رواية المراة المسكونة
الفصل الاول والثاني.......
بقلم سالى مصطفى
من زمن بعيد شوية ..... كانت عايشة اسرة كبيرة فى قصر
كبير وجميل جداا ....... اسرة مكونة من اب واسمه الدكتور
مجدى وام واسمها منى ......
واولادهم احمد .... ونهلة .....ومايا ..... واحفادهم كمان ..... مجدى ومنى قرروا يعيشوا فى القصر الكبير ده عشان يبقى اولادهم جمبهم علطول واحفادهم كمان .........
ويبقى فيه ترابط اسرى كده وميبعدوش عن بعض كتير ....... احمد كان متزوج وعنده ولد صغير اسمه ايهاب ونهلة كانت متزوجة برده وعندها بنتين واسمهم منة ومى ......
اما اختها مايا دى بقى ......... كانت اخر العنقود دلوعة العيلة وعمرها 17 سنة .......
وفى يوم من الايام صحيت مايا من نومها مبسوطة على الآخر وقالت لامها : صباح الخير ياماما ...
منى : صباح العسل ياحبيبتى ....
مايا : امال فين نهلة ياماما ؟؟
نهلة : انا هنا يامايا فى المطبخ بحضر الفطار ...... نفسى مرة تعمليها وتصحى بدرى وتيجى تساعدينى شوية .....
ضحكت مايا ضحكة عالية وقالت : اساعدك ايه ؟؟ ومطبخ ايه ؟؟ اختك حتبقى فنانة مشهورة حبقى احلى مغنية شوفتوها فى حياتكوا ..... صح ياماما ؟؟
منى : صح يامايا ....... ربنا يوفقك يا حبيبتى ....
مايا : انا حروح احضر نفسى ونازله بقى صحابى مستنينى من بدررى ....
منى : تنزلى فين يامايا ؟؟ افطرى الاول .....
مايا : لا ياماما انا حفطر مع صحابى النهاردة فى النادى ....
منى : ماشى يا حبيبتى وخلى بالك من نفسك .....
مايا : حبيبتى ياماما حاضر .... ومشت مايا .....
خلصت نهلة الفطار وحطته على السفرة وبصت لامها وقالت : حروح انادى بابا واحمد بقى ......
منى : استنى يانهلة تعالى انا عوزاكى ....
اعدت نهلة جمب امها وقالت : فى ايه ياماما ؟؟؟
منى : قولتى لاختك مايا على مراد ولا لسة يانهلة ؟؟
نهلة : قولتلها ياماما .... مش عاوزة تتجوزه برده .... مايا مش بتحبه ياماما .... سيبيها على راحتها بقى ......
منى : مراد من العيلة يانهلة وعارفينه كويس ....... وانا مش عاوزة اجوز اختك لاى حد ...... عاوزة حد يخاف عليها بجد وميبهدلهاش ........ اختك دلوعة انتى عارفاها ومراد بيحبها ومجنون بيها وطلبها منى كتير قبل كده مش عارفة ليه البنت دى دماغها ناشفة كده ......
نهلة : معلش ياماما متزعليش نفسك كده ....... وبعدين مايا لسة صغيرة على الجواز خليها على راحتها دلوقتى .....
مجدى : بتتكلموا فى ايه بقى على الصبح كده ؟؟ وسايبين الفطار ....
نهلة : بابا .... انت صحيت ؟؟ كنا بنتكلم على مراد ....
مجدى : ايه ده ؟؟ امال فين مايا ؟؟
منى : نزلت مع صحابها يامجدى ....
ضحكت نهلة وقالت : تلاقيها لسة بتتذوق فى المرايا ياماما ......
مجدى بغضب : نزلت مع صحابها ؟؟ ولا بتتذوق ؟؟؟ مش تفطر الاول ؟؟ راحت فين مع صحابها يعنى .....
منى : لا دى نزلت راحت النادى ...... وبعدين حتفطر مع صحابها هناك يامجدى .....
مجدى بغضب : انتى حتفضلى تدلعى فى البت دى لحد ما تبوظيها ........ نادى ايه وزفت ايه اللى على الصبح كده ........ مقولتليش ليه انها نازله ؟؟؟
منى بخوف : انت كنت نايم يامجدى .....
مجدى بغضب : مينفعش تصحينى يعنى وتقوليلى انها حتنزل ..... انا مش قولت مفيش نادى تانى ..... مفيش كلمة بتتسمع يعنى .......
نهلة : هدى نفسك يابابا ..... انا حتصل بيها وحخليها تيجى على البيت تانى .....
مجدى : بعد ايه بقى ...... امك بتعاندنى وخلاص ..... انا ماشى ....
نهلة : طب اعد يابابا افطر الاول .......
مجدى بغضب : مش عاوز افطر نفسى اتسدت ...... وحنزل واسيبلكوا البيت كمان ..... ومشى مجدى .......
( فى النادى )
مايا : وحشتونى يابنات ...
سهى : انتى كمان يامايا ....
مريم : انتى وحشتينى كمان يامايا ....... اتاخرتى ليه كده كنا مستنيينك من بدرى ........
مايا : انتى عرفانى بقى بقوم متاخر علطول كنت نايمة ........ ايه ده مش مراد اللى هناك ده ؟؟؟
مريم : اه صح ده مراد ايه اللى جايبه هنا ده .....
مايا : اه فهمت ده جاى هنا عشان يراقبنى ..... انا مشوفتش برود بالشكل ده ابدا .......
سهى : على فكرة مكنش موجود هنا من بدرى ......... ده لسة جاى دلوقتى اكيد عشانك يامايا ...... او ممكن يكون مراقبك من ساعة ما نزلتى من البيت كمان ......
مايا : ماشى انا ححرقلكوا دموو بقى عشان يحرم ييجى هنا ورايا تانى ...... وقامت مايا وراحت لمراد وقالته : هوه انت مش مكسوف من نفسك وانت ماشى ورايا فى كل حتة كده .......... هوه ايه الجواز بالعافية ولا للدرجة دى انت معندكش كرامه ........
اتعصب مراد جامد من كلام مايا .........وراح قايم ضربها بالالم على وشها جاامد ......
صرخت مايا من وجع الضربه وقالته بغضب : انت مجنون .......... انت بتضربنى قدام الناس اندهلك الامن دلوقتى واوديك فى داهية ........
مراد بغضب : اه يامايا بضربك ........ ولو زودتى كلمة واحدة مش حخلى رجلك تخطى عتبة البيت تانى ........ واقدر اعمل كده كويس اوى انا ابن عمك وخطيبك فى نفس الوقت يامايا .......
مايا : انت بتحلم يامراد .... انا مش حجوزك ابدا عشان مبحبكش يامراد ولا عمرى ححبك بطريقتك دى .....
مراد : بلاش تعصبينى وتخلينى اخرج عن شعورى تانى يامايا واحنا قدام الناس انتى لسة مجربتيش زعلى ........واتفضلى بقى قدامى على البيت دلوقتى .........
مايا : نعم ياسى مراد ........ انا مش مروحة دلوقتى اصلا ........
مراد بغضب : وانا قولت حتروحى ياماياا ....... ومسك مراد مايا من ايديها جامد وسحبها لحد البيت....
اتخضت امها منى اول ما شافتهم وقالته بخوف : ايه اللى حصل يامراد ؟؟؟ مالها مايا ؟؟
مراد : محصلش حاجة ياماما ........ بس البنت دى متخرجش من البيت تانى وكلامى يتنفذ ماشى ....
رواية المراة المسكونة
الفصل الثانى ......
منى باستغراب : اهدى بس يامراد كده وفهمنى برااحة ... ايه اللى حصل ؟؟؟
عملتلك ايه ماياا ؟؟؟؟؟؟
ماياا بغضب : معملتلهوش اى حاجة ياماما ...... ده ضربنى قدام الناس وفى وسط صحابى كمان وجرنى فى الشارع لحد البيت زى ما شوفتى كده ده شخص همجى ورجعى .....
وانا حقول لبابا لما ييجى يتصرف معاه ......
مراد بغضب شديد : بتطولى لسانك تااانى ياماياا ........ طب انا حسكت دلوقتى بس عشان عامل احترام لمامتك عشان هيه موجودة بس ........
لكن بعد كده انا حعرف اتصرف معاكى كويس وحقطعلك لسانك ده خالص ......
برقت ماياا وبصتله بخوف وقالت : وانا حقول لبابا على كل تصرفاتك دى ..... وحتشوف بابا حيعمل ايه ؟؟؟
طنشها مراد وبص لامها وقال بغضب : انا حمشى دلوقتى بقى ياماما ...... وزى ما قولتلك ماايا متخرجش من البيت خالص ولو حصل وعرفت انها خرجت مش حيحصل كويس ...... ماشى .........ومشى مراد من البيت .......
منى بخوف : انتى عملتيله ايه ياماياا ؟؟؟ وخلتيه مش طايق نفسه كده .....
ماياا بغضب : معملتلهوش اى حاجة ياماما ..... كل ده عشان شافنى فى النادى مع صحابى زى ماقولتلك .......
اضايق وراح ضربنى وجرنى لحد البيت هوه ماله بيا بيراقبنى ليه ؟؟؟ ده شخص همجى ومتخلف كمان .......
منى بقلق : مراد خايف عليكى ياماياا ......... وابوكى لسة مزعق النهاردة معايا عشان انتى خرجتى من البيت ولو كان صاحى مكنش نزلك اصلاا .......
مراد ابن عمك وخطيبك ياماياا مش حد غريب وبيعمل كده عشان خايف عليكى ...... وعينه معاكى فى اى مكان تروحيه عشان بيحبك ........
ماياا بغضب : مراد مش خطيبى ..... انا خطيبى مش شخص همجى ومتخلف كده ..... انا مش عارفة انتوا بتخافوا منوا كده ليه وبتعملولوا حساب ......
منى : مش خوف ياحبيبتى ..... انا عاوزة اطمن عليكى ياماياا ...... وعاوزة اجوزك لشخص يقدر يحميكى ويخاف عليكى زى مراد ومن العيلة برضو ...... مراد كل تصرفاته دى عشان بيحبك ياماياا ....
ماياا بغضب : يوووووه بقى ........ مراد ... مراد ..... وانا مش بحبه ومش حجوزه ابداا .........واللى عندكوا اعملوه بقى ........
وسابت مايا امها لوحدها ودخلت على اوضتها وهيه متعصبة على الآخر من كلامها ......
ماياا لنفسها بغضب : ماشى يامراد ....... بتضربنى انا وبتحبسنى فى البيت كده .... ماشى استنى بس لما بابا ييجى وانا مش حخليك تدخل البيت ده تانى اصلا .......
وشوية وقامت مايا ووقفت قدام المرايا عشان تظبط الميكب بتاعها ....... ولما بصت على وشها فى المرايا لقت صوابع ايد مراد معلمة على وشها جامد من قوة ضربة الالم اللى ضربهولها ......
اتغاظت ماياا اوووووى وقالت : حيوااان حيوااان يامراد ..... انا حوريلك لما بابا ييجى بس .....
وفجاة سمعت ماياا صوت مرعب اووووى جاى من جوه المراياا ...... واتهزت المرايا قدام ماياا جااامد من الصوت ده ......
صوت مرعب لسيدة : مايااا تعالى يامايااا ...... مايااا ماياااا تعالى .....
اترعبت ماياا جامد من الصوت وصرخت وجرت بسرعة بعيد عن المرايا واخدت نفسها برعب وقالت بخوف : مين ؟؟ انتى مين ؟؟ وعاوزانى اجيلك فين ؟؟؟
صوت مرعب لسيدة : انا هنا يامايااا فى المراياا ...... تعااالى .....
قربت ماياا من المراياا حبة حبة بخوف وحذر ملقتش اى حاجة ....... وبعدين قربت اكتر شوية وركزت فيهاا ......... وفجأة لقت ايدين خرجت من جوه المرايا ومسكتها من رقبتها وبتحاول تخنقها جاامد ........
صرخت مايا اول ما شافت الايدين دى بتقرب منها وقالت : الحقوووونى ..... الحقووونى .......
وحاولت ماياا تبعد ايديها عن رقبتها لكن جرحتها ظوافر الست دى فى رقبتها جامد ..... وفضلت تحاول كتير لحد مابعدت ماياا ايدين الست دى عنها خالص وعن رقبتها وجريت بسرعة بعيد عن المراياا .....
وراحت ناحية باب الاوضة عشان تفتحه وتهرب منها لقته مش عاوز يتفتح ومتصدر ......... صرخت ماياا جامد وقالت : افتحووووا الباب الحقوووونى الحقوووونى حتمووووتنى .......
صوت مرعب لسيدة بضحكات : قولتلك تعالى تعاالى يامايااا لو مش حتجيلى دلوقتى ..... حتجيلى بعد كده غصب عنك فى يوم من الايام .......
التفت مايااا ليها تانى وبصت للمراية تانى وقالت بخوف وغضب : انتى مين ؟؟؟ وعاوزة تموتينى ليه ؟؟؟ انا عملتلك ايه ؟؟؟
صوت مرعب لسيدة : حتعرفى بعدين انا مين ياماياا ...... وبعدين انتى كده كده ميتة وقريب اوى كمان ......
ومش حتقدرى تهربى من موتك ابدآا ابدآا ياماياا وخليكى فاكرة كلامى ده ....... حتجيلى ياماياا حتجيلى .....
اترعشت ماياا من الخوف واترعب جامد واتصدمت من كلام الست دى عن الموت وبرقت جاامد ومعرفتش تنطق كلمة .......
وراحت لفة مرة تانية وبسرعة ناحية باب الاوضة ........ منغير ماترد عليها كلمة واحدة واتفاجات بمامتها قدامها علطول داخلة من باب الاوضة ........
بصتلها ماياا باستغراب وقالت بخوف : ماما ؟؟؟ انتى دخلتى ازاااى ياماما ؟؟ ازاى فتحتى الباب ؟؟؟
منى باستغراب : الباب كان مفتوح من بدرى يامايا ..... انا مفتحتش حاجة .... انتى اتفجعتى منى ياماياا ولا ايه ؟؟؟
مايااا بخوف شديد : يعنى انتى مسمعتيش صوتى ياماما وانا بنده عليكى ....... مسمعتيش اى صوت غريب فى اوضتى ...... او حسيتى باى حاجة غريبة ......
منى بدهشة : لا ياحبيبتى مسمعتش اى حاجة ...... ماالك ياماياا ؟؟؟ انتى كنتى عاوزانى فى حاجة ؟؟؟
ماياا بخوف شديد : لا ياماما مش عاوزة حاجة ..... مفيش .....
منى باستغراب : ماشى ياماياا ........ انا كنت جاية عشان اقولك ان ابوكى جه من الشغل دلوقتى ......... وعاوزك ضروورى وشكله متعصب على الآخر شكل كده مراد حكاله على كل اللى حصل ربنا يستر .........
ماياا بخوف : حاضر ياماما ........ قوليله ان انا جاية دلوقتى .......
منى بقلق : متتاخريش عليه ياماياا ....... انتى عارفة ابوكى عشان ميضايقش ........... ومشت منى وخرجت من اوضة ماياا خالص .........
مايااا لنفسها بخوف : معناه ايه اللى انا شوفته ده ؟؟ ومين الست دى؟؟؟ وعاوزة تموتنى ليه ؟؟؟
وبعد شوية خرجت ماياا من اوضتها وراحت لابوها علطووول وقالت : ايوه يابابا كنت عاوزنى فى حاجة ؟؟؟
مجدى بغضب شديد : كنتى فين ياماياا النهاردة من الصبح ؟؟
ماياا بخوف وقلق : كنت كنت فى النادى يابابا .......
مجدى بغضب : كنتى بتعملى ايه فى النادى يعنى ؟؟؟؟
ماياا بخوف شديد : مش كنت بعمل حاجة يابابا ....... كنت قاعدة مع اصحابى .......
مجدى بغضب شديد : وانا مش قولتلك متنزليش من البيت ...... ومتروحيش النادى ده تانى بعد كده مبتسمعيش الكلام ليه ؟؟؟
اتلخبطت ماياا وقالت بخوف : اصل اصل انا قولت لماما ......
قاطعها مجدى بغضب شديد وقال : انا مليش دعوة بمامااا ........ انا قولتلك كلمة تسمعيها ومفيش نزول بعد كده من البيت نهائى الا بإذنى .......... ماشى ........
ماياا مدمعة : حرام كده يابابا ده ظلم ...... اكيد هوه مراد ....... هوه اللى كلمك وقالك على كل اللى حصل النهاردة وخلاك تزعقلى كده ......... صح .......
مجدى : مراد ...... مراد اه كلمنى وحكالى على كل اللى حصل النهاردة ....... وهوه مش غلطان فى اى حاجة على فكرة .........
انتى الغلطانة ياماياا عشان مسمعتيش كلامى من الاول ....... انتى اللى ادتيله الفرصة انه يعمل كده وهوه عمل الصح انا مش زعلان منه ..... عشان بعد كده بقى لما اقول كلمة تتسمع من اول مرة ......
ماياا باكية : طب انا عندى بكره بروفة مهمة اوى على الاغنية الجديدة بتاعتى ......... ولازم انزل ........ اعمل ايه بقى؟؟؟
مجدى : انزلى يامايا وروحى البروفة ........ بس خدى مراد معاكى ........