CMP: AIE: رواية احببتك قبل ان التقيك الفصل الاول والثانى بقلم نجاة محمود
أخر الاخبار

رواية احببتك قبل ان التقيك الفصل الاول والثانى بقلم نجاة محمود


 
رواية احببتك قبل ان التقيك 
الفصل الاول والثاني
بقلم نجاة امحمود

أنا اسمي كارما عندي 16سنه مصريه فرنسيه 

بابا مصري ماما فرنسيه

شعري اسود طويل  وبيضه و طولي  وجسمي متناسق مش محجبه   بابا وماما منفصلين وانا قاعده مع ماما في فرنسا ليا اخ اسمه احمد قاعد مع بابا في مصر مامتي مدرسه

أنا تانيه ثانوي مامتي تعبانه جدا عندها مرض ف القلب وبتتعالج بس مفيش تحسن كنت بقعد اسألها عن اخويا وبابا واني عايزه انزل مصر اشوفهم مكانتش بتوافق  وبتقولي هياخدك مني انا يستحيل انزل مصر تاني بقولها انتو منفصلين من زمان ليه متجوزتش تاني   قالتلي علشان كنت بحبه وما زالت بتحبه بقولها هو دلوقتي عايش حياته قالتلي الحياه مبتقفش على حد انا مش عايزه اتجوز غيرو هو لازم يعيش حياته. اه نسيت اقولكم مامتي اسمها ليندا

كارما:مكنتش اعرف حاجه عن بابا غير الصوره اللي معايا انا وماما وبابا واخويا ممعيش حاجه منه غير اسمه بس

طبعا حالت مامتي بتسيئ اكتر واكتر ونقلتها المستشفي 

ليندا :كارما انا خلاص همووت ومينفعش اسيبك لوحدك 

كارما :بعيط لا يا ماما متقوليش كدا انتي هتبقى كويسه متقلقيش ومتخوفنيش عليكي 

ليندا :يا حبيبتي متعيطيش انا كنت عارفه ان دا هيحصل وقبل مااموت في حاجات كتير لازم تعرفيها بتتكلم وهي مش قادره تتنفس 

كارما :حاجات اي يا ماما دلوقت انتي مش كويسه ومش قادره تتكلمي إجليها لوقت تاني 

ليندا :لا مفيش وقت لازم تعرفي الحاجات دي 

كارما : بعيط ماما حطي الجهاز انتي مش قادره تتكلمي 

ليندا :انتي كنتي عايزه تعرفي باباكي مين وفين انا لازم اقولك الحقيقه عشان تروحيله انا مش هسيبك لوحدك سبيني اتكلم يا كارما لو بتحبيني عشان مبقاش ظلمتك اكتر من كدا وانا هموت واسيبك لوحدك:

كارما :بعيط حاضر يا ماما انا هسمعك اتفصلي 

ليندا :بصي يا حبيتي انا في فتره من حياتي كنت صغيره ونزلت مصر سياحه مع صحابي وقبلت باباكي واتعرفت عليه وحبيبنا بعض واتجوزنا طبعا راح لأهلي واتجوزنا وانا جيت قعدت في مصر معاه كنت بسافر فرنسا إجازات بس اهلي مش عايزني ابعد عنهم زي اي حد انا في بلد تانيه كنت خلفت أحمد اخوكي كان عندو 4سنين وبقيت حامل فيكي وطبعا باباكي عايز يقعد في بلدو وانا بسافر فرنسا كل كام سنه حصل مشاكل كتير وانا رحت فرنسا وولدتك هناك وجيت هنا مصر قعدت سنه وانفصلنا بعد مشاكل كتير 

كارما :وبعدين ايه اللي حصل يا ماما وليه مجبتيش اخويا معانا 

ليندا :مكنش ينفع انا اخدتك لأنك صغيره وهو اخد أحمد 

كارما :طيب هما فين يا ماما وبابا مكنش بيسأل عليا ليه 

ليندا :دا اللي انا كنت مخبيه عليكي كان بيسأل عليكي وبيبعت فلوس ليكي بس انا غيرت المكان اللي كنت قاعده فيه وهو فضل يدور عليا وملقنيش 

كارما :سبتيه ليه 

ليندا :خوفت لياخدك مني فبعدت عنه 

كارما :طيب هو فين في مصر وشغال ايه

ليندا انا كنت متابعه أخبارو لأن هو دكتور مشهور وعندو مصانع وشركات ادويه بس حاليا مبقتش اعرف عنه حاجه انا هموت وانتي هتنزلي مصر تدوري عليه لو بحثتي ع النت هتلاقيه انتي طبعا عارفه اسمه 

كارما :عبد الرحمن أحمد البنا 

ليندا، شاطره يا حبيبتي لازم تلاقي اخوكي يا كارما لازم تلاقيهم عشان اطمن عليكي

كارما :حاضر يا ماما 

ليندا :اوكي يا حبيبت مامي 

كارما :بتفكر هعمل ايه وماما اكيد مش هيحصلها حاجه 

بعد اسبوع ف المستشفى 

الدكتور :انسه كارما حالت مامتك بتدهور انا اسف مش قادر اعمل حاجه اكتر من كدا انا عملت اللي عليا 

كارما:بتعيط لا يا دكتور لو سمحت انا مقدرش اعيش من غيرها لازم تعمل حاجه لو سمحت ساعدها 

الدكتور :انا اسف

كارما :بتعيط وبتقول لا يارب ماما لا انا مليش غيرها راحت عند ليندا الاوضه بتعتها كانت نايمه 

كارما :قاعده بتكلم فيها ماما عشان خاطري متسبنيش انا مليش غيرك خليكي جمبي هنلاقي أحمد وبابا مع بعض وبتعيط 

القلب وقف والجهاز بيصفر ماما ماما متسبنيش يا دكتور يا دكتور ماما ماما الحقو ماما 

الدكتور :انا اسف يا انسه كارما شدي حيلك 

كارما :لا لا وبتعيط جامد ماما لا مينفعش تسبيتي 

كارما اتصلت على صحاب مامتها عشان يبقو جمبها جم ودفنوها وكارما بقت لوحدها بعد اسبوع

كارما :ف المدافن عند مامتها ومعاها ورد ماما ليه سبتيني انا خلاص بقيت لوحدي وقعدت تتكلم معاها كتير انا خلاص يا ماما هنزل مصر عشان ادور على حلمك بس هبق بعمل كل دا لوحدي كارما روحت البيت وقعدت تفكر هتعمل ايه وهتدور عليهم ازي افتكرت كلام مامتها وهي بتقولها شوفي ع النت هو دكتور كبير وهتلاقي عنه كلام كتير كارما قعدت تبحث ولقيت كلام في مواقع وكدا بس ملقتش عنوان ولا حاجه كارما نامت وصحيت الصبح راحت لواحد من أصدقاء مامتها وقالتله يساعدها انها تنزل مصر 

مستر جو شغال ف الطيران 

مستر جو :ازيك يا كارما عامله ايه 

كارما : كويسه كنت عايزه من حضرتك خدمه 

مستر جو :اتفضلي 

كارما :عايزك تساعدني انزل مصر عايزه تساعدني ف الورق 

مستر جو :ليه عايزه تنزلي مصر كارما حكتلو الموضوع حاضر يا كارما بس هتعرفي تدوري لوحدك 

كارما :هحاول ماانا لازم احاول 

مستر جو : اسبوع وكل حاجه هتبق جاهزه 

كارما :ميرسي اووي بعد اذنك انا همشي 

مستر جو :اتفضلي 

كارما :روحت البيت وقعدت تفكر هتعمل ايه لوحدها وبعد اسبوع 

تيلفون كارما بيرن مستر جو 

كارما :الووو 

مستر جو :ازيك يا كارما ورقك كله جاهز تحبي احجزلك اتذكره امتا 

كارما :ياريت اول طياره 

مستر جو :تمام في طياره يوم الخميس والنهارده الأحد يعني بعد 3ايام كويس

كارما :كويس ميرسي ممكن طلب تاني 

مستر جو :عنيه اتفضلي

كارما :كنت عايزه أحول فلوسي لمصر

مستر جو :حاجه بسيطه كل حاجه هتبق جاهزهمحتاجه حاجه تانيه

كارما: ميرسي اووي

مستر جو :بأي

كارما :بأي

كارما راحت المدرسه بتعتها عشان تسحب ورقها منها عشان هتحول مصر كارما خلصت كل حاجه وروحت تعبانه نامت وصحيت الصبح تحضر في حاجاتها فونها بيرن 

مستر جو :كازما ازيك 

كارما :انا كويسه ازي حضرتك 

مستر جو :انا كويس انا خلصت الورقه عايزك بس عشان الامضا بتعتك 

كارما :حاضر انا جايه باي

كارما ليست وخرجت عشان تخلص الورق ورجعت خلصت ترتيب الشنط والحاجا ت بتعتها 

يوم الأربعاء بالليل

كارما :يا ترى هلاقيهم يا ترى لو لاقيتهم هيبقو مبسوطين بيا ولا لا ودماغها من كتر التفكير وجعتها ونامت وهي قاعده وصحيت الصبح وقعدت حضرت الفطار واكلت ونزلت جابت شويه حاجات ليها

النهارده  الخميس الساعه 4معاد الطياره 5ونص

كارما اخدت الشنط بتعتها وطلبت تاكس يوصلها للمطار

وصلت المطار الساعه كانت 4ونص لسه كارما راحت جابت حاجه تأكلها وقعدت تقرأ في روايه وجيه معاد الطياره كارما قاعدا ف الطياره المسافه 12ساعه

كارما :قعدت تفكر في الكلام بتاع مامتها وتفكر هتعمل ايه

وبعد 12ساعه وصلت مطار القاهره كانت الساعه 6الصبح اخدت الشنط وكان مستر جو حجزلها في اوتيل اخدت تاكس وراحت الا تيل كانت تعبانه جدا راحت نامت وبعدين صحيت بالليل قعدت ع الموبيل وقعدت تشوف حاجات عن باباها ونزلت تاني يوم كان السبت تسأل عن الشركه والبيت وتدور

وعرفت مكان البيت روحت ونامت

تأتي يوم الأحد

كارما :انا هروح واشوف ايه اللي هيحصل راحت كارما وصلت الڨلا بتعت باباها كانت الساعه 10 الصبح كانت لابسه تيشرت ابيض نص كم بنطلون جينز وشنطه ضهر وفرده شعرها

قالت للأمن ممكن اقابل دكتور عبد الرحمن البنا

الأمن :في معاد

كارما :لا

الأمن :مينفعش

كارما :ادخل قوله في انسه عايزك بره جايه من بره مصر

الأمن :صباح الخير يا دكتور

عبد الرحمن :صباح النور

لامن :في واحده عايزه حضرتك بره وبتقول انها من بره مصر وشكلها اجنبيه بس بتتكلم عربي كويس

عبد الرحمن: خليها تدخل

احكيلكم عنه دكتور عبد الرحمن والد كارما دارس صيدله وفتح شركه ادويه ومصانع ومن اغني أغنياء مصر طويل وقمحي ومش تخين ولا رفيع عندو 55سنه

مين دي اللي تدخل دا أحمد اخوها عندو 23سنه في آخر سنه كليه طب ابن الوز عوام😂😂😂 أحمد طويل وابيض وشعرو اسود وفي شبه من كارما شويه

عبد الرحمن :معرفش يااحمد واحده َمعرفش عايزه ايه

بره الأمن :اتفضلي ياانسه

دخلت كارما عماله تبص للبيت وبتفكر هيستقبلوها ازي

كارما :هاي انا كارما

أحمد :كارما مين حضرتك تؤمري بحاجه

عبد الرحمن :واقف مستغرب يا ترى هي

كارما :انت احمد وعنيها هتدمع

أحمد :ايه دا انتي تعرفيني بس انتي شكلك مش مصريه

كارما :مش هتقولي اتفضلي الأول

أحمد :يضحك اتفضلي

عبد الرحمن :انتي منين يا حبيبتي

كارما :انا فرنسيه مصريه

أحمد :هههههههه ازي يعني

عبد الرحمن :أحمد استنى وهيعيط

كارما :بابا مصري مامتي فرنسيه

أحمد :كويس كنتي عايزه حاجه من بابا

كارما :طلعت صوره من شنطتها تجمعها هي وأحمد ومامتها وباباها تعرفو اللي ف الصوره عبد الرحمن مسك الصوره دي مراتي وابني وبنتي

كارما :وبنتك اسمها اي

عبد الرحمن :اسمها كارما

أحمد :بس دول ماتو من زمان وانتي جبتي الصوره دي منين

كارما :مين قالك انهم ماتو هي واحده فيهم ماتت مامتك لكن اختك موجوده كارما طلعت الهويه بتعتها اللي هي البطاقه ممكن تشوفها

عبد الرحمن:كارما عبد الرحمن أحمد البنا

أحمد :دي بطاقتك انتي

كارما :اه ماانا كارما اختك ودي بطاقتي وبتعيط كارما

أحمد :انتي نصابه وجايه تنصبي علينا عشان تاخدي شويه فلوس

عبد الرحمن :أحمد اسكت انت ازي تكلمها كدا مينفعش الطريقه دي

كارما :انا مش نصابه انت ازي تقول كدا

عبد الرحمن :أنتي ازي كارما انا دورت عليهم كتير وملقتهمش وسمعت انهم ماتو وتعبت وانا بدور عليهم

كارما :حكتلو اللي حصل

أحمد :واحنا بقا مفروض نصدق الكلام دا ما يمكن انتي اللي مالفه

عبد الرحمن :اسمعها يااحمد الأول

أحمد :يا بابا دي واحده نصايه وجايه تعمل كدا عشان الفلوس

كارما :طيب انا جبت الصوره دي منين وعرفت كل دا منين

أحمد :ما يمكن كان ليكي علاقه بيهم وعرفتي من دا 

كارما :بابا انت مش مصدقني انا مامي ماتت ومبقاش ليا حد غيركو خلاص انا سبت كل حاجه وجيت

الفصل التاني


انا سبت كل حاجه وجيت هنا

أحمد :واحنا مالنا واحنا اي حد يجي يقولنا انا بنتك نصدقه

كارما :لا متصدقيش وانا اسفه جدا إني جيت انتو شكلكو مش عايزني اصلا وقعدت تعيط انا اسفه اني ضيعت وقتكم

عبد الرحمن :متعيطيش يا بنتي لو محتاجه فلوس قولي

كارما :بصتلو بصه استحقر ومن غير ما ترد مشيت

عبد للرحمن :استنى يا كارما استنى

ومشيت كارما وهي بتعيط

احمد:بابا دي شكلهاواحده نصابه

عبد الرحمن :انا حاسس انها بنتي

أحمد :بابا كارما ماتت وانت اللي قولتلي كدا

عبد الرحمن :انا مش عارف انا بفكر اعمل D. N. A

أحمد :طيب هي مشيت واحنا منعرفش عنوانها فين

عبد الرحمن :هتكلم شركه الطيران وهشوفها نازله فين

أحمد :حاضر هكلم استاذ محمد آن عليه 

أحمد :الووو ازيك ياكابتن

محمد :ازيك يا دوك عامل ليه

أحمد :انا كويس يا حبييي وانت

محمد :بخير

أحمد :كنا عايزك في خدمه

محمد :اؤمرني

أحمد :الطياره بتعت الجمعه كان فيها واحده جايه من فرنسا اسمها كارما عبد الرحمن أحمد البنا

محمد :بيضحك اختك دي ولا اي

أحمد :هبق افهمك الموضوع دا بعدين كنت عايزك تعرفلي هي نازله فين

محمد :حاضر عنيه أن شاء الله بالليل هكون عرفت وهكلمك

عند كارما :بتعيط وهي ماشيه ف الطريق راكبه التاكس انا مكنش لازم اجي هنا كنت اقعد في بلدي مكنتش متوقعه انهم هيعملوومعايا كدا وراحت الاوتيل ومن كتر العياط نامت

عند عبد للرحمن:ها يااحمد كلم محمد شوف اي اللي حصل

احمد:هتصل عليه دلوقت أحمد بيرن على محمد الووو

محمد :نعم يا دوك

احمد:عملتلي ايه ف الموضوع اللي قولتلك عليه

محمد :تمام في فعلا واحده بالاسم دا جايه من فرنسا ونازله في أوتيل مسايا

أحمد :شكرا ليك جدا معلش تعبتك معايا

محمد :لا شكرا على واجب انا اخدمك بعنيه

أحمد: متشكر اووي مع السلامه

عبد الرحمن:قالك اي

أحمد : اداني اسم الاوتيل اللي هي نازله فيه

عبد الرحمن: طيب كويس

أحمد :نروحلها بكرا الصبح

عند كارما الصبح صحيت وقالت انا هعمل اي دلوقت لبست ونزلت فطرت تحت وفضلت قاعده

عبد الرحمن :أحمد يلا عشان منتاخرش

أحمد :حاضر ثواني يابابا هي مش هطير

ركبو العربيه وراحو الاوتيل سألو عليهم قالولو اه موجوده وتقريبا كانت قاعده هناك

عبد الرحمن :أحمد تعالى نشوفها

أحمد :طيب وبيدورو عليها بابا هناك اهي

كارما :قاعده سرحانه

عبد الرحمن :كارما ازيك

كارما :ها اتخضت كارما

أحمد :ايه اتخضيتي بسخريه

كارما :بصتلو ومردتش عليه ازي يا با مكملتش وقالت ازيك يا دكتور

عبد الرحمن :كويس وانتي

كارما :انا كويسه اتفضلو واقفين ليه خير في حاجه

عبد الرحمن :كنا عايزينك في موضوع

كارما :اتفضل

أحمد :عايزين نعمل تحليل D. N. A

كارما :..........

أحمد :ساكته ليه

كارما: مستغربه اووي

أحمد :ايه الغريب ف الموضوع

كارما :انتو يعتبر انطردت من بيتكو امبارح وقولت عليا نصايه وبعمل كدا عشان الفلوس

عبد الرحمن :يا بنتي احنا....

كارما :اسفه اني قطعتك بس انا مش هعمل حاجه واعتبرني نصابه وخليني كدا احسن انا مش عايزه حاجه من حد انا اقدر اعيش ومامي سيبالي فلوس تكفيني كويس وانا مش محتاجه فلوس حضرتك ولا محتاجه شفقه من حد ولو سمحتو مش عايزه اسمع حاجه اتفضلو

أحمد :انتي ازي بتتكلمي معانا كدا انتي مش عارفه احنا مين

كارما :ومش عايزه اعرف هو مسموح ليك تهزقني وانا سكت عشان كنت في بيتك لكن دلوقت انا مسموح اني ارد انا اسفه يا دكتور انا مش هعمل حاجه بعد اذن حضرتك

عبد الرحمن :يا كارما استنى طيب ليه مش عايزه

كارما :بعياط عشان انا نصابه وجريت طلعت فوق وهما مش عارفين يعملو ايه ومشيو الاتنين

كارما :انا تعبت وزهقت انا مبقتش عارفه اعمل ايه ياارب اموت واخلص بقا ليه يا ماما عملتي معايا كدا

عبد الرحمن :البنت دي كارما بنتي انا حاسس كدا

أحمد :وايه اللي مخليك متأكد كدا

عبد الرحمن :احساسي

كارما:عايزه تعمل ورق المدرسه بتعتها سألت على مدرسه خاصه لغات ولقت مدرسه كويسه وراحت تقدم موافقوش لأنها لسه صغيره ومعهاش حد من اهلها

اخدت الورق وفضلت تعيط وبتقول هعمل ليه دلوقت طيب ارجع فرنسا تاني ولا اعمل ايه افتكرت عبد الرحمن اكلمه اقوله يقدملي ف المدرسه بس هو هيوافق هجرب

كارما :تاني يوم الساعه 9الصبح راحت ودخلت البيت لاقيته بيفطرو

عبد الرحمن :كارما تعالى يا حبييتي اتفضلي

كارما :انا اسفه اني جيت من غير معاد بس معيش رقم لحضرتك

عبد الرحمن :لا ولا يهمك انتي تيجي في أي وقت

كارما :ميرسي اووي

أحمد :بغل نعم اؤموري

كارما :انا مكنتش عايزه اجي ومتردده بسبب معاملتك دي انت فاكر نفسك اي

عبد الرحمن :كارما أحمد خلاص ممكن تقعدي تفطر وبعدين تتكلم

كارما :انا كنت عايزه حضرتك في موضوع

عبد الرحمن :افطري الأول

كارما :لا مش مش جعانه ميرسي اووي

أحمد :اقعدي متخافيش مش هعضك

كارما :ضحكتك ضحكه خفيفه

أحمد :مانتي حلوه وبتضحكي زينا اقعدي بقا

قعدت كارما وفطرو

عبد الرحمن :اتفضلي يا حييبتي

كارما :انا ملقتش غيرك يحل الموضوع دا ليا واسفه والله بس انا معرفش غيرك ومينفعش حد غيرك

عبد الرحمن :خير يا حبيبتي قلقتيني

كارما :خير كنت عايزه أقدم في مدرسه انا ثانويه عامه زي ما بتقولو هنا ورحت أقدم في مدرسه خاصه لغات بس موافقوش عشان معيش حد والي أمر كنت محتاجك تقدملي

أحمد :بيبص

كارما :متبصش كدا متخفش انا مش عايزه فلوس انا معايا المصاريف هدفعها انا متقلقش

أحمد :قاعد بيفكر

عبد الرحمن :فلوس اي وكلام فارغ ايه لو محتاجه اي حاجه قوليلي عايزه تقدمي امتا

كارما :بفرح انت وافقت بجد

أحمد  :يقاطع للكلام بس بشرط

عبد الرحمن :أحمد اسكت شرط ايه

كارما :سيبو لو سمحت اتفضل اشرط

احمد:نعمل تحليل D. B. A

كارما :........

عبد الرحمن :والله انا حاسس انك بنتي

أحمد :بس احنا لازم نتأكد وانتي لازم تكوني متافهمه الموضوع يعني انتي لو اي حد جالك اول مره تشوفيه وقالك انا اخوكي هتصدقي

كارما :بس مش زي مانت عملت كدا

أحمد :انا اسف بس احنا لازم نتأكد

كارما :خلاص موافقه

أحمد :ناخد العينه دلوقت وبعدين ورقك ونروح نقدم ف المدرسه

كارما :فرحت اووي عشان هتقدم ف المدرسه وعشان كمان هيعرف انها بنته

عبد الرحمن :يلا بينا

كارما :يلا

أحمد سايق العربيه ووصلو المستشفى

أحمد :ع فكره يا كارما المستشفى دي بتعتنا

كارما :بجد انا نفسي ابق دكتوره

عبد الرحمن :هي العيله كلها عايزه تبق دكاتره

دخلو المعمل واخدو العينه

كارما :يلا نروح نقدم ف المدرسه

احمد:مستعجله اووي كدا ليه وبيضحك

الدكتور :النتيجه هتطلع بالليل

عبد الرحمن :تمام يا دكتور

الدكتور :ابعتهالك ع البيت

عبد الرحمن :اه ياريت

أحمد :كارما بابا يلا نعملها الورق

عبد الرحمن :يلا

وصلو المدرسه ودخلو للمدير كان مرحب بيهم جد اتفضلو تشربو  اي

عبد الرحمن :ولا حاجه انا عايز أقدم لبنتي عندك ف المدرسه هنا هي ثانويه عامله هي جت قبل كدا والورق اترفض عشان كانت جايه لوحدها

المدير :احنا اسفين جدا مكناش نعرف انها بنت حضرتك وحضرتك عارف القوانين

عبد الرحمن :اكيد طبعا

المدير :ممكن الورق

كارما :اتفضل

المدير :فتح الورق اي دا ماشاء الله دانتي شاطره أووي وبتقفلي وكمان معاكي 6لغات

أحمد :بستغرب 16سنه ومعاكي  6لغات

كارما :بتضحك اه مستغرب ليه

عبد الرحمن :شاطره زي مامتها

خلصو الورق وكل حاجه واتسجلت ف المدرسه ولسه عشرين يوم ع للدراسه

عبد الرحمن :متشكر لحضرتك

المدير :لا شكرا ع واجب احنا نخدم حضرتك يعنينا

عبد الرحمن :تمام ندفع المصاريف فين

المدير :ف الحسابات

أحمد :بابا هروح ادفع المصاريف

كارما:لا لو سمحت انا هدفعهم

عبد الرحمن :يا حبيبتي مينفعش

وبعد محايله كارما أصرت انها تدفعهم

وبعدين راحو البيت وكارما معاهم

كارما :بعد اذنكم انا همشي بقا

عبد الرحمن :تمشي فين خليكي لحد ماانتيحه تطلع

كارما :لا مينفعش لازم امشي وبعد محايله قعدت

حضرو الغدا وقعدو هما التلاته ياكله

الساعه بقت 7جيه طرد

فتحو عبد الرحمن طلع نتيجه التحاليل

عبد الرحمن :واقف مصدوم من النتيجه وعمال يبص لكارما

كارما :هتعيط في ايه بتبص كدا ليه

أحمد :اخد التحاليل ايه دا دا بجد

كارما :هو في ايه انا مش بنتك ولا ايه

عبد الرحمن :دموعه نزلت كارما واخدها في خضنو بنتي كنت حاسس كارما بتعيط انا اسف يا قلب بابا

أحمد :كارما انتي اختي بجد أحمد بيعيط انا اسف بجد انا مكنتش اعرف وقعدو يتكلمو

كارما :طيب يا بابي انا همشي بقا

عبد الرحمن :رايحه فين يا كارما

كارما :هروح الاو تيل عشان الشنط بتعتي 

أحمد : بكرا هنروح نجيبهم

كارما :بسسسس

أحمد :خلاص بقا بكرا ان شاء الله

عبد الرحمن :في اوضه فوق بتعتك اطلعي شوفيها خلي الداده تطلعك فوق داده فريده

فريده :نعم يا دكتور

عبد الرحمن :خدي كارما وريها اوضتها

فريده :حاضر اتفضلي يااانسه كارما

كارما طلعت السلم وراحت للاوضه واتفرجت عليها وقعدت شويه وفضلت تفكر

كارما :ياااه يا كارما اخيرا حققتي حلم مامتك فتحت الفون بتاعها وجابت صوره مامتها خلاص يا ماما وبتعيط انا حققت حلمك انا عملتلك اللي انتي عايزه وبقيت مع بابا واخويا كان نفسي تكوني معانا بجد وحشتيني اووي

أحمد معدي سمع صوتها

أحمد :ايه الصوت ده كارما بتعيط خبط عليها كارما كارما

كارما :مسحت دموعها وقالت نعم وفتحت الباب

أحمد : مالك انتي بتعيطي

كارما :لا مبعيطش ودموعها نزلت

أحمد :مالك يا حبيبتي قوليلي بتعيطي ليه وشاف الفون في ايدها اخذو وشاف الصوره دي ماما اقعد يا كارما

كارما :وحشتني اووي وبتعيط كان نفسي تكون معايا كان نفسها تشوفك اووي

أحمد :حبيبتي هي في مكان احسن دلوقتي وشايفنا ومبسوطه أن احنا اتجمعنا نقعدو يتكلمو كتير وبعد قالها يلا ننزل نتعشي سوا اول أكله لينا واحنا اخوات

كارما : بتضحك

أحمد :ايوا كدا قمر بيضحك يا جماعه

كارما :اسكت بقا عشان انا اصلا كنت زعلانه منك اووي معاملتك كانت وحشه اووي معايا

أحمد :والله غصب عني انا اسف خلاص بقا

كارما :ماشي خلاص يلا

ونزلو تحت لقو عبد الرحمن قاعد تحت


  

                   الفصل الثالث من هنا

لقراة باقي الفصول من هنا



تعليقات



حجم الخط
+
16
-
تباعد السطور
+
2
-