رواية اصدقاء_ولكن
الحلقةالتاسعه
هشام بحب : تتجوزيني يا شمسي ( انا ك شمس لو حد قالي يا
شمسي هجري بيه ع المأذون عدل 😂😂 )
شمس بدموع وضياع : لا لا انا منفعكش انت تستاهل واحدة احسن مني بكتير ( فقرية طول عمرك )
هشام بصدمة : ليه ليه بتقولي كدا
شمس بدموع غزيرة : انا هحكيلك
وحكتله كل اللي حصل معاها من ساعت اليوم المشئوم لحد ما قابلته بس محكتلوش عن جيمى عشان مش يزعل انه مكانش معاها ف الوقت ده يحميها وبرده عشان عارفه هو بيغير عليها ازاي
شمس : عرفت بقا انت ليه تستاهل واحدة احسن مني
هشام ساكت ومصدوم من اللي سمعه وقد ايه هي اتحملت كتير
شمس فسرت سكوته دا علي انه بيكرهها او بيفكر ازاي يسيبها
شمس ببكاء حار : متقلقش انا هعفيك مني خالص واوعدك مش هتشوف وشي تاني
وقامت عشان تمشي بس لقت حد مسك ايديها
شمس لفت وعينيها ووشها احمر من العياط
هشام وعيونه مليانه عشق : انا عمري ما هسيبك عارفه ليه..عشان انتي روحي لو سيبتك هموت .. بالنسبة لي كل اللي حصلك دا مش مهم كل دا ماضي واحنا ف دلوقتي ..ودلوقتي انا بقولهالك تاني يا شمس تتجوزيني
شمس مصدومة لانها متوقعتش ان ممكن حد يقبلها او يحبها الحب دا كله
شمس جريت علي حضنه : بحبك يا هشام بحبك يا احلي حاجة في حياتي
هشام بسعادة رهيبة : وانا بعشقك يا شمسي ياللي جيتي نورتي حياتي
وقضوا اليوم في سعادة كبيرة وفرحه
ومن هنا بدأت نقله جديدة ف للرواية بتاعتنا
حسام وجاسمين اتخطبوا وكان يوم خطوبتهم من اجمل الايام
هشام مبيفارقش شمس وعاهد نفسه انه مش هيخلي دموعها تنزل تاني
والايام بتمر
وهشام قال ل شمس انه هيسافر في شغل وراجع خلال اسبوع
وفي يوم من الايام باب شقه شمس وجاسمين خبط
شمس : قومي يا جيسي افتحي انا مكسلة
جاسمين : مش فاضيه بعمل سيرش ع النت
شمس بتافف : يووه خلاص هقوم
شمس فتحت الباب واتصدمت
نسيبها مصدومة شوية ونروح للناس اللي محدش طايقهم
👤 : انت هتفضل سايب البت اللي اسمها شمس دي
👥 : متقلقش انا بدبرلها حاجة تخليها تتمني الموت
👤: الله عليك يا ملك التخطيط
نرجع ل شمس بقا
شمس بصدمة وفرحة ف نفس الوقت : ماماااا
منال حضنتها: وحشتيني اوي يا شمس وحشتيني
شمس : وانتي اكتر يا ماما انا من غيركم مش عايشه
احمد : وادينا جينا اهو
شمس : احلي مفاجأة في حياتي والله انتو روحي
هشام جه من ورا احمد
هشام : ايه يا حجه راعي مشاعري شوية
شمس بتفاجأ وصدمة وتوتر : ههههشام انت بتعمل ايه هنا
ضحك هشام واحمد ومنال
هشام : اومال مين كان هيعرف حمايا وحماتي بيتك يعني
شمس بعدم فهم : يعني ايه
احمد : هشام جه مصر وطلب ايدك مني وحكالنا كل حاجة وانا وافقت
شمس بصدمة : كل حاجة كل حاجة
هشام غمزلها : اه كله ما عدا الحضن اللي حضنتهولي دا
احمد بيمثل انه اتصدم مع انه عارف : اه قلبي ياللهوووووووول ( بصوت يوسف وهبي )
شمس بضحك : هي مرة واحدة بس يا بابا م الفرحة
احمد : اذا كان كدا ماشي ( بصوت مصطفي شعبان )
ودخل هشام واحمد ومنال وشمس لسه هتقفل الباب
جيمي طلع ف وشها : انتي بتقفلي الباب ف وشي لا طلقيني بقا
شمس حضنته جااامد : وحشتيني يا جزمة وحشتني عامل ايه
جيمي : انتي اكتر يا شموس والله
هشام راحلهم بغيره حقيقة وغضب مصطنع لانه عارف علاقتهم ببعض وعارف تعلق شمس بيه
هشام : ايه يا عم انت استحليتها ولا ايه دي خطيبتي انا
جيمي : طب تيجي نبدل اصل بصراحه منه مطلعه عين اهلي
منه من وراه : كدا طب وربنا لاوريك يا جيمي الكلب
شمس اول ما شافتها سابت جيمي وحضنتها : منووووووووش
منه : وحشتيني يا شيكو قلبي يا ام عيون قهوة انتي
شمس : ياااه لسه فاكره الاسم دا
هشام شد شمس : ايه يا ست انتي مشبعتيش احضان
كلهم ضحكوا علي غيرته
ودخلوا وقعدوا وفضلوا يهزروا كتييير
هشام : بما اننا كلنا هنا ف انا عايز اقول حاجة
احمد : قول يبني
هشام انا قررت انا وشمس ننزل مصر
شمس بصدمه : لا لا يا هشام ارجوك بلاش
هشام : متخافيش يا حبيبتي انا معاكي ومش هسيبك
جيمي صفر : الله ع الرومانسية اي يا ست شمس انتي جننتي الواد ع الاخر
هشام خبطه ف جمبه : انت لو مسكتش هتكمل الاسبوع ف المستشفي
جيمي : لا يا عم والنبي دا انا داخل علي جواز
منه ضحكت : خلاص ي عم ابعد عن خطتشيبي كدا بس بدل ما اشقك
جيمي بيمثل الصدمة : اي دا مين دي لا يا عم انا مليش دعوة انا عايز حبيبتي مش روحيه معدمكش دي
منه : لو مش عاجبك طلقني ( بصوت احمد حلمي )
اتش : اي رأيك ي جيمى نعمل الفرح سواا واصلا صحابنا واحد
جيمى : والله ي اتش اشطااا واهو نوفر برده
شمس بصدمه : ثانيه واحده كده انتوا تعرفوا بعض اصلا صحابكم واحد ازاي
اتش وجيمى بصوا لبعض وبعدين بصوا لها وضحكوا
اتش : انا هقلك ي ستى
فلاش باااك
اتش وهو ف المطار
شمس : متتاخرش عليا ي هشام
اتش : ي حبيبتي والله مش هتاخر
شمس :طب ما تقول انت رايح فين وخدنى معاك
اتش : مش هينفع اقولك لما اجى هقولك كل حاجه
شمس : انت اكيد رايح لمراتك ولا خطبيتك اللى هتتجوزها عليا
اتش وهو بيضحك : ي روحي انتي جوزتينى امتى بس انتى عارفه انا مليش غيرك يلا باي بقى
شمس : ماشي بس خالى بالك من نفسك وحضنته ومشيت
هشام وهو بيكلم حد ف الفون بعد ما شمس مشيت : اي ي ابنى كده مش تسأل عليا خالص بقالك اسبوع
👤: والله البت مطلعه عين اللى جابونى
اتش بضحك : ي عينى ي ابنى خلاص ي عم انا هاجى ادافع عنك
👤بعدم تصديق : انت بجد جاي
اتش: ايوا ي عم يلا باي بقى عشان الطياره واعمل حسابك تيجى تاخدنى من المطار
👤: ماشي ي عم مستنيك
وقفل اتش الفون وركب الطياره ووصل ارضه ارض مصر بعد غياب طويل (ي رب رد كل مغترب لبلده سالم من كل شر 🤲)
اتش ف المطار وبيحاول يكلم الشخص المجهول ده بس مبيردش وفجأه يلاقى حد بيجري ويحضنه من ضهره زي ما كانوا صغيرين فابتسم براحه
اتش وهو مبتسم : هتفضل طول عمرك اهبل وبتحب انك تحضنى من ضهري
👤: انت عارف انا بحب الحركه دي ليه
اتش : عشان بنحس اننا ضهر وسند لبعض
👤: يبقى مش تتريق
لف اتش وهو بيضحك للشخص اللى وراه وها هو الشخص ده يطلع مين جيمى ابو الصحاب
جيمى وهو بيحضن اتش جامد وبيعيط : وحشتني اووووي
اتش بدموع : وانت كمان ي جيمى اخيرا شوفتك انا اخر مره شوفتك كنت بخدود ي ابنى
جيمى : انت اخويا ي هشام مهما كان اللى بينا انت هتفضل اخويا
اتش وهو بيحضنه جامد : انا عارف ده المهم قولى مامتك عامله اي
جيمى : اهو لسه زي ما هى مش قادره تتقبل الفكره وانا مش عارف اعمل اي ي هشام
اتش : معلش يلا بقى نروح الفندق عشان انا لسه مكلمتش حد ينضف لى الفيلا
جيمى بحزن : طب ما تيجي البيت عندي
اتش بتنهيده : مينفعش ي جيمى عشان طنط مش تدايق من وجودي
جيمى بحزن ودموع : مش بايدي ي هشام والله انا لو عليا مش عايز اسيبك لوحدك
اتش : انا عارف يلا بقى عشان ف مشوار مهم لازم اعمله
جيمى : مشوار اي ده
اتش بابتسامة هاديه : هخطب
جيمى بفرحه وصدمه ف نفس الوقت : البت الدكتوره اللى انت مش عايز توريهالى
اتش بضحك : ايوا هى بس هتشوفها قريب
جيمى :ماشي ي عم ع العموم انا كمان هتجوز
اتش بفرحه : ي بختك ي عم المهم مرات اخويا عامله اي
جيمى : اسكت ي هشام مطلعه عين اللى خلفونى
اتش : احسن احسن تستاهل
جيمى : طيب ي اخويا يلا نروح الفندق تريح شويه وبعدين تبقى تروح لأهل البنت الغامضة دي بالليل
اتش: تمام
وفعلا راح اتش الفندق وبالليل فات عليه جيمى واخده للمكان اللى هو عايزه من غير ما يعرف انه بيت الناس اللى بيعتبروه ابنهم وهو بيعتبرهم اهله
(طبعا إنتوا مش فاهمين حاجه واي علاقه اتش بجيمى انا هفهمكم بصوا اتش وجيمى اخوات ايوا اخوات طبعا هتسالوا ليه بيقول ع ام جيمى طنط مش ماما انا هقولكم اتش وجيمى اخوات من الاب بس مش من آلام اتش هو الكبير بس ماما جيمي لما اتجوزت مكنتش تعرف انه بيحب واحده تانيه اللى هى مامه اتش فاتجوزته وبعدها كان عندها مشكله انها مش بتخلف فابوهم اتجوز البنت اللى هو بيحبها وخلفوا هشام وبعدها ماما جيمى اتعالجت وجابت جيمى وطبعا فضلت متعرفش حاجه عن هشام او مامته بس لما اتش كان عنده حوالى ١٦ سنه مامته ماتت فاضطر ابوهم انه يقول الحقيقة لمامت جيمى بس هى رفضت الموضوع وفضل هشام مع والده ف البيت لوحدهم وطبعا بيقسموا الوقت بين هشام وجيمى ومامته لحد ما ابو هشام وجيمى اتوفى وهما في الكليه وفضل هشام لوحده لحد ما خلص الكليه وبعدها سافر اما جيمى فضل مع مامته لحد دلوقتي طبعا هتسالوا ازاي بيقوله ان جيمى بيحب حركه انه يحضنه من ضهره من وهما صغيرين فطبعا انا اللى هقولكم بصوا ابو اتش وجيمى كان حابب ان ولاده يعرفوا بعض ويحبوا بعض فمكنش ينفع انه يقول لام جيمى الحقيقه فكان بياخد جيمى كل يوم جمعه من كل أسبوع ويقضوه سواا وطبعا كان قايل لجيمى مش يقول لمامته وخصوصا انه مقالوش عن الموضوع ده الا لما كبر يعنى كان عنده حوالى ٨ سنين وبس كده )
ف عربيه جيمى بالليل
اتش : انا مش عارف انت مش راضي تيجى معايا ليه
جيمى :بردهالك انت مردتش تنزل مصر عشان تروح معايا وانا بخطب +انت روح اتكلم معاهم وانا هاجى المره اللى جايه
اتش : ماشي ي عم انت هتروح فين دلوقتي
جيمى : انا هروح ل( قطع كلامه صوت الفون)
اتش : خلاص اتكلم ولما اخلص هرن عليك عشان تيجى تاخدنى واعرف انت كنت فين
جيمى :تمام
ومشى اتش بعد ما نزله جيمى ع اول الطريق اللى أصر انه ينزله هنا عشان يروح لأهل شمس بس طبعا ميعرفش ان وجهتهم واحده
جيمى وهو بيبتسم :انا كنت لسه هاجى لكم
منال : طب ي حلو بقى طالما انت جايلنا هات معاك الطلبات دي من السوبر ماركت وانت جاي
جيمى :حاضر ي ستى بس كده انت تؤمر ي قمر والله تعرفى ي منول انا لو مكنتش خاطب البت اللى اسمها منه دي وانتى متجوزة كنت اتجوزتك
منال وهى بتضحك: انت حبيبي ي جيمى
احمد من جنبها : غور ياض بدل ما اعورك
جيمى : اي ده ابو حميد جنبك مش تقولى ي حبيبتي بدل ما اجى الاقيه بيضربنى بالسكينه ولا حاجه
منال :يلا ي بكاش هات الحاجات وتعالى بسرعه تتعشى معانا
جيمى :طالما فيها عشا يبقى هاجى لك هوا
منال : طيب ي حبيبي خالى بالك من نفسك لا إله إلا الله
قفل جيمى مع منال وأحمد اللى كانوا لسه هيتكلموا بس قاطعهم الباب
منال :خير ي رب ي ترا مين اللي هيجى دلوقتي
فتحت منال فتلاقى قدامها شاب قمر كده
اتش :مساء الخير
منال باستغراب :مساء النور خير مين حضرتك
اتش :ده منزل والد الأستاذة شمس صح
منال باستغراب اكبر : ايوا خير
اتش :أنا أسمى هشام وكنت عايز اقابل والد شمس
منال :اه طبعا اتفضل بس هو انت تعرف شمس
اتش باحراج :اه ايوااا اعرفها
منال بخوف:هى بنتى حصلها حاجه
اتش : لا لأ مفيش حاجه حضرتك انا اللى كنت محتاج والدها ف موضوع بس يعنى
منال : طيب اتفضل
دخل اتش وسلم ع والد شمس واتكلم معاه وقاله انه عايز يتجوز شمس طبعا منال وأحمد استغربوا ان شمس مش اتكلمت عنه قبل كده ولا حتى لجيمى لانه ببساطه بيقولهم كل اللى هى بتقوله له
احمد ومنال ف صوت واحد :بس ف حاجه انت لازم تعرفها بخصوص شمس
اتش بصلهم :انا عارف كل حاجه ولو ع اللى حصل معاها زمان ف انا مش فارق معايا انا متقبلها بكل حالاتها ومش هيفرق معايا الماضي
احمد ومنال بصوا لبعض
احمد :بص ي ابنى انت دخلت البيت من بابه وده عجبنى فيك ومبدايا انا موافق
اتش بفرح: بجد ي عمى انا متشكر جدا لحضرتك وانا اوعدك انا هحطها ف عنيا
منال :بس ف حد لازم ناخد رأيه غيرنا احنا وشمس
اتش بصلها باستغراب بس احمد بصلها وفهم هى تقصد مين فابتسم
احمد :عندك حق لازم ناخد رأي محمد وده حقه علينا
منال :هو زمانه ع وصول
اتش :مين محمد
منال :محمد ده (قاطعها صوت الجرس)
منال بابتسامه :اهو وصل واتعرف عليه بنفسك
قامت منال تفتح وفعلا لاقته جيمى فحضنته بفرح واخدت منه الأكياس وقالت له ان ف مفاجأة جوا
جيمى :طب خدي الحاجات دي وانا ادخل اشوف المفاجأة
منال :هات ي حبيبي
دخل جيمى ولسه هيتكلم اتفاجئ بهشام
اتش بصدمه :جيمى انت اي اللى جابك هناا
جيمى بصدمه اكبر :انت اي اللى جابك هنااا
منال وأحمد بصوا لهم وقالو ف نفس الوقت :انتو تعرفوا بعض
اتش وجيمى ف نفس الوقت :ده اخويا
احمد ومنال باستغراب : اخوك انت مقلتش ان عندك اخ ي جيمى
اتش :اه ي زفت بتتبرا منى
جيمى بضحك :يعنى انت اللى قلت المهم حد يفهمنى ف اي واي اللى جابك هناا انت مش رايح لأهل البت الغامضة بتاعتك دي عشان تخطبها
اتش :ما هو انا فعلا عند أهل البنت الغامضة دي عشان اخطبها
جيمى بعدم فهم :يعنى اي
احمد :هشام جاي يخطب شمس ي جيمى
جيمى بص لمنال :هى دى المفاجأة
منال :ايوا ممكن بقى تفهمونا اي حاجه
اتش وجيمى :تمام
وفعلا قالو لهم كل حاجه عن حكايتهم وليه محدش يعرف انهم اخوات
اتش :دلوقتي بقي دوري افهم اي علاقه جيمى بيكم وبشمس عشان تاخدوا رأيه ف موضوع الجواز
جيمى :هى شمس مش قالت لك
اتش :لأ
منال: انا هحكى لك
وفعلا حكت له كل حاجه واي علاقه جيمى بيهم وازاي وقف جنبهم
اتش بفخر وهو بيبص لجيمى :انا مش عارف اقولك اي ي جيمى انا بجد فخور بيك انت اخويا وسندي وحافظت ع حبيبتي من غير ما تعرف انها هتقابلنى حتى ولا هحبها
جيمى :متقولش كده ي اتش انت اخويا وشمس اختى من قبل ما تكون مرات اخويا او حتى تكون حبيبتك وتشوفها وتحبها
اتش :طيب كده تمام انت ي عمى موافق وكذلك شمس وانتى ي طنط وجيمى اللى كنتوا مستنين رأيه هيوافق بمزاجه او لأ
جيمى وهو بيبص له وبيحط رجل ع رجل :لأ ي استااا القرابه اللى بينا دي مش هتتوسط لك شمس اختى وانا لازم افكر واسأل عنك واعمل تحرياتى
اتش وهو بيبص لأحمد :ايوا ي عمى الواد ده ولا كأنه قال حاجه انت رايك بقى كتب الكتاب امتى
منال بضحك:ي ابنى مش لما جيمى يقول رأيه ونشوف شمس
اتش :رأي جيمى من رأي عشان انا الكبير وشمس موافقه يلا كتب الكتاب الاسبوع اللى جاى
ضحك احمد ومنال وجيمى واتعشوا سوا وروح اتش ع الفندق وجيمى ع البيت بعد ما اتفقوا انهم يسافروا الصبح وطبعا محدش يقول حاجه لشمس عن الموضوع ده نهائي
بااااااااااك
شمس :امممم يعنى انت والواد ده اخوات وانا معرفش واتفقتوا ع كل حاجه وانا معرفش برده
اتش :اينعم
شمس :وانت ي زفت ياللى اسمك جيمى كلمتنى الصبح ومقولتليش حاجه لا وكمان بتقولى مبروك ولما سألتك ع اي قولت لى متاخديش ف بالك وكدبت عليا
اتش :اومال لو عرفتى كان بيقول عليكى اي قبل ما يعرف انك العروسة هتموتيه
شمس :كان بيقول اي
جيمى :متقولش
اتش :هقول
جيمى :ابوس ايدك متقولش
اتش بضحك :لأ هقول وبص لشمس وقال :كان بيقول عنك العروس المجهوله وبعدها غير الاسم وكان بيتخيلك وحشه فسماكى راس المعزه
شمس وهى بتجري ورا جيمى بالشبشب :خد ياض بقى انا راس المعزه ياض
جيمى بضحك :الله وانا مالى ي لمبى مش هو اللى مرداش يورينى صورتك ال اي عايزها تبقى مفاجأة
وطبعا هى بتجري وراه بالشبشب واحمد ومنال واتش ومنه بيضحكوا
وقضوا بقيت اليوم ف هزار وضحك
وتاني يوم
شمس اول ما صحيت بصدمة : ينهار اسود
كااااااااااااااااااات+ي ريت توقعاتكم بقى وهل الفرحه دي هتستمر ولا هيحصل حاجه تبوظ الدنيا وتنهى الفرحه دي من قبل ما تبدأ