رواية من وحي الخيال
الفصل الخامس5
بقلم هايدى يسري
الموظفه :والله زي ماقولت لحضرتك مفيش فلوس في الفيزا
مراد : طيب شكرا
مراد رجع الفندق وكلم البنك قاله ان الفلوس اتسحبت من الفيزا كلها
مراد : ماهي كملت
عند رقيه
ساره في الفون : مراد اتصل اتعذرلي
رقيه : طب كويس والله
ساره : بس هو ماله شكله مضايق
رقيه : اه متخانق مع باباه وكده
ساره : اه طيب يلا انا هقفل بقي عايزه حاجه
رقيه : لا ياقلبي تسلمي باي
تاني يوم مراد يصحي يروح الشغل
في شركه امجد النجدي
مراد يدخل مكتبه يلاقي حد قاعد مكانه
مراد : مين حضرتك
ادهم : انا المدير الجديد
مراد بستغراب : معلش مدير مين بس علشان مش مستوعب ده مكتبي
ادهم بضحك : تقصد اللي كان مكتبك
مراد بزعيق : ايه الهبل ده
ادهم : متزعقش للمدير بتاعك ميصحش
مراد وهو خارج من الاوضه : اصلها كانت ناقصه
راح مراد علي مكتب امجد
مراد : ممكن اعرف ايه اللي بيحصل ده يابابا
امجد : انا هنا امجد بيه مش بابا وزي ما انت شوفت مكتبك حد خده وانت اتعينت موظف عادي في الشركه ونفس مرتب الموظفين
مراد : طب ليه كل ده عملت ايه
امجد : لما تعدل من نفسك كل ده هيرجعلك وزياده
..اه وعلي فكره انا اللي سحبت الفلوس من الفيزا بتاعتك وكمان للعربيه اللي معاك مبقتش ب اسمك فا ياريت تسبها في الجراج بتاع الشركه
مراد بصدمه : ايه ليه
امجد : اللي سمعته وياريت تتفضل تشوف شغلك بقي
مراد : تمام حاضر
مشي مراد راح مكتبه الجديد وسط الموظفين وكلمهم عليه
مراد في نفسه : اللهم طولك ياروح
في نفس الوقت فونه يرن من ساره
ساره : هاي مراد ازيك
مراد بضيق : تمام ياساره وانتي
ساره : تمام.... مال صوتك
مراد : ماليش ورايا شويه شغل بس هخلص واكلمك
ساره : اوكي باي
مراد قاعد طالع عينه في الشغل هو مش واخد علي كده
خلص يوم الشغل
مراد : اعمل ايه دلوقتي فلوس مش معايا وكمان العربيه هياخدها طب هرجع الفندق ازاي ....خلاص هكلم رقيه تجيلي
عند رقيه
في الفون
مراد : رقيه عامله ايه
رقيه : انا تمام انت عامل ايه يابني مكلمتنيش ليه من امبارح
مراد : معلش كنت مشغول شويه... معلش عايز منك خدمه
رقيه بهتمام: اتفضل طبعا
مراد : ينفع تيجي علي شركه امجد بيه توصليني الفندق لان مش معايا فلوس ولا العربيه
رقيه : بس كده طبعا حاضر استناني ربع ساعه واكون عندك
مراد: تمام
بعد شويه رقيه وصلت عند مراد
رقيه : يلا يابني اركب
مراد : شكرا انك جيتي
رقيه : متقولش كده الصحاب لبعضيها .... هو انت مش بتكلم حد من الشباب
مراد : لا واوعي تحكلهم حاجه مش عايز حد يبص نظره شفقه لمراد انا لما اقف علي رجلي تاني واتصرف في اللي انا فيه هكلمهم
رقيه : طيب براحتك انت وراك حاجه دلوقتي
مراد : لا
رقيه : خلاص تعالي معايا بقي نروح ناكل علشان جعانه اوي وعايزه اشتري لبس وبحب زوقك
مراد : ماشي بس انا مش معايا فلوس
رقيه : ياعم ما انت ياما عزمتني فيها ايه يعني خليها علينا
مراد بضحكه مكسوره : خلاص ماشي
راحو مول وقعدو ياكلو الاول
مراد : تعرفي انا فعلا كنت جعان كأنك حسيتي بيا
رقيه بضحك : قلب الام بقي بيحس
مراد بحب : فعلا صح
رقيه : طب يلا بقي نقوم نشوف اللبس همرمطك معايا انهارده
مراد بضحك : عادي جات عليكي مرمطي
دخلو محل لبس
رقيه نقت شويه بلوزات وقالته يستني علشان تدخل تقيس
بعد شويه جاتله وهي جايبه بدلتين وكام قميص وجزمه
رقيه : بص هما تقريبا مقاسك لان انت نفس جسم اياد وانا علي طول بنزل اشتريله فا ادخل قيس بقي نتفرج
مراد : دول لمين معلش
رقيه : ليا انت مالك
مراد : لا يارقيه مينفعش انا وافقت اه انك تعزميني علي الغدا لكن كده كتير اوي لا مش هوافق
رقيه : بطل رخامه بقي ممكن وينفع تروح الشغل مبهدل كده وبعدين ياسيدي اعتبرهم سلف وبعدين هو انا مش زي سيلين عندك يلا بقي علشان خاطري
مراد : والله انتي اكتر من سيلين عندي بس مش هينفع
رقيه : هزعل منك والله ومش هكلمك تاني خالص ولا هتشوفني
مراد : دماغك ناشفه دي يخربيتك
رقيه بضحك طفولي : اشطا انا بحب كده يلا بقي خلص عايزين نمشي
دخل يقيس الهدوم وطلعت مقاسه فعلا
خدو الهدوم ومشيو
مراد بستغراب : ايه ده انتي مجبتيش لنفسك ليه
رقيه : انا كنت جايه اشتريلك أصلا بس انت بيضحك عليك
مراد : اه ياقرده
رقيه بضحك : عايز تروح في حته تاني
مراد : لا شكرا عايز اروح انام علشان الشغل الصبح
رقيه بضحك : ياختي بقيتي موظفه وبتنامي بدري علشان تصحي للشغل يابيضه
مراد يقاطعها : رقيه انا بحبك