رواية " رفيق روحي
الفصل الثامن عشر
ام ملك: اتأخرتي كده ليه يا بنتي عمر اتصل بيكي
ملك: خدت لمياء عشان تكشف
ام ملك: خير يا بنتي مالها
ملك: الحمدلله كويسه طلعت حامل
ام ملك: ربنا يكملها علي خير
ملك: يا رب
عمر من حقه يشوف السعاده الي شوفتها النهارده مع لمياء و جوزها من حقه يبقي اب انا ليه احرمه من النعمه دي عمر لازم يتجوز و يخلف و انا هبقي سعيده لما اشوفه مبسوط
الموبايل بيرن
ملك: السلام عليكم
عمر: و عليكم السلام الناس الي نسيت تصحيني
ملك: معلش يا عمر نسيت خالص
عمر: عادي ولا يهمك يا جميل
ملك: اتأخرت علي شغلك
عمر: لا صحيت قبل المعاد
ملك: طب كويس
عمر: مال صوتك في حاجه مضايقكي
ملك: لا ابدا
عمر: انا عارف انك مضايقه عشان انا مسافر
بس انا هحاول اخلص في اقرب وقت و ارجعلك
ملك: ترجع بالسلامه
عمر: هكلمك قبل ما انام
ملك: ماشي يا حبيبي مع السلامه
................................
الباب بيخبط
ام ملك:مين هيجي دلوقتي
ملك: خليكي يا ماما انا هشوف مين
يوسف: السلام عليكم
ملك: و عليكم السلام ادخل يا يوسف
يوسف: معلش جاي متأخر
ملك: عادي يا حبيبي بس قولي تيتا كويسه
يوسف : اه كويسه
ملك: الحمدلله و انت اخبارك ايه
يوسف: الحمدلله
ملك: مرتاح في شغلك
يوسف: اه عمو حسن كويس و بيعاملني حلو
ملك: طب كويس اوعي الشغل يعطلك عن حفظك
يوسف: انا منظم وقتي و كل حاجه ليها وقتها
ملك: ربنا يوفقك يا ابني
يوسف: كنت هتخليني انسي انا جاي ليه
ملك: قول
يوسف: جيت عشان اجبلك الورد ده بابا قالي اجيبلك الورد ده عشان انت مضايقه انه مسافر
ملك: عمر كلمك
يوسف: و قالي لازم اجيبه دلوقتي
يلا هستأذن انا عشان زمانه هيكلمك عشان يطمن انا جيت ولا لا
ملك: ماشي يا حبيبي خالي بالك من نفسك
ياااه يا عمر بتعمل كل حاجه عشان تفرحني حتي و انت مش
موجود معايا انا لازمه ماكنش انانيه و اخليك تأسس عيله ليك انا لازم افتحك في الموضوع اول ما ترجع
عمر: عجبك الورد
ملك: اه حلو اوي بس ماكنش في داعي تبعت يوسف بليل كده
عمر: مافيش عندي اهم من سعاده حبيبتي يعني تكوني مضايقه و اسيبك كده عشان انا مسافر
ملك: انا مش عارفه اقولك ايه يا عمر ربنا يبارك لي فيك
عمر: في ايه مالك بتعيطي ليه
ملك: مافيش بس انت واحشتني
عمر: طب اهدي يا حبيبتي و انا معاكي اهو و هفضل اكلمك لحد ما تنامي
ملك: عمر
عمر: نعم يا حبيبتي
ملك: اقرا لي قران عشان انام
عمر: حاضر يا حبيبتي قولي عايزه تسمعي سوره ايه
ملك: سوره مريم
عمر: حاضر يا حبيبتي
عمر: حبيبتي انتي نمتي
شكلك نمتي يا جميل تصبحي علي خير
.........................
عمر : السلام عليكم
ابو ملك: و عليكم السلام يا ابني انت رجعت من السفر امتي
عمر: لسه راجعه حالا بس ما قولتش لملك قولت اعملها مفاجأه هي نايمه مش كده
ابو ملك: انت عارفها بتحب تنام بعد الضهر
عمر: هدخل اصحيها
ابو ملك: ادخل يا ابني البيت بيتك
عمر: صحي النوم يا جميل
ملك: عمر انت جيت لا اكيد شكلي بحلم
عمر: اول مره اشوف حد بيحلم و هو صاحي
ملك: انت جيت يا عمر بجد يعني انا مش بحلم
عمر: اه يا حبيبتي قولت اعملك مفاجأه حلوه المفاجأه
ملك: اه يا حبيبي حمدلله علي سلامتك بس كنت قولتلي كنت روحت عشان اجهز الاكل
عمر: ماهو في مفاجأه كمان هنتغدي بره النهارده
ملك: ايه الرضا ده كله شكلك راضي عني
عمر: انا راضي عنك دايما يا حبيبتي بس انا اترقيت و بقيت مدير الشركه
المنصب الجديد هيليق بجوازه جديده
عمر: سرحتي في ايه يا جميل
ملك: لا مفيش يا حبيبي مبارك عليك ربنا يوسع رزقك
عمر: انتي لسه واقفه تعالي دوقي الجاتوه الي انا جايبه جبتها من المحل الي بتحبيه
ملك: حلو يا حبيبي تسلم ايدك
عمر: طب يلا البسوا عشان نخرج
ملك: حاضر ثواني و اكون جاهزه
ام ملك: اقعد يا ابني اتغدي معانا
عمر: مره تانيه يا امي عشان عازم ملك علي الغدا بره
ام ملك: ماشي يا ابني ربنا يسعدكم
.................................
عمر: ايه رايك في المطعم
ملك: حلو و هادي
عمر: طب كويس انه عجبك تحبي تتغدي ايه
ملك: اي حاجه علي ذوقك
عمر: ماشي يا ملاكي
عمر: ما بتاكليش ليه
ملك: شبعت
عمر: انتي كلتي حاجه
ملك: انا مش جعانه بس كلت عشان ما تكلش لوحدك
عمر: ماشي هعديها المرادي
عمر: قوللي ايه رايك نروح الملاهي
ملك: ملاهي ايه يا عمر احنا كبرنا خلاص
عمر: و فيها ايه يا حبيبتي
ملك: خلينا نروح احسن انت لسه جاي من السفر و اكيد تعبان
عمر: الي يريحك يا حبيبتي
.ً...............................
عمر: مالك يا ملك انا ملاحظ من ساعه ما رجعت انك متغيره في ايه و ايه الي انتي مخبياه عليها
ملك: هتعرف في الوقت المناسب
عمر: متعودتش تخبي حاجه عني بس علي راحتك وقت ما تحبي تقولي انا جاهز اسمعك
ملك: شكرا يا عمر
ملك: قولي يا عمر ما تعرفش حاجه عن سالي
عمر: من ساعه ما اتجوزت و هي سابت الشغل
ملك: اتجوزت
عمر: اه في ايه مالك استغربتي كده ليه
ملك: لا مفيش ربنا يسعدها
عمر: بتسألي عنها ليه
ملك: مافيش بس جات علي بالي
سالي اتجوزت طب دلوقتي عمر هيتجوز مين لازم ادور علي واحده تانيه بس اقول لعمر الاول
................................
قررت ابعد عن عمر عشان اديه الفرصه انه يوافق يتجوز بس مكنش عندي الشجاعه اني اقوله كان كل يوم افكر اقوله فيه اتراجع في اخر لحظه
عمر: السلام عليكم
ملك: و عليكم السلام
عمر: واحشتني يا حبيبتي
ملك: لحقت اوحشك انت سايبني من كام ساعه
عمر: انت بتوحشيني و انتي معايا
ملك لتتهرب من الرد: مش هتتغدي
عمر: اه بس شويه انتي مستعجله كده ليه
ملك: عشان وعدت بابا اتغدي معاهم النهارده و مش عايزه اتأخر عليهم اجبلك الغدا
عمر: مقولتليش يعني انك خارجه
ملك: عادي يعني يا عمر
الغدا اهو و انا ماشيه
عمر: استني اجي معاكي
ملك: لا خليك انت لسه جاي من الشغل
عمر: طب خلاص استنيني اجي اخدك
ملك: لا ملوش لزوم انا هرجع لوحدي
عمر: غريبه انتي بتحبي تخرجي معايا
ملك: عادي لما اخرج لوحدي مش هتخطف يعني
يلا انا ماشيه
في ايه مالها متغيره اليومين دول كده ليه و بتحاول تبعد عني ليه انا عملت ايه انا لازم افهم هي مالها
عمر: اتاخرتي كده ليه
ملك: كنت قاعده مع بابا و ماما و الوقت سرقنا
عمر: في ايه يا ملك انتي بتتهربي مني ليه
ملك: يوووه يا عمر هتهرب منك ليه يعني عشان روحت اقعد مع اهلي شويه بقيت بتهرب منك انا مش عارفه انت مالك ياعمر و بتفكر ازاي
عمر: ماشي يا ملك انا غلطان و بفكر غلط
ملك: انت يا عمر بتكبر الموضوع و الموضوع تافه يعني
عمر: ماشي يا ملك انا تافه
ملك: انا مقولتش كده يا عمر
عمر: انتي حره يا ملك اعملي الي تعمليه انا داخل انام
حقك علي يا عمر بس انت لازم تبعد عني عشان تقدر تفكر في غيري .بعدي عنك صعب عليا انا كمان بس انا خلاص خدت قراري و كل الي يهمني سعادتك
......................................
عمر: اول مره تنام و ما تصحاش عشان تجهزلي الفطار ماشي يا ملك انا مش هسيبك النهارده الي ما اعرف انتي مخبيه عني
عمر: ملك ملك
ملك: نعم في ايه
عمر: مافيش بس قولت اقولك اني هتأخر النهارده
ملك: ماشي اطفي النور بقي عشان عايزه انام
عمر: حاضر يا ملك هطفي النور عشان تعرفي تنامي
عمر: السلام عليكم
ملك: و عليكم السلام
عمر: ايه الشنطه دي
ملك: صاحبتي تعبانه و و جوزها مسافر مش هقدر اسيبها لوحدها و هي تعبانه و اهلها في محافظه تانيه فهروح اقعد معاها الاسبوع ده علي ما جوزها يرجع
عمر: قررتي من غير ما تاخدي رأي انك تروح تقعدي معاها و انا مليش اي لازمه يعني
ملك: في ايه يا عمر انت بتكبر الامور في ايه لما اروح اقعد معاها و اساعدها في الوقت الي هي محتاجني فيه
عمر: انا الي بقيت بكبر الامور يا ملك
ما فكرتيش فيا انا هعمل ايه في غيابك
ملك: هتعمل ايه يا عمر هتطلب اكل من بره و البيت نضيف مش هيحتاج تعمل حاجه
عمر: هو انا محتاجك عشان الا كل و الشرب و البيت يا ملك
ملك: في ايه يا عمر اظنك مسافر يعني مش هيحصل حاجه
عمر: ملك انتي مراتي و انا بحتاجك
ملك: هتحتاجني في ايه يعني صاحبتي محتاجني اكتر منك و انا لازم اكون جمبها
عمر: ملك انتي بتتهرب مني ليه
ملك: هتهرب منك ليه يعني انا هروح اقعد مع صاحبتي يا عمر و مش عايزه كلام كتير
عمر: و انا بقول مش هتروحي و هنشوف كلامي مين الي هيمشي يا ملك
ملك: و انا هروح يا عمر يعني هروح
عمر: و كلامي ملوش اي لازمه يعني
ملك: انا قولت الي عندي بلاش تتحكم فيا كده
عمر: انا بتحكم فيكي يا ملك طب ادخل الاوضه عشان ما اتعصبش عليكي
ملك: لا اتعصب يا عمر وريني هتعمل ايه
عمر: ملك انا جبت اخري امشي من قدامي
ملك: انا ماشيه و اعمل الي تعمل
عمر:ملك
ملك: وقفت ليه مد ايدك عليا يا عمر هو ده الي ناقص
عمر: انتي الي عصبتيني يا ملك
ملك: عايز تضربني يا عمر ده اهلي عمرهم ما عملوها تيجي انت و عايز تمد ايدك عليا
عمر: خلاص يا ملك انا آسف
ملك قعدت علي الارض و فضلت تعيط
عمر: خلاص يا ملك اهدي انا آسف بس انتي السبب
عمر: ملك ردي عليا
ملك: ابعد عني انا مش عايزه اشوفك انا بكرهك
عمر: بتكرهيني يا ملك بعد ٦ سنين بسمع منك نفس الكلمه يااا يا ملك مكنتش اتخيل ان في يوم اسمعها منك تاني ليه كده يا ملك انا عملت ايه عشان تكرهيني يا ملك مكنتش اتخيل في يوم ان حياتنا توصل للمرحله دي
و سبها و مشي دخل الاوضه
انا اول مره اشوفك كده يا عمر اول مره اشوف دموع في عينك انا قلبي بيتقطع و انا بشوفك كده انا مش عارفه ازي قولتلك كده
ملك: عمر انا آسفه عمر ردي عليا
عمر: عايزه تقولي ايه تاني يا ملك بتكرهيني و ايه كمان
ملك: انا مش عارفه قولتها ازاي بس انت عارف اني بحبك
عمر: كنت فاكر كده بس طلعت غلطان
ملك: يا عمر سامحني يا عمر انا غلطانه
يا عمر مش قادره اشوف الدموع في عينيك قلبي بيتقطع سامحني يا حبيبي مش بتقول اني بنتك في اب بيزعل من بنته
عمر: في بنت بتقول لابوها انها بتكرهه
ملك: عشان خاطري يا حبيبي سامحني انا بحبك يا عمر و مش هقدر اشوفك زعلان مني
عمر: ملهوش لازم الكلام يا ملك
انتي حره اعملي الي تعمليه عايزه تروحي عند صاحبتك روحي انا مش همنعك
تصبحي علي خير
ملك: انت هتنام يا عمر و انت زعلان مني
ده الي احنا اتفقنا عليه اول ما تجوزنا
عمر: مش عايز اتكلم دلوقتي يا ملك سبيني انام
ملك: ماشي يا عمر نام بس عايزه اقولك اني بحبك و انا آسفه انت عارفني لما اتعصب مش بعرف انا بقول ايه
مش هترد عليا بردو يا عمر ماشي يا عمر نام
ملك: مش هترد عليا يا عمر انت قلبك طيب و هتسامحني مش كده انا عارفه انك لسه صاحي و سامعني
ملك: من امتي قلبك بقي قاسي عليا كده يا عمر
عمر:خلاص انا مش زعلان منك نامي بقا
ملك: بجد يا عمر خلاص مش زعلان مني
عمر: اه ممكن انام بقي
عارف انك مش هتنامي عشان انا زعلان منك بس لازم اقولك اني مش زعلان رغم انك جرحتيني اوي ما كنتش اتوقع كده منك
........................
ملك: صباح الخير يا حبيبي
عمر: صباح النور
ملك: البس علي ما اجهز الفطار
عمر: و تعبه نفسك و صاحيه عشان تجهزلي الفطار
ملك: هصحي لاعز منك يا حبيبي
ملك: انت لسه زعلان منه يا عمر
عمر: انا متأخر و مش فاضي
ملك: مش هتفطر
عمر: لا ماليش نفس عن اذنك
ملك: عمر
عمر: نعم
ملك: بحبك و الله
عمر:انا ماشي
..................................
عمر: انتي هنا ما روحتيش لصاحبتك مش محتاجاكي
ملك: بس مافيش حد اغلي عندي منك
عمر: بجد
ملك: اه يا عمر انا معنديش اغلي منك انسي كلام امبارح
ملك: عمر انت رايح فين
عمر: خارج
ملك: خارج رايح فين
عمر: كل واحد حر يروح مكان ما هو عايز
ملك: من امتي و انت بتكلمني بالاسلوب ده
عمر: انا بكلمك بنفس اسلوبك
ملك: هو ده الصح يا عمر
ان ما واحد يغلط التاني يغلط هو كمان مش المفروض يوجهه للصح
عمر: عندك حق انا آسف
ملك: لا يا عمر انا الي غلطانه
عمر: احنا الاتنين غلطنا
ملك: بس انا الي زودتها يا عمر سامحني
عمر: خلاص يا ملك الي حصل حصل
ملك:طب تعالي يلا عشان نتغدي انا عملت الاكل الي بتحبه
عمر: ماشي هغير هدومي و جاي
هتسامحني
انت قلبك ابيض سامحني
بحبك و مقدرش علي زعلك
عارفه انك بتحبني و هتسامحني
هتسامحني يا عمر مش كده
يا عمر يا عسول انت بحبك
بنتك زعلتك و بتصالحك
هااا يا عمر سامحتني
ملك: يلا يا عمر الاكل هيبرد
عمر: حاضر
ملك: عجبك الاكل
عمر: تسلم ايدك
ملك: صالحتني يا عمر
عمر: بعد الورق الي في الاوضه ده هفكر اصالحك
ملك: سامحتني يا عمر
عمر: اه يا ملك سامحتك
ملك: انت كده ما سامحتنيش لو سامحتني هتقولي يا ملاكي و تاخدني في حضنك
عمر: تعالي يا ملاكي في حضني
ملك: بحبك يا عمر ما تزعلش مني
عمر: لو زعلت منك اكتر من كده هتملي الشقه
رسايل
ملك: مستعده اعملها بس ما تزعلش مني انت غالي عنده يا عمر
عمر: طب مش هتقوللي ايه الي بيخليك تبعدي عني ما تخبيش عني عشان اسامحك و ما ازعلش منك
ملك: عايزه تعرف يا عمر.
عمر: ياريت تقول لي و ما تخبيش عني حاجه
ملك: خلاص هقولك يا عمر
ملك: انت عارف انا بحبك اد ايه و مش عايزه غير سعادتك بس كل الي عايزاه انك ما تبعدش عني
عمر : يا حبيبتي انا عمري ما هبعد عنك
ملك: اسمعني للاخر
انت عارف اني بحبك و كل الي هطلبه منك عشان سعادتك
انت عارف يا عمر انا راضيه بالي ربنا كتبه بس انت من حقك تتجوز و تخلف و تبقي سعيد يا عمر انا بعدت عنك عشان تتجوز غيري
عمر: عايزاني اتجوز
ملك: اه يا عمر ده من حقك
عمر: اقولك حاجه
ملك: قول
عمر:انا اتجوزت يا ملك و عندي بنت
ملك: انت اتجوزت يا عمر
عمر: ايوه اتجوزت يا ملك
الموبايل بيرن
عمر: السلام عليكم
خلاص ماشي ثواني و جاي
عمر: لازم اروح يا ملك في مشكله في المشروع و لازم اروح نكمل كلامنا لما ارجع
مشي و سابني في حيرتي معقول يا عمر اتجوزت عليا و خلفت كمان ازاي قدرت تخبي عني يا عمر معقول اتجوزت سالي