رواية مين قال انتي عانس الفصل الخامس5 والسادس6 بقلم اسو احمد

 قالت فى صدمه :

ما هذا ؟ ياله الهول كل هذا الكم الهائل من البنات التي لم تتزوج بعد ؟ إذا انا لست وحدي على هذا الكوكب التى لم تتزوج بعد ..

بدأت فى التصفح فى الجروب وهي تتعجب من القصص التى تقرئها لتقول ..

اللي يشوف بلاوى الناس تهون عليه بلوته والله ، ربنا يسعدهم كلهم ويرزقهم من حيس لا يحتسبو ياارب 

استوقفتها جمله ما ، جعلتها تنظر إليها وتتمعن بها ..

 متخافش..

جايز كل اللي بيحصل دلوقتي مجرد "بداية" لخير كتير ربنا هيعوضك بيه ❤️

هو انا فعلا ممكن ربنا يعوضنى عن كل اللي شوفته ده ؟ هو اليوم ده ممكن يجى فعلا ؟

عقلها 

ايه اللي بتقوليه ده ياوعد ، ربنا اسمه الرؤوف " الرحيم " الكريم " اكيد طبعا هيعوضك 

هيعوضنى امته ؟ 

عقلها 

فى الوقت المناسب اكيد ، اصبري ..

تنهدت وقالت..

صابره وهصبر يارب ، وهستنا عوضك ليا بفارغ الصبر 

يارب سامحنى على الحاجات الغريبه اللي بتدور جوايا دى ، يارب انت عالم بال في قلبي ..

سامحنى ..

اكملت تقليب في الجروب لتتوقف وهي تبتسم بتعجب مصحوب بفرحه لما تراه عينيها..

دى مش صدفه ، ده رزق ربنا باعته ليكى ..

 ليك في الأيام إللي جاية ليلة مش هتنام فيها من كتر م إنتٍ فرحان إن ربنا عوضك أخيراً ..

معقوله يارب هتعوضني وهفرح اخيراً ، يااااااااااه ياااه يارب لو استجابت لامنيتى ياارب كن معى خير وكيل ف انى لا احسن التدبير ، يا الله ..

القت نظره اخيره على اسم الجروب وهى تتمتمه بصوت خافت " مين قال انتى عانس " 

الاسم شدنى فعلا تنهدت بحزن قائله .. بس الحقيقه حقيقه برضه ياوعد لو مكنتش اللي فاتها قطر الجواز عانس ماكنش حد اطلقها علينا كده .. 

يلا منه لله إللى اخترع الكلمه ده " عانس " يعنى مالقاش غيرها اوووف..

ايه ياست وعد بقينا نكلم نفسنا وبقينا مجانين كمان ، الصبر من عندك يارب على الخلفه ال تشرح القلب دى ..

اسكتى ياماما مش طلعت انا مش لوحدى اللي متجوزتش و في فوق ال 100 الف بنت ماتجوزوش وفاتهم القطر وطلعت مش انا بس وفى بنات أكبر منى بكتييير اوى ولسه ماتجوزتش برضه..

امها ..

وانتى فرحانه قوى كده ليه ياشملوله وانتى بتقولى وكانه انجاز كبير حققتيه ، ده من كلامك حسيت انك لقيتي كنز وانتى بتقولى بالطريقه دى 

يافرحت امهاتهم بيهم ياختي ، يلا ياختي قومي جهزى الغدا يلا موتنا من الجوع وانتى هنا قعدالى ملمومالى على شويت بنات عوانس شبهك ، ما ده اخرك ياعنوس ، ده بدل ماتحطيلك حتت احمر وتطلعي فوق السطوح تشمي هوا وبالمره تشقطيلك عريس بدل ما انتى قاعده فى وشي كده زى خيال المئاته ...

وعد ..

ايه اللي بتقوليه ده ياماما ؟ ده كلام بتقوليه برضه لبنتك ؟ 

بجد مكنتش اتوقع الكلام ده منك انتى ، وبعدين انا لا يمكن اعمل الكلام ده حتى لو هفضل من غير جواز لاخر عمري ..

والدتها..

لما تبقي بنتى وحده زيك اقولها واقولها كمان ، نفسي افرح بيكى قبل مايحصلي حاجه ، هيجى يوم واموت ناقصه عمر بسببك ..

وعد بصوت خافت ..

بعد الشر عليكى

والدتها

وبعدين فيها ايه يعنى لو تسمعي كلامى مره وحده هتخصري ايه يعنى اكتر من اللي خصرتيه هااا..

وعد ..

روحى ياماما شوفي كنتى بتعملى ايه ولا اقولك خليكى هنا وانا اللي سيبهالك مخضره..

والدتها 

هتطلعي فوق السطوح صح ؟

خرجت وعد وهى تخبط كف على كف ..

ياحول الله ياربي 

شوف انا اقول ايه وهى تقول ايه ، استغفرك ربي واتوب اليك 

استغفرك ربي واتوب اليك..

قال شقط قال 

وايه دخل الروج بالشقط ما انا ياما حطيت روج ولا حد عبرني..

عقلها..

شوف انا في ايه وانتى فى ايه لتضحك على حالها ياحول الله ياربي ..

اللي يقعد فى البيت ده يتجنن والله ، ده بيت مجانين اصلا هههههه 

ذهبت وهى تدندن بعض الاغانى وهى تعد الطعام كما قالت والدتها لها وفى قلبها سعاده لا تعلم من أين اتتها ولكنها تشعر أن الذي قرئته فى الجروب هو فعلا اشاره من الله لها  

لا يعقل أن تكون صدفه ..

اكيد ربنا بعتلى الرساله  وفى الوقت ده بالذات علشان يطبطب على قلبي بيها ويطمنى انه معايا دايما ومش نسيني 

وكيف لهو أن ينسي عبد هو يرعاه دائما وابداً ، فهو لله 

فقد اشاره واحد من الله سبحانه وتعالى قادره على ان تغير كل شيئ حتى ولو تاخرت يبقي مفعولها معنا طويلا ، يجوز أن يكون سبب هذا لان قلوبنا تامن بأن الله سوف يرضينا باكثر مما نتمنا ، لان القلوب بيد الله ..

فقلوبنا تتشبث باقل بصيص امل فى وقت يحتاج المرء إلى قليل من النور ليضيء به عتمته..

حلا المساء سريعاً ..

ومازالت بطلتنا جالسه على حاسوبها ، تكتب وتمسح ، تكتب تمسح ماكتبته مره اخره في تردد لتستجمع قواها وتكتب ..

كيف تخطيتى جمله انتى عانس ؟ 

لتكبس على زر النشر وهى واضعه يدها على عينيها لتفتح جزء من صابعها تنظر فى توتر لتره نشر و وافقت ادمن الجروب على المنشور ايضاً ..

ضربت على جهها فى صدمه..

نهاااار مش فايت البوست اتقبل ، ده انا فى العاده الجروبات التانيه بتعلق المنشور يومين تلاته بعدين تقبله وده بسم الله ماشاء الله عليه من سافت مانشرت من سافت ما اتقبل

ياشماعتت ابله ظاظه فيا ، ياشماتت العدوين فيكى ياوعد 

مكنش يومك ياضنايا ، ااااخ يانى ياما..

ايه ده ؟ ايه ده ؟

كل دى تعليقات ، بقيت مشهوره للدرجادى 

يانهاار أسود،  يا نهار اسود 

اتفضحت خلاص 

ما انتى من يومك مفضوحه ياوعد ايه الجديد يعنى،  يلا بسم الله 

بدأت تقراء التعليقات فى تمعن وتبدي برئيها ايضاً ولكنها كانت فى غاية السعاده لقرئتها و لاول  مره تعليقات تحمل كميه هائله من البهجه والسرور بهذه الدرجه..

كانت تعليقاتهم كلها راقيه جدا وفى غاية الاحترام والأدب لم تعهدها هى من المجتمع فقد غمرتها السعاده ولاول مره فى حياتها تذهب في سبات عميق وهى سعيده..

وحين تظن أن الحياه قد أخذت منك الماء لتموت تاتى الغيوم لتمطر لكِ لكى تزهر من جديد..

الفصل السادس

ايه يابنتى مش فاكراني ولا ايه ؟ لا بجد كده هزعل والله..

وعد ..

هو الصوت مش غريب عليا 

اخص عليكى ياوعد معقوله نسيتي صحاب الجامعه بالسرعة دى ، لا بجد اخص على الصحاب اخص 

على العموم ياستي انا ناديه 

وعد بتذكر ..

اااااااه ناديه فانشنستت الجامعه ، بس اتغيرتي جدا يا بنت الذينا وبقيتى جامده جموده 

ناديه بسهوكه..

مرسي ياروحى ، بس خلاص ده كان زمان من بعد ما جبت مليكه وانا جسمي باظ خالص وبقيت مش محصله الابجوره القديمه حتى ..

وعد ..

لو الابجوره كده ياريت نحصل نصها هههههه 

ناديه 

بس قوليلي عملتي ايه يابت بعد الولاده خلاكى ترجعي زي زمان احسن شكلك زي ماهو ماتغيرش خالص ولسه قاعده زي ما انتى قمر كده

وعد ..

ولادت ايه ياحجه ؟! ايه اللي بتقوليه ده ؟

ناديه 

معقوله متجوزه كل ده ومافيش نونو لسه ، وياترا بقا العيب منك ولا منه  ؟

وعد

ولا منى ولا منه ، واصلا مافيش منه علشان مش موجود

ناديه باسف..

اسفه مكنتش اعرف انه سابك ، ربنا يعوضك عنه خير ياحبيبتى ، لو كان خير لبقي

هو الخصران والله خصر بنوته زي القمر 

وعد 

لالا انتى فهمتى غلط خالص ، انا اقصد ان لسه ربنا مابعتليش اللي فيه النصيب 

ناديه وهى تضع يدها على فمها فى صدمه 

ياااااخبر 

انتى لسه لحد دلوقتى ماتجوزتيش ياوعد يا حبيبتي ؟

وعد

نصيب ، طب انا مش هعطلك علشان ملوكه 

يلا اشوفك بعدين ، على اتصال بقي 

وسلميلي على ملوكه كتيييير اوى

ناديه

الله يسلمك ياقلبي،  حاضر يوصل 

وعد ماتزعليش منى يا حبيبتي انا ماكنتش اعرف والله محدش قالي ، انا فكرتك يعنى..

وعد 

عادى ولا يهمك 

ماتشغليش بالك بيا ، اصلا الكلام ده بقي مش بياثر فيا خلاص ومابقتش ازعل منه ، كله نصيب بأيد ربنا 

ذهبت وعد بعد أن تاسفت منها ناديه مره اخره وهى تضع يدها على قلبها لتوقف هذه النغزات التي لا تتوقف ابدا 

جلست فى مكان قريب منها وهى تحاول ان تهدء نفسها قليلا ، تأخذ شهيق وزفير لكى تتخطه الازمه ..

اهدى ياوعد احنا المفروض اننا خلاص اتعودنا على كل الكلام ده ، فى ايه مالك ؟ 

اووووف بقاا لتنزل الدموع ك الشلال دون توقف 

هو انا زنبي ايه كل ما اخرج من البيت يعملو فيا كده كأنهم قاصدين يموتونى ، زي اللي يقولك دى مش بتحس مهما قولنا مش بياثر فيها فنضغط نضغط نضغط عليها لحد ماتفرقع ويخلصو منها ويرتاحو

هو انا ذنبي ايه علشان يعملو فيا كده ؟ أنا لو بايدى كنت اتجوزت من زمان وريحتهم خالص بس مش بايدى مش بايدى والله ، يارب انا خلاص تعبت ، يارب انت يارب رب المستحيل يارب عوضني يارب او خدنى عندك وريحنى من الدنيا وناسها يارب ساعدنى انا خلاص طاقتى خلصت ، انا مكنتش كده خالص يا رب انت عارفني بس..

بس كلامهم بياذي قلبي اوى يارب جبلي حقي منهم ، يارب خدنى عندك وريحنى منهم كلهم ..

هو لو قاصدين يموتونى بالبطيء مش هيعملو فيا كده ، ايوه بكدب ولسه هكدب عليهم أن كلامهم معدش بياثر فيا بس ده مش الحقيقه ، كلامهم بيعذبني جدا سواء قاصدين او لا بس كلامهم بيخنقني وبيخلي قلبي يوجعنى جدا يااارب 

يارب انت عالم بحالى يارب ساعدنى انا تعبت من كلامهم ونظرتهم ليا بتحرقني من جوه ، اعمل ايه يعنى ؟ احبس نفسي فى البيت وابقي زي اللي اتحكم عليه بالسجن المؤبد ولا اموتلهم نفسي علشان يستريحو خالص 

ظلت جالسه على هذه الحاله وهى تدعو الله كثيرا أن يلهمها الصبر ويبعد عنها شر نفسها وشر شيطانها فلو تركت لهم حتماً لكانت من الاموات منذ زمن طويل..

توهمت للحظات اننى مثل الجبال التى تستطيع أن تتحمل الرياح والعواصف وحتى الأمطار ولكنى بمجرد أن سقطت اشعت الشمس نحوى احترقت مثل الورقه الزابله..

لا ترمو كلاماً يظل فى صدر أحدهم ليالاً طولاً ، قد تكون جمله لم تقصدها ولكن مفعولها فى حين غره كبير ، لا بل يادى #للهلاك ،  فرفقاً بنا..

عادات إلى المنزل فى حاله لا يرسا لها لتتجه إلى غرفتها لعلها  تختبء بها من هذه الأصوات التي تلاحقها أينما ذهبت ، لتسمع والدتها وهى تتحدث فى الهاتف قائله ..

ايوه كده يابت يا ساره شاطره والله ، هى دى الخلفه اللي تشرح القلب بصحيح 

ساره 

__________________________

والدتها..

لا ياخايبه خليكى جنبها ولفيها حوليكى  علشان يوم ماتتزنقي تحتاجيها 

هفهمك انتى قوليلها ياماما ، بطلي هبل واسمعي مني علشان تعمري فى بيت جوزك ولا عايزه تجيلي بكره مطلقه وتخلي الناس تتكلم عليكى زي اختك البايره 

انتى كلمه حلوه وتعمليلها كل اللي هي عايزه علشان لقدر الله يعنى لو اتخنقتو سوا سعتها حماتك هى اللي هتقف فى صفك ياعبيطه وانتى اللي هتطلعي كسبانه فى الاخر ، وانتى لو ضمنتي امه هتضمنيه هو كمان والله وهيبقو هما الإتنين زي الخاتم فى صباعك وهتدعيلي..

تبسمت وعد على كلامها وتابعت السير الي غرفتها لتذهب إلي سريرها او العازل الزمنى كما اطلقت عليه هي لتذهب بعيداً جدا عن عالم الواقع  لعلها تستريح قليلا..

ليت الزمن كنا نستطيع أن نرجعه قليلاً للوراء لكنت وافقت على  اول شخص تقدم لي ، ليته كان بيدي أن امحي كلمة " عانس ، بايره " من قاموس المجتمع باثره..

ليتني مت قبل هذه الأيام ، ليت قلبي يتوقف عن النبض لاستريح قليلا فقد انهكت قوتي للغايه ، ليتني اذهب في سوبات عميق جدا وابقي فى هذا العالم الآخر ، ليت العالم يكن عادلاً معي ولو لمره واحده..

ليتنى لم أكن عانس 

                 الفصل السابع من هنا 

ولقراة باقي الفصول اضغط هنا