رواية العواطف تقهر العواصف الفصل الحادي عشر11 الثاني عشر12 بقلم نورا محمد على
كان يسير من جوارها وينظر لها بغضب
لكنه يعتصر قلبه الغيرة
هي نفسها لم تعرف معني النظرة او ماذا تعني ولكنها تحمل من خيبة الامل مايكفي
ام هو شعر انه مكبل لأول مرة قد يفكر في استغلال قوته هو لا يريد الآن شئ أكثر من ان يرجع الي ذلك المدعو رامي ليعيد هيكلت وجهه
وهي أيضا قد ينوبها من غضبه نصيب
ام هي كأن ما يشعر به من غضب انتقل إليها بالايحاء نظرت الي رامي بغضب
رامي انا عاوزك ...
نهال انت عارف يا أخ انت لو مبعدتش من قدامي المرة دي مش هكسر ايدك انا هكسر رقبتك
رامي انا بس كنت عاوز اعتزر منك
عفاف أشارت لها في حاجة
نهال هزت رأسها بالنفي وأشارت لهن ان يدخلن المحاضرة
نهال خلاص عن اذنك
رامي يعني انت مش زعلانة
نهال الموضوع مش في دماغي اصلا انت غلطت وخدت جزائك والرسال كانت مش ليك لوحدك كانت للكل اني مش هتهاون ممكن اسمعك بتتريق من بعيد انت او غيرك تقول فلاحة ريفية متخلفة برحتك لكن تمد ايدك يبقي بتلعب في عداد عمرك
رامي طيب ايه
نهال في ايه في كلامي مش فاهمه الموضوع مش شاغلني عن اذنك عشان المحاضرة
رامي أيوة طبعا اتفضلي
كانت تسير لتدخل الي المحاضرة
ولكن نظرت ذياد صدتها
كانت تهم ان تدخل طرقت الباب ولكنه قال
ذياد انا مفيش حد بيدخل بعدي
نهال انا اسفة...
ذياد انت لو مهتمة اكيد كنت هتبقي موجودة قبل دخولي
نظرت له لتجده جاد حتي اللعنة وقلبها يقول والله متناقض بقي دا اللي كان بس من ساعة بيمرني
كانت واقفة للحظة وداخلها تلعن رامي علي اللحظة التي وقف فيها أمامها
ذياد اتفضلي كملي اللي كنتي بتعمليه يمكن يكون مهم اوي ليكي كان يضغط علي كل حرف
حنان بهمس لعفاف أقسم بالله بغير لا مش بيغير بيموت كل دا عشان شافها واقفة مع رامي
عفاف اخرسي بدل ما يمنعك من دخول المحاضرات لاخر السنة
حنان تصدقي اذا كان يكلمها هي كده والحب بينطق في عنيه
عفاف اخرسي
نهال زي ما تحب يا دكتور نظرت الي عفاف وقالت بهمس اكتبي المحاضرة وأشارت الي انها ذهابه
حتي عفاف لم تعلم ماذا تعني باشارتها انها ستذهب
ولكنها خرجت من الجامعة كلها وهي تشعر باهانته وهي تقول والله انا اللي غلطانة اصلا انا ازاي ما تردش عليها وقوله لسه ٥ دقايق علي المحاضرة
ام هو كان يتكلم بحدة يشرح ولا يناقش يتكلم ولكن لا يري أمامه أحدا من الجالسين يستمعون له
انه لا يراي سوي هي
وهي تتكلم مع ذلك الذي نفت انه يهمها
سأله احد عن سؤال ولكنه بدل ان يرد مثل كل يوم
ذياد ما هو انت لو مركز كنت فاهمت
لكن انتوا مش جاين تدرسوا انتوا جاين تتسلوا امال لما نبدأ عملي وتشتغلوا علي الات مصانع ضخمة هتعملوا ايه
عبدالله يا دكتور انا فاهم بس في نقطة مش واضحة
رد عليه باختصار بعد قليل انتهت المحاضرة
وخرج وهو يغلي لما يشعر بهذا الألم لما يريد أن يراي رامي ليفرغ فيه هذه الشحنة من الغضب و ليس رامي فقط بل كل من يقترب منها
دخل الي قاعة التمرين خلع عنه ملابسه وارتدي شورت ملاكمة و خرخ يتمرن بحدة
مخرج كمية العنف المكبوت داخله علي الرسن حتي كاد أن يتمزق
ام عفاف كانت تذهب هي وحنان الي الكافتريا
وهي تحاول ان تتصل ب نهال التي لم ترد لانها لم تسمع فلقد كانت تجعل التلفون صامت
التفتت لترد علي حنان لتجد من يخبط فيها
كمال مش تفتحي بصي قدامك وانتي ماشية
حنان هي اللي تفتح ولا انت ايه ابقي بص قدامك
كمال دا اللي هوا انا
حنان لا خيالك
عفاف خلاص يا حنان اهدي انا اللي غلطانة
حنان اسكتي انت يا عفاف دا بيستعبط
كمال انا بستعبط انت سنة كام
عفاف اسفة حضرتك عن اذنك
نادي عليه أحدهم دكتور كمال انا سلمت البحث في مكتبك
كمال تمام هشوفه
ثم نظر لعفاف بابتسامة خفيفة وقال حصل خير يا انسة ونظر ل حنان وقال اهدي شوية
حنان اسفة يا دكتور
كمال ابتسم ونظر لعفاف مرة اخري ثم ذهب
حنان هو في ايه
عفاف ايه
حنان الراجل دا بيبص ليكي كده ليه
عفاف كده اللي هو ازاي
حنان اللي هو نظرة فابتسامة فاعجاب
عفاف ههههه انت رايقة تعالي تتصل ب نهال تاني
في الوقت الذي كانت فيه السيارة تتحرك ب نهال الي المنصورة
. بعد وقت شعرت بهزة في حقيبتها
اتصلت هي عليهم
عفاف انت فين يا بنتي
نهال انا مسافرة
عفاف ليه وايه اللي حصل
حنان افتحي الاسبيكر
نهال والله ما عارفة دا عند شوزفرنيا فعلا
حنان بيغير
نهال علي أساس أن في حاجة وبعدين انا مش بفكر في الكلام دا
حنان علي يدي
عفاف انت وقفتي ليه مع رامي انت مجرد انك قولتي سامحه كان هيكلك
حنان انت بتقولي فيها وقضمت قضمه من التفاحة في يدها
نهال انا مش وقفت هو اللي وقف قدامي حاولت امشي اتحرك أقدامي مرة تانية
حنان وهي تبلع الطعام وكان عاوز ايه سي زفت
عفاف ابلعي اللي في بوقك الله بقرفك
حنان بلعت يا ختي كان عاوز ايه يا ختي انت كمان خليتي ذياد بيقول يا شر اشتر ومش طايق نفسه واي حد يكلمه ياخد في جنابه
نهال وكل دا ليه يعني رامي كان عاوز يعتزر
حنان لا يا هبلة خلي بالك اللي اسمه رامي دا بيرسم عليكي ام بقي ذياد ورد فعله وحكاية كل دا ليه بطلي تستهبلي دا انت عملتي اللي محدش قدر عليه دا البنات هتتهبل ويبص ليها
عفاف اهدي يا حنون وانت ايه اللي خلاكي تسافري مش كنا هنسافر بكرة
نهال اتخنقت ما كنتش متوقعة ان يقولي كده دا لسه الصبح كان بيمدح في اسلوبي في الضرب وكمان امبارح لما رحت اشترك في الجيم كان بتاعه ورفض ادفع حاجة وعملي الاشتراك مفتوح
حنان شوفتي البت اقولها امبارح الكوتش جه تقول لا
نهال طيب هو مش جه فعلا
عفاف سارحانة في ايه عاوزة انام
حنان يا سوسة سلمي علي الحاجة عالية وقولي ليها يدوم العز عاوزين مكرونة بشاميل المرة دي
عفاف اه يا طفسة نهال اتصلي بماما قبل ما توصلي عشان متقلقش وقولي ليها هي محاضرة بكرة قلت اجي اقضي يوم معاكي
نهال ما اللي هيحصل ياله سلام لما اوصل هكلمكم
بعد وقت كانت تقف علي الباب
عالية حبيبتي اتاخرتي وأختها بالحضن
نهال وحشتيني
عالية في اية
نهال طيب ادخل وبعد وقت كانت تنهي ما تقوله لامها
عالية ممكن يكون عاوزك قدوة زي ما قال وممكن يكون بيعتبر اخته او
نهال او ايه
عالية ايه لا ولا حاجة وبعدين انت مش قولتي ليا علي اللي حصل قبل كده واللي عمله رامي ليه
نهال كنت مش عاوزاك تقلقي
عالية في حاجة تانية عاوزة تقوليها يا نوشة تعالي نجهز الاكل
سارت معها وقالت لا بس امال تيتا فين
عالية ابن عمك جه خدها امبارح وقال هيجبها الجمعة نوشة هو ذياد دا قد بابا
نهال لا
عالية عنده اولاد
نهال لا اللي سمعته انه مش متجوز
عالية طيب دوقي كده
نهال تسلم ايدك يا لولا البنات عجبهم الاكل وحنان بتقولك تسلم الايادي
الام الف هنا هجهز ليكي اكل وانت مسافرة
نهال ياريت بشاميل حنان طالبها
الام عنية ليكي ولصحابك
نهال ضمتها نهال وقالت تسلم عينك وايدك وقلبك يا لولا
بعد قليل رجع الاب ضم ابنته وجلس معها بعد الطعام حكت له ما حدث معها وعن رفضه لأخذ الاشتراك وما قاله
فتحي ليه مش اصريتي
نهال والله اصريت
فتحي طيب ايه اللي مديقك
حكت له فنظر لها وابتسم طيب قومي ارتاحي عشان بكرة في تمرين جامد بس لازم تعرفي انك غلطانة انا مربيكي علي الشجاعة والمواجهة ليه هربتي
نهال مش هربت زعلت منه انا كنت في التمرين مش كنت بلعب وبعدين انا قولت ليكم البي حصل
عالية طيب يا حبيبتي تصبحي علي خير
ام هو كان في الجيم في ميعادها ربما ارد ان يعنفها ولكنها ما ان تأخرت حتي انتابه القلق
مرت الساعات ولم تأتي
صار يتحرك في المكتب مثل الأسد السجين اخذ يلوم نفسه علي كلامه معها وطردها من المحاضرة
ويقول كان ممكن تسببها تحضر واتنبه عليها بعدها
امسك تلفونه بيرن عليها
ولكنه اغلقه قبل أن يرن
ذياد يعني هتقول ليها ايه هزقتك بالنهار ومش قادر مطمنش عليكي قبل ما نام
ترك المحمول ولكنه رجع ليقول
المفروض تلتزم بنوعيها التمرين حاجة وأنها متحضر محاضرة حاجة تانية
ذياد لا انت تهدي كده بكرة تتكلم معاها
ذياد لا طبعا انا مش هكلمها هي اللي لازم تعتزر
اخذ مفاتيحة واتجه الي سيارته تتقاذفه بحور الحيرة
ام هي كانت تنام علي فراشه وتنظر لسقف وتفكر في كلام حنان وكيف كذبت وقالت انا مش بفكر في كده
نهال لنفسها كدابة انت مش بتفكري غير فيه
نهال لا عشان بس الدكتور وكمان المدرب بتاعي بس دا ما يمنعش انه جان بس عصبي وتنرفز عليكي وبص ليكي بطريقة وحشة
نهال واتا بقي مش هتكلم معاه الا لم يكلمني
الحلقة الثانية عشر
العواطف تقهر العواصف
بقلم نورا محمد علي
في الصباح استيقظت علي صوت امها وهي تهمس لها نهال
نهال بهمس صباح الخير يا لولا
عالية صباح الورد يا قلب لولا
نهال هي الساعة كام
الام داخلة علي عشرة
نهال بجد ونهضت بسرعة
الام اهدي كده وادخلي خدي حمام وتعالي افطري عشان اسرح شعرك بهزر معاكي الساعة ٨
نهال كده يا لولا تخضيني نهضت الي الحمام
ام هو كان ينتظرها في قاعة التدريب وكلما مرة الوقت ولم تأتي ذاد غضبه
تحرك لبتمرن بغضب
فادي بهمس لعاصم هو ماله
عاصم مش عارف بس الظاهر ان في حاجة مديقاه
فادي فعلا واكمل تمرين بجد
عاصم بسخرية مش بعادة
فادي لا انا مش حمل بطلع فيا الشحنة دي
عاصم الجبن سيد الاخلاق
فادي فعلا بس مش ملاحظ حاجة نهال مجتش التمرين
عاصم يمكن تعبانة او اعتذرت
فادي يمكن
ام هو انهي تمرينه وتجه الي الحمام اغسل بماء بارد وهو يتوعد لها ماشي لما اشوفك
ولكن هناك رأي آخر لقلبه مش لما اطمن عليها الأول
عقله دي بتتحداك
قلبه علي أساس انك مقصر دا انت كان ناقص تروح تضربها
نفض أفكاره وخرج الي مكتبه في الجامعة وفي الطريق رأي عفاف وحنان فقط
وهنا بدأ يقلق ماذا حدث لها معقول تكون تعبانة
ام هي جلست إمام امها تمشط لها شعرها وتدلكه لها فروة رأسها بخلطة من الزيوت
نهال ماما امال ناجي وندا فين
عالية في المدرسة يا قلبي انت اللي منوعة من الجامعة
نهال انا ابدا انا بس كنت زعلانة
عالية احنا بنزعل بس من اللي يهمنا هو يهمك ولكن لا ما كانت تفعله
ام نهال اخذت تفكر فيما قالته امها
وبعد وقت كانت تتمرن بقوة كانه هو يقف يوجهها
دخل والدها عليها لقد كان في اخد المصالح الحكومية ينهي بعض الاجرأت
فتحي عاش يا وحش
نهال حبيبي يا مجري
فتحي مال دراعك
نهال كدمه بس خفت ايه باين عليا
فتحي لا بس انا عارفك كويس بس الكدمة دي جت من ايه هو في حد يقدر
نهال كنت في التمرين وبعدين حصلت مواجهه كل اثنين مع بعض
فتحي واجهتي حد من زميلك
نهال واجهت الكوتش نظر لها منتظرا ان تكمل
حكت له ما حصل وكيف استفذها وما ردت به عليه من ضربات وازي ادها بوكس واحد بخفه
فتحي مممم وبعدين
نهال قالي ١٠٠ ضغط وزيهم بطن ولما لثاني بعملهم علي دراعك واحد
الاب مممم سمعك
نهال لقيته مهتم وسأل فيكي ايه وبعدين لغي العقاب وقالي لو مش قادرة تروحي المحاضرة مش مشكلة
فتحي طيب بس انت غلطانة انا ابوكي ويخاف اوجهك عشانك انت
نهال ما هو كل مرة بيرد بس
فتحي انت بتستفزية قدام رجلته وهو عارف هو مين بس
نهال ايه
الاب وضع يده علي كتفها انا عارف ان ذياد المسلماني شاب شكلة كويس وابن ناس ودكتور جامعة بس في الأول والآخر راجل
نهال أذرت لعابها وقالت مش فاهمة
الاب انا بكلمك ك أب عارف تربيته كويس بس لازم اقولك الكلام بحدود والمعاملة كمان ولو هو معجب بلعبك يعني بلعبك بس عشان انت حاجة مختلفة بلاش تفكري في حاجة تانية
نهال يا بابا انا
فتحي انت بنتي الجميلة اللي ب ١٠٠ راجل بس بنت وضمها إليه عاوزك توعديني بحاجة
نهال ايه
فتحي لو حسيتي باي حاجة او عاوزة تتكلمي هتلقيني موجود انا هنصحك انا مش الاب الرجعي بس انا خايف عليكي ولازم تحطي احتمال انك حالة جديدة
نهال حالة جديدة
فتحي أيوة في بنات كتير بتلعب كارتية بس او كونغوفو بس لكن مش هتلاقي اللي بتلعب كارتية كونغوفو وتيكوندوا وكمان جودو وملاكمة مصارعة يعني ممكن إعجابه يكون انبهار ربما لأنك شبيه ليه هو كمان بيلعب كل دا
نهال يا بابا انت مكبر الموضوع
فتحي لا طبعا يا قلبي انا قولت أنصحك عشان مش عاوزك تتوجعي ذياد أكبر منك بسنين يمكن عشرة او أكثر
نهال فعلا
فتحي المعني انه مر بتجارب كثييير يعني ممن يكون بيحب او مرتبط او علي علاقة بحد يعني لو مش متجوز هو اكيد مش راهب
وهنا شعرت بشعلة من النار بين ضلوعها
نهال هو حر احنا مالنا
فتحي بابتسامة خفيفة طيب ياله كملي التمرين عشان انا جعان
انتهي النهار وكما لم تاتي التمرين في الجامعة لم تاتي في الجيم واذا كان قلقه عليها في صباح متعب فلقد زاد الضعف
ولكنه قلق مزين بالغضب فأقل شئ ان تتصل ان تعتزر
مر اليوم متعب لم يخرجه من أفكاره سوا اتصال أخيه الاصغر أياد
اياد ايه يا أسطورة انت نسيتنا ولا ايه ماما زعلانة منك قولت ارن عليك من قوضتي عشان تكلمها من غير ما تعرف اني كلمتك
ذياد تصدق انشغلت
اياد انشغلت عننا يا أسطورة دا انت حتي متصلتش من ساعة عشان تطمن عليا بعد.الماتش زي كل ماتش
ذياد خبط راسه بيده والله انشغلت المهم انت عاملت ايه
اياد عيب عليك باكتساح
ذياد حبيبي الف مبروك
اياد الله يبارك فيك ياله كلم ماما احسن تنزل مصر
ذياد تعملها يالا سلام
اتصل بامه واخذ يتكلم معها ويعتذر انه لم يتصل في وقت مبكر
الام حبيبي قلقتني عليك
ذياد اسف انشغلت المهم خدت الدوي
الام اه المهم انت كويس مال صوتك
ذياد ماله صوتي يا عزة هانم ما هو حلوة اه
الام لا يا زيزو مش عاجبني
ذياد ما بلاش زيزو دي انا كبرت يا حاجة
الام بجد
ذياد بجد ايه بالظبط
الام كبرت
ذياد ابتسم وقال أنت شايفة ايه
الام المهم انت تكون شايف
ذياد هههههه بصوته كله ماشي يا امي انت مش بتزهقي وبعدين لما يبقي في حاجة جد هقولك ان شاء الله
الام بس شكل في حاجة ياله عشان تتعشي وتنام
ذياد تصبحي علي خير يا زوزة
الام وانت من اهل الخير يا قلب زوزة
دخل لينام وجافه النوم استيقظ قبل صلاة الجمعة بساعة استعد ليذهب الي المسجد رجع الي البيت ليجد المشرفة علي المنزل تنتظر فلقد تجاوزت الساعة الخامسة
ذياد سلام عليكم
نجاة عليكم السلام ورحمة الله وبركاته اجهز الاكل
ذياد ياريت انا راجع واقع
نجاه عنيا
ام نهال انتهت من تناول الطعام وجهزت نفسها لتلحق بالقطار
عالية نهال الشنطة الحافظة
نهال متحرمش منك دي البشاميل
عالية اه والجلاش بالجبنة وباللحمة و و
نهال ايه دا كله
في الوقت الذي كانت فيه عفاف تجر حقيبتها داخل محطة القطار
دخلت عفاف لتجد الغرفة خالية وضعت لشيائها مكانها وتلك الاكياس المحملة بالمخبوزات والنواشف وبعض الفواكه لهن
دخلت حنان متنرفزة كالعادة
عفاف في ليه
حنان واحد زبالة عكسني
عفاف اكيد لعب في عداد عمره
حنان وقفت يا ختي اجيب حاجات وأسال علي سماعة بدل اللي بايظة لقيته بيقول هو القمر منين
مردتيش في الأول ولما زودها مسحت بيها الأرض
نهال وهي تضحك تصدقي دا اللي متوقعه منك خدي مني يا اختي انا ايدي وجعتني لدرجة اني ممكن اسيبها في الشارع
حنان الله الله علي الحاجة عالية
نهال الحاجة عالية عندها ٣٧ سنة
عفاف ربنا يفرجها بيكي صغيرة مامتك
نهال اتجوزت صغيرة
حنان ربنا يخليها ليكي
نهال يارب ياله ناكل والاكل سخن
في اليوم التالي كانت تجفف شعرها عندما رن هاتفها من قد يرن عليها في هذا الوقت انها لم اصل الي ال ٨
نهال الو و
ذياد الهانم لسه نايمة
نهال ا ا
ذياد الساعة معاكي كام
نهال الا عشرة
ذياد قبل ما تكمل ٨ تكوني قدامي فاهمة
نهال انا ..
ذياد انت لسه عندك
نهال حاضر ارتدت ملابسها علي عجل ومشطت شعرها دون أن تضفره فمن اين يأتي الوقت وتحركت الي الصالة التدريب
كانت تدخل في الوقت الذي كان يقف فيه ينتظرها تلاقت عينهم
في نظرة تحمل من العتاب واللوم ما يكفي رغم الحدة علي وجهه
الا ان الشوق كان واضح في عينه واللهفة في نظرته انه الآن يعرف جيدا ما يحدث له
لقد ملكت قلبه ابنت الريف خطفت روحه بنت المجري ومهما حاول أن يظهر غير ذلك فهو يموت ب البطيئ اذا وقفت مع أحدا غيره او اذا اهتمت بغيره
هو الذي يكبرها بسنوات يذوب عشقا فيها
وقفت علي بعد.مترات تنظر له ولكنه إمام نفسه وقال
ذياد انت .......