الاب : تعالي يا ملك عايزك
ملك: نعم يا بابا
الاب: في عريس متقدملك ابن واحد صاحبي
ملك: انت عارف رأي في موضوع ده
الاب: انتي عندك ٢٥سنه مش صغيره كل صحابك اتجوزوا و خلفوا و انتي كل شويه ترفضي في العرسان
ملك: عشان انا مش عايزه اتجوز اي حد و خلاص انا عايزه في صفات معينه و مش هلاقيها في اي حد
الاب:الشاب كويس و محترم و شغاله في شركه معروفه و عنده شقته
ملك: انا عايزه حد ملتزم يشجعني
الاب: اي حد بيتغير و هو محترم
ملك: بس يا بابا انا مش موافقه عليه
الام: اسمع كلام ابوكي هو عايز مصلحتك اكيد مش هيختارلك اي حد
الاب: سبيها علي راحتها هي حره
عدي يومين
ملك: انت هتفضل زعلان مني كتير
الاب: هزعل ليه انتي كبيره و عارفه مصلحتك و انا بختار غلط مش كده
ملك: مش قصدي يا بابا انك بتختار غلط
الاب: بختار غلط و لا صح مش هتفرق دي حياتك انتي
ملك: بابا انا موافقه عليه
الاب: بجد يا بنتي
ملك: ايو يا بابا انا موافقه
الاب: ربنا يفرحك يا بنتي زي ما فرحتيني
صدقيني عمر كويس و هيراعي ربنا فيكي
ملك: ربنا يقدم الي فيه الخير
الاب: هكلم عمر و خليه يجي بكره
ملك: الي تشوف يا بابا عن اذنك
سبته و دخلت اوضته و انا منهاره كل احلامي الي حلمتها بشريكي حياتي خلاص ضاعت بس مكنش في ايدي حاجه بابا تعبان و انا مش عايزه اتعبه اكتر انا عارفه اني غلطت لما وافقت بس كنت عايزه اشوفه فرحان و ده اهم حاجه عندي
الام: يلا يا ملك العريس بره
ملك: حاضر يا ماما
ملك: السلام عليكم
عمر: و عليكم السلام
الاب: نسيبكوا يا ولاد مع بعض
عمر: ازيك يا بشمهندسه ملك عامله ايه
ملك: الحمد لله بخير
عمر: عايزه تسألني في حاجه
ملك: لا مش عايزه
عن اذنك
وسبته و خرجت
عمر: استأذن بقي يا عمي
الاب: ما انت قاعد يا بني
عمر : مره تانيه
الاب: ملك ايه رايك نعمل كتب الكتاب الاسبوع الجاي
ملك: ايه ليه كده
الاب: في ايه يا بنتي مش انتي موافقه عليه
ملك: اه بس بسرعه كده
الاب: خير البر عاجله
ملك: ماشي يا بابا اعمل الي تشوفه
خلاص انكتب كتابي علي واحد معرفش حاجه عنه كان نفسي افرح في اليوم ده زي اي عروسه بس انكتب علي الحزن
الام: الف مليون مبروك يا حبيبتي
ملك: الله يبارك فيكي
الام: خلاص كبرتي و بقيتي عروسه و كلها كام يوم و تتجوزي و نفرح بيكي
ملك: شوفي ازاي كبرت و هتجوز
الام: انا عارفه انك وافقتي عشان خاطر ابوك ما يزعلش بس يا حبيبتي ادي لنفسك فرصه و ان شاء الله تحبيه
ملك: حاضر
يوم الفرح
الاب: انا مش هوصيك علي ملك
عمر: ملك في عنيا يا عمي
الاب: و انا واثق فيك و في تربيه مصطفي الله يرحمه
عمر: ربنا يرحمه
اول لما وصلنا الشقه
عمر: الف مبروك
ملك: الله يبارك فيك
عمر: الشقه نورت بيكي
مقدرتش اقف اكتر من كده سبته و مشيت و دخلت اول اوضه قابلتني في شقه الي مهتمتش اجي اشوفها
دخلت و قفلت الباب ورايا فضلت صاحيه طول الليل مش عارفه انام و فجأه لقيته بيخبط علي الباب
ملك: انا عارفه انت عايز ايه بس احب اقولك انا مش عايزاك انا وافقت علي الجوازه دي عشان خاطر بابا بس انا مش عايزاك انا بكرهك .
مش عارفه ليه قولتله كده بس استغربت من رده الي كان هادي
عمر: انا مكنتش جاي عشان حاجه انا جيت عشان اصحيكي تصلي الفجر ركن الصلاه في اخر الطرقه عن اذنك انا رايح المسجد
مش عارفه ليه قلبي اطمن و حسيت اني دي بدايه مبشره انه محافظ علي صلاه الفجر
دخلت ركن الصلاه كان مكان حلو اوي و هادي في مكتبه الديكورات كانت بسيطه و جميله
صليت و دخلت اوضتي و بعد شويه سمعت صوت الباب عرفت انه جه من الصلاه نمت و صحيت علي صوته
عمر: انا جهزت الفطار تعالي عشان تفطري
ملك: مش جعانه
عدي اسبوع علي جوازنا فضلت طول الاسبوع في اوضتي مخرجتش منها
عمر: ملك انا نازل الشغل
ملك: ..........
عمر: لو عوزتي حاجه كلميني انا مش هتأخر
خرجت اصلي الضهرفي ركن الصلاه و بعدها محستش بحاجه
عمر : ملك ملك مالك ردي عليا
الفصل الثانى
عمر : ملك ملك مالك ردي عليا ايه الي حصلك
عمر: مالها يا دكتور
الدكتور: متقلقش هي كويسه بس الظاهر انها ما بتكلش كويس شويه و هتفوق بس اهم حاجه تاكل كويس
عمر: شكر يا دكتور
فضلت جمبها لحد ما فاقت
ملك: ااااه
عمر: انتي كويسه حاسه بحاجه
ملك: اه كويسه
عمر: انتي ليه بتعملي في نفسك كده حرام عليكي الي بتعمليه ده انتي كنتي هتموت مني انا عارف انك مش عايزاني و عشانك كده انا هخلصك مني كلها شهرين و كل واحد يروح لحالها انا مش عايز حاجه منك غير انك تهتمي بصحتك " ان لبدنك عليك حق"
كلامه فرحني خلاص يطلق صراحي هرجع حره تاني
عمر: يلا كلي انا مش هخرج غير لما تاكلي
ملك: شكرا
عمر: انا نازل الشغل ياريت تهتمي بصحتك
ملك: حاضر
رجعت من الشغل لقيتها بتجهز الغدا
عمر: ليه بتتعبي نفسك انتي تعبانه
ملك: انا كويسه تحب تتغدي دلوقتي
عمر: ماشي بس خليني اساعدك
عمر: صباح الخير
ملك: صباخ النور بتجهز الفطار ليه كنت صحيني اجهزه
عمر: صحيت بدرى قولت اجهزه كفايه عليكي بتعمل طول الاسبوع
ملك: ده واجبي
عمر: طب يلا تعالي عشان نفطر
الباب بيخبط
عمر: استني افتح
طفل: السلام عليكم
عمر: و عليكم السلام اتفضل يا استاذ يوسف
يوسف: انت لسه ملبستش هنتأخر علي المسجد
عمر: لسه بدري علي الصلاه هكوي العبايه و نمشي
يوسف: خليني اعملهالك
عمر: عشان تحرقها زي المره الي فاتت
يوسف: انا غلطان كنت عايز اساعدك
عمر: ماشي يا لمض
ملك : خليك انا هكويها
عمر: ما تتعبيش نفسك انا هعملها
يوسف: دي ابله ملك مش كده
عمر: ايوه خليك معاها علي مخلص
ملك: انتي عارفني
يوسف : اه و عارف انك مهندسه كمان زي عمو عمر
ملك: مني الي قالك كل ده
يوسف: عمو عمر
ملك: انت في سنه كام
يوسف: في تانيه ابتدائي
ملك: ده انت صغير اوي
يوسف : لا انا كبير علفكره
عمر: طب يلا يا كبير عشان هنتأخر و عندك تسميع النهارده
يوسف: راجعت كويس
عمر: هنشوف يا لمض
عمر: هروح اصلي يا ملك و هتأخر شويه
يوسف: قولها هنيجي بعد العصر
ملك: ماشي هستناك يا صغير
يوسف: السلام عليكم
ملك: و عليكم السلام
يوسف: متأخرناش مش كده
عمر: معلش يا ملك يوسف يقعد معانا النهارده
ملك: لا عادي ده حتي دمه خفيف
ملك: تحب تتغدي ايه يا جميل
يوسف: انا مش جميل انا اسمي يوسف
ملك: حاضر يا استاذ يوسف كده كويس
يوسف : اه
ملك: اقعد علي ما جيب الاكل
يوسف: خلينا اساعدك
ملك: خليك انا هجيب الاكل
يوسف: لا انا هساعدك الرسول دايما كان في خدمه اهل بيته
ملك: و مين عرفك الكلام الجميل ده
يوسف: بابا عمر قصدي عمو عمر
عمر: الحمدلله
يلا عشان نذاكر يا بطل
يوسف: بس بشرط لو سمعت كويس هتوديني الملاهي
عمر : اما نشوف حافظ ولا لا
يوسف: خليكي شاهده يا ابله ملك
ملك : ماشي
عمر: نبدا بايه
يوسف : بالعربي انا حفظته كويس
عمر: ماشي يلا نبدا بسم الله
عمر: ما شاء الله عليك يا يوسف شطور
يوسف: انا قولتلك اني مذاكر كويس ها هتوديني الملاهي
عمر: ماشي هوديك عشان انت شاطر و المدرسين بيشكروا فيك و كمان عشان سمعت النهارده كويس في المسجد و خلصت الجزء الرابع
يوسف: انا بحبك اوووي
عمر: و انا بحبك يا بكاش يلا بينا نصلي المغرب و نروح
يوسف: ابله ملك مش هتيجي معانا
عمر: ملك تحبي تيجي معانا
يوسف: تعالي معانا يا ابله ملك هنجيب حاجات حلو و نتفسح
ملك: ماشي هاجي معاكم
عمر: تحب تركب ايه
يوسف: نركب العربيات الاول
عمر: حاضر يا استاذ يوسف
يوسف : يلا عشان نروح اتاخرت علي تيتا زمانه قاعده لوحدها
عمر: ماشي يلا نروح
اهم حاجه انبسطت
يوسف: اه انا مبسوط اوي و هذاكر كويس عشان الجمعه الجايه نروح نشوف ياسين و مروان عشان واحشني اوي
عمر: ان شاء نروح
عمر: ثواني يا ملك هجيب حاجه من السوبر ماركت
عمر: السلام عليكم ازيك يا امي عامله ايه
الحاجه سميه ( جده يوسف): الحمدلله بخير يا بني
الحاجه سميه: ده مراتك يا عمر
يوسف: ايوه يا تيتا ده ابله ملك طيبه اوي و انا حبتها خالص
عمر: و انا نستني من اول يوم شوفت فيه ملك
يوسف: انا بحبك انت اكتر واحد بعد تيتا
الحاجه سميه: بسم الله ما شاء الله عروستك قموره يا عمر
ملك: ربنا يبارك لك يا طنط
الحاجه سميه: ربنا يسعدكم يا بنتي و يخلف عليكم بالذريه الصالحه
ربنا بيحبك انك اتجوزتي عمر خالي بالك منه
عمر: دخل الحاجات دي جو يا يوسف
الحاجه سميه:ليه كده يا بني تتعب نفسك
عمر: تعبك راحه يا امي نستأذن احنا تصبحوا علي خير
.............................
في البيت
ملك: شكرا يا عمر علي اليوم الجميل ده فرحت جدا النهارده
عمر: ربنا يفرح قلبك دايما يا ست البنات
عمر: تصبحي علي خير
ملك: و انت من اهله
انا فرحان اوي كانت مبسوطه معايا النهارده ان شاء الله ربنا مش هيخذلني زي ما جعلها من نصيبي هيزرع حبي في قلبها
علي الجانب التاني ملك بتفكر في عمر
ايه حكايتك يا عمر و ايه علاقتك بيوسف و ليه بيقولك يا بابا و ليه بتتأخر يوم الجمعه كده و مين مروان و ياسين دول كمان انا لازم اعرف بس محدش هيقدر يجاوبني علي الاسئله
دي غير عمر و انا اكيد مش هسأله هيبقي هعرف ازاي مفيش غير يوسف الي
هيقدر يجاوبني اقوم اصلي القيام و نام و بكره اخلي يوسف يجي يقعد معايا و عمر في الشغل