رواية من وحي الخيال
الفصل الاول1
بقلم هايدى يسري
في فيلا النجدي
عفاف : يامراد بيه اصحي امجد بيه عايزك في مكتبه تحت
مراد بتكاسل : قوليله اني كنت سهران بليل ومش قادره شويه وهقوم
عفاف : بس هو شكله متعصب فا احسن تقوم
مراد : وجع دماغ علي الصبح طيب قايم
نقف ثواني
مراد بطل قصتنا عنده 22 سنه في كليه هندسه شعره بني وعنيه عسلي وجسم رياضي
عنده اخت اصغر منه بسنتين سيلين في كليه فنون جميلة مامته دولت عندها 48 سنه سيده اعمال مشهور باباه امجد النجدي 54 سنه من اكبر رجال الاعمال جوا وخارج مصر
نرجع تاني
مراد قام اخد شاور ولبس ونزل ل امجد مكتبه
مراد : نعم يابابا كنت عايزني
امجد : كنت فين لحد الفجر إمبارح يامراد
مراد : كنت سهران مع أصحابي يابابا في حاجه
امجد : هو انت مش المفروض عندك شغل وكليه ولا مستقبلك اخر اهتمامك
مراد : ما انا بعمل كل اللي ورايا يابابا مقصرتش
امجد بعصبيه : والشغل اللي حضرتك مش بتروحه بقالك اسبوعين ده ايه
مراد : بعمل الشغل اللي ورايا من البيت
امجد : ياسلام علي المبرر بكره الصبح الساعه 7 بالدقيقه تكون قدامي في الشركه ولو اتاخرت ثواني هيكون ليا معاك تصرف تاني
مراد : طيب
وخرج مراد قابل مامته
دولت : مالك مضايق ليه
مراد : كلعاده هزقني زي كل يوم
دولت : انت اللي غلطان مش واخد بالك من تصرفاتك
مراد : محصلش حاجه يعني لما سهرت مره
دولت : مراد انا دايما واقفه معاك لكن المرادي انت زودتها الله اعلم بتعمل ايه برا طول الليل
مراد بضيق : طيب ياماما بعد ازنك هروح الكليه
في فيلا احمد الفيومي
رقيه : صباح الخير ياماما صباح الخير يابابا
دعاء : صباح الخير ياحبيبتي
احمد : صباح النور ياقمري
دعاء : اخواتك مصحيوش
رقيه : ندي كانت في سابع نومه مش عارفه اياد فين
اياد : انا هنا اهو متجبوش سيرتي
نقف ثواني
رقيه بنت جميله خمريه اللون عيون بني متوسطه الطول 22 سنه في كليه هندسه
ندي اختها 17 سنه في ثانوي
اياد 26 سنه ومحامي
احمد رجل اعمال مشهور عنده 58 سنه
دعاء دكتوره اطفال عندها 50 سنه
نكمل
رقيه : يامتر خدني معاك وصلني الكليه
اياد : عربيتك فين يابت
رقيه : مش قادره اسوق والله
اياد : هترجعي ازاي
رقيه : هخلي خد من صحابي يوصلني عادي
اياد : طب يلا بينا
في الكليه
رقيه : ايه ده مراد بنفسه قدامي مش ممكن
الفصل التاني2
بقلم هايدى ياسر
مراد : ايه ياخفه شوفتي عفريت
رقيه : مش متخيله انك بنفسك جاي الكليه وبدري كمان
مراد : كلعاده خادت كلمتين علي الصبح ونزلت
رقيه : احسن تستاهل
مراد : طيب ياختي تعالي نشوف فين باقي الشله
رقيه : يلا
نقف لحظه
هما اصحاب في الكليه عباره عن شله فيها مراد ورقيه وساره وياسمين والاء وكارولين وفادي و خالد وجاسر وكريم
نرجع تاني
رقيه في الفون: ايه ياسوسو انتي فين
ساره : انا لسه واصله حالا اهو
رقيه : طب قابليني انا ومراد ونشوف الباقي في الكافيتريا
ساره : انا شوفتكو اهو باي
في الكافيتريا
ياسمين : هاي عليكو ياشباب
الاء : ياختي قولي صباح الخير بلاش عوجه لسان
ياسمين : معرفش انتي ايه دخلك شلتنا اصلا بيئه اوي
خالد : ياسمين مالك علي الصبح من امتي بنعامل اصحابنا كده
ياسمين : بصراحه هي مش مستوانا ولا تنفع معانا اصلا
الاء : بعد ازنكوا
كارولين : الاء استني بس يابنتي
وراحت وراها
كاولين : متزعليش منها انتي عارفه هي علي طول مش طايقه نفسها
الاء بعياط : بس هي معاها حق
كارولين : لا طبعا غلطانه وهخليها تعتذلك دلوقتي
الاء : خلاص ياكارو بلاش مشاكل
كارولين : خلاص بقي اسكتي انتي ممكن
نرجع للشله
كارولين : مكنش ينفع اللي عاملتيه ده يا ياسمين لازم تعتذرلها ولا ايه ياشباب
الكل : اكيد لازم تعتذر
ياسمين : اعتذر لمين لا طبعا مستحيل
خالد : اعتذري وخلصي نفسك بدل ما نقلبها خناقه وامن الجامعه يدخل وهو اصلا بيتلكك ها
ياسمين بقرف : سوري
كارولين : لا ردي وانتي مبسوطه
جاسر : خلاص بقي ياكارو مش كده
كارولين : محدش يزعل صاحبتي وانا موجوده
ياسمين بضحكه مستفزه : متزعليش مش قصدي
رقيه : خلاص خلصتو مش عندنا محاضرات بقي ولا ايه النظام
مراد : فاكس محاضرات دكتور علاء ده مستفز اوي
رقيه : مبسوط وانت بتشيل الماده صح
مراد : بطلي دبش يابنتي بقي
ساره : يعني هي غلطت مثلا قوم خلينا نطلع المحاضره ونعدي السنادي بخير
مراد : طيب
طلعو الكل المحاضره
دكتور علاء : ايه يامراد جاي تحضر يعني مش عوايدك ولا خايف تشيلها تاني وتشيل اخواتها معاها