رواية بنت السارق التوام
الفصل الثالث عشر .....
ملك بقلق : اه ياماسة اتجوزته ...
ماسة مصدومة : اتجوزتيه ازاى ياملك ؟؟ وفين ؟؟ وامتى ؟؟ انا مبقتش فاهمة حاجة خالص .....
ملك بقلق : مش حعرف اشرحلك حاجة دلوقتى ياماسة الموضوع طويل اوى ....... وسيف ممكن يصحى ويسمعنى ..... انا بس كلمتك دلوقتى عشان الحقك قبل ماتخلى جاسر يقابل بابا ..... خدى بالك من نفسك كويس ياماسة الموضوع مش سهل ..... ماشى .....
ماسة بخوف : حاضر ياملك .... انتى خوفتينى اوى من كل حاجة ....
ملك بقلق : معلش ياماسة انا بقولك كده عشان خايفة عليكى ....... وخدى حذرك من جاسر برده كويس اوى بلاش تغلطى غلطتى ......
انا حقفل دلوقتى بقى عشان سيف شكله صحى ...... وحكلمك تانى سلام دلوقتى .... وقفلت ملك الموبايل بسرعة اول ما حست بسيف صحى ....
سيف : ايه اللى مصحيكى لحد دلوقتى ياملك ؟؟
ملك بقلق : مفيش ياسيف بس بشم هوا فى البلكونة شوية .... كنت عاوز حاجة ؟؟؟
سيف بخبث : انا مبستغناش عنك ياملك وانتى عارفة كده كويس ..... ومن ناحية عاوز حاجة فانا عاوز الصراحة .....
ملك بخوف : مش مرتحالك ياسيف .... عاوز ايه ؟؟
سيف بخبث : تعالى بس ياملك دلوقتى نامى جمبى عشان بخاف انام لوحدى ...... وبكره بقى حبقى اقولك انا عاوز ايه بالظبط ......
ملك بخوف وقلق : حاضر ياسيف ....
وتانى يوم علطوول ..... صحى سيف من النوم بدرى اووووى ...... وملك اتاخرت شوية فى نومها ..... راح قايم سيف واتسحب من جمبها بالراحة وسرق ورقة الجواز العرفى من شنطها وشالها معاه .....
وبعد شوية صحيت ملك من النوم ..... ملك : صباح الخير ياسيف ....
سيف : صباح الخير يا حبيبتى ياملوكة ..... احلى عروسة فى الدنيا .....
ملك باستغراب : ايه اللى حصل ياسيف ؟؟؟ اول مرة تدلعنى كده من ساعة مااتجوزنا .....
سيف بثقة : اصل الصراحة ...... عاوز اطلب منك طلب كده وخايف تكسفينى ......
ملك : اطلب ياسيف الطلب ..... ولو حقدر اعمله حعمله حتى منغير دلع .....
سيف بفرح : حبيبتى ياملك ..... بحبك لما تريحينى وتسمعى كلامى كده .....
سيف : بصى ياستى .... انتى طبعا دلوقتى بقيتى عارفة عنى كل حاجة...... ومش حقدر اخبى عليكى حاجة تانى بعد كده عشان انتى مراتى حبيبتى وسرى معاكى .......
ملك : خش فى الموضوع علطول ياسيف ....... وقولى انت عاوز ايه بالظبط ؟؟؟
سيف : ماشى ياملك حخش فى الموضوع علطول ....... انتى سمعتى طبعا مكالمة ابوكى عن العملية الجديدة اللى انا حنفذها ....
العملية دى عبارة عن ملياردير سعودى بنك متنقل ....... حينزل فى اوتيل النهاردة وفلوسه كلها حتبقى معاه حتبقى فى الاوضة اللى حينزل فيها مبشيلهاش فى بنوك .......
ومش ساهل ابدا ان حد يعرف يدخل اوضته ...... بس الراجل ده علاقاته النسائية كتير اوى .....
المطلوب منك بقى ياملك انك تتعرفى على الراجل ده فى المكان اللى بيسهر فيه وانا حبقى اقولك على المكان ده ......... وتستدرجيه لحد مايوافق انك تدخلى معاه اوضته ......
وانا حبقى متابعك خطوة بخطوة .......... واول ماتخشى تسبيلى الباب مفتوح وانا حدخل وراكى علطول وتسهى الراجل بقى لحد ماآخد كل الفلوس اللى معاه واعرف اخرج من الاوضه منغير ماحد يشوفنى ...... هاااا قولتى ايه بقى ياملك ؟؟
برقت ملك واتصدمت من كلام سيف ليها وقالت بدهشة : انت بتقول ايه ياسيف ؟؟؟ انت عارف انت بتطلب منى ايه ؟؟؟؟ هيه وصلت بيك الحقارة للدرجة دى .....
سيف : متكبريش الموضوع ياملك ..... دول شوية دلع على الراجل بس لحد مااعرف اخد كل فلوسه ............ وانا حبقى معاكى خطوة بخطوة وانا عارفك شاطرة فى الحاجات دى كويس ياملك .......
صرخت ملك بغضب شديد وقالت : انت ساااااافل وحقييييير ........ انا مش حعمل كده ابدآ ياسيف ولو حتقتلنى انت سامع ....... انت احقر انسان انا قابلته فى حياتى ......
سيف بثقة : لا حتعملى كده ياملك ........ عشان لو معملتيش اللى انا قولته ده .........
ورقة جوازنا العرفى على شوية صور حلوة ليكى كده ......... حيكونوا على مكتب ابوكى بكره الصبح وساعتها ابوكى هوه اللى حيقول مين الحقير فيناااا ...........
ملك بغضب شديد : انا بكرهك ياسيف بكرهك ........ وبكره اليوم اللى شوفت وشك فيه انت ايه شيطاااااان انت لايمكن تكون بنى آدم ابدآااااا .......
سيف بثقة : ملوش لزمة الكلام ده ياملك ....... انا اديتك حرية الاختيار ومعاكى وقت تفكرى لحد آخر اليوم ولو لسة مصممة على رايك برده ........
يبقى زيك ماقولتلك ورقة جوازنا العرفى حتكون على مكتب ابوكى بكره الصبح ....... انا العمليه دى اهم عملية عندى ولازم تمشى زى ماانا عاوز .......
وانا معنديش حد اثق فيه غيرك عشان يساعدنى فى العملية دى ........ خدى وقتك وفكرى وانا مستنى ردك .....
واحب اقولك حاجة برده وانصحك نصيحة ..... انتى بقيتى جوه اللعبة خلاص ياملك ومش حتعرفى تهربى ولا حتعرفى تخرجى منها فنفذى بقى احسن لك اللى قولته ........
بصتله ملك بغيظ جااامد منغير ماتنطق كلمة واحدة وتمتمت فى سرها وقالت : حقتلك .... حقتلك ياسيف .......
وعلى آخر اليوم بعد مافكرت ملك فى كل كلام سيف قالتله بثقة : انا موافقة ياسيف على كل اللى طلبته منى ......
سيف بفرح : ايوووووه كده ........ انتى حبيبتى ياملك كنت حاسس انك مش حتزعلينى ...... يبقى ميعاد التنفيذ بكره ان شاء الله الساعة 8 بالظبط وتكونى مجهزة نفسك ........ وان شاء الله وشك حيبقى حلو عليه اوى والعملية حتنجح ياملك ........
ملك بغيظ : حاضر ياسيف فيه اى اوامر تانية ......
سيف بخبث : منا قولتلك ياملك ....... انا مبستغناش عنك يا حبيبتى ......
بصتله ملك بغيط جامد ودخلت على سريرها تنااام ......... وفضل سيف سهران يفكر فى العملية وتنفيذها .......
( داخل قسم الشرطة )
وصل جاسر من السفر على قسم الشرطة علطووول ...... عشان يتابع ويشوف الشغل كان ماشى ازاى فى غيابه ......
جاسر بضحكة : اهلا يااحمد ..... ايه كله تمام والدنيا ماشية كويس ولا سفرى اثر عليك بقى وعكيت الدنيا .......
ضحك احمد وقال : تلاميذك ياحضرة الظابط ........ كل حاجة ماشية كويس الحمد لله ......
وبعدين رن تليفون المكتب عند جاسر ..... ورد عليه الظابط احمد وقال : الوووو ..... مين ؟؟
مجهول : مش لازم تعرف انا مين ؟؟ انا واحد عاوز مصلحتكوا فاعل خير يعنى .......
وعاوز ابلغك ان فى حادثة سرقة حتتنفذ النهاردة فى اوضة الملياردير السعودى اللى نزل القاهرة النهاردة ........
حتتنفذ الساعة 8 بالظبط ده لو عاوزين تلحقوا الملياردير قبل ما يتسرق بقى ..........
احمد بقلق : وانت جبت المعلومات الخطيرة دى منين بقى ؟؟؟
احمد : الووووو الوووووووووو ...... قفل السكة ........
جاسر : فى ايه يااحمد ؟؟؟؟؟
احمد : ده واحد بيقول انه فاعل خير ....... وبيبلغ عن حادثة سرقة حتتم النهاردة فى اوضة الملياردير السعودى اللى لسة نازل القاهرة وحتتم الساعة 8 بالظبط ........
جاسر بصدمة : انت بتقول ايه ؟؟؟ طب جهز نفسك بسرعة يااحمد وحضرلى حملة من دلوقتى ...... انا اللى حطلع العملية دى النهاردة .......
احمد : يمكن يكون بلاغ كاذب يافندم ...... حتطلع بنفسك ؟؟؟
جاسر : مفيش دخان منغير نار يااحمد ....... وبعدين الملياردير شخصية معروفة ومشهورة ........ وممكن اوى يحصل معاه كده ........ .
واحنا مش حنخسر حاجة لما نروح ونتاكد من البلاغ ده ....... احسن مانطنش وتحصل كارثة بعد كده ........
احمد : تمام يافندم .....
جاسر بلهفة : اه صح ....... حط تامين على الاوتيل كله وعلى اوضة الملياردير من دلوقتى متنساش ........ بس منغير ماحد يحس انهم شرطة ...... عشان منتكشفش .......
احمد : تمام يافندم حيحصل دلوقتى ...... حستاذن بقى ......
جاسر : ماشى يااحمد ....... اتفضل .......
ومشى احمد وساب الظابط جاسر فى المكتب لوحده ........ وافتكر جاسر انه كان حيقابل ابوه ماسة النهاردة ومكنش عامل حسابه انه حيطلع شغل ........ راح متصل بيها علطووووووول ........
جاسر بلهفة : الووووو ........ ايوه ياماسة عاملة ايه ياحبيبتى مفتقدك جدااااااااا .....
ماسة بخوف : مفتقدنى ؟؟
جاسر باستغراب : ايوه يا ماسة مفتقدك ايه مش مصدقانى ولا ايه ؟؟؟
ماسة بقلق : لا ابدا ياجاسر ازاى مصدقاك ....... اصل انا فى الكلية وعندى محاضرات ومش عارفة اتكلم ........
جاسر : وانا مش حطول عليكى ياحبيبتى ....... انا بس عاوز اقولك انى حأجل مقابلة ابوكى لبكره عشان طلعلى شغل مهم اوى النهاردة .............
بلغى ابوكى انى جاي بكره وبلغيه اعتذارى ياماسة عشان مقدرتش آجى النهاردة ......... انتى عارفة ظروف شغلى بقى وقتى مش فى ايدى ........
ماسة بخوف : ولا يهمك ياجاسر على راحتك ....... انا حقفل دلوقتى بقى عشان انا فى محاضرة ....... سلام ياجاسر .......
وقفلت ماسة الخط مع جاسر وهيه خايفة اوى وبتقول لنفسها : انا ايه اللى خلانى رديت عليك ياجاسر ؟؟؟؟ ماكنت عملت نفسى مش سامعة التليفون .........
حقولك متقابلش بابا بكره ازاى دلوقتى طيب ؟؟؟؟ بجد انا مش عارفة اتصرف ...... ولا قادرة اكسر قلبى بايدى ........ انا لسة بحبك ياجاسر واكتر من الاول كمان ..... يااارب دبرنى .....