رواية المراة المسكونة
الفصل الخامس .....
ماياا بخوف : انتى بتقولى ايه ؟؟؟ اموت ؟؟؟ انتى ليه
بتخوفينى كده انتى عاوزة منى ايه حرام عليكى ؟؟
صوت مرعب لسيدة مع الضحكات : عوزاكى انتى ياماياا .......عوزاكى تجيلى ياماياا وحتجيلى يامايااا حتجيلى قريب .......
ماياا بغضب شديد : انتى مجنوووونة وعاوزة تجننينى زيك بقى ...... ومسكت مايااا ازازة البرفم بتاعتها وحدفتها على الست دى جوه المرايا جامد من غيظهاا وكسرتهاا ........
وسمعت ماياا فى ساعتها صراخ للست دى جاامد ومتواصل بعد ماكسرت المراياا علطووول ........
خافت ماياا اوووى من صوتها ده وطلعت تجرى بره اوضتها وراحت على اوضة اختها نهلة بسررررعة .......
ماياا بتلقط نفسها بخوف : الحقينى ... الحقينى يانهلة .... انا كسرت مراياا اوضتى .....
نهلة باستغراب : وكسرتيها ليه ياماياا ؟؟ ومالك خايفة كده ؟؟
ماياا وهيه بتترعش من الخوف : الست المرعبة طلعتلى فى المرايا تانى يانهلة ....... وخوفتنى وقالتلى انى حموووت ......
روحت حدفتها بازازة البرفم بتاعتى جامد من غيظى المرايا اتكسرت وسمعتها بتصرخ جاامد ....... خوفت اوى وجريت عليكى علطول ..........
نهلة بضحكة : ست مرعبة ايه بس يامايااا .......انتى حتمشى ورا كلام العيال برضو ....... تعالى وريهالى فين الست دى اللى فى اوضتك ؟؟؟
مايااا بخوف شديد : لا انا مش حدخل اوضتى دى تانى ........ لو دخلت حتموتنى زى ماقالت عشان انا كسرت المراياا بتاعتها ..........
نهلة بغضب شديد : بلاش تخارريف يامايااا انتى اكبر من كده تموتك ايه بس ؟؟؟ بطلى جبن وتعالى معايا ورينى المرايا اللى اتكسرت طيب ......
واخدت نهلة اختها ماياا وراحت على اوضة مايااا علطول ......... ومايااا مرعوبة على الاخر ومسكة فى اختها جامد من كتر الخوف .......
دخلت نهلة الاوضة وبصت على المرايا وقالت باستغراب : ماهى المراياا سليمة اهى ياماياا ..... كسرتيها ازاى بقى ؟؟؟؟
ماياا باستغراب : ازااى ؟؟؟ مش معقول المراياا كانت مكسورة من شوية ........ انا متاكده يانهلة وانا اللى كسرتها كمان ......
نهلة باستغراب : ياحبيبتى مااهى المرايا سليمة قدامك اهيه كسرتيها ازاى بقى ؟؟؟ شوفتى بقى انك بتخرررفى ازاى امايااا ..........
بلاش تعدى لوحدك بقى كتير يامايااا وهاتى حاجاتك واعدى معايا فى اوضتى ....... مادام الموضوع وصل معاكى للدرجة دى .......
ماياا : لا خلاص يانهلة حقعد فى اوضتى ..... معلش انا آسفة يمكن بيتهيالى ......
نهلة : مش يمكن ..... ده اكيد بيتهيالك يامايا المرايا قدامك اهيه سليمة ....... ومفيش اى حاجة فى الاوضة مش طبيعية .......
ولا فى الست المرعبة اللى قولتى عليها ........ نامى بقى ياماياا عشان الوقت اتاخر وانا كمان حروح اوضتى عشان عاوزة انام ........
ماياا بخوف : حاضر يانهلة حنام ...... ومشت نهلة على اوضتها وفضلت ماياا اعدة تفكر كتيير وتقول لنفسها : ازاااى المراية رجعت سليمة تانى ؟؟؟ انا متاكدة انى كسرتها ......
طب لو انا بيتهيالى ومفيش ست مرعبة اصلا .......... مى كمان بيتهيالها برضو الست المرعبة دى وبنفس المواصفات برضو مستحيييل .........
ونامت مايااا من كتر التعب والتفكير ..... وتانى يوم قامت ماياا متاخر اوى من النوم على صوت اخوهاا احمد .......
احمد : ماياا مايااا ...... اصحى ياماياا كل ده نوم احنا بقينا العصر ياحبيبتى .....
ماياا وهيه بتفوق : ايوه صحيت اهوه .... صباح الخير يااحمد ........ كنت تعبانة ونمت كتيير محستش ........
احمد : صباح النور ياحبيبتى ...... طب قومى يلا بقى عشان عندى ليكى خبر حيفرحك اووى .......
ماياا بفرح : بجد يااحمد .... قووول بسرررررعة ........
احمد : ابوكى يامايااا ........ رجع فى كلامة ومش حيخطبك لمراد الاسبوع الجاى زى ماقال ولا فى اى وقت بعد كده ...........
ماياا بفرح : انت بتقول ايه ؟؟ بجد يااحمد وايه اللى خلاه يرجع فى كلامه ؟؟؟؟
احمد بفرح : اخوكى بقى انتى معندكيش ثقة فيه ولا ايه ؟؟؟ انا اقنعته انك مبتحبهوش ومش عوزاه وجواز بالغصب عمره ماينفع طبعا ..........
مش قولتلك سيبيها عليا وانا ححيلهالك ....... ايه رايك بقى مبسوطة ؟؟؟؟
ماياا بفرح : جدااا يااحمد ده احلى خبر انا سمعته بجد ...... ربنا يخليك ليا يااحمد ..... ويبقى يورينى بقى سى مراد ده حيعمل ايه ؟؟؟؟ وحيطاردنى تانى ازاى ؟؟؟؟
احمد : ابوكى لسة حيكلمه وحيقوله النهاردة على الموضوع ده ...... مراد لسة ميعرفش حاجة لحد دلوقتى ......
وفى اللحظة دى دخل مجدى عليهم الاوضة وقال بفرح : بتتكلموا فى ايه انت واختك بقى ؟؟؟ ومبسوطين على الاخر كده ...........
ماياا بفرح : صحيح يابابا اللى احمد قاله ......... انت رجعت فى كلامك ومش حتجوزنى مراد ؟؟؟
مجدى بابتسامة : صحيح يا حبيبتى مدام مش جاى على مزاجك..... ومبتحبهوش انا عاوز سعادتك ياماياا وعاوز راحتك طبعا ......
ماياا بفرح : ربنا يخليك ليا يابابا ...... دلوقتى انا بقيت فرحانة من قلبى بجد ..... وخد بالك يابابا انا حفلة عيد ميلادى حعملها فى النادى بكره وعزمت صحاابى ........
مجدى : ماشى ياحبيتى ..... وانا حجهزلك كل حاجة .........ربنا يفرحك دايمآ ....... وفى اللحظة دى رن موبايل مجدى وهوه فى جيبه ......... بص مجدى فى الموبايل ولقاه مرااد ......
مجدى بضحكة : ده مراد يامااياا جه على السيرة اهوه ......
مايااا بلهفة : رد عليه يابابا بسرعة ....... وقوله مفيش خطوبة ومفيش جواز خلاص عشان يبعد عنى بقى ......
مجدى بضحكة : ماشى ياحبيبتى .......
مجدى : الووووو ايوه يامراد عامل ايه ؟؟
مراد : انا كويس ياعمى ... ماياا صحيت ولا لسة عشان كنت عاوزها.... وبكلمها موبايلها مقفول بقاله مدة ........
مجدى : اه صحيت يامراد ...... كنت عاوزاها فى ايه بقى ؟؟؟؟؟
مراد : كنت عاوز اتكلم معاها شوية بخصوص خطوبتنا ياعمى وحنظبطها ازاى يعنى ........ انا لسة مكلمتهاش فى الموضوع ده خالص لحد دلوقتى ..........
مجدى : خلاص يامراد انسى الموضوع ده خالص ....... عشان ماياا مش عوزاك بصراحة ومش عاوزة تتجوزك ......
مراد بدهشة : انت بتقول ايه ياعمى ؟؟؟ انت ادتينى كلمة انك حتجوزنى ماياا ........ وانا على الاساس ده رتبت كل امورى .........
مجدى بغضب : وماياا مش بتحبك يامراد ومش عاوزة تتجوزك ......... اجوزهالك بالعافية يعنى .......... ده ميرضيش ربنا الجواز مفيهوش غصب يامراد .........
مراد بغضب : وانا حتجوز مايااا يامجدى .... ولو انت رجعت فى كلمتك ليااا انا مش حرجع فى كلامى بنتك مش حتتجوز حد غيرى يامجدى ..........
مجدى بغضب شديد : مجدى ؟؟؟؟ انت بتتحدانى يامراااد ؟؟؟؟ مايااا بنتى انااا ......... وانا مش حجوزالك يامراد ........... وورينى بقى حتجوزها غصب عنى ازاااى ........
مراد بغضب شديد : ماشى يامجدى ........ حتشوف انا حعمل ايه ؟؟؟؟ بس انت كده فتحت على بنتك ابواب جهنم كلها ......... انت لسة متعرفش مين هوه مراد ؟؟؟؟