قصة لعنة سحر الدماء-دهناشين
الجزء الاول
بقلم مروى العمروسي
سمعت صوت مش عارف اوصفه صوت رهييب الارض كانت
بتتهز بينا بصيت علي منار لقيتها فتحت بؤها عاالاخر
وصرخت صرخة عليا اوي واتخشبت مكانها ..ظهر كائن
طويل جدا وضخم جدا وليه قرنين كبااار وجناحات كبيرة
عنيه كبيرة جدا ولونها احمر ..جسمه جسم انسان بس راسة
شبه كبش ...مسكها من رقبتها ورفعها فوووق ...فضلت تصرخ تصرخ ..بصلنا وقال
قبلت قربانكم
و الارض انشقت ادامنا وخرج منها ايادي كتير اوي سوده صغيره وقام الكائن …...
دكتورة ريناز هدخلك الحالة التانية احمد ماهر
دخليه...
مساء الخير يادكتورة ريناز
مساء الخير يا احمد ..اتفضل استريح
شكرا
تحب تشرب ايه
متشكر جدا مش عايز حاجه
اتفضل... قولي بقي بقالك اد ايه معانا يا احمد
9 شهور
واخبارك ايه دلوقتي
لسه مش بنام طول الليل وعايز حل
ايه الي مش بيخليك تنام
في مشكلة حصلتلي من 9 شهور ومش قادر انساها ..انا حكيت للدكتور كريم
انا عارفه بس دكتور كريم مش معانا دلوقتي وانا الي هبقي معاك الفترة الجايه وعايزة نبتدي مع بعض بداية كويسة
حاضر
احكيلي ايه الي حصل معاك
هي طويلة شوية
انا سمعاك ..
انتي هتسجلي الكلام الي بقوله؟
بتسال ليه مش عايزني اسجل؟
مش عارف اصل دي اول مرة اعدت مع دكتور كريم سجل بعد كدا مبقتش اسمعه بيسجل خالص..هو ك االدكاترة بيسجلو صح ..ممكن متسجليش من فضلك
حاضر .. بس ليه ؟
علشان بعد كدا لما تيجي تغلي التسجيلات تاني هتلاقيها اتمسحت ..زي محصل قبل كدا
تمام هاخد بس ملاحظات
يبقي افضل
يلا احكيلي المشكلة ..ايه اللي حصل
مش عارف ابتدي منين
زي متحب ..
هممم بصي يادكتورة ..انا قتلت مراتي ..هو مش انا الي قتلتها..الجن الي قتلها ..دهناشين هو الي قتلها مش انا ..
وبعدين
مش عارف اجمع افكاري
ايه رايك من الاول خاااااالص ..احكيلي من الاول
حاضر ......
انا اسمي احمد عندي 28 سنة بشتغل محاسب في بنك من البنوك الكبيرة المعروفة هنا فالقاهرة ..بنك …..
اتخرجت و اشتغلت الحمد لله من غير واسطة وطبعا اهلي زي كل الاهالي جابولي عروسة عشان يجوزوني و استقر واكون اسرة
طبعا مقدرتش اصمد قدام كمية الزن والالحاح فالموضوع دخلت في مشروع الجواز التقليدي اللي بيدخل فيه ناس كتير ،جابولي عروسة بسرعة البرق اسمها دنيا ..فلان رشحهالنا بنت كويسة ومثقفه وعلي خلق و فلان يعرف اهلها ومن هنا لهنا زي مبيحصل … حددو ميعاد مع اهل العروسة علشان نشوفها وتشوفنا و المكان روحنالهم فالبيت علي طول
جه اليوم ولبست بدله انا وبابا واخويا وماما لبست احسن طقم عندها ..زي مبتقول ان دا اليوم الي مستنينه من زمان انهم يفرحو بيا ويشوفوني في فرحي ويشوفو اولادي طول اليوم بتحضر نفسها وبترتب للمعاد ..ونزلنا اخيرا وركبنا عربيتنا وروحنا
وصلنا بيت العروسة الساعه ٧ ونص ..هي عبارة فيلا صغيرة في المعادي ..علي حسب ما سمعنا هم ناس كويسين وميسوري الحال والدها مهندس بترول ووالدتها مديرة مدرسة و دنيا دكتورة صيدلانية عندها ٢٥ سنة ..تمت الاعدة واتعرفنا والحقيقية دنيا طلعت زي مقالو في قمة الرقي والثقافه ..
و حصل قبول مابينا واهلنا اتفقو علي كل حاجه و حتي قرينا الفاتحة و حددنا معاد الخطوبة بشكل مبداي ...سؤال واحد بس كان في دماغي رغم كل دا ..هي معقول مثلا وهي قمة فالجمال والتفتح والثقافه ملقتش حد مناسب ليها فالشغل او الجامعه يشاركها حياتها وازاي وافقت عالجوازة التقليدية دي .. يمكن انا شكاك ..في حاجه متطمنش .بس طالما الموضوع ماشي كويس مفيش داعي استسلم للشكوك ..اكيد عندها اجابات وهعرفها منها لما نتعرف ونتكلم اكتر ..طبعا هسالها مش هقدر اسكت
بس خلال شهر الحمد لله تمت الخطوبه ..حفله بسيطة عائلية ف بيتهم معزمناش ناس كتير انا وبابا وماما واخويا وخالي و واحد صحبي اسمه حسام وهي حضر من اهلها مامتها وباباها وخالتها وبنت خالتها وواحده صديقتها بس او جارتها مكنتش عارف ..هي معندهاش اخوات وحيدة امها وابوها ..
بس وانتهت الحفله علي خير مفيش حاجه حصلت مش طبيعية ..شي وحيد بس كان مدايقني طول الحفلة .. هو دايقني اول مره برده لما روحنا زرناهم بس مكنتش حاطط ف دماغي ..
البيت كله مرايات طول منا اعد في مراية ادامي شايف نفسي والموجودين فيها ...احيانا وهم مش واخدين بالهم كنت ابص فالمراية الاقي الصورة فيها في حاجه مختلفه عن الواقع.. مرة دنيا بدل مهي قاعده جمبي الاقيها بينه فالمرايا واقفه ..مره مامتها مكنتش جمبنا اصلا الاقيها واقفه ..لحد ف مرة ببص لقيت ورايا واحد واقف لابس عباية طويلة سودا ومغطي راسه و ماسك ف ايده حاجه رمح كدا .. علي شكل شوكة ثلاثية ااتخضيت ونطيت كدا من مكاني كنت هقلب كوباية الشربات عليا بس تمالكت نفسي ..
وبعدين يا احمد
اليوم عدا و كملنا حياتنا الفتره اليبعدها في تليوفنات ومقابلات زي اي اتنين مخطوبين
..و بدنا في مشوارنا و تجهيز شقتنا ومجايب العفش وفرش الشقه لاننا كنا هنتجوز خلال 4 شهور او اقل ويادوب نلحق نخلص كل حاجه ..كان في اوقات كتير كنت بخلص شغل وارجع ع الشقة الي بنجهزها عشان اتابع الصنايعية وكنت بلاقي دنيا دايما سبقاني وموجوده وبتتابع غالبا بتبقى جايه مع والدتها او باباها ..
في يوم اتاخرت شويه عن معادي ف وصلت الساعه 10 بليل وطلعت اشوف وصلو ل ايه ..لقيت الشقة مقفولة .. استغربت جدا فالعادي الصنايعية بيكونو لسه موجودين بيمشو علي 12 كدا ايه ياتري الي مشاهم بدري؟
خرجت المفتاح من جيبي وفتحت باب الشقه الدنيا ضلمة كحل . شميت ريحة غريبة جدا جدا زي متكون ريحة جثة متحللة .. انا عارف الريحة دي لان عمي الله يرحمه لقيناه متوفي في بيته ومكنش حد يعرف عنه حاجه وكسرنا عليه باب شقته لقيناه متوفي من حوالي 10 ايام ..وكانت الريحة صعب جدا ...شميت نفس الريحة دي
دخلت جوه ومقفلتش باب الشقه ورايا مشيت شوية وطلعت الموبايل علشان اشغل الكشاف بتاعه او اضاءة شاشه الموبايل تنورلي شويه ببص لقيته فاصل مع اني باصص فيه قبل مطلع في الاسانسير كان 90 % المهم قررت ادخل جوه وافتح نور الصالة او الطرقة وانا ماشي في حاجات عمال ادوس عليها حجات كتير اوي صغيرة مرمية وطرية وبدوس عليها كتير جدا كل ما امشي خطوه رجلي تخبط ف حاجات حجمها مش كبير بس انا مش عارف ايه الي فالارض دا
قلت مش معقول الصنايعية منضفوش قبل مينزلو او حتي لو منضفوش ايه الي مرمي دا قماش يعني متكور ولا ايه فقررت اوطي والمس ايه اللي فالارض دا
بمسك حاجه منهم لقيتها زي ميكون حيوان صغير حاجه ليها ديل ورجلين ..زي ميكون فار ..وايدي لمست سائل لزج كده ف رميتها بسرعة
مشيت شويه مبوصلش عمال امشي كاني ماشي في مكان ملوش نهاية مع ان الطرقة مش طويله للدرجه دي حسيت بخنقة وخوف و بقي قلبي يدق جامد جدا ونفسي عمال يتكتم فقربت من الحيطة بقيت اسند عليها لحد موصلت للشباك
فتحته بسرعه ينور علي الاقل اي اضاءه جايه من الشارع سمعت صوت غريب ورايا ف لفيت اشوف ايه دا
لقيت واحده موطية فالارض و مديانى ضهرها وبتعمل حاجه فالارض الاضاءه اللي جاية من الشباك من الشارع برده نورت شويه فبقيت شايفها الي حد ما بس مش واضحه
قلتلها انتي مين؟ انتي مين؟واي الي جابك شقتي؟ اطلعي احسنلك لان انا هبلغ البوليس
لقيتها بتعمل صوت غريب جدا وبعدين قامت فجاه وبعدين وطت تاني خدت حاجه من الارض ووقفت ولفت تاني نحيتي
معرفش ازاي نور البيت فجاه نور لوحده ل ثواني فاللحظة دي شفت اغرب شي ممكن اشفو فحياتي
شفت واحدة شبه دنيا خطيبتي لكنها مش هي لابسة فستان ابيض قصير وعليه دم مغرقه و شعرها طويل اوي اوي ومنكوش بطريقه غريبه جلدها لونه ازرق ومتشقق وعنيها لونها اصفر زي القطط و ماسكة فار فايدها صاحي ورفعته علي بؤها وحطت راسه ف بؤها و قضمتها و فالايد التانيه فار تاني ميت من غير راس و الدم عمال ينزل منه .بصيت فالارض لقيته كله فران مرميه والارض مليانه دم وقامت بصتلي و صرخت …
فالحقيقه انا مش عارف ايه الي حصل انا غيبت عن الوعي وبعدين فتحت عيني لقيت دنيا واقفة ادامي عماله تبرقلي وتقول حاجه انا مش سامعها ..عماله تبرقلي وتعيط دا او انا في مشكله ف وداني
يا احمد انت سامعني
اه اه سامعك
ايه الي حصل انا نزلت اجيب حاجه وطلعت لقيتك مغمي عليك فالارض و الباب مفتوح ايه الي حصل
لا ولا حاجه الظاهر انا دخت شويه
انا بحاول اتصل ب ابابا بس مفيش شبكه خالص
مفيش مشكله
خد طيب اشرب ميه
...
طبعا تمالكت نفسي يعني اكيد اللي شوفته غير حقيقي بالمرة
قلت له اهو دا الي حصل المهم انا كويس عدي اليوم وكملنا عادي في تجهيزاتنا ..طبعا يوم بعد يوم كنا بنقرب لبعض ونحكي لبعض كل حاجه ..فالحقيقه انا حبيتها جدا واتحول الموضوع مبقاش مجرد موضوع تقليدي ..لاحظت انها مش بتحب تتكلم ابدا عن اذا كان في حد ف حياتها قبلي.. كنت بقول عادي جايز مش بتحب تحكي عشان متضايقنيش بس فات 3 شهور ومفيش اي حاجه حصلت وكنا خلاص شبه فرشنا الشقه و فاضل أسبوعين علي ميعاد الفرح
الساعة 2 بليل لقيت التليفون عمال يرن يرن يرن مبيفصلش بشوف مين لقيته بواب العمارة الي فيها الشقه الي هتجوز فيها
استغربت عايز ايه دا دلوقتى رديت عليه
الوو يا استاذ احمد الحق الشقه بتاعت حضرتك بتولع
ايه ؟ انت بتهزر يا اسماعيل ولا ايه شقه ايه اللي بتولع انت شارب حاجه؟
وربنا بتولع و بنحاول نطفيها وكلمنا المطافي لسه مجتش وبنحاول نطفيها متطفيش تعالي
والخط قطع
قمت لبست جري و نزلت جريت فالشارع زي المجنون وبعدين وصلت عند العمارة ملقتش حاجه لا ناس ولا مطافي ولا جيران ولا حريق
دخلت من باب العمارة
الدنيا ضلمة كحل وانا ماشي عشان اوصل للاسانسير حاسس زي ميكون حد ماشي ورايا فيه صوت رجلين حد بس اول مقف الصوت يسكت وصلت للاسانسير بس مكنش شغال واضح ان النور قاطع فى العمارة كلها ..لحسن الحظ ان الشقة فالدور التاني فطلعت عالسلم
وانا طالع سامع صوت ضحكات وصوت اطفال بتجري وبعدين الصوت يبعد واحس برده ان حد ماشي ورايا وطالع عالسلم صوت رجليه عالي اوي وكمان صوت نفسه كانه بينهج
قلت بسم الله الرحمن الرحيم اعوذ بكلمات الله التامات من شر ماخلق
حسيت براحه وكملت لحد موصلت للشقه ..طلعت المفتاح وفتحت الباب براحة وانا خايف من الي هشوفه المرادي
اول مالباب اتفتح ودخلت شميت نفس الريحة الي شميتها المرة الي فاتت ..الحقيقة خفت وقررت اطلع واسيب الشقه خالص لكن باب الشقه اتقفل ورايا
ظهر شخص وقف ادامي لابس عباية سودة ومغطي راسه ماسك ف ايده حاجه كدا زي رمح شوية يبقي رمح وشوية يبقي سيف اسطوري كدا زي الي بنشوفه في افلام الاساطير ومرة اشوفه..سلاح طويل مدبب زي اللي بنشوفهم ف افلام الرعب
انا مش شايف وشه لكني سالته
انت مين وايه الي جابك هنا
مردش عليا وشاورلي بايده ناحيه الشمال بمعني بص
بصيت لقيت دنيا بشكلها الي شفته قبل كدا فستانها الابيض القصير و شعرها الطويل المنكوش وجلدها الازرق المشقوق وعنيها الصفرا زي القطط واقفه وبتبص عالسقف ..السقف نازل منه حبل او بمعني الاصح متعلق فيه مشنقه بصتلي وضحكت جدا وقامت صرخة
فجاة معرفش ازاي لقيتها متعلقه فالمشنقه وعماله تتحرك جامد وتتهز وتتلوي زي الافعي ويخرج منها صوت غريب وعماله تشاورلي
قلتله الحقها متسيبهاش تموت حتي لو دي مش دنيا الي اعرفها الحقها ابوس ايدك
رد عليا بصوت زي فحيح التعابين انت تقدر تنقذها ..متتجوزهاش وهي تعيش وانت كمان تعيش ..هي مش ليك يا احمد
قلتله
انت مين ؟ انت مين وعايز ايه مننا؟وليه بتعمل كدا
قالي انا دهناشين الموكل بمنعك عن الزواج ..فالاولي احذرك فالثانية اريك ما سيحدث و فالثالثة افعل
قلتله انت جن ومتقدرش تعمل حاجه وملكش سلطة علي الانسان
وقرات ايه الكرسي
بسم الله الرحمن الرحيم
الله لا اله الا هو الحي القيوم لاتاخذه سنة ولانوم ………الي اخر الاية..