رواية بنت السارق التوام
الفصل الرابع عشر ....
( فى منزل فريدة )
فريدة بقلق : انا قلبى مش مطمن ياسامى ...... وقلقانة على البنات اوووى ...... مش عارفة عايشين مع ابوهم ازااى ؟؟ ومرتاحين ولا لا ؟؟ ومرات ابوهم دى عاملة معاهم ايه ؟؟
سامى : مدام محدش كلمك منهم من ساعة مامشيوا يبقوا مرتاحين عند ابوهم ...... اكيد لو مش مرتاحين كانوا رجعوا عندك تانى هناا حيروحوا فين يعنى .....
فريدة بقلق : مش عارفة ....... بس انت متعرفش سليم ياسامى ....... سليم سكته وحشة اوى وانا خايفة عليهم .......
انا قلبى واجعنى عليهم اوى وملك بالذات حلمت بيها حلم النهاردة مش مريحنى ...... وحسة فيهم حاجة ......
سامى : خلاص مدام قلقانة اوى كده كلميهم واطمنى عليهم ...... ولو تعرفى بيت سليم ده روحيلهم وشوفيهم عشان تطمنى اكتر برضو .......
فريدة بقلق : انا معرفش بيت سليم ده خالص ولا اعرف قاعد فين ؟؟؟ انا اعرف بيت سيف بس وده اكتر واحد كان بيقعد عنده سليم علطوول ......
ولما اتطلقنا ونزل من البيت عندى وراح معاه برضوو ......
سامى : خلاص يافريدة كلمى البنات واطمنى عليهم واعرفى منهم مكان البيت بالظبط ........ ولو عاوزانى اروح معاكى مفيش مشكلة ....... بناتك وحشونى انا كمان اووووى يافريدة .........
فريدة : حكلمهم ياسامى مفيش قدامى حل تانى ..... مع انى زعلانة منهم اووى عشان مسالوش فى امهم طول الفترة دى ......
سامى : مهما كان دول بناتك يافريدة ومينفعش تزعلى منهم كده ومفيش حاجة حصلت تستاهل كل ده ...... وقومى بقى اعمليلى فنجان قهوة احسن انا دماغى صدعت على الآخرر ......
فريدة بقلق : حاضر ياساامى ...... وقامت فريدة على المطبخ وعملت فنجالين قهوة واحد ليها وواحد لسامى ........
ورجعت تانى وحطيت القهوة قدام سامى على المكتب وسرحت شوية فى بناتها بخوف وقلق ....... وبعدين مدت ايديها على فنجان القهوة عشان تقدمه لجوزها .......
وفجاة اتقلبت منها كل القهوة على المكتب ......
سامى بغضب : ايه يافريدة ده ؟؟ مش تاخدى بالك كويس ...... الورق كله باظ من القهوة عاجبك كده ؟؟
فريدة بقلق شديد : معلش ياسامى مخدتش بالى غصب عنى ....... وبعدين انا مش بتفائل بقلب القهوة دى خالص ربنا يستر ....... انا حاسة ان بناتى فيهم حاجة وفى مشكلة ياسامى اناا متاكدة ........
( فى منزل سيف )
سيف بفرح : سليم لسة مكلمنى دلوقتى حالا ياملك عشان يطمن على العملية دى ....... وبلغنى بمكان الراجل دلوقتى بالظبط فين .........
عشان تعرفى بس ان العملية دى مهمة اد ايه عند ابوكى كمان ؟؟ بلاش تزعلى ابوكى بقاا ياملك وركزى فى كل حاجة كويس ماشى ....... جااهزة ياملك .........
ملك بوجع : ماشى ...... جاهزة ياسيف .....
واتحرك الظابط جاسر بسررعة من المكتب بعد مكالمته مع ماسة علطووول ..... على الاوتيل اللى نزل فيه الملياردير ووزع تامين مكثف على الاوتيل كله مع الظابط احمد ...........
وفضل مراقب بنفسه اوضه الملياردير من على مسافة قريبة ....... ومنغير ما حد يحس انه ظابط شرطة ........
ونبه جاسر على الظابط احمد انه يبلغه علطووووول لو حس باى حاجة غريبة بتحصل فى الاوتيل ........ ولو شك فى اى حد يبلغه علطوووووول ........
وركز الظابط جاسرر اكترررر مع اوضة الملياردير وهوه مترقب اووووى لاى حاجة تحصل مش طبيعية .......
ونفذت ملك كل اللى طلبه منها سيف بالحرف الواحد ........ لحد ما علقت مع الملياردير واخدها ووصل بيها لحد باب اوضته .......
ودخل الملياردير الاوضة وملك معاه وقفل الباب وراه ......... راحت رجعة ملك تانى ومنغير مايحس بيها وفتحت الباب .......
وسابته مفتوح عشان سيف يعرف يدخل وراها ......... ودخلت جوه على الاوضة ........
وشاف جاسر من بعيد الموقف ده وشك فيها اوووى وحس ان فيه وراها مصيبة ..........
وفى نفس اللحظة دى كان سيف مراقب كل حاجة من بعيد ...... واتحرك بسرعة وراها اول ما الباب اتفتح ودخل الاوضة وقفل الباب وراه ........
بعد مابص طبعآ يمين وشمال حوالين الاوضة عشان يتاكد ان محدش شايفه .........
وطبعآ جاسر كان مراقب كل ده من بعيد ...... واتاكد انهم كانوا متفقين مع بعض من تصرفه الغريب ده ........ الظابط جاسر كان ذكى جدآاااا .............
ومرضاش يدخل وراه علطول واستنى دقايق كده وبعدين اقتحم الاوضة عشان يظبطهم متلبسين ........
وبالفعل دخل جاسر الاوضة ولقى سيف قدامه علطوول ومعاه الفلوس ...... وفلوس بكميات كبيررة كمان ........
واتفاجا جاسر بسيف جوه الاوضة ورفعه بمسدسه وقاله : هوه انت ياسيف ؟؟؟ انا كنت حاسس برضوو ان اى مصيبة بتحصل فى البلد دى لازم يكون وراها سليم .......
واترعب سيف جاامد اول ماشاف جاسر قدامه ..... واتلخبط وبان على وشه الخوووف وقاله : جاسر ؟؟؟ انت جيت هنا ازاى ؟؟؟
جاسر : ده قدرك بقى هوه اللى وقعك فى سكتى تانى ...... عشان تبقى نهايتك على ايدى انت واللى وراك .......... لانك حتقول طبعاا مين اللى زقك وقالك تعمل كده .......... سليم صح ؟؟؟؟
واتلخبط سيف اوووى وبص حواليه يمين وشمال .......... عشان يدور على اى طريقة يهرب بيها من جاسر وميعرفش يمكسه وملقاش .........
جاسر مرفع سيف بمسدسه وقال : اثبت ياسيف ........ ومتفكرش كتير لانك مش حتعرف تهرب منى المرة دى واى حركة منك حتموت مكانك .........
وطلع البنت اللى جوه معاك دى كمااان ........ دى شريكتك بقاا صح؟؟؟
وسمعت ملك كل الكلام ده طبعاا من جوه واترعبت اكتر لما عرفت ان ده هوه الظابط جاسر اللى بيحب اختها ماسة ....... وفضلت مستخبية منه فى الاوضة كده وخايفة تطلع عشان ميشوفهاش ........
وحست ملك فى اللحظة دى ان سيف ورطها ورطة كبيرة اووووووى ودمر حياتها خالص ......... وفضلت تعيط على نفسها جامد وهيه جوه الاوضة بعد ماسمعت صوت الظابط جاسر ........
سيف بخوف وقلق واستغراب : وعرفت منين ان فى بنت معايا ؟؟؟؟ ده انت مراقبنى من بدرى بقاا ياجاسر ؟؟؟؟ وعارف كل حاجة ؟؟؟
جاسر بثقة : شوفت بقاا ........ عشان تعرف انك غبى وغبى اووى كمان ....... وطول ماانا موجود هناا فى القاهرة مش حتعرف تعمل اى حاجة ولا حتقدر تنفذ اى عملية قذرة تانى ......
وطلع البت اللى معاك دى بقاا بدل ماادخل واجيبها اناااا ........
وسمعت ملك كلام جاسر ده وخافت اوووى وطلعت بسررعة من نفسها ......... ووقفت قدامه وهيه بتعيط جامد ..........
وبصلها جاسر واتصدم اووووى اول مشافها وقالهاا وعلامات الدهشة والصدددمة على وشه : مش ممكن ....... ميين ؟؟ ماسة ؟؟ مستحييييل ........
ملك بسرررعة ودموعها فى عنيها : لا .......لا ياجاسر انا مش ماسة انا ملك اختها ......... احنا توام ياجاسر ...... يعنى شبه بعض اوووى بس انا مش ماسة ......... ماسة دى تبقى اختى ياجاسرررر ........
جاسر مصدووووووم : مستحيل ...... انا مش مصدق عينى انتى ياماسة ........ مش معقول ...... خدعتينى اووووووى ...........
يبقى سليم زقك فى طريقى عشان تاخدى كل اخبارى وتعرفى كل مواعيد سفرى وتوصليهاله صح ....... لعبتيها صح ياماسة ......
ملك بووجع : صدقنى ياجاسر انا ملك والله ملك ....... مش ماسة واختى ملهاش اى علاقة بحاجة ......... ولا تعرف اى حاجة ........ متظلمهاش .......
جاسرر مصدووووم : انا مش قادر اصدق ......... بقى انتى الكارت اللى كان بيلاعبنى بيه سليم طول الفترة دى ياماسة .......... ازااى صدقتك ازااى خدعتينى ؟؟؟؟
واستغرب سيف اوووى منهم ومن كلامهم .......... وحس من كلامهم ده ان كان فيه علاقة بين ماسة وجاسر من قبل كده ..........
وملك خبت عليه ومرضتش تقوله حاجة فقرر انه ينتقم منها عشان خبت عليه وينتقم من اختهاا كماان وفى ضربة واحدة وراح قايل بسررررعة وبخبث اووى ........
سيف بخبث : لا ..... انتى ماسة ........ انتى عاوزة تهربى وتبرئى نفسك وتخلعى وتدبسى اختك ملك فى كل حاجة ولا ايه ؟؟؟؟؟ دى ماسة ياجاسر ومش ملك متصدقهاش وهيه اللى رتبت كل حاجة كماان .......
ملك بغضب شديد : حراام حرااام عليك ياسيف ....... اختى ماسة ملهاش ذنب وملهاش دعوة بحاجة ....... انت عاوز تورطها انت ايه شيطاان ؟؟؟؟ انا ملك ياجاسر والله انا ملك .......
وبصلهم جاسر هما الاتنين وهوه مصدوم جااااامد ............ ومش عارف يفكر فى اى حاجة ولا قادر يجمع حاجة .......ودماغه كلهاا وقفت فجاة ومبقاش عارف يصدق مين فيهم ........
وبصله سيف بخبث اووى وقرر يستغل اللحظة دى اوووى ........ وراح شد ملك من ايديها بسرررعة وهرب بيها وطلع بيهاا بره الاوضة ومنغير جاسر مايكون مستعد لحاجة ........
وهرب سيف من جاسر ومعاه ملك باعجووبة ........ وجريوا هما الاتنين لحد ما طلعوا من باب الاوتيل .......
واتغاظ جاسر اوووى من تصرف سيف ده ....... واتضايق من نفسه اوووى عشان معرفش يمسكه او يوقفه .........
وراح متصل بالظابط احمد بسررررعة وبلغه بمواصفات سيف والبنت اللى معاه وهوه بيتقطع من الووجع وكان لسة مصدق انها ماااااسة ومش ملك زى ماقالت ........
وبلغه عشان يخلى باله ويمسكهم وميعرفوش يخرجوا من بره باب الاوتيل .......... ولكن مكالمة جاسر للظابط احمد كانت متاخرة اوى .......
وكان نجح سيف انه ياخد ملك ويهرب من الاوتيل ده خااااالص وقبل الظابط احمد مايعرف اى حاجة عنه .......
وراح سيف من الاوتيل على شقته علطوووووول ومعاه ملك بعد ماهرب من جاسر باعجووووبة ودخل شقته بسرررعة ........
وكانت الصدمة الجامدة بقى واللى مكانش متوقعها ....... انه اتفاجا بسليم كان مستنيه فى الشقة ......
واتصددم سليم اول ماشاف ملك داخلة مع سيف الشقة وقال وهوه مصدوووووم : ملك ؟؟؟؟ انتى بتعملى ايه هناا ؟؟؟؟؟
واتصدمت ملك بابوها فى شقة سيف واترررعبت منه وجسمها كله اترررعش ........ وبصت لابوها وبخوف شديددد ومنطقتش كلمة وحست ساعتهاا ان قلبها حيقف من كترالخوف .........
سليم مصدووووم : مش معقوووول انا مش مصدق ؟؟؟ ملك ؟؟؟؟؟؟؟
ملك بخووووف شديد : بابا ؟؟؟؟؟؟ اناااا ........
سليم بغضب شديددددد : انتى اييييه ياملك وبتعملى ايه هنااااا ؟؟؟؟؟؟؟ بنتى بتعمل معاك ايه هنااااا ياسيف ؟؟؟؟؟؟؟؟؟