رواية لم اكن يوما لك
الفصل الثانى ...
بقلم سالى مصطفى
امجد مصدوووم : انتى ايه اللى بتقوليه ده ياسمر ؟؟ هوه ايه اللى حصل لكل ده ؟؟؟
سمر بضيق : بقول اللى سمعته دلوقتى ياامجد وعن اذنك بقى
عشان انا اتاخرت على البيت ......... وراحت قايمة سمر فى
ساعتهاا ومشت وسابته قاعد لوحده وراحت على بيتهاا ..........
امجد بغيظ : ماشى ياسمر ماشى انا بقى حعلمك الادب على اللى انتى عملتيه معاياا ده ومش حعديهالك بالساهل ابدآ ........
ودخلت سمر بعدهاا على البيت ولقت انجى جارتهاا قعدة مع مامتهاا فى الاوضة ودخلت سمر عليهم الاوضة وقالت بابتسامة : ايه ؟؟ اتاخرت عليكواا ؟؟؟
انجى باستغراب : سمرر ؟؟ لا متاخرتيش خااالص على فكرة انتى لحقتى تروحى وتيجى يابنتى؟؟؟
غالية ام سمر بابتسامة : ربنا يكملك على خير ياحبيبتى ويسعدك مع امجد واشوفك عروسة وسعيدة علطول يارب ..........
وغيرت سمر الموضوع ده فى ساعتهاا وقالت : احم احم تعالى ياانجى بقى وروحى على بيتك خلاص ...........
انا اخرتك اوى النهاردة معلش بس انتى عارفة الظروف بقى وانا مش بعرف اسيب ماما لوحدهاا خالص معلش عطلتك ..........
انجى باستغراب : ولا يهمك ياسمر احنا اخوات طبعاا وقامت انجى من الاوضة بسررعة وطلعت مع سمر على بره وهمست لسمر بالراحة وقالتلهاا : ايه اللى حصل ياسمرر انتى بتوزعينى ليه؟؟؟ وعملتى ايه مع امجد قوليلى الاول ؟؟؟
سمر بقلق : بعدين بعدين بقى ياانجى حبقى اقولك على كل حاجة عشان دلوقتى ممكن ماماا تسمعنى نبقى نتكلم بعدين بقى ............
انجى باستغراب : خلاص ماشى ياسمر على راحتك بعدين ........ عاوزة حاجة منى ياطنط غالية انا ماشية..........
غالية : لا ياحبيبتى سلامتك فى رعاية الله ........ ومشت انجى بعدهاا علطوول من البيت وراحت على شقتهااا .........
ودخلت سمر بعدهاا على اوضتهاا وافتكرت حبيبهاا القديم تانى ودموعهاا مالياا عنيهاا وبتقول لنفسهاا : واخرتهاا ايه فى اللى انا فيه ده بقى ياترى لسة فاكرنى ياعمرو زى ماانا فكراك كده ؟؟؟ طب ياترى عامل ايه فى حياتك دلوقتى سعيد ولا تعيس زيي كده بس يارب تكون سعيد ............
وفتحت سمر اجندتهاا كعادتهاا زى كل يوم وفضلت تكتب مذكراتهاا وتسجل كل اللى حصلهاا فى اليوم ده كعادتهاا وفضلت تكتب : الى متى ستظل تسيطر على كل تفكيرى كهكذا ؟؟؟ وانى ساظل لا ارى بعدك ولا اقابل سوى اشباه الرجال فى طريقى ........
سئمت من حياة تخلو منك ايامهاا تتشابه اليوم مثل الامس والامس يشبه غدى ايضآ ............. فانا اليوم قد تركت بسببك شخص قد يكون احبنى ام لم يحبنى ولكننى كل مااعرف انى مازلت احبك انت واحملك مسؤلية قرارى هذا ..........
وفجاة الباب راح مخبط جااامد عليهاا راحت قايمة سمر بسررعة وشالت اجندة مذكراتهاا فى الدولاب بتاعهاا ...............
وطلعت بره الاوضة بعدهاا علطوول وراحت على الباب عشان تفتح واتصدمت بعمهاا وامجد قدامهاا علطوووول وقالت باستغراب : مين ؟؟؟؟ عمى ؟؟؟؟
فريد عم سمر : ايوه عمك ياسمرر ..... ممكن ادخل ولا لا ؟؟؟
سمرر باستغراب : اه طبعآ اتفضل ادخل لا ليه ؟؟ ودخل فريد ووراه علطوول دخل امجد وهوه بيبص لسمر بغيظ اوووى ..........
سمر بضيق : تشرب ايه ياعمى ؟؟؟
فريد : لا مش عاوز اشرب حاجة انا مش ضيف .......... امال فين غالية ؟؟؟؟
سمرر : ماماا فى اوضتهاا ياعمى ادخلهاا لو عاوز بس شكل الزيارة دى كده وراهاا حاجة مهمة واحب جداا انى اعرفهاا ..........
فريد بضحكة سخرية : بيعجبنى ذكائك اووى ياسمرر فعلاا فى حاجة مهمة وانا حدخل فى الموضوع علطول عشان متفكريش كتيرر ............. انتى ايه اللى عملتيه مع امجد النهاردة ده ممكن اعرف السبب ايه ؟؟؟؟
سمرر : منغير اى سبب ياعمى دى حياتى وانا حرة فيهاا وانا مش حتجوز امجد وده قرارى ........
فريد بغيظ : الكلام ده كبير اووى ياسمرر وبيزعل وياريت امك غالية تكون حاضرة وتسمع كلامك ده عشان محدش يلومنى بعد كده فى اللى حعمله ..........
سمرر بدهشة : تهديد ده بقى ولا ايه ؟؟؟؟ انا مبتهددش ياعمى واللى انت عاوز تعمله اعمله ........
وصوت سمرر علا وقتهاا جاامد وسمعتهاا غالية من اوضتهاا وقالت بصوت عالى : فيه ايه ياسمرر انتى بتتكلمنى مع مين وبتزعقى كده ؟؟؟؟
سمر بصوت عالى : بتكلم مع عمى ياماماا وبزعق عشان جاى وبيهددنى فى بيتى كمان .........
غالية باستغراب : بيهددك فى بيتك ؟؟؟؟ تعالى خدى بايدى ياسمر وطلعينى بره اتكلم معاه هوه ايه اللى حصل بس؟؟؟؟
سمر بغيظ : حاضر يامامااا ............. وراحت سمر ساعتهاا على اوضة امهاا علطوول واخدتهاا من ايديهاا وطلعتهاا فى الصالون بره مع فريد ...........
غالية باستغراب : ايه اللى حصل يافريد ؟؟؟ بتزعقواا ليه كده وبتهددها ليه ؟؟؟
فريد باستغراب : بزعق ليه ؟؟؟؟؟؟؟ هيه بنتك مقلتلكيش انهاا سابت امجد النهاردة ولا ايه ؟؟؟؟ ورميتله دبلته كمان لما خرجواا النهاردة مع بعض ............
غالية مصدووومة : ايه ؟؟؟؟ رمتلواا دبلتوا انتى عملتى كده فعلآا ياسمر ؟؟؟
فريد بغيظ : اه عملت كده انا مش حكذب عليكى ومش بس كده كمان دى قالتله ان انا السبب فى الحادثة اللى حصلتلك زمان وانى كنت قاصد الحادثة دى ............
غالية مصدووومة : ايه حادثة ؟؟؟؟ انتى قولتى كده كمان ياسمر فهمينى ردى علياا ؟؟؟؟؟؟
اتلخبطت سمر فى ساعتهاا وقالت : ايووه يامامااا انا قولت كده عشان فعلاا هيه دى الحقيقة ............
غالية مصدوووومة : حقيقة ايه ياسمر ؟؟؟ متفهمينى انا مش فاهمة اى حاجة .........
سمرر لامهاا غالية : انا حفهمك على كل حاجة ياماماا من 5 سنين كده وقبل ماباباا يمووت كان شريك مع عمى فى الشركة بتاعته وشريك بالنص فى كل حاجة كمان ....................
ولما مات باباا عمى حط ايده على الشركة كلهاا لوحده هوه وابنه امجد ده وهوه اللى دبر الحادثة بتاعتك دى كمان بعد موت باباا وخلى السواق بتاعه يوصلك للبيت بالعربية بتاعته وهوه كان عارف ان عربيته فراملهاا مفكوكة ومكنتش صدفة ابدآ ..........
علشان كان عاوز يخلص منك خالص ومحدش يطالبه باى ورث او اى حق لباباا فى الشركة دى او فى اى حاجة تانية ..............
لكن ربنا ستر والحادثة دى جت خفيفة واثرت على عينك بس ودلوقتى بقى وبعد كل اللى عمله ده ........... عاوز يجوزنى لامجد ابنه عشان تبقى كل حاجة بتاعتة برضوو وبتاعة ابنه وكل حاجة تبقى تحت ايديه ويبقى ليه حرية التصرف فيهاا وزعل اووى لماا عرف انى رفضت امجد ومش عاوزاه ..............
سمر بنظرات احتقاار لفريد : مش كده برضوو ياعمى ولا ايه ؟؟؟؟؟
وبص فريد ساعتهاا لامجد وهوه مصدووووووم ورجع بص لسمر تانى وقال : انتى جبتى كل الكلام ده منين ؟؟؟؟
سمرر بثقة : مش مهم انا جبت الكلام ده منين المهم ان هيه دى الحقيقة ............... لا وكمان جاى النهاردة وبتهددنى فى بيتى كمان عشان خاطر ابنك نفسى اعرف انت بتجيت الجراءة دى كلهاا منين؟؟؟؟
فريد مصدووم : كلامك ده مش صح ياسمرر وانا محطتش ايدى على شركة ابوكى ولا حاجة ............ بس انتى متفهميش اى حاجة فى شغل الشركات ده ..........كنتى عاوزانى اسلمك الشركة عشان تضيعيهااا يعنى بعد كل ده ؟؟؟
سمرر بضحكة : وانا مش عاوزاك تسلمنى اى حاجة يافريد بيه بس حقى وحق اللى انت عملته فى امى ده وحق ابوياا كمان انا حعرف اجيبه منك كويس وكويس اووى كمان .........
وراح قايم امجد ساعتهاا وقال بغيظ : يلاا يلاا بينا ياباباا مبقاش فى كلام ينفع يتقال تانى خلاص .........
وراح قايم فريد وهوه مصدووم وقال : عندك حق يلاا بينااا القعدة مبقاش ليهاا لازمة خلاص ...........
وراحت مقربة سمرر من عمهاا ساعتهاا وهوه خارج وهمستله وقالتله : امى دى طيبة اووى وممكن تصدقك فى اى حاجة حتقولهالهاا لكن مفيش حد فاهمك غيرى ياعمى ...........
وصحيح باباا مخلفش رجالة عشان تعرف تتفاهم معاك فى كل ده لكن خلف بنت بميت راجل ومبتسبش حقهاا وخليك فاكر كلامى ده كويس اووى ..........
راح رجع فريد تانى وبص لسمر بغيظ اووى وقالهااا : حتندمى ياسمرر اووى على اللى انتى قولتيه ده انا مفيش حد يتحدانى ولا حتى ابوكى نفسه والله يرحمه بقى ......... يلااا بينااا ياامجد .........
وخرج فريد ومعاه امجد من البيت علطووووول وعلامات الغيظ والغضب على وشهم .........
ولفت سمر بعدهاا على امهاا والابتسامة على وشهاا وقالتلهاا : شوفتى شوفتى ياماماا سمعتى الكلام اللى قاله ؟؟؟؟؟؟ واتصدمت سمرر ساعتهاا بامهاا ولقيتهاا فاقدة للوعى خالص ومبتردش عليهااا ............
سمررر بخووووف : ماماااا مامااااااا ردى علياا ياماماااا حصلك ايه ؟؟؟؟؟