الفصل الثالث عشر
رواية مجنونة الوليد
بقلمي: هدير ممدوح
بسم الله الرحمن الرحيم
《رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ》
صبحي: انتي تقصدي ان منى بنتي عايشة
سناء: لا منى ماتت بس فيوم الحادث اللي حصل من سنة مكنتش منى اللي استلمتو جثتها
مسعد: تقصدي اي قولي كل اللي تعرفيه احسنلك لا. تاخدي قلم يوفقك
سناء: هقول كل حاجه اعرفها.
منيرة قعدت يومين عند تهاني وبعدين رأفت خدها وسافر بيها علي لندن وكنا علي تواصل لمدة سنة وكام شهر كده وقتها عدا تسع شهور علي حملها وولدت وبعديها بشهرين بس.......
اسماعيل : يعني منيرة معاها عيال
سناء: معاها بت
صبحي: كملي اي اللي حصل بعدها
سناء: بعديها بشهرين منيرة كلمتني و قالتلي ان هي انتقمت من شخص فاضل تلاته كان كلامها غريب سألتها مش فاهمة قالتلي منى ماتت وانا دلوقتي شايلة بنتها ومش كده وبس انا عايشة مع جوزها.
صبحي: قتلت اختها يعني بنتي ميتة من سنين مش من سنة واحدة
سناء: ده كل اللي اعرفه معرفش اي تفاصيل تاني وبعدين انا ولا بقيت اكلمها ولا هي كمان وتقريبا هي غيرت رقمها
صبحي: يعني بتي عايشة وقتلت اختها جالها قلب ازاي اي اخرة القسوة ي يابتي
مسعد: انا هسافر على لندن دي و. اجيبهالك عايشة وبعدها هخلص عليها...........
اسماعيل بمقاطعة : لندن مش زي الصعيد يا خوي ده انت ممكن تقضي فيها عمرك كله تتدور عليها
صبحي : محدش هيدور عليها والحقيقة هتنكشف لما نغم اتخف وقتها منيرة مش هتفلت من العقاب .
مسعد : ماشي يابوي نستنى نغم عشان تشوفها وهي بتتعذب .
وتابع وهو يوجه حديثه إلي سناء
مسعد : انتي قعدة هنا مستنيه ايه قومي لمي هدومك وامشي ومش عايز اشوف وشك تاني انتي ط..........
صبحي سريعا : لا يا ولدي عيالكم اي ذنبهم اذا انت هطلق مراتك وبعدين لما يسألوك انت طلقتها ليا هترد عليهم تقول اي ها .
مسعد : هقولهم الحقيقة وان امهم مجرمة .
اسماعيل : لا ياخوي مهما يحصل فهي هتفضل امهم و مينفعش تقولهم كده .
تتوجه سناء الي صبحي وهي تجلس امامه وتمسك يده
سناء : احب علي ايدك ياعمي متخلوش يقول لعيالي و يكرهوني
صبحي بصرامة : المواضيع دي تتقفل ومش عايز اسمع صوت حد تاني طلاق محدش هيطلق مش كفاية اللي سمعته ده ولا ناويين تجيبوا اخرتي النهاردة
اسماعيل : بعد الشر عليك يابوي وانت يامسعد اللي حصل حصل و مرتك غلطت واعترفت بغلطها واكيد مش هتكرر غلطتها تاني
سناء : ايوة والله ياخوي مش هعمل كده تاني واللي عايزينه هو اللي هيتنفذ
مسعد : خلاص روحي ادخلي جوة مش عايز اشوف وشك قدامي
سناء : حاضر
وغادرت
مسعد : انت طيب جوي يا اسماعيل بعد اللي عملته فيك مسامحها
اسماعيل : المسامح كريم يا مسعد
صبحي : خدني ياولدي ل...جوة ارتاح علي سريري شوية مبقتش قادر استحمل من بعد اللي عرفته
اسماعيل : الف سلامة عليك يابوي تعالى انا هوصلك تعالي يا مسعد اسند ابوك معايا
مسعد : ماشي ياخوي تعبان جوي يابوي اطلبلك الدكتور
صبحي : لا يابني
❤❤❤❤❤❤❤
عند نغم
تفيق من نومها وتجد وليد بجانبها
نغم : عمو وليد عمو وليد يلا اصحى
وليد.: لا..... رد
نغم وهي تكتف يدها امامها : كده برضو انت مش بترد عليا خلاص انا مخصماك
وليد : لا......رد
نغم : اوووف يعني كمان مش هتصالحني .......😂😂 ماشي انا هربيك يا وحش بس استنى بس هسرح شعري المنكوش ده و هضربك جامد
وتتوجه امام طاولة الزينة
تفتح الادراج لتجد اقلام تلوين
نغم : الله اي ده لقيت الوان احسن ان مفيش مشط انا هرسم
وتابعت بحزن وهي تزم شفتيها : بس مفيش ورقة
تنظر حاولها حتي يقع نظرها علي وليد وتقترب من و تخطر ببالها فكرة
تجلس بجانبه ع الفراش
نغم انا هرسم علي عمو وليد عروسة حلوة 😂😂😂😂
نغم : اول حاجة نحط للعروسة احمر
تخرج اللون الاحمر من بين الاقلام وتبدأ بتلوين شفتاه بلون الاحمر
بعدما انتهت : الله الله برافو عليا وكده نرسم للعروسة حواجب
وتخرج القلم بالون الاسود وتبدأ برسم لوحتها الفنية 😂😂😂
نغم : اي ده يع هما كبروا اوي ليه كده 😂😂😂 بس ماليش دعوه هكمل
وتخرج اللون الاخضر و تبدأ بوضعه علي عيونه وتمسك مرة اخرى بالون الاحمر وترسم له دائرة بالون علي وجهه ( خدوده 😂😂 )
نغم : هههههههههههه عروسة وحشة من غير شعر كمان
يفيق وليد علي صوت ضحكاتها
وليد : صباح الخير ياقلبي
نغم : لا رد فقط تضحك بهسترية
وليد : مالك اي اللي بيضحك اوي كده اي الالوان دول جبتيهم من فين .
نغم وهي تشاور على الادراج : من هناك
وليد : اوعي اتحطي منهم علي وشك ده مش بيطلع غير بعد يوم (البس 😂😂😂) 《كل واحدة تروح تجرب علي جوزها طلعوا المواهب المدفونة 😂😂😂》
نغم : قوم يلا قوم عشان اوري لماما العروسة اللي رسمتها يلا
وليد : فين العروسة دي
نغم وهي تشده يلااااا
وليد : طيب ماشي يلا بينا
نزل للاسفل ليقابلون بوجههم الخادمة
نغم : اي رأيك ف العروسة اللي عملتها يا صباح
وليد : اموت واعرف فين العروسة اللي انتي عملتيها دي
وينظر الي الخادمة بإستغراب ويتابع انتي مالك واقفة مصدومة ليه كده
صباح وهي تحاول كتم ضحكتها : انة اصل ههههه
وليد : اي الضحكة المكتومة دي
يقاطعهم صوت ايمان يأتي من خلفهم
ينظر وليد بإتجاه والدته
ايمان : يالهوي اي اللي عامله ف نفسك ده يابني
نغم : عروسة ياماما انا عملتله كده حلوة صح
ايمان : ههههههههه😂😂😂😂😂 استغفر الله العظيم اي ده بس يابني
وليد : في اي مش فاهم حاجة
ايمان : بص يابني علي نفسك في المراية وانت تعرف 😂😂 ياعيني ع الرجالة
في تلك اللحظة يدخل مصطفي
مصطفي : صبا...... يصمت عندما يرى وليد
😂😂😂😂
وليد : حتى انت بتضحك
مصطفي : اي الجمال ده يابت يابيضة انتي بس طاب كنت قولتلي كنت جبت بروكة
نغم : انا اللي عملت كده
وليد بزعيق : حد يقولي في اي
.مصطفي : متعصبش ياكبير فورا هتعرف
وامسك بهاتفه والتقط له عدة صور
اهو اتفرج ع جمالك
وليد : وريني
وينظر إلى الهاتف
وليد : اي ده مين ده
مصطفي يسلام لو حطينا الصورة داخل معرض هنكسب دهب
وليد : انت تقصد ان ده انا ااااااه ويتذكر أقلام الألوان التي كانت مع نغم
وليد : انتي اللي عملتي كده صح
نغم ببلاهة : صح يا عروستي
وليد : عروستي ها والله ما انا سايبك النهاردة
لتركض نغم وهو خلفها
ايمان : خلاص يابني هي متعرفش حاجه
تختبئ نغم خلف ايمان
وليد : اعمل اي انا دلوقتي مش هيرضى يطلع ده اعمل اي
مصطفى : خلاص ياعم حاول تغسل وشك عشان يخف شوية ومش ضروري تيجي النهاردة ع الشغل
وليد : ماشي بس اسأل يارا السكرتيرة علي تذاكر لندن عملت ايه
مصطفى : ماشي هشوف بس روح امسح وشك ده
لحسن نموت كلنا من الضحك
وليد : يلا يا لا من هنا .
نغم : لا خليه ياوليد
مصطفي : الله يخليكي ياغالية
نغم : تعالي عشان اعملك عروسة زي وليد
😂😂
مصطفى : انا بقول امشي احسن
نغم : لا ياوليد امسكه
وليد : عندك حق ياغالية تعالى ياض هنا
ركض مصطفي للخارج دون اي كلام
نغم : ده هرب اعمل عروسة لمين انا دلوقتي
🤔
ايمان : تعالي يابنتي هجبلك ورق ترسمي عليه
نغم : ماشي يلا ..
وغادروا
《صلي علي رسول الله 》
عند منيرة بالندن كانت تتحدث ع الهاتف مع سناء
سناء : عايزة اي تاني انا النهاردة كنت هطلق بسببك
منيرة : ليه اي اللي حصل
سناء : انا معرفش و مترنيش عليا تاني رقمي ده ام
سحيه من عندك انتي فاهمة
منيرة : انتي بتتكلمي ليه كده انتي نسيتي انتي عامله اي تحبي ابعت الفيديو ل......مسعد
سناء : اللي عندك اعمليه مبقتش تفرق
وانهت المكالمة
منيرة : دي قفلت ف وشي
معقول يكون عرفوا اني عايشة وانها انكشفت لا لو عرفوا اخواتي مكنوش هيسكتوا
يقاطع تفكيرها صوت طرقات على الباب
منيرة : اخيرا الاستاذة تالا رجعت
وذهبت لتفتح الباب
منيرة : رأفت
رأفت : ايوة مالك انصدمتي كده ليه
منيرة : انت مقولتش انك جاي
رأفت : اي كل الاسئلة دي ده بدال مترحبي بجوزك
منيرة بسخرية : جوزي لا بجد انت مصدق نفسك ولا ايه متنساش اني وافقت اتجوزك بسبب غلطتنا وبنتي اللي ملهاش ذنب دي
رأفت : تؤ ... تؤ انتي اخر واحدة تتكلمي عن الغلط انتي نسيتي انك كنتي عايشة مع اخويا ١٧ سنة من غير جواز و الغبي كان مفكر انك مراته
منيرة : احنا ف الهوا سوا يا رأفت بيه ولا ناسي روحك انت اللي خبطها بالعربية وانا الدكتورة اللي موقفتش النزيف ومش بس كده و عطيتها حقنه خليتها ماتت علي طول وانا اللي فضلت مكانها ف المستشفي .
رأفت : لا انا منستش انا بس كنت بفكرك وبلاش نفتح فى دفاتر الحسابات دلوقتي تالا فين
منيرة : خرجت
رأفت : انا هدخل اغير و هنام ساعتين
منيرة : روح
دلف رأفت للداخل
لتتحدث منيرة
و لسة يا رأفت دورك جاي وهنتقم ل..حبيب عمري وبعدها الاملاك هتبقا ليا وهتخلص منك انت ونغم .
💐💐💐💐💐💐💐💐💐💐💐💐
مر باقي اليوم دون اي احداث جديدة وفي المساء
بغرفة رباب وشادي
رباب : اي ناوي علي اي واي العلبة الصغيرة دي
شادي : ده فيها مادة هطلع دخان كتير و بتنفرد العلبة تعالي بقا نلعب شوية
رباب : انت ناوي علي اي لحسن حد يتأذي
شادي : لا متخفيش هتقعد لمدة ربع ساعة وبعدين هيتمحي خالص
امي وشيماء قعدين جوة ف اوضتهم صح
رباب : ايوة
شادي : تعالي يلا
خرجا شادي ورباب من غرفتهم ببطئ
يخرج شادي القداحة من جيبه ويقربها من العلبه الذي معه ليخرج الدخان بكثرة فيضعها اسفل باب غرفة شقيقته ووالدته
رباب : ممكن يفتحوا الباب ويطلعوا
شادي : مش هيشوفوا حاجة من الدخان استني هعمل حاجة تاني وفتح هاتفه وقام بتشعيل ريكورد صوتي
رباب : اي الصوت اللي بيخوف ده
شادي : سجلته من فيلم رعب كان شغال
رباب : اه
في الداخل
اعتماد : هنموت هنا ولا اي يابت
شيماء ؛ مش عارفة يالهوي اي الصوت ده بسم الله الرحمن الرحيم
اعتماد: ينصيبتك يا اعتماد اخرتك موتة زي دي
مش شايفة حاجة يابت
شيماء : لا انا قربت اعملها علي روحي من الخوف .
😅😅
اعتماد : استني هنادى علي اخوكي ولا تلاقيه هو كمان مش شايف من الدخان ده
شيماء : انا عارفة استنى هنده انا
واخذت تنادي يإسم شقيقها
شيماء : يا شادي يا شاااااادي
في الخارج
رباب بضحك : ياعمي افتحلهم حرام كده
شادي : كفياكي ضحك هتكشفينا وبعدين ياهبلة دي امي واختي مش هأذيهم اكيد
رباب: كويس العلبة معدش ليها اثر
شادي ايوة بس استنى هشيل الورقة دي لحسن حد منهم يشوفها وبكده خلصت اللعبة
في الداخل مازالت شيماء تنادي حتي ان رأو الدخان يقل تدريجياً
اعتماد : الحمدلله لسة عايشين افتحي يابنتي الباب ده
شيماء : لا انا مليش دعوة انا خايفة
اعتماد : يابت العبيطة خايفة من ايه ما الدخان مشي اهو ومفيش صوت
شيماء : طاب ماتروحي انتي وبعدين اخاف افتح الباب الاقي عفريته ف وشي انتي نسيتي اللي ابنك قاله
اعتماد : طاب تعالى نفتح انا وانتي بدال ما الدخان مايرجع ونموت من الخوف هنا
شيماء : يلا طيب
اقتربا من الباب ببطء
لتفتحه اعتماد
ويصرخون بخوف عندما يجدوا امامهم رباب وشادي
شادي : اي بتصرخوا ليه كده كأنكم شوفته عفريت
اعتماد : يابني الاوضة كانت مليانة دخان وفي اصوات بتخوف كنا مرعوبين انا واختك وفضلنا ننده عليك
شادي : دخان اي وبعدين احنا مسمعناش اي صوت
اعتماد : ازاي الدخان كان مالي الاوضة يابني
شادي : لا مفيش حاجة حصلت من دي
شيماء : يعني احنا بنكدب عليكم يعني وبعدين ابقا هات شيخ يقرا ف الشقة دي عشان تقريبا في عفريت هنا
شادي : ياشيخة
شيماء : شادي متنرفزنيش و اوعي من وشي كده هروح اعمل كوباية عصير
اعتماد : اعمليلي معاكي يابنتي لحسن الواحد دمه نشف
شيماء : ماشي وغادرت
يسمعون صوت رنين هاتف
رباب : : ده صوت تليفوني هروح اشوف مين بيرن
شادي : ماشي
دلفت رباب للداخل وامسكت بهاتف لتجد ان المكالمة من والدتها
رباب : الو يا ماما عاملة اي
ايمان : انا بخير يابنتي طمنيني عليكي
رباب : انا بخير الحمدلله كنت عايزة اقولك علي خبر كده هيفرحك اوي
(في تلك اللحظة كانت تمر شيماء من امام الغرفة وتقف عند سماع تلك الجملة)
ايمان : قولي يابنتي
رباب : انا حامل ياماما
ايمان : بتتكلمي جد الف مبروك يانور عنيا احمدي ربك يابنتي وانتبهي علي روحك كويس.
واخذوا يتكلمون في مواضيع عديدة
شيماء : حامل لا مستحيل كده شادي مستحيل يطلقها ومش كده وبس انا كمان مش هرجع لبيت جوزي انا قولت ل...حماتي ابنتها لا خويا هقولها اي دلوقتي .
انا عرفت هعمل اي والحمل ده مش لازم يكمل ......
❤❤❤❤❤
عند وليد كان يتحدث مع مصطفى بالهاتف
مصطفي : يارا حجزت تذكرتين الطيارة هتطلع الساعة ٨ الصبح انا هجبهملك لحد البيت بكره ماشي
وليد : ماشي تمام
مصطفى : اوعي تنسى
وليد : ياعمي مش هنسى لندن هي اللي هتكشف اسرار كتير بعد ما تخف نغم
مصطفي : ربنا معاك يا صاحبي
وليد : ربنا يخليك ليا يا صاحبي يلا بكرة ان شاء الله هشوفك
مصطفى : ان شاء الله .