رواية جمعتنا صُدفه
الفصل السادس و الآخيره
بقلم عليا محي
( عند حسام)
حسام : هجيب الكمان و نشوف سهرتنا بليل... هتكون الحفله عليها..
فتحي : براحه علي البنت بردو!
حسام : براحه ايه يا فتحي!! بقولك جابت بلطجيه يضربوني انت مستوعب!!!
فتحي : مستوعب بس خد بالك انها وحيده يعني..
حسام : هي مراعتنيش مش هراعيها!!
لوجين : ربنا يستر اما نشوف
( في الطريق للمعسكر و ريم ومصطفى شايلين الاكل و بيحكوا فالطريق)
مصطفى : سامعك..
ريم بتنهيده : حسام..
مصطفى : جايه عشانه ؟
ريم : ايوه انا اصلا هاجي رحله تاني ليه ما انا حافظه كل حاجه زي ما انت قولت..
مصطفى : و ايه اللي حصل؟
ريم : مبيحبنيش بالطريقه اللي بحبه بيها ، شايفني واحده زي اي واحده..، انا كنت فاكره اني بدأت احبه والله.. فالأول كدبت نفسي و قولت انه إعجاب زي اي حد اما تشوفه تعجب بيه و بس ، بس هو كان بيرميلي كلام فالنص كدا كان باينلي انه بيحبي زي ما انا حبيته ، بس هو دماغه راكبه غلط 💔 مبيفهمش المساعده علي انها حب مفهمش اني بحب طبيعي زيي اي بنت بتحب ، فاكرني بحبه..
( و تسكت و تتنهد بدموع)
ريم بدموع : شايفني غلط يا مصطفى والله كنت حبيته حسيته آماني انا طول عمري عايشه مع ماما و بابا معنديش اخوات ، بابا و ماما ناقر و نقير مبيبطلوش خناق ، ماما تتعصب تزعقلي و بابا مش هكدب بيهون .. بس انا مبسمعش غير خناقتهم ، اول مره حد يقولي كلمه حلوه .. طب تعرف انا فرحت بالشويه دول .. بس المشكله اني هزعل علي ضياعهم سنه 💔
مصطفى : الحب مش لينا يمكن ، يمكن في عوض اكبر؟
(ريم ببتسامة حزن علي حال مصطفى و حالها )
ريم : في .. اكيد في عوض ، انت هيبقي عوضك كبير و انا عشمانه ان ربنا هيعوضك لطيبة قلبك يا مصطفى ♥️
مصطفى بضحك : يا ستي قلبي تعبان ، طيبة ايه بس
ريم بحب : خير يا مصطفى خير
( بعد شويه تبادل حكي يوصلوا المعسكر و بالآكل و تجذب ريحته كل الموجودين و يخرجوا من خيمهم حتي مستر حازم)
مستر حازم : يااه يا ولاد ياااه متقولوش عملتوا غدا
ريم ومصطفى ببتسامة : اه عملنا ♥️
مستر حازم : والله مش عارف اقولكم ايه يا ولاد والله كتر خيركم
( ينادي مستر حازم علي المعسكر يجمع عشان يساعدوهم في تحضير الأطباق)
حازم : يلا يا شباب كله يجمع هنا الشباب كتر خيرهم حضرولنا غدا اتعلموا منهم بقي!!
(يخرج الكل من الخيم علي ريحة الأكل الجميله يخرج حسام و فتحي و شهندة و لوجين و باقي المعسكر علي نداء مستر حازم يبص حسام بحزن علي ريم و هي بتضحك ل مصطفى و هما واقفين مع بعض يقرب و يقف مع باقي المجموعة و يبصلها تكون شهنده شايفه نظرة حسام تروح و تقف جمبيه)
مصطفى ل ريم بهمس : شيف ريم
ريم : نعم يا شيف مصطفى
مصطفى : احنا الابطال بتوع المعسكر حاليا
تضحك ريم : ابطال من يومنا يا شيف مصطفى
مصطفى بضحك : طب يلا نحط الأكل يا شيف ريم
ريم : انت شايف العدد كويس اننا عملنا بزياده بس انا خايف ياكلوا الحلل
مصطفى بضحك : علي قولك ربنا يستر 😂😂
مستر حازم : هتفضلوا تهمسوا لبعض كتير يلا حطوا الأكل!
مصطفى و ريم في صوت واحد : عُلِم!
( و يبصوا لبعض و يضحكوا و يروحوا يحطوا الأكل و عيون حسام مش مفارقه ريم و عيون شهندة مش مفارقه حسام)
( يقعدوا و يوزعوا الأطباق و يحطوا الأكل للكل تروح ريم تحط لحسام)
حسام : ريم
ريم : نعم
حسام : انا اسف ، مكنش قصدي غلط ، انا بحبك
ريم : ايه دا من امتي ؟
( يجي حسام يتكلم تروح شهندة حاطه اديها علي كتف حسام بدلع)
شهندة : حسام ناولني كدا المعلقه من جمبك
حسام بزهق : خدي
شهندة : ريم جايه ليه ؟ مش معاكي معلقه ؟ خدي اهيه..
ريم : انا ماشيه
شهندة باستفزاز : امشي امشي
حسام بزهق : شهندة!!!
( تمشي ريم و تروح ل مصطفى و يكون باين علي وشها الحزن)
مصطفى : ريمو
ريم : ممم
مصطفى : حسام قالك حاجه ؟
ريم : اه
مصطفى : قالك ايه..
ريم : بيقول مكنش يقصد و انه بيحبني..
مصطفى : يمكن بيحبك فعلا
ريم : تفتكر.. ؟
مصطفى بضحك : بصي هقولك وصيتي احفظيها شيف ريم و حسام بارك الله لكما و بارك عليكما و جمع بينكما في خييييير بس كدا دي وصيتي..
ريم بضحك : بعد الشر عليك ربنا يديك طولت العمر و نقول ل الشيف مصطفى و شهندة بارك الله لكما وبارك عليكما وجمع بينكما في خييييير بس كدا برضوا 😂♥️
مصطفى بضحك : لا بعيده دي استني في جزء أخير في وصيتي
ريم : ايه
مصطفى : اول ولد بيكي اسمه هيكون مصطفى اتفقنا ؟
ريم : متفقين جدا يارب يطلع بطيبتك بس ♥️
مصطفى : هيطلع بطيبي ابقي قوليله في ودانه عمو مصطفى بيحبك
ريم بضحك : ابقي تعالي قوله
مصطفى : يمكن ملحقش ابقي قوليله انتي
ريم : ربنا يديك طولت العمر انت هتخف و هتبقي احلي شيف مصطفى
مصطفى : فكرك ؟
ريم : جداا ♥️
( بعد فتره يخلصوا اكلهم و يبدء الكل يشل الأطباق و يلتموا مكان اكلهم و يجهزوا لقعدة الليل و اخر يوم ليهم في مغامرة الغابه ، يروح حسام يجيب الكمان بتاعه و تروح ريم تجيب حطب عشان النار تدفيهم في ليل البرد ده و يتجمعوا كلهم في دايره حوالين النار تقعد ريم جمب مصطفى و هي باصه علي حسام بحزن و كذلك حسام باصصلها بترجي و علي الجمب الآخر باصص مصطفى ل شهندة بحزن و شهندة باصه لحسام بحزن ، مشاعر متلغبطه و متجمعه كلها في دايره واحده مفيش حد متأكد من مشاعره غير لوجين و فتحي اللي من أول الطريق و اعترفوا لبعض بحبهم مستنوش ايه فايدة الحب من بعيد لبعيد غير انه يجرح الطرف المحب ؟ يبدء حسام يعزف في هدوء الليل و يغني و كل واحد باصص للي بيحبه بمشاعره)
حسام : إوعديني
لو زعلتي مرة مني تعرفيني
لو جرحتك غصب عني تحسسيني
ماتشيليش جواكي حاجة
تحكي ليا كل حاجة
لما هفهم هبقي احسن صدقيني
إوعديني
لو نسيت يا حبيبتي نفسي تفوقيني
لو خدتني الدنيا منك رجعيني
لو في لحظه زاد غروري
اشتكي لومي وثوري
بس اوعي في يوم تروحي وتسيبيني
انتي قلبي وانتي روحي وانتي عيني
حد عايز أعيش معاه لآخر سنيني
انتي بالنسبالي مش حب في حياتي
انتي كل حياتي فعلاََ افهميني
انتي قلبي وانتي روحي وانتي عيني
حد عايز أعيش معاه لآخر سنيني
انتي بالنسبالي مش حب في حياتي
انتي كل حياتي فعلاََ افهميني
إوعديني
لو في يوم الخوف ملكني تطمنيني
لو ذكائي في مرة خانّي تفهميني
لما أقسى في يوم تحني
وأما أغلط غصب عني
قبل ما أغلط غلطة تانية تلحقيني
إوعديني
لو يبيعني الكون بحاله تشتريني
تبقي أقرب مني ليا تكمليني
( يخلص حسام الأغنيه و عيونه مفارقتش ريم تنزل دموع من عيون ريم تمسحها بسرعه و تبص ل مصطفى اللي الدموع غرقت وشه و باصص علي شهندة )
ريم : مصطفى
مصطفى : هاا
ريم : ممكن تمسح دموعك ؟
مصطفى : هو في دموع؟
ريم : اه في امسحهم عشان خاطري ♥️
مصطفى بضحك : ماشي انا اصلا مقولتلهمش ينزلوا
ريم : و لا انا..
مصطفى : يلا مش مهم
( يقوم فتحي فجاه و يقف في نص الدايره و يقول بصوت عالي)
فتحي : متشكرين يا حسام علي الحانك الجميله اللي شجعتني اقوم و اقول اللي هقوله دلوقتي ربنا يستر
حسام بضحك : قول اشجيني 😂
فتحي بصوت عالي : انا بحبييييييك يا لوووووجااااااين
( تحط لوجين اديها علي بوقها و تضحك بِـ كسوف جامد و تنزل دموع من عنيها بفرحه تقوم تقف يقرب فتحي منها و ينزل قدامها علي ركبه و هي هتطير من الفرحه)
فتحي : مش معايا خاتم لما نروح بس مش قادر استني.. تتجوزيني؟♥️
( تعيط لوجين من الفرحه و تبص للكل اللي حواليها بدموع و ترجع تبص في عيون فتحي بحب)
فتحي : بسرعه الله يخليكي الركب متستحملش يدوبك 🤌🏻
(تضحك لوجين و يضحك الكل بفرحه ليهم)
لوجين بفرحه : موافقه موافقه 🥺♥️
( يقوم فتحي يحضنها جامد بحب و تدمع عنيه من الفرحه)
فتحي : بحبك والله
لوجين : و انا بحبك اوي ♥️
حازم : مبروك يا عصافير
لوجين و فتحي : الله يبارك فيك
(يقوم الكل يبارك ليهم و يحضنوهم بحب تروح شهندة علي حسام )
شهندة : عقبالنا..
حسام : شهندة.. متخلنيش افضحك وسط الكل هنا!!
شهندة : تفضحني!!
حسام : ايوه افضحك.. استنيني كدا
( يقوم حسام يقف و يقول بصوت عالي)
حسام : معلش يا فتحي معلش يا لوجين هنقطع الفرحه الجميله دي بفاصل اعلاني صغير شهندة اللي قدامكم دي جابت بلطجيه يضربوني عشان مبحبهاش!!
شهندة بخوف : انت بتقول ايييه!!
حسام : زي ما سمعتوا كدا شهندة واحده مريضه نفسيا بتحب كل حاجه لنفسها و بس!! انانيه!!
شهندة بدموع : حسااام!!
حسام : نعم!! و كمان سبب ف اني ازعل ريم مني كنت مخنوق و معرفتش اتحكم ف زعلي زعلتها و انا مقصدش..
حسام لريم : ريم انا بحبك
( تبصله ريم بحزن و ساكته)
شهندة بدموع : حسام و انا.. انا بحبك قبلها!!
حسام : و انا مبحبكيش!! مقولتلكيش تحبيني! محببتكيش فيا!! دا غلطتك انتي!
( تبصله شهندة بدموع و كسره يبصلها مصطفى بحزن و يقول لريم في السر)
مصطفى : حصل اللي خايف منه..
( تلم شهندة الباقي منها و تجمع دموعها و تمشي بحزن يناديها مصطفى بسرعه)
مصطفى : شهندة يا شهندة استني..
شهندة بغضب : نعم!! نعم يا مصطفى عاوز ايييه!!
( يبص لريم بحزن تهزله راسها بأنه يقولها يلف لشهنده)
مصطفى : شهندة انا بحبك..
شهندة بضحكة إستهزاء : و انا مبحبكش!! انا مبحبكش يا مصطفى مين قالك تحبني!! مش دا اللي حسام قاله ؟! انا هقلهولك بقي انا عمري ما حبيتك و لا هحبك في حياتي انت ولا حاااجه!!
مصطفى : ولا حاجه ؟
شهندة بدموع و زعيق : و لاااا حاجه!!
( تمشي شهنده يلف يبص لريم بآلم و يرجع يبص في الأرض تعيط ريم بحزن و آلم يقرب منها حسام و يحضنها يهديها يبتسم مصطفى بدموع )
مصطفى بتعب : ريم..
ريم بدموع : مصطفى.. متزعلش
مصطفى بدموع : مش زعلان ، حسام بيحبك علي فكره صح يا حسام ؟!
حسام : مصطفى اهدي انت متستهلش شهندة خالص انت تستاهل احسن منها
مصطفى بآلم : ممكن متسبش ريم دا طلب مني هي بتحبك
انا بس كنت راضي ب شهندة راضي اشوفها بتضحك بس
( يتعب فجآه و يحط ايده علي قلبه و ينزل علي ركبه فالأرض ، يقع يجري عليه ريم و حسام )
ريم بدموع : هتبقا كويس
مصطفى بتعب : ريم ابنكم اسمه مصطفى ماشي ؟
ريم بدموع : مصطفى اهدي هتبقي كويس اهدي 💔 شيله معايا يا حسام
( يرفعه حسام مع ريم و ياخدوه الكل و يطلعوا مع المسؤول علي العربيه عشان يودوه اقرب مستشفي ، يركبوا العربيه و يحطوا مصطفى فالعربيه و يتحركوا)
ريم بدموع : مصطفى مصطفى خليك معايا
مصطفى بتعب : حسام خلي بالك منها
حسام : اهدي يا مصطفى ارتاح هنوصل متقلقش
مصطفى بتعب : انا خلاص بودع صح يا ريم متنسيش تقول
ل مصطفى الصغير ان عمو مصطفى الكبير بيحبك ها
ريم بدموع : انت هتقوله انت هتقوله يا مصطفى 💔
مصطفى بآلم : مم ممش هللح.. ق
( يفقد مصطفى الوعي تعيط ريم بحرقه يحضنها حسام و
يهديها بعد فتره يوصلوا علي المستشفى يشلوا المسعفين
مصطفى بسرعه و يدخلوه المستشفى يجس الدكتور النبض قبل اي حاجه يكون ضعيف جدا)
الدكتور : جهاز الانعاش بسرعه!!
الدكتور :واحد اتنين تلاته
(يشغلوا جهاز الانعاش اكتر من مره بس للاسف مفيش، و يعلن
الموت عن خطف روح مُحب محب من كل قلبه نقائه كان كتير
علي الدنيا ، مقدرش يستحمل حزنها مقدرش قلبه يستحمل ووقف 💔)
*تعدي السنين*
( في بيت جميل جدا قاعد ولد صغير في المطبخ مع مامته)
الولد :ماما يا ماما
ريم : نعم يا مصطفى اقعد بقي بخلص الغدا
مصطفى بتكشيره طفوليه : انا اسمي الشيف مصطفى انتي قولتي كدا!
ريم :احلي شيف مصطفى يا صغنتوت
حسام : يا سيدي يا سيدي علي الشيف مصطفى دوقني عملت ايه
مصطفى بطفوله :دوق با بابا دوق
ريم :اهو شوف الشيف عمل ايه
( يدوق حسام و يلاقي طعمه وحش جدا بس يبتسم)
حسام :حلو حلو
مصطفى :انا عارف
( تضحك ريم و تحضن مصطفى يوطي حسام ليهم و يحضنهم الاتنين بحب)
ريم بحب :مصطفى.. عمو مصطفى بيحبك اوي
#النهـــــ💛ـــــايه#