قصة ابنة الشيطان
الجزء الاول
اسمي ياقوت فاروق العزيز
كنت عايشة مع ووالدتي واختي التؤام مرجان فالكويت وانا ومرجان اتولدنا هناك والدنا اتوفي واحنا صغيرين وماما هي اللي ربتنا لحد موصلنا لسن الجامعة وكان من الطبيعي نرجع مصر نزلنا انا وماما ومرجان عشان نخلص الاجراءات ..عندنا شقه فضلنا فيها الفترة دي انما الخطة كانت ان لما نخلص ماما هترجع وهنقل انا ومرجان ونعيش مع جدي لحد ما يجي معاد الاجازه و وماما هتنزلنا كل كام شهر العادي يعني وهكذا ..جدي مكنش عايش قريب من الجامعه كان عنده مزرعة متطرفة شويه الي عرفته ان علشان نروح الجامعه الطريق بياخد من هناك ساعه.. بس خلصنا كل حاجه و جه معاد سفر ماما جهزنا شنطتنا وركبنا تاكسي وصلناا قدام بيت جدي .كانت الساعه حوالي 3 العصرال. بيت كان كبير جدا وليه بوابة حديد كبيرة .. الحقيقه ماما مدخلتش معانا ولا قالتلنا حاجه كل الي عملته انها سلمت علينا وودعتنا و قالت لسواق التاكسي يكمل بيها هي للمطار واحنا هننزل هنا خلاص وسابتنا ومشيت ..ايوه مشيت وسابتنا ف مكان اقل ما يقال عليه انه مهجور تماما شارع مفهوش انسان ولا حيوان حتي الاشجار الي علي جوانب الشارع دبلانه وورقها اصفر وميته بصينا حوالينا مفيش حد خالص .. الشارع مش واسع لكنه طويل جدا الارض مش متسفلته وكلها رمله وزلط صغير الجانب اليمين كله اشجار ضخمة وكثيفة متقدرش تشوف ايه الي وراها لكن ورقها اصفر ودبلان الجانب الشمال عباره عن بيوت صغيرة بعيد عن بعض جدا وواضح انها مهجورة تماما ماعدا البيت الي احنا واقفين ادامه دا اكبر بيت فيهم ...اي حد مكاننا كان المفروض يسال في ايه او يتصل بمامته يقولها انتي سيبانا فين ..بس احنا مش كدا احنا مش بنسال الي بيتقالنا بننفذه من غير اي تساؤلات ..اتربينا كدا من واحنا صغيرين ..نشوف اي حاجه منسالش دي ايه ولا ليه ولا كان ايه سببها ماماتنا قليلة الكلام جدا جدا حتي لو سالنا علي حاجه مكناش بنلاقي اجابة ..سالنا كتير عيلتنا فين طب ليه مرجعناش مصر بعد ما بابا اتوفي ..طب ليه مشوفناش جدي قبل كدا . مفيش اجابات لحد ما ياسنا من السؤال .الحقيقة حياتنا كانت صعبة جدا وانا اما صدقت انناخلصنا منها وجاييين لحياه جديده ف مكان جديد ودا الي مخليني متحمسة وخصوصا اني اخيرا هشوف جدي ..زقينا الباب اتفتح ودخلت انا ومرجان ..حسيت برهبة غير عاديه وواضح ان دا احساس اختي كمان لانها مسكت ايدي واحنا داخلين.. علشان نوصل للمبني مشينا مسافه كبيره ..المفروض ان الي احنا ماشيين فيه دي جنينه خاصه بالبيت لكن هي مش جنينه خالص ..نفس الشجر اللي بره ..في نباتات دبلانه وميته ف كل حته ..فيه مرجيحه صغيره جمب الشجر لكنها عليها تراب ومصديه كان بقالها 70 سنه ف مكانهاومحدش بيستخدمها .. وصلنا للبيت هو 3 ادوار حواليه شجر وضخم جدا واصل للدور التاني مثلا ..بصيت لمرجان بمعني خبطتي عالباب ..لقيتها خايفه وبتبصلي وبتقولي لا .معها حق كل شي غريب ومريب لكننا مضطرين ندخل ونتاقلم لان خلاص الجامعة هتبدا بعد يومين ولازم نرتب حياتنا قلتلها خلاص هخبط انا .. لسة هلمس الباب لقيته اتفتح ببطي رهيب ..ببص علي اختي لقيتها مبرقه ومتخشبه .. مفيش وقت لكل دا حتي لو كل حاجه مش مريحة لازم ندخل ونستمر شديتها من اديها بالعافيه ودخلنا ..الدنيا ضلمة لكن في اضاءة خافته جايه من مكان ..ببص ورايا علشان اقفل الباب لقيت الدنيا ليلت برة ..ازاي ليلت معرفش احنا كنا العصر الليل جه امتي؟ مردتش اشغل دماغي شديت اختي عشان نكمل مشي ..قام الباب اتهبد ورانا
مرجان صرخت
اهدي في ايه الهوا قفله
هو فين الهوا
بره الهوا يبنتي قفله اش عرفك انتي بالجو هنا عامل ازاي
هو الدنيا ليلت امتي احنا مش الساعه 3 العصر
توقيت الشتا يبنتي الغروب بيجي بدري
وانتي عرفتي منين هو انتي جيتي هنا قبل كدا؟؟
ايه الاسئله دي كلها يامرجان ؟ انتي جيتي مصر خلاص وفاكرة اسلوب حياتنا هيتغير للدرجادي ؟ ملناش دعوه باي حاجه تحصل عايزين نقضي وقتنا وننتبه لدراستنا وخلاص كلية الطب صعبة ..
وانا بكلمها لقيتها بتبص ورايا ومبرقه وبتشاور علي حاجة ورايا انا مش شيفاها
اتلفتت لقيت عنين كبيرة صفرا بتبصلي وصوت زمجرة وقاااااااااااااااااااااام هاجم علينا
صرخنا احنا الاتنييييييييييييييييين ووقعنا عالارض
سمعتنا صوت بيزعق .. ميمون بس
بنبص لقينا راجل كبير فالسن ماسك شمعدان منور وجاي علينا ..قرب مننا وقالنا ..ياقوت .مرجان انا اسف يا حبايبي النور قاطع بقاله اكتر من 7 ساعات وبلغت الشركة وهيتصلح ان شاء الله علي بكره الصبح ..انتو ايه الي وقعكو كدا خفتو من ميمون ..دا الكلب بتاعي هتحبوه دا اليف وطيب دا معايا من زماااان هو بس عشان ميعرفكوش فبيهوهو علي اي حد غريب
مديلنا ايده وقومنا ونادي عالكلب وطبطب عليه وقاله دول مرجان و ياقوت يا ميمون ..بصلي عشان اطبطب عليه فروحت بس مرجان خافت قلتله هي مرجان بتخاف من الحيوانات يا جدي
ماشي يا حبيبيتي مفيش حاجه
الكلب كبييييييير جدا ولونه اسود و انيابه كبيرة ومرعبه ..اكيد اليف زي مجدي قال هو ادري بكلبه ..لكن لما جيت اطبطب عليه اول ملمسته حسيت ان جسمي اتكهرب .. واني مش ادره اتنفس مرجان شدتني من ايدي وقالتلي
خلاص سيبيه مش لازم تطبطبي عليه لو خايفه
انا مش خايفه
تعالو ياولاد اوريكو الاوض بتاعتكو هي هتبقي فالدور التاني
مشينا معاه وطلعنا السلم ..عالي اوي اكتر من اللازم السلم دا طلعنا فوق ال 100 سلمة وصلنا اخيرا فجدي فتح باب اوضه وقالي
دي اوضتك يا ياقوت ادخلي حطي حاجتك
تعالي يامرجان اوضتك هنا
مرجان فضلت واقفه وقالتله بس احنا متعودين نبقي ف اوضه واحده انا واختي
اه دا ف بيتكو هناك فالكويت بس هنا البيت كبير جدا وانا حضرتلكو كل واحدة اوضه
بس ياجدي ..
لقيت جدي بيقرب من وشها وبيبرقلها وبيقولها
قلتلك دي اوضة اختك وانتي اوضتك هنا تعالي اوريهالك ..ايه الي مش مفهوم يا حبيبيتي
وقام ماشي
قلتلها روحي معاه شوفي اوضتك ..هو احنا هنروح من بعض فين انتي خايفه من ايه هحط الشنطة واجيلك
طيب
ومشيت وراه
دخلت الاوضه حطيت شنطتي علي الارض .. الاوضه واسعه فيها سرير كبير و تسريحة وعليها طبق فيه شمعتين فيه مراية كبيرة وشباك كبير الواضح ن الفيلا دي قديمه جدا لان سقفها عالي جدا زي العماير بتاعت الانجليز القديمه الي بنشوفها وسط البلد فتحت الشباك علشان يدخل شويه طراوة لاحظت ان فعلا شجر الجنينة واصل للدور التاني عندي وفي شجرة لازقه فالشباك .مش شايفه كويس لان .الدنيا ضلمه كحل كان نفسي اشوف المنظر بره عامل ازاي فضضلت افتح عيني واغمضها كدا عشان اكيد هشوف اول معيني تتعود عالضلمه
صرخت اما شفت المنظر
لقيت ادامي مقابر
الفيلا الي احنا اعدين فيها بتطل علي مقابر
ينهار اسود مرجان معاها حق تخاف المنظر يرعب مساحة المقابر كبيرة جدا زي متكون ملهاش اخر ..وانا باصه حسيت ان في حاجه بتتحرك ف وسط المقابر بسرعه رهيبه حاجه لونها اسود الحاجه دي دخلت ف وسط الشجر وعدت بسرعه ودخلت من الباب الحديد بتاع البيت بتاعنا وفضلت تجري فالجنينه لحد مقربت من البيت
حسيت ان قلبي هيقف من الرعب
سامعه صوت زي ميكون حد بيخربش بضوافره فالحيطة مديت راسي بره الشباك وبصيت تحت لقيت كائن اسود وعنيه صفرا تماما نط وفضل يطلع عالحيطة
الشجرة فضلت تتهز تتهز تتهز ..قلبي بيدق جامد جدا هيقف من الرعب
وفجاه كل حاجه سكتت تماما الا صوت قلبي سمعاه ..ريقي ناشف جدا قلت اروح اجيب ميه اشرب واخد نفس اكيد بتخيل كل دا قفلت الشباك واتلفتت
لقيت ادامي ..