عهد : تعالا هطلعك اوضه هتبقا بتاعتك 

مالك : هه معلش مش متعود ع الڤلل انا متعود ع اوتيلات زي مرمتوني فيها 

عهد : اتعدل بقا قولتلك احنا مرمنكش بس الظروف كانت اقوي مننا مكنش ف ايدنا حيله غير اننا نسفرك عشان نحافظ عليك وع حياتك ي مالك ، احنا   اهلك واكيد مش بنتمنالك الشر واكيد كل ال بنتمناه ليك الخير وانك تعيش عيشه كويسه وفوق الخيال وانك تكون مبسوط ف حياتك 

مالك : وانتي فاكره انكم كده خلتوني مبسوط ف حياتي ، انتو خلتوني بني ادم تاني مبيحبش الا نفسه ،يبقا تتعودو ع معاملتي لاني عمري مهغيرها   ولو المعامله دي معجبتكمش متلموش الا نفسكم بقا ، انا مش همشي ع كيف حد ولا همشي ع مزاج حد انا حر نفسي 

عهد : ماشي ي مالك زي منت عايز بس متقساش علينا بترجاك احنا بنحبك وسعادتك تهمنا ، انت فاكر اننا قلبنا مكنش بيتقطع من بعدك عننا والله كنا بنتوجع بسبب كدا بس الخوف سيطر علينا 

مالك : هو انتو كنتو بتفتكروني اصلا منتو كنتو مكتفيين بسلمي 

سلمي : مكتفيين ب سلمي اي بس انت افكارك فوق الخيال 

مالك : يعني انتي مكنتيش عايشه هنا ف بلدك وسط اهلك وناسك واصحابك

سلمي : ايوه فعلا بس كنت حاسه ان بابا وماما بعيد عن بعض 

مالك : بس ع الاقل كنتي بتشوفيهم 

سلمي : ايوة نا كنت مع ماما ع طول وبشوف بابا كل يوم ، يومي مكنش بيكمل غير بيهم 

مالك : وانا كنت محروم من امي وابويا 

سلمي : بس ال اعرفو ان بابا بيكلمك كل يوم زي منا بكلمك فديو كول وكده وبتشوف ابوك وامك وهم بيشوفوك 

مالك : بشوفهم من ورا شاشه ، زي ال ف سجن من بعض ، واحده جوا و واحد برا وبيكلمو بعض بس بينهم حديد ، ولا عارفين يحضنو بغض ولا    عارفين يحتو بعض لان معاد الزياره قليل ، بردو مكالمتي ليهم مكنتش 24 ساعه يعني هي ساعه يوميه ، انتي كل مكنتي تحتاجيهم بتلاقيهم لما كنتي بتتعبي كانو بيبقو حواليكي ، لما كنتي بتكوني فرحانه ولا زعلانه كنتي بتلاقيهم جنبك بيفرحو لفرحك ويزعلو لزعلك ، بزمتك مين احسن بنسبه ليهم انا ول انتي ، الفرق واضح ومعروف ي سلمي 

عهد : استنا ي مالك..

مالك : ف اي 

عهد : احنا بنحبك اقسم بالله بنحبك انت لي مش مستوعب كده ، وال حصل ده بسبب   الظروف ال مرينا بيها وكانت خطر ع حياتك وعشان احنا بنحبك وعايزينك ف حياتنا ف سفرناك لحمايتك واللله 

مالك : ماشي يستي شكرا ع انكم حافظتو ع حياتي 

عهد : بتتريق ي مالك

مالك : لا عادي 

عهد : طب بص اهم حاجه مفيش اوتيلات هتقعد فيها انا هجهزلك اوضه ، تعالا اوريك الاوضه ال كنا عاملينها ليك طول السنين دي كلها وع امل انك هتيجي ف يوم من الايام وتشوفها ..

مالك : وريني 

"وطلعو ع الاوضه وكانت اوضه فخمه وكبيره جدا ومتنضفه ومفهاش حاجه بايظه او قديمه بالعكس كانت كل حاجه ملوكي ، صورو كانت ع الحيطه وف نص الاوضه فوق السرير فيه صوره كبيره جدا "  

مالك : حلو همشي حالي ب الاوضه دي 

عهد : بحزن " بقا هو ده ال ربنا قدرك عليه 

مالك : اها 

عهد : هاجي ع نفسي "مسكت ايده "بص ف الجزء ده ، 20 صوره ليك ، تخيل مرتبين بالظبط ، من اول م كان عندك سنه لغايه 20 سنه ، كل يوم   بنخصص جزء من يومنا بندخل نتفرج بس ع صورك والله ي حبيبي وبنحسك معانا ف كل وقت "راحت بيه عند السرير وقعدتو وفتحت درج الكومدينو وطلعتلو البوم مليان صورو " كل صوره كنت بتبعتها لينا كنا بنروح نعملها كارت ونحطها ف الالبوم ده ، من وانت صغير وشرطنا ع الداده ال بتعلمك   وتربيك انها تصورك يوميا وخاصا ف عيد ميلادك ، ف البوم تاني بقا وده ونت كبير ، كل صوره كنت بتنزلها ع حسابها فيس او انستا كنا بناخدها وبردو بنعملها كارت وكل يوم بنتفرج عليهم ، انت كنت معانا ف كل وقت ي مالك ، احنا عمرنا منسيناك ابداا 

مالك : مصدقه نفسك اوي عايزه تعيشي ف دور الام ال بتحب ابنها بقا وكده 

عهد : امال انا بكرهك يعني انت لي مش عايز تصدق اننا كنا متضطرين ، حياتك كانت متعرضه للخطر كنت هتموت 

مالك : م كنت موت ولا غورت ف داهيا احسن من ال انتو عملتو ، السؤال بقا لي انا حياتي كانت خطر لي انا ال كان لازم تسفروني بعيد عن الناس ال عايزة تاأذيني طب والناس كانت عايزه تأذيني لي من الاساس ؟! اكيد ف حاجه وف سبب انتو اساسا مخلفيني عشانو لكن انتو مش مخلفيني كا ناس عايزين يفرحو ب ابن ليهم ولا الكلام   ده عشان ال يخلف عيل ويرميه ف مدرسه داخليه يبقا مكنتش هدفه انو يخلف ولد كده والسلام لا الهدف اكبر من كده وانتو كنتو عايزيني عشان توصلو لحاجه والناس طمعانه 

فيا عشان الحاجه دي بردو  ، اي بقا الميزه ال فيا ؟!! سكتتي يعني ، خلاص هريحك من التفكير ف كذبه جديده لان عارف سبب سفري اي...  

الفلوس والممتلكات مكتوبه ب اسم مين ؟ 

عهد : مكتوبه ب .........