رواية لم اكن يوما لك
الفصل السابع ....
فريد بثقة : اه ياامجد للدرجة دى وبعدين خلاص احنا مبقناش
عاوزين منهاا اى حاجة كده خليهاا تروح لحالهاا بقاا وقوم قوم
انت وفوق كده بقاا عشان فيه واحدة زميلتك مستنياك بره
وعاوزة تدخل تشوفك ...........
امجد باستغراب : واحدة زميلتى ؟؟؟ مين دى ؟؟؟
فريد : معرفش بقاا هيه بتقول انهاا زميلتك فى الشغل
واتصلت بيك كتيرر على الموبايل كماان وبعدين انا رديت عليهاا فى الاخر وقولتلهاا انك فى المستشفى وقلقت عليك اوووى وقالتلى انهاا حتيجى عشان تشوفك فى المستشفى هناا .............
امجد بلهفة : بجددد وطب ومستنى ايه ياباباا كل ده ما تخليهاا تدخل وتشوفنى ؟؟؟
فريد بضحكة : ماشى ياامجد انا خارج دلوقتى وحخليهاا تدخل وراياا علطوول وتشوفك بس قوم انت وشد حيلك شوية كده ............ وبعدين صحيح هيه لو سالتك كده وقالتلك مين اللى عمل فيك كده حترد وتقولهاا ايه بقاا ؟؟؟
امجد بضيق : يابابااا مش لما اعرف هيه مين دى اللى بره الاول وبعدين اقولك حقولهاا ايه ؟؟؟ وبعدين اكيد حقولهاا اللى حصل يعنى حقولهاا ايه ؟؟؟
فريد بضحكة : بجدد والله حتقولهاا كده بقى بالذمة مش مكسوف من نفسك لماا حتة بنت زى سمرر دى تكومك كده وتدخلك المستشفى كماان وتعمل فيك كده ومتقدرش عليهااا ؟؟؟؟ اخص اخص بجد على الرجالة ............
امجد بضيق : يوووه بقاا ماخلاص بقى ياباباا كفااية حبقى اقولهاا اي حاجة تانية وخلاص خليهاا تدخل بقى اناا عاووز اعرف مين دى بجدد الفضول حيموتنى؟؟؟؟
فريد بتنهيدة : طيب ماشى ياامجد .......... وقام فريد ساعتهاا وطلع على بره علطوول وشوية ودخلت البنت دى وبصلهاا امجد جاامد وقال بدهشة : شيريين ؟؟؟ معقوول ؟؟ وجاية تشوفينى بنفسك كماان؟؟؟
شيرين بابتسامة : عامل ايه دلوقتى ياامجد ؟؟؟ ومالك مندهش كده ليه مكنتش متوقع انى آجى اشوفك هناا ولا ايه ؟؟؟
امجد بدهشة : الصراحة اه مكنتش متوقع خالص بجد ........ بس مبسوط اكييد انك جيتى ........
شيرين بابتسامة : ااه اصلى كلمتك كتير اوووى على الموبايل مكنتش بترد علياا خالص وبعدين باباك رد عليا وقالى انك فى المستشفى هناا فقولت لازم اجى واشوفك طبعاا .......... بس قولى بقى واحكيلى ايه اللى حصلك النهاردة ؟؟؟ وايه اللى عمل فيك كده ؟؟؟ ماا انت كنت كويس لسة امبارح ..........
امجد متلخبط : لا عادى متشغليش بالك انا بس اتخانقت مع سمر جاامد كالعادةة انتى عارفة ونزلت بعدهاا علطوول وانا مضايق اووى وخبطتنى عربية ساعتهاا واناا قدام البيت ومخدتش بالى منهاا خاالص لانى كنت متعصب جاامد من اللى حصل .........
شيرين باستغراب : اتخانقت مع سمرر ؟؟؟ بس انت مش سيبت سمرر خلاص وفسخت خطوبتك عليهاا اتخانقت معاهاا تانى ليه ؟؟؟
امجد بضيق : اهوه اللى حصل بقى ياشيرين وغيرى الموضوع ده بقى عشان اناا مش ناقص .........
شيرين باستغراب : انت لسة بتحبهاا ياامجد صح؟؟؟
امجد بوجع : سمرر قهرتنى ياشيرين ووجعتنى جااامد ومحبتنيش زى ما اناا حبيتهاا ابدااا بس اناا لسة بحبهاا برضووو ولحد دلوقتى ومش عارف اعمل ايه قوليلى انتى اعمل ايه ؟؟؟؟؟ ...........
شيرين بغيظ : تفوق ياامجد تفوق من اللى انت فيه ده وتشوف حياتك وتنسى سمرر دى خااالص وتحب غيرهاا وتتجوز كماان وتعيش اكيد لما حتتجوز وتشوف حياتك لازم حتنساهاا ياامجد انت حتفضل تجرى وراهاا كده لحد امتى ............
امجد : مش عارف بجد ياشيرين ومفيش اى حاجة نافعة معاهاا خالص جربت معاهاا كل الطرق حتى العنف معاهاا مش بيجيب نتيجة سمرر بتكرهنى ياشرين بتكرهنى ..........
شيرين بخبث : يبقى تتجوز زى ماقولتلك ياامجد لان دى اكتر حاجة ممكن تقهرهاا بجد وتخليهاا تندم على كل اللى عملته معاك ده وتتجوز بسرررعة كمااان وتحسسهاا انهاا مش فارقة معاك خاالص وساعتهاا بقا حتتقهر بجد بس اسمع انت كلامى ومش حتندم ..........
امجد بثقة : معتقدتش ياشيرين لان انا مش فى دماغ سمرر اصلاااا ولا بتحبنى عشان تتغاظ او تتقهرر لماا اتجوز بس انا لازم احب تانى واتجوز واشوف حياتى بجد بس عشانى اناا ومش عشانهاا هيه يمكن يمكن اقدر انساهاا بجدد .............
شيرين بفرح : ايوووه كده ياامجد كده انت بتفكر صح ............ وبعدين يعنى انا مش شايفة فى سمرر دى اى حاجة مميزة اوووى كده لكل اللى انت عامله ده سمرر بنت عادية جداا يعنى .............
امجد بوجع : يااااه ياشيرين سمرر بنت عادية ؟؟؟؟ سمرر دى كلهاا مميزات ياشيرين ومميزة فى كل حاجة وانا لحد دلوقتى مقابلتش بنت زيهاا ابداا شخصية نادرة فى كل حاجة حاجة كده مفيش منهاا دلوقتى .............
شيرين بغيظ اوووووى وهيه قااايمة : طب انا حمشى بقى ياامجد وكويس انك بخيرر وانى اطمنت عليك ........
امجد بضحكة خفيفة : ايه ده ايه ده ايه الكروتة دى انتى زعلتى منى ولا ايه؟؟؟؟ طب اعدى اعدى شوية طيب نكمل كلامنااا ..........
شيرين بضيق : لا خلاص ياامجد مااحناا اتكلمناا وخلصناا الكلام وبعدين انا وراياا حاجات كماان ومش حقدر اتاخر اكترر من كده ............
وراح ماسكهاا امجد من ايديهاا فى اللحظة دى وهيه قايمة كده وقالهاا : طب ولو قولتلك عشان خاطرى بقاا تخليكى قعدة معاياا شوية كماان هناا حتكسفينى وراح مقررب امجد منهاا وباس ايديهاا ............
وبصتله شيرين بنظرة انتصار ساعتهاا ورجعت وقعدت تاانى مكانهاا وقالتله بابتسامةة : انت بتدلع اوى ياامجد على فكرة وبعدين ماا كفاية اعدة ليك فى المستشفى لحد كده ماا انت بقيت كويس خلاص .........
وراح قايم امجد بسررعة ساعتهاا وقالهاا بفررح : اه انتى عندك حق ياشيرين وانا لما شوفتك بقا بقيت كويس اكتررر وحخرج معاكى دلوقتى كماان بس استنى حستاذن الدكتور الاول ..........
شيرين بابتسامة بفرح : ماشى ياامجد اتفقناا ....... واناا حخرجك خروجة النهاردة بقاا حخليك تنسى بيهاا اعدة المستشفى دى خالص ............
( فى منزل سمرر )
سمرر : هااا قوليلى بقا ياماماا عملتى ايه مع انجى وانا بره النهاردة اوعى تكون زعلتلك فى حاجة ؟؟؟؟
غالية بابتسامة : انجى دى زى العسل ياسمررر تزعلنى ازاااى بس دى سليتنى كتييير ومسابتنيش خالص لحد ماغلبنى النوم غصب عنى وهيه فضلت صاحية بس انتى اتاخرتى ليه كده ياسمرر؟؟؟ كل ده كنتى عند صاحبتك ؟؟؟؟
سمرر بقلق : ماانتى عارفة بقا ياماماا ان صاحبتى كانت تعبانة اوووى وكانت عوزانى معاهاا بقولك ايه ياماماا انا عاوزة انزل اشتغل .........
غالية باستغراب : ايه ؟؟؟تشتغلى ؟؟؟ ليه كده ياسمرر ؟؟؟ انتى ناقصك حاجة ياحبيبتى؟؟؟ الفلوس اللى بيبعتهاا عمك دى مش بتكفيكى ؟؟؟
سمرر بضيق : عمى !!!! اااه لا ياماماا انا عاوزة انزل اشتغل عشان عاوزة اعملك العملية بتاعة عنيكى وبسرررعة وفلوس عمى دى مش بتعمل اى حاجة دول يادوب مصروفناا ..........
غالية بحزن : خلاص ياحبيبتى متتعبيش نفسك ومش لازم العملية اللى حتتعبك دى وتخليكى تشتغلى ليهاا مخصوص ..........
سمرر بحزن : لا ياماماا اناا مش بتعب نفسى بس انا مش حرتاح غير لما اعملك العملية دى بجدد وترجعى تشوفى تانى زى الاول ...........
غالية بحزن : خلاص اعملى اللى يريحك ياحبيبتى وانا نفسى ارجع اشوف زى الاول بس عشان اشوفك انتى بس واشوف شكلك بقى عامل ازااى دلوقتى ياسمرر وحشتنى ملامح اووووى ياحبيبتى قربى قربى ياسمرر عاوزة احط ايدى على وشك عشان اشوف ملامحك من قريب .........
وقربت سمرر من امهاا والدموع مالياا عنيهاا جاامد وحطت غالية ايديهاا على وش بنتهاا سمرر وقالت بحزن : زى القمرر ياحبيبتى بس بتعيطى ليه دلوقتى ياسمرر كده حتزعلينى منك بطلى عياط بقا .............
سمرر باكية : لا ابدااا مش بعيط ياماماا وربناا ينتقم من اللى كان السبب بقاا بس متقلقيش حتعملى العملية دى وقريب ان شاء الله وحتبقى كويسة اوووى وحترجعى تشوفى تاانى كل حاجة زى الاول واحسن من الاول كماان ..........
غالية بابتسامة : يارب يارب ياحبيبتى ......
سمرر باكية : معلش بقى انا سهرتك معاياا النهاردة ياماماا حروح على اوضتى بقى واسيبك تنامى ولو احتجتى اى حاجة اندهينى علطووول ...........
غالية بابتسامة : ماشى ياحبيبتى وروحى ارتاحى انتى كمان ....... وباست سمرر امهاا من راسهاا وغطتهاا وطفت النور وخرجت على اوضتهاا ودموعهاا على خدهاا ........
ودخلت سمرر اوضتهاا واخدت اجندة مذكراتهاا من الدولاب بتاعهاا وفضلت تكتب مذاكرتهاا وتسجل كل اللى حصلهاا فى اليوم ده وكل اللى وجعهاا اووى كعادتهاا .............
سئمت من حياة ليست عادلة تحطمنى كلماا نهضت ولا تنصفنى ابدااا الم يكفيهاا تحملى لالم فراقك الم يكفيهاا جراحى التى لم تلتئم بعد الم يكفيهاا بحور دموعى التى لم تنتهى فمازالت جروحى متفتحة ومازلت اصارع الماا ووجعاا يميت قلبى فى كل ليلة ........
ونامت سمرر فى الليلة دى ودموعهاا على خدهاا من كل اللى حصل ده وسابت الاجندة جمبهاا على السرير وناامت وصحيت سمرر تانى يوم من النوم متاخرر اوى من التعب على صوت موبايلهاا بيرن .........
وبصت سمرر للموبايل والنوم واخدهاا كده ولقته امجد واتعصبت اوووى وفاقت وقالت فى سرهاا بغيظ : عاووز ايه الزفت ده دلوقتى بقاا بيتصل بيه ليه ؟؟؟؟ انا مشوفتش بجاحة اكتر من كده ؟؟؟
وراحة قفلة سمرر عليه الخط وهيه متعصبة على الاخررر واتصلت بانجى صحبتهاا علطووول وهيه لسة فى السريرر ..........
سمرر : الوووووو ايوه ياانجى صباح الخير ياحبيبتى ..........
انجى بابتسامة : صباح الخير ياسمرر شكلك كده لسة صاحية من النوم دلوقتى ........
سمرر : الصراحة اه ياانجى اصلى كنت تعبانة اووى امبارح وكنت عاوزة انام اكتررر من كده كماان بس صحيت على صوت الموبايل امجد الزفت ده كان بيتصل بياا دلوقتى مش عارفة عاوز منى ايه تانى بعد اللى حصل ده ؟؟؟ .............
انجى باستغراب : خلاص مترديش عليه خالص ياسمرر و كبرى دماغك منه ومتحرقيش فى دمك كده انتى لسة على الصبح ........
سمرر بضيق : اه منا عملت كده فعلااا ومردتش عليه خالص وححاول محرقش فى دمى بقى بقولك فاضية تجيلى النهاردة شوية كده ياانجى اصلى نازلة النهاردة كمان شوية كده عشان عاوزة اشوف شغل .............
انجى بفرح : طب كويس ماشى ياسمررر حخلص شوية حاجات فى ايدى كده وحجيلك علطووول .........
سمرر بابتسامة : ماشى ياانجى مستنياكى ........
وقامت سمرر بعد مكالمة انجى دى وحضرت الفطار لامهاا وفطرت هيه كماان معاهاا واديتهاا الدواا بتاعهاا وبعدهاا بشوية كده البااب راح مخبط وقامت سمرر بسرررعة عشان تفتح ولقيت انجى قدامهاا علطوول ..........
سمرر بضحكة : حبيبتى انتى علطول مواعيدك مظبوطة كده .......
انجى بضحكة : مردتش اتاخر عليكى بقى قولت عشان تلحقى تنزلى وتشوفى الشغل براحتك ........
سمررر بابتسامة : طب كويس ادخلى بقى واناا حدخل البس اناا كماان عشان انزل ومتاخرش ودخلت سمر على اوضتهااا علطوول ودخلت انجى على البيت جوه وقالت لغاليةة بصوت عااالى : عاملة ايه ياطنط غالية ؟؟؟
غالية بصوت عالي : انا كويسة ياحبيبتى البيت نوررر ياانجى .......
انجى : بنورك ياطنط ودخلت انجى على اوضة سمرر جوه واعدت على السرير قدامهاا ولقت انجى اجندة مذكرات سمرر على السريرر .........
ومسكت انجى الاجندة وفتحتهاا وسمر قدامهاا بتغير هدومهاا عشان تنزل وفضلت تقرى انجى كتيييرر فى الاجندة ودمعت عنيهاا جااامد من الكلام وبعدين راحت بصة لسمرر تانى وقالت بحزن : لسة كل مذكراتك على عمرو ياسمرر ؟؟؟
بصتلهاا سمرر وشافت الاجندة فى ايديهاا وقالتلها بوجع : اعمل ايه بس ياانجى نفسى اعرف طريقه ده من ساعة ماسافر واخباره كلهااا اتقطعت خالص ياانجى ولا مكالمة تليفون حتى وبقالة اكتر من سنتين على كده ..........
انجى باستغراب : غريبة اووى اكتر من سنتين؟؟؟؟ بس ده لو بيحبك بجد ياسمرر مكنش عمل كده ومكنش حيستحمل طول الفترة دى ميكلمكيش ولا يطمن عليكى حتى او حتى يعرف انتى عاملة ايه فى حياتك دلوقتى ..........
سمرر بوجع : مناا مش عارفة ياانجى ايه هيه ظروفه اللى تمنعه من كده ياارب يكون بخيرر بس لكن انا منستهوش لحظة ياانجى ولسة فاكرة لحد دلوقتى اخر يوم شوفته فيه وفاكرة كل الكلام اللى قالهولى يوميهاا كماان قبل مايسافرر ..............
وفجاة رن موبايل سمرر تانى وبصت فيه بسررعة لقيته امجد برضوو واتعصبت اوووى وقالت : شايفة اهوه امجد تانى اهوه انا مش عارفة ازاااى ليه عين يكلمنى بعد اللى حصل ده ؟؟؟؟
انجى باستغراب : خلاص متضايقيش نفسك مترديش اصلااا عليه سيبيه يرن كده ولما يزهق حيسكت لوحده ........
وشوية وراح رانن تليفون البيت وسمرر مراحتش ترد برضوو وراحت بصالهاا انجى باستغراب وقالت : ماتشوفى مين ياسمرر ده تليفون البيت يمكن يكون فيه حاجة ضرورية ........
سمرر بضحكة : لا ياانجى اصلى انا حاطة تليفون البيت جمب ماماا هناك عشان هيه بتحب ترد عليه علطوول وممكن يكون حد من قرايبناا بيتصل وبيطمن عليهاا ولا حاجة ودلوقتى هيه حترد وحتقولى مين اللى كان بيتصل اصبرى ...........
وشوية كده وندهت غالية على سمرر بصوت عالى وقالت : سمررر ياسمررر ........... وبصت سمرر ساعتهاا لانجى وقالتلهاا : شوفتى مش قولتلك ؟؟؟
وقامت سمررر بسررعة على اوضة امهاا وقالتلهاا : ايوه يامامااا كنتى عاوزانى فى حاجة ؟؟؟؟ مين اللى كان بيتكلم ؟؟؟؟
غالية بضيق : سلامتك ياحبيبتى بس ده عمك اللى كان بيتصل بياا دلوقتى ........
سمرر مصدووومة : ايه ؟؟؟؟ عمى ؟؟؟؟ وكان عاوز ايه ده بقاا؟؟؟
غالية بضيق : هوه كان بيقولى انه كان بيتصل بيكى هوه وابنه امجد على الموبايل كتيييير بس انتى مكنتيش بتردى عليه .........
سمرر بضيق : اه اه يامامااا اصلى مسمعتش التليفون خالص كان عاوز ايه يعنى؟؟؟؟
غالية بضيق : كان بيتكلم عشان يعزمك ويعزمنى على فرح ابنه امجد ياسمرر والخميس الجاى كماان .........
سمرر مصدوووومة : ايه؟؟؟ انتى بتقولى ايه يامامااا ؟؟؟ فرح ابنه امجد الخميس الجااى ؟؟؟