الفصل السادس من الجزء الثانى
سيف : قصدك اي ي سلمي
سلمي : قصدي ان ابوك ليه
حق فعلا ولازم ياخدو يعني جدك ال مات ده ال هو عمي مجدي اكيد كان ليه فلوس
بس جدي الاكبر بقا ال هو مهران الهواري سيطر ع كل حاجه واخد كل الفلوس والممتلكات
وكتبها ب اسمه يعني جدو مجدي وجدو ابو عهد ماتو وهم ملهمش نصيب ف فلوس ولا ممتلكات وكل ده كان باسم مهران ، المفروض كانت
الفلوس اتكتبت باسم بابا بس محصلش كده بس فيه فرق بقا بين ابويا وابوك ، ان بابا كان عايش ف العز كله ووسط الفلوس الكتير والممتلكات وكان ليه
السيطره عليهم بس ابوك مطلش قرش واحد يعني ليه حق ف الورث ده زي طنط عهد مكنتش بتطول قرش واحد من فلوس ابوها ومشفتش العز كله غير
لما اتجوزت جاسر ودخلت ع ڤيلا مهران الهواري + جدو الكبير بقا كتب كل الاملاك لحفيد واحد ال هو مالك مع ان ليه احفاد تاني وال هم انا وانت واختك كلنا لينا حق ف الورث والفلوس دي
سيف : ي بت اللعيبه ............... "كلام سلمي دخل ف دماغ سيف وعمال يفكر فيه كل دقيقه وقرر ياخد حقه وحق ابوه من مالك .."
______
"بالليل متأخر ومنه راحت عند مالك"
منه : هاي
مالك : هاي
منه :مرنتش عليا
مالك : انشغال ملهوش اخر
منه : لي انت عملت ال كنت جاي عشانو واخدت العقود واستريحت
مالك : استريحت اي بس قصدك تعبت ومش عارف الايام والناس مخبينلي اي تاني .. بس مش خير ابدا هي الفلوس دي فيها اي بجد
منه : خلاص ي ماالك طلاما قعدتك هنا هتتعبك يبقا تسافر وترجع م كان م كنت ف بلاد برا ، بيع كل الممتلكات ال هنا وامشي
مالك: شكلي هعمل كدا ، انا ماليش قعاد ف البلد دي ولا وسط الناس دي ابدا انا لازم امشي
منه : لما تقرر ابقا بلغني بترجاك
مالك : اكيد ، صبي كاسيين تاني عايز اشربب كتييييير
منه : من عيوني ي روحي ..
"تاني يوم ع المغرب كده وراح عند هايدي وهي استقبلتو وكانت لابسه هدوم النوم وفوقيها روب "
هايدي : اتفضل ي غالي
مالك : غالي ، اه طيب ، كنتي عايزه تقوليلي اي
هايدي : اي رايك ف الڤيلا ده اولا
مالك :كان بيبص ل هايدي وحاسسها مش تمام او شاربه حاجه بس مش واقفه ع بعضها " حلوه جدا وكبيرا
هايدي : دي مكتوبه باسمي
مالك : اها معقول بابا يتنازل عن ڤيلا زي دي ليكي انتي ، لي عملتي اي
هايدي : كان فاكرني هجيب الواد بس للاسف جبت بنت
مالك : واي الفرق
هايدي : ان جدك كان عايز يكتب الاملاك للولد مش للبنت
مالك : فهمت
هايدي : مسكت ايده وطلعته ع اوضه نومها وهو متنح ومش عارف يتصرف ، فتحت الدولاب وفضلت تطلع علب دهب كتيره " دي لياا ودي ل سلمي ودي ليا ودي ل سلمي
مالك : طب حضرتك كويس اهو بيجبلكم يعني مطنشكيش زي م قولتي قبل كده
هايدي : لا طنشني وحرمني من اهم حاجه
مالك : هو انتو عندكو اهم من الفلوس ول اي
هايدي : تعرف لي انا فضلت ع زمته لحد عمري ده
مالك : لا معرفش
هايدي : عشان سلمي بنتي متحسش ان ابوها وامها منفصلين او تجيلها عقده انا بحب سلمي بنتي اوي وهو كمان بيحبها ، بس انا كنت عايزه اجيب عيال تاني غير سلمي
مالك : هوعدك اخليه يطلقك وتتجوزي غيرو
هايدي : هو لي جاسر حرمني منه ، انا كنت بحبه ااوي
مالك : مش عارف والله هبقا اسئلو
هايدي : قربت من مالك وحطت ايدها ع وشه" ازاي جاسر يخلف ولد حلو بالشكل ده ، عيون خضرا وشعر اصفر
مالك : شال ايدها " عادي م ابويا شكلو حلو وعهد كمان زي القمر وعيونها خضرا
هايدي : ماالك انا محتاجاك ، محتاجاك اوي ي مالك وشدتو لحضنها راح زقها بعيد"
مالك : ف اي ي ولية انتي انتي اتجنيتي ف عقلك ول اي احترمي نفسك "وجاي يمشي راحت قفلت الباب بالمفتاح "
هايدي : انت ليااا
مالك : ليكي ااي هي ناقصه جنان ، منك لله ي جاسر اي الوسخه ال انت اتجوزتها دي ، يستي فوقي ربنا يرضا عليكي فوقي انتي شااربه اااي ابعددي عني
هايدي : انا عايزاك ي مالك
مالك : يوه بقا يلعن ابو شكلك "ومسك الابجوره وكسرها ع دماغها ولقاها وقعت من طولها وغرقانه ف دمها ، بلع ريقه واخد انفاسه وميل عليها " اانتي ! ي هايديي ، استاذه هايدي ! ياارب ماتت طيب ولا اي انتي ي ست !! ااعمل اي دلوقت "وقرب من الباب وبيحاول يفتح معرفش ومش لاقي المفتاح ، فتح شباك الاوضه وملقيش حل غير انو ينط بسرعه ونزل ع رجله ووجعته جدا وحاول يقوم ويمشي بس وجعته
، كان ماشي يعرج ويدوب طلع عند باب الڤيلا ولقي سلمي راجعه من برا وشافته"
سلمي : انت كنت بتعمل اي عندناا ومال رجلك واي الدم ال ف اديك ده ؟؟؟ اانطق
مالك : بزعيق" اديني فرصصه اتكلم ، انا كنت جاي لامك و
سلمي : وا ايي وجاي لي هنا من اصلو "وسابتو وجريت ع فوق وعماله تخبط ع امها وتصرخ وتبكي والباب مقفول ومش عارفه تفتحه "نزلت ع تحت ومسك السكينه وطلعت ل مالك ال كان ركب العربيه بس مش عارفه هيمشي بيها ازاي بسبب رجلو ، قربت منه وعايزه تضربو بس دور العربيه ومشي باقصي سرعه عشان يبعد عنها لحد م اتخبط ف عمود ودماغه اتخبطت ف دركسيون واغمي عليه .. سلمي خافت اكتر واكتر ورنت ع ابوها "
سلمي : الحقنيييي ي بابااا انا ف ورطه الحقني تعلالي البيت بسرعه ونبي انا مش عارفه اتصررف "جاسر اخد عربيته وراحلهم ومشي باقصي سرعه ولقي عربيه مالك مخبوطه ونزل وقرب منه "
جاسر : ماالك ااي ال حصل "فتح الباب بسرعة وشالو وركبو ف عربيته ولسه هيركب ويطلع ولقي سلمي بتجري عليه " خلاص شفته ي سلمي وهخده ع المستشفي متقلقيش
سلمي : انا مش ع مالك
جاسر : امال ف اي تاني
سلمي : ماماااا ماما مش بترد عليا مالك قتلها ي بابا
جاسر : مالك هيقتل امك لي انتي بتتزفتي تقولي اي
سلمي : انا رجعت لقيت مالك طالع من عندنا وايديه مليانه دم ي بابااا وماما معرفش عنها حاجه باب الاوضه مقفول من جوه ، اكيد عهد خلت ابنها يقتل امي مهي بتكرهنااا
جاسر : عهد مستحيل تعمل كدااا
لكن مالك اتوقع منه اي حاجه "وجري ع البيت وكسر الباب ولقاها واقعه وغرقانه ف دمها واتصدم صدمه عمره ف ابنه ، رن ع الاسعاف جات اخدتها وطلعت بيها ع المستشفي وهو رجع لعربيته وبص ع مالك بيأس وطلع ع المستشفي ،الدكاتره ربطو دماغ مالك وبيفوقوه واتعدل وملقيش حد جنبه ، جاسر كان واخد سلمي ف حضنه وعمال يهديها"
سلمي: شاايف مااالك ي بابااا عمل ف امي اي ، اي زنبها بس لي بيعمل كداا ، ابنك ده قتال قتله
جاسر : اوعدك هعاقبو والله هربيه
سلمي : انا عايزه اكلم البوليس واخليه يجي يخدو الزباله ده
جاسر : سلمي اهدي بس مينفعش
سلمي : اه صح مينفعش مهو ابنك الغالي ال بتحبه اكتر مني
جاسر : مستحيل احب حد اكتر من حد بس بردو مهما كان ابني ازاي هبلغ عنه ي سلمي حطي نفسك مكاني يستي ، انا هعاقبو بطريقتي. ....
مالك : مين ال جابني هنا
الممرضه " والد حضرتك
مالك : وهو فين
الممرضه : قاعد مع اختك ومامتك جوه ف اوضه العمليات
مالك : مامتي ؟ اه يمكن ع هايدي ، خلاص ماشي بس نا رجلي تعباني ااوي مش قادر امشي عليها
الممرضه : تحب نعملك فحوصات
مالك : اه ياريت بترجاكي "وعملولو فحوصات ولقيو ف كسر بسيط وجبسولو رجله ..
الدكتور : الخبطه ال خدتها ع دماغها كانت قويه جدا احنا عملنا كل ال نقدر عليه والمفروض تفوق بعد ساعات لان لو مفقتش ف كدا هتدخل ف غيبوبه لايام ف دعواتكم انها متدخلش ف الغيبوبه دي لان مش كتير ال عاش لما دخل الغيبوبة دي..
سلمي : ي باباا انا خايفه
جاسر : هتبقا بخير ي حبيبتي متقلقيش عليها"بص بعيد ولقي مالك ماسك عكاز ومقربله"
مالك : هايدي عامله اي
سلمي: وانت ماال امك ي زباله ي حقير
مالك : لي كده لي بتقولي كدا
سلمي : كنت عاايز تقتل امي وهي دلوقت بين الحياه والموت
جاسر : رايح تقتل مرات ابوك لي ي مالك
مالك : اي الجنان ده والله مرايح عشان كده ، ده هي قالتلي ابقا تعالالي عشان عايزاك ف حاجه ، روحتلها بحسن نيه لقيت هي نيتها زباله ، كانت سكرانه ولابسه لبس الواحده متلبسوش غير لجوزها وبتقولي جاسر حرمني منه وهي محتجاني وقعدت تهبل بالكلام وحاولت اكتر من مره تقرب مني ملقتش حل ولا حسيت بنفسي غير ونا بضربها وحاولت افتح الباب بس هي كانت قفلاه روحت نطيت من فوق ورجلي اهي اتكسرت ، نا مليش دعوة بيها ولا هي تهمني ولا كنت اعرفها اساسا غير هي ال جاتلي الشركه
سلمي : ي حيوان ازاي تتكلم ع ماااما بطريقه دي
جاسر : انت ف وعيك انت اتجنيت اي ال انت بتقولو ع هايدي ده ي زباله "ورزعه قلم وزقه لورا وقعه ف الارض ونزل مسكه من هدومه " هي وصلت ل كدا بتتكلم ف اعراض وشرف الناس ي ماااالك بتتبلا ع مرات ابوك ي حقير لي كده اي غرضك ف كدااا انت طلعت ازبل مما كنت اتخيل غور من هنا غور مش عايز اشوفك
"مالك قام واتسند ع حيطه ونزل اخد تكس ولقي نفسه بيقول للسواق ع عنوان بيت عهد ، وصل عندها وجريت عليه سندته وداخله بيه جوه .."
عهد: ي حبيب اامك ي اابني اي ال عمل فيك كده ، حدثه دي ولا اي
مالك : بلاوي سودا ونازله فوق دماغي والله
عهد : في اي احكيلي "وبدأ يحكيلها وهي مصدقاه طبعا" جاسر عمره مهيصدقك ي مالك كان غيرك اشطر ، مره اتكلمت عليا وهو مصدقنيش وراح صدقها ، متقلقش والله حقك هيرجع ي حبيبي بس متزعلش نفسك ، هروح اعملك اكل وشرب ودوق عمايل ايدياا
مالك : تسلميلي ياربب "بعد اسبوع ومالك قضي الاسبوع ده عند امه وجاسر مدخلش البيت وكان طول الوقت معا سلمي قاعد معاها لحد م امها تخف ، مالك راح ع المستشفي هو وعهد عشان يفك الجبس لان الكسر مش شديد وشافوهم ، بلغوهم ان هايدي فاقت ودخلو يطمنو عليها "
هايدي : انا اخر حاجه فكراها ان الحيوان ال اسمه مالك ضربني بحاجه ع دماغي
جاسر : اي سبب الضربه دي فهميني
هايدي : معرفش ي جاسر مره وحده لقيتو جاي يضربني من غير سبب
جاسر : وحيات امك ، ازاي من غير سبب مستحيل ده يكون كلام صح ولو مقولتيش الحقيقه هقتلك واخلص منك وهصدق كل كلمه قالها مالك ، اولا
مالك مستحيل يضرب حد من غير سبب ثانيا ملابس النوم ال كنتي لابساها كنتي لابساها لمين حضرتك ونا مش باجي
عندك ، انا جوزك والحاجات دي متتلبسش غير لياا ولا جايز يكون ف حد تاني بيجيلك البيت منا مش بسأل فيكي
هايدي : اي الكلام ال بتقولو ده انت بتشك فيااا
جاسر : ايوة بشك فيكي ، مالك رجلو اتكسرت عشان نط من الشباك عشان حضرتك
قفلتي الباب بالمفتاح معني كده ان مش مالك هو ال عامل الحركه
دي لان لو هو ال قفل الباب عليكو انتو الاتنين كان ببساطه
هيعرف يفتحه ويخرج سليم ع رجليه مش هينط من شبابيك يست هانم ي محترمه
هايدي : انت عااايز توصل ل اي
جاسر : للحقيقه مش اكتر ولا اقل ، وصح ازاي مالك طلع ع اوضت نومك هو انتي بتستقبلي الناس ف اوض النوم
هايدي : والله الخدم يدوب فتحولو الباب لقيتو جري عندي ع الاوضه
جاسر : بسيطه هنسأل الخدم .."ومشي وسابهم وشاف عهد " اي ده انتي اي ال جايبك هنا
عهد : جايا مع مالك بيفك الجبس
جاسر : هو فينه
عهد : جوه مع الدكاتره
جاسر : وانتي قابلتي مالك ازاي
عهد : ليه اسبوع قاعد عندي
جاسر : نعم ؟ ومتقوليليش
عهد : وانت قال يعني هتهتم بابنك
جاسر : ومهتمش لي
عهد : انت ظلمتو وكدبتو
وهو ملهوش اي مصلحه ف كده انت خليك طول حياتك امشي ورا كلام هايدي الحقيره دي وصدقها
جاسر : انا مصدقو هو بس كانت صدمه علياا ي عهد ، هايدي طلعت وسخه فوق م
نتصور تخيلي عايزه تقرب من عيل قد بنتها ، طب لو هي كانت محتاجه كده كانت بلغتني
عهد : انا ونت عارفين
انها كانت بتترجاك عشان تروحلها وانت مبترضاش ولما كنت
بتروح تزور بنتك كانت بتحاول تقرب منك وانت بتمنعها
جاسر : حط ايديه الاتنين ع خدها" كلو كان عشانك انتي ي عهد ، انا بحبكك وهفضل
احبك ومش هسمح لنفسي ان ابقي لحد غيرك ، انتي وبس
ال لياا ونا ليكي انتي وبس ، بعشقك ي عهد والغلطه ال ارتكبتها
ان اتجوزت بني ادمه زباله زي دي معرفش ان ممكن يطلع منها كل ده ، انا هاخد حق مالك وخلاص خلصت معاها
ع كده وهطلقها بس هروح اتأكد من حاجه نهائيه وهاجي واطلقها واخد ابني ف حضني ....
لقراءة باقي الفصول الجزء الثاني من هنا
لقراءة الجزء الاول جميع الفصول كامله من هنا