رواية بنت السارق التوام
الفصل الثامن .....
بقلم سالى مصطفى
شافت ملك اختها ماسة دخلة الاوضة متعصبة على الاخر
وشايطة ومعيطة استغربت ملك وقالتلها : ايه اللى حصل
ياماسة ؟؟ مين زعلك كده ؟؟
ماسة : امك ربنا يسامحها بقى ؟؟
ملك : ايه اللى حصل بس ؟؟ وايه اللى انتى بتعمليه ده ؟؟
ماسة : بلم هدومى وماشية حروح لبابا .... انا مش حعقد فى البيت ده دقيقة واحدة بعد كده ..... عاوزة تيجى معايا تعالى عاوزة تقعدى هنا براحتك ....
ملك : انتى حكيتى لماما اللى حصل ...... وكدبتك صح ؟؟
ماسة : اه صح ..... وياريت على كده وبس دى زعقتلى انا عشان خاطر جوزها وهوه ببجاحته واقف يسمع كلامنا اووووف انا مش طايقة الراجل ده ...
ملك : انا جاية معاكى ياماسة مش حينفع اسيبك لوحدك ولا حينفع استنى هنا بعد اللى حصل كنت حاسة ان ماما حتعمل كده ...
ماسة : خلاص يلابينا ولما ننزل من هنا نبقى نكلم بابا ونعرف المكان بالظبط انا بجد مخنوقة من البيت ....
لمت ملك وماسة كل حاجاتهم وهدومهم وطلعوا بره الاوضة ....... بصتلهم فريدة باستغراب وقالت : انتوا رايحين على فين كده ؟؟
ماسة بثقة : رايحين عند بابا ....
فريدة : براحتكوا انا مش حمسك فيكوا ....... بس حترجعوا تانى هنا مش حترتاحوا عند ابوكم ......
سامى : ايه ده ؟؟ انا جيت طفشتكوا ومشتكوا ولا ايه ؟؟
ماسة بغضب شديد : وانت مالك اصلا بينا ....... متحشرش نفسك بينا ومتدخلش وانا بتكلم مع ماما اووووووف .....
فريدة بغضب : ماااااسة اتكلمى بادب شوية ....... دى مش طريقة كلام انتى عاوزة مشاكل وخلاص فى البيت .....
سامى : سيبيها يافريدة انا مش زعلان منها ....
ماسة لامها : وانا مكلمتهوش اصلا ياماما عشان يتدخل فى الكلام ........ وعشان اريحكوا انا ماشية ياماما ماشية عشان معملش مشاكل فى البيت اكتر من كده ..... ومش راجعة هنا تانى يلا بينا ياملك ......
وخرجت ماسة وملك من البيت ....... وراحت ملك متصلة بابوها علطووووول عشان تعرف مكان بيته بالظبط .....
ملك : الوووو ايوه يابابا .... انت فين ؟؟
سليم بقلق : انا فى البيت ..... ايه اللى حصل ياملك ؟؟ فيه ايه ؟؟
ملك : طيب ..... احنا جايين عندك البيت انا وماسة بس مش عارفين السكة .....
سليم : فى حاجة حصلت ياملك انتوا كويسين ؟؟
ملك : احنا كويسين يابابا اطمن ...... لما اشوفك حبقى احكيلك .....
سليم : انتوا فين دلوقتى ؟؟
ملك : لسة نازلين من البيت حالآ لسة فى الشارع بتاعنا .....
سليم : خليكوا مكانكوا متتحركوش ... وانا جاى اجيبكم ....
ملك : ماشى يابابا مستنيينك ..... وقفلت ملك الخط وبصت لاختها بقلق وقالت ....
ملك : تفتكرى حنرتاح عند بابا ياماسة ؟؟
ماسة : مش عارفة ياملك ....... احنا لسة منعرفش مراته دى حتطلع عاملة ازاى ........ ولاحتعاملنا ازاى بس اهى محاولة ونشوف احسن من جوز امك ......
ملك : عندك حق ....
وبعد شوية .... وصل سليم وشاف البنات واقفين ومعاهم شنط هدومهم استغرب سليم اول ماشافهم وقال : ايه اللى حصل ياماسة ؟؟ فيه ايه ياملك ؟؟ انتوا سيبتوا البيت ؟؟
ماسة مدمعة : اه يابابا سيبنا البيت ...
سليم بوجع : طب متحكوش حاجة دلوقتى ...... ولما نروح البيت نتكلم براحتنا .... وشال سليم شنط بناته كلها وروحهم على بيته ......
واول مادخل سليم البيت قالهم : فطرطتم ولاتفطروا الاول ؟؟
ملك : لا يابابا الحمد لله فطرنا ....
سليم : وايه رايكم فى البيت بقى ؟؟
ماسة : حلو يابابا عشان انت فيه .... وراحت معيطة جامد ...
اتصدم سليم من عياطها وقال : مالك ياماسة ايه اللى واجعك اوى كده ؟؟ تعالوا نخش الاوضة ونتكلم براحتنا ..... مرات ابوكم مش هنا نزلت بتشترى طلبات للبيت ....
ودخلت ماسة وملك مع ابوهم الاوضة وحكوله على كل اللى حصل فى بيت فريدة ..... وجوازها من الراجل ده وكل اللى حصل معاهم منه .....
اتصدم جاامد سليم من كلام البنات ده واتصدم بجواز فريدة اوى وقال بدهشة : ازاى فريدة تعمل كده ..... دى كانت خايفة عليكم منى ..... وده كان سبب طلاقنا تيجى دلوقتى وتعمل كده ..... انا مش مصدق .... دنا كنت مطمن عليكم عشان معاها ..... ماشى ماشى يافريدة ابقى خلى جوزك ينفعك بقى .....
وراح قايم وقال : يلا ياحبايبى قوموا بقى وفضوا شنطكم ومتزعلوش من اللى حصل ..... انتوا حتعيشوا معايا هنا ودى أوضتكم ..... واى حاجة تزعلكم هنا قولولى عليها ....
فرحت ماسة وملك من كلام ابوهم ده وحسوا انه بيخاف عليهم بجد واكتر من امهم كمان ......... وبسرعة فضوا كل شنطهم ورتبوا اوضتهم .......
وبعدين الباب خبط فتحت ماسة بسرعة لقت سهر قدامها ..... بصتلها باستغراب وقالتلها انتى مين ؟؟
سهر بعصبية : انتى اللى مين انتى هنا فى بيتى .... ودخلت سهر الشقة متعصبة وقالت : سليم سلييييم مين دول ؟؟
سليم بغضب : براحة شوية ياسهر دول بناتى .... مفيش حد غريب ....
سهر باستغراب : بناتك ؟؟ اه .... وحيعدوا معانا ......
قاطعها سليم وقال : ايوه ..... حيعدوا معانا علطول ياسهر .....
اتعصبت سهر من كلامه وبان عليها الغيظ ودخلت على اوضتها بسرعة ...... دخل وراها سليم علطووول وقال بغضب : مالك ياسهر مكشرة ليه فى وش البنات كده واتضايقتى لما عرفتى انهم حيعيشوا معانا علطول ........ دول بناتى ياسهر وامهم اتجوزت عاوزانى ارمى بناتى فى الشارع ......
سهر بضيق : انا مقولتش كده ياسليم ...... انا اتفاجات بيهم بس وبعدين ده بيتك وانت حر فيه ......
سليم : بس تعاملى البنات كويس ماشى ياسهر ...... مش عاوز حد فيهم يشتكيلى منك ..... وخدى بالك انا مفيش حد عندى اغلى من بناتى .... وصلت .....
بصتله سهر بغيط وقالت : وصلت ياسليم ....
ملك : من اولها مرات ابوكى مش طيقانا ياماسة ...
ماسة : واحنا مالنا بيها .... احنا عايشين مع بابا ... وبعدين كده شكلها فيه حاجة غريبة انا مش مطمنالها من ساعة ماشوفتها زعلت اوى لما عرفت اننا حنعيش مع بابا .....
وفى نفس اللحظة دى رن موبايل ماسة ... بصت عليه لقت جاسر بيطلبها ..... افتكرت انها نست ومكلمتهوش ولا اطمنت عليه من اول ماسافر ........ راحت جرت بسرعة على اوضتها عشان محدش يسمعها وردت عليه ......
ماسة بلهفة : الووو ايوه ياجاسر وحشتنى اوى ... انت فين دلوقتى ؟؟
جاسر : وحشتك فين بقى .... انا زعلان منك على فكرة ........ اسافر ولا تطمنى عليه ولا تفكرى تسالى فيه ياماسة ......
ماسة : لا مش كده ياجاسر ..... كنت حكلمك طبعآ ...... بس اصل اصل انا حصلتلى مشكلة كبيرة اول ماسيبتنى وامورى كلها اتلخبطت ومعرفتش اكلمك .......
جاسر : ايه اللى حصل ياماسة ؟؟ قلقتينى عليكى ....
ماسة : لما اشوفك بقى ......ححكيلك على كل حاجة .... انا محتاجة اتكلم معاك اوى محتجاك اووى ياجاسر ......... وراحت معيطة .....
جاسر بوجع : انا مش حقدر استنى لحد ما تشوفينى ياماسة لو مقولتليش دلوقتى ايه اللى حصل زعلك وخلاكى تعيطى كده انا حسيب شغلى واجيلك دلوقتى .....
ماسة مدمعة : خلاص ياجاسر حقولك على كل حاجة ....... وحكت ماسة لجاسر عن جواز امها وكل اللى حصلها مع جوز امها وموقف امها فريدةة منه وانها سابت البيت وعايشة مع ابوها ومرات ابوها .....
فكر جاسر شوية وقالها : انتى عملتى الصح ياماسة ..... بتعيطى ليه بقى .... اطمنى انا معاكى ياحبيبتى ....... بس اوعى تخطى بيت امك ده تانى ...... وانا لمااجى ليه صرفة تانية خالص مع جوز امك ده .....
ماسة بابتسامة : انا اطمنت لما كلمتك وحكيتلك كل ده ياجاسر كلامك ده فرحنى اوى وادانى ثقة فى نفسى اكتر .....
جاسر : انتى لازم يكون عندك ثقة فى نفسك منغير حاجة ياماسة لانك عملتى الصح ........ واقولك على حاجة تفرحك اكترر كماان؟؟ بلغى ابوكى ياماسة انى عاوز اقابله اول ماارجع من السفر علطووول ......
ماسة متلهفة : بجد اقوله كده من دلوقتى ؟؟
جاسر : ايوه ياماسة قوليله الحاجات دى فيها هزار ...... اول مااجى ان شاء الله حينتهى كل وجعك ده ياماسة .....
ماسة مدمعة : انا دلوقتى بعيط من الفرحة ياجاسر ......
جاسر : متعيطيش خالص وروحى قولى لابوكى اللى قولتهولك ..... انا مش بتحمل دموعك دى ......
ماسة بابتسامة وبتمسح دموعهاا : حاضر ..... حاضر ياجاسر .....
بس انا حقفل دلوقتى عشان بابا جاى عليا ماشى ....... ونهت ماسة المكالمة بسرعة اول ماابوها دخل اوضتها .....
سليم : بتعملى ايه ياماسة ؟؟ لسة بتعيطى برده .....
ماسة : لا يابابا مش بعيط خلاص .......... بس مش عاوزة تحصل مشاكل بينك وبين سهر بسببنا .......
سليم : مفيش مشاكل يا حبيبتى ده بيتكم ...... ولو سهر زعلتكم فى حاجة قوليلى وملكيش دعوة ......
ماسة بفرح : ماشى يابابا .....
وفى آخر اليوم بعد البيت كله مانام .... قامت سهر واتسحبت بالراحة من جمب سليم ........... وكلمت سيف على الموبايل .....
سهر بصوت واطى : الوووو ايوه ياسيف ... وصلتك الاخبار ولا لسة ....
سيف باستغراب : اخبار ايه ؟؟ انتى بتكلمى عن ايه ؟؟
سهر : بتكلم عن ماسة وملك ياسيف ....
سيف : مالهم ماسة وملك ؟؟
سهر : سليم جابهم يعيشوا معايا هنا فى البيت ...... بعد امهم فريدة ما اجوزت.....
سيف متفاجا : انتى بتقولى ايه ؟؟ معقول كل ده حصل ؟؟
سهر : اه حصل وعمل كده ..... وده مكنش اتفاقنا من الاول ياسيف انا مش حقدر اتحمل بناتوا دول يعيشوا معايا ..... ده بيخاف عليهم من الهوا .... ولو فضلوا عايشين معانا هنا انا حتطلق من سليم ياسيف .....
سيف بغضب : تطلقى ايه ؟؟ انتى مجنونة بعد كل اللى عملناه ده ..... انتى كده حتبوظى كل حاجة .....
سهر : امال عاوزنى اعمل ايه يعنى ؟؟ سليم بقى وحش معايا واتغير اوى فى معاملته من اول ما البنات جم البيت ده اتخانق معايا عشانهم من اول يوم ياسيف .....
سيف : معلش ...... معلش استحملى شوية ياسهر ...... وانا حشوف طريقة وحخلصك من البنات دى خالص ......