رواية اصدقاء ولكن
الفصل السادس6
بقلم شمس جمال
شمس: يلا ي جاسمين بسرعة ومسكت ايد البنى آدم اللي جنبها بس حست أن دي مش ايد جاسمين
شمس ف سرها :هى ايد جاسمين اتغيرت كده ازاي وتلف شمس تشوف مين اللى جانبها واوووووبس دي مش جاسمين وي قلب امها لقت حاجة كبيرة كده بس حلوه اووي لقت واحد طويل شعره طويل وعيونه عسلى وتخبل كده يلاهووووي يعنى من الاخر كده حاجة لوز اللوز
شمس فاقت من شرودها وقالت اانا اااسفه جدا والله بس لقت هشام بيبصلها افتكرت انها هنا ف لندن مش في مصر يعنى المفروض تتكلم انجلش خبطت رأسها بايديهاا واوووووبس وقالت I am so sorry
اتش : no problem بس انتى ممكن تتكلمى معايا عربى انا مصري
شمس :اه طيب شكرا عن اذنك وجات تلف كانت هتقع وطبعا الهيرو بتاعنا مسكها
هشام :انتى كويسة
شمس :اه اه كويسة شكرا ليك تانى ومشيت شمس وقابلت جاسمين
شمس :اي انتى اتاخرتى كده ليه كل ده في التواليت
جاسمين :أي اهدي اي كل ده مالك متلغبطه كده ليه ووشك احمر كده ليه
شمس :تعالى بس نمشى بسرعة وانا هقولك وحكت لها اللى حصل
جاسمين : اه
شمس :انتى بقى اتاخرتى ليه
جاسمين :هقولك فلاش بااك صغير كده نعرف اي اللى حصل مع جاسمين
جاسمين ماشية ناحية التواليت وفجأة لقت حد خبط فيها واتكب عليها عصير وقهوه والهدوم باااظت
جاسمين : are you crazy
👤: I am so sorry
جاسمين بصت لقت حاجة كده خيال شعر بنى وبشره بيضاا اوي وعيون بنفس لون البحر والسماا وجسم رياضى
جاسمين في سرها يلاهووي ي جدعان اي القمر ده يخربيت حلاوتك
جاسمين : no problem وجات تمشى بس مش عايزة تمشى بس للأسف كان لازم تمشى 😶 وراحت التواليت وظبطت لبسهااا وخرجت لشمس و بااااااااك
جاسمين : بس ي ستى ده اللى حصل وقطع كلامهم تليفون شمس اللى آن شمس لقت منه هى اللى بترن ردت وده كان فيديو كول
شمس : منه عامله اي وحشتيني اووي اوووي
منه : وانتى كمان وحشتيني اوووي انا تمام وانتى
شمس :انا كويسه اووي وبصى كمان مين جنبى ولفت الكاميرا لجاسمين وقالت جاسمين دي منه صاحبتى اللى حكيت لك عليها و منه دي جاسمين معايا ف السكن واتعرفوا على بعض
منه : بصى من معايا ولفت الكاميرا لقت جيمى النوتيلا
شمس :هييييييه جيمى وحشتنى اووي انت بتعمل اي مع منه ياااض
جيمى ضحك : وانتى كمان وحشتيني ي مجنونه اوعى يكون حد زعلك والله اخد اول طيارة وأجى لك
شمس : لأ محدش زعلنى ده احنا رجاله اوووي متقلقش قولى بقى بتعمل اي مع منه
جيمى : صاحبتى ي اختى اي بخرج معاها براحتى ملكيش فيه وأخرجى انتى منها
شمس :ماشى ي عم يساهلوا ورينى منه كده
منه : قامت قعدت جنب جيمى وقالت انا جيت لك اهو
شمس : خالى بالك من الواد ده انا عارفاه عينه زايغه
منه :حاضر هخلى بالى وانتى كمان خالى بالك من نفسك
شمس: حاضر وانت ي عم جيمى خالى بالك منها بدل ما اسيب البعثة وأجى اديك بالشبشب انت عارف هى اختى خالى بالك منها زيي بالظبط بدل والله انت حر
جيمى : متخافيش ي شموسه يلا بقى بااي هوينا بقى كده الخروجه هتخلص
شمس :لأ ي عم ميرضينيش انها تخلص يلا باي ي منه هكلمك بعدين عشان الواد ده هياكلنى يلا باي
جيمى قفل مع شمس وبص لمنه لقاها بتعيط
جيمى :اي ده انتى بتعيطى ليه مالك
منه : شمس وحشتنى اوووي انا مكانش ليا غيرها هى صاحبتى من زمان ومليش صحاب غيرها
جيمى: اومال انا قفص جوافه يعنى
منه ضحك وقالت لأ بس هى كانت اختى انت مش اختى صح
جيمى : اعتبرينى اختك بس اوعى حد يعرف الموضوع ده يقولوا عليا اي هتفضح كده ي مصيبتك ي جيمى اخرتها بقيت اختها مكنش يومك ي اخويا
منه ضحكت : ماشى ي اختى ده انا هفضحك
جيمى : يبقى عليه العوض يلا بقى عايزين نخرج اي رايك نروح دريم بارك
منه : هييييييه الله هتودينى دريم بارك بجد هييييييه
جيمى : اي انا هاخد بنت اختى ي مصيبتى السودا يانا ي اما اخرتها اتدبس ف واحدة هبله طب مفيش دريم بارك اي رايك بقى
منه : نعم ي روح امك وحياة امى اللى ف البيت دي ما يحصل
جيمى بصدمه : ي نهار اسود اي ده انتى بتردحى لى أبقى ورينى مين هيوديكى دريم بارك بقى
منه ومسكت دراعه :لأ والنبى ي جيمو ده انا منه زي بنت اختك حتى وحياتى ي جيمى
جيمى :خلاص متزعليش بس اخر مره جعفر اللى جواكى ده يطلع معايا ماشى
منه :نعم ي اخويا مين دي اللى جعفر ده انت ليلتك مش هتعدي
جيمى بصلها :تانى تانى طب مفيش دريم بارك
منه :خلاص خلاص والله آخر مره
جيمى :ماشى يلا ي اختى اما نشوق اخرتها اي معاكى
مشيوا منه وجيمى راحوا دريم بارك ي بختهم وانا محبوسه في البيت
نروح عند شمس
جاسمين :مالك في أي
شمس :ماما وبابا وحشوني اووي
جاسمين :حبيبتي مش تزعلى قطع كلامهم صوت فون شمس ولقت اللى بيتصل مامتها ردت بسرعة
شمس :ماما وحشتيني اوي وبابا كمان هو فين
منال وأحمد :احنا كويسين انتى عامله اي (نسيبهم بقى ونروح مكان تانى مش بحبه)
🧑:انت عرفت ان البت اياها سافرت
👦:اه عارف بس هتروح منى فين انا لو عايزها دلوقتي ممكن أروح لها حالا واعمل اللى انا عايزه ومحدش هيقدر يمنعنى ويبقى الظابط ده يورينى هيعمل اي بس انا مش عايزها دلوقتي
🧑:ليه مش فاهم اي اللى ف دماغك
👦:عايزها تنسي وبعدين ارجع أفكرها تانى لما ترجع عشان تبقى عبره لأي واحدة تتخيل بس انها ترفضنى وتقولى لأ
نسيب المكان اللى انا اصلا مبحبهوش ده وتعدي الايام والسنين و شمس قربت تتخرج وهى وجاسمين صحاب اوي وجيمى ومنه بقوا صحاب وع طول بيخرجوا ويكلموا شمس ومنال وأحمد كذلك
ومحدش يعرف مين الاتنين المجهولين اللى بيتكلموا دول (غيري طبعاا)
وشمس مش بتنزل مصر خالص بس منال وأحمد بيسافروا لها ومنه وجيمى معاهم طبعا ويجى يوم التخرج بس احمد ومنال ومنه وجيمى قالوا لشمس انهم مش هيقدروا يروحوا لها عشان جيمى واحمد عندهم شغل وطبعا شمس زعلت جدا انهم مش هيبقوا موجودين ف يوم زي ده
شمس ف سرها ياااه عدت الايام دي كلها وانتى خلاص هتتخرجى تعبتى كتير اووي عشان اللحظه دي بس خلاص هانت بس انا كنت عايزه امى معايا وكانت هتعيط بس حست أن ف حد حط ايده على كتفها بصت لقت منال ووقفت
شمس بصدمه :ماما ازاي انا اكيد بحلم لأ انتى قولتى مش هتيجىمنال :مقدرش اسيبك ف يوم زي ده طبعا ي روحى هو الواد جيمى قالنا نعملها لك مفاجأة
شمس :جيمى طب والله مش هسيبه لما اشوفه الزفت ده
جيمى من وراها وهو بيقفل الباب :انا سامع حد بيجيب سيرتى صح
منه وهى بتجري عليه :هو انا عندي كام زفت غيرك وحضنته وحشتنى اووي ي جيمى كده أهون عليك ي جيموو
جيمى :والله دي فكرة البت منه هى اللى قالت نعمل كده
منه من وراه :بقى بتدبسنى ي معلم
شمس وهى بتسيب حضن جيمى وراحت لمنه وبتحضنها :وحشتيني اوي ي كلب البحر انتى
منه :قصدك دكتوره ي عنيا انا اتخرجت قبلك
شمس :برده هتفضلى كلب البحر بتاعتى
جيمى وهو بيمثل العياط :كده ي شمس تسيبى حضنى وتروحى لجعفر دي
منه :مين دي اللى جعفر ي عنيا وحياه امى ماانا سيباك
شمس وهى بتضحك :خلاص خلاص عشان خاطري انا ي منه سيبيه
منه :عشان خاطرك انتى بس ي شمس
جيمى :برده جعفر وطلع يجري الجبان
وكااااات بس بقى انا تعبت من الكتابة + توقعاتكم ي ترا اي اللى ممكن يحصل هل اليوم هيعدي على خير ولا لأ توقعات كتير بقى مين الاتنين المجهولين اللى بيتكلموا دول + شمس حياتها هتتحسن ولا لأ وجيمى ومنه مصيرهم اي وهل ف حب ممكن يدخل حياة حد منهم وجاسمين والمجهول هيتقابلوا ولا مجرد صدفه وهل هتحب واي هيحصل معاها اسأله كتير هنعرف اجابتها بعدين
بااااااااااااااااي