رواية "رفيق روحى"
الفصل الثالث
بقلم ايه عفيفي
عمر : السلام عليكم و رحمته الله....... السلام عليكم و رحمته الله
ملك: معلش مكنتش اعرف انك هنا بس كنت جايه عشان
اصلي بحس إني برتاح برتاح في المكان ده
عمر بابتسامه : عادي و لا يهمك انا خلصت صلاه و بعدين
البيت بيتك تصلي في المكان الي يعجبك
ملك: انت متعود تصلي القيام
عمر : الحمد لله ربنا يثبتنا
ملك: و ايه اثر القيام في حياتك
عمر: دعوتي اللي كنت بتمناها اتحققت
ملك : و ايه هي الدعوه اللي بتتمناها
سكت شويه وبص في عيونها بحب : انتي ياملك إنتي دعوتي بعد اذنك هروح المسجد الفجر قرب يأذن
مشي عمر وملك فضلت باصه وسرحان مكانه
كتير وبعدين همست بينها وبين نفسها :-معقول أنا كنت دعوة عمر يعني هو بيحبني
وعلشان كده اتجوزني ماما كان عندها حق انا لازم ادي عمر فرصه و ادي لنفسي فرصه عمر مش وحش زي ما انا كنت متخيله ويمكن أصلا هو اللي كنت بحلم بيه وبتمناه وربنا بعته لي
...................................................
النهار طلع وملك حضرت الفطار وبعدين دخلت تخلص شوية شغل في المطبخ
عمر جهز نفسه وراح عندها وأول ما شافها إتمني حاجات كتير لكنه ابتسم وقال بصوت هادي
: ملك انا ماشي علي الشغل عايزه حاجه
لفت ملك ليه بسرعه : اه يا عمر معلشي ممكن تخلي يوسف يجي يقعد معايا شويه بدل ما أنا لوحدي
عمر : حاضر يا ست البنات هبعته لك عايزه حاجه تاني
أبتسمت ملك بابتسامه خطفت قلبه وقالت برقه وبطريقه هو مش متعود عليها :- ربنا يبارك لك مش عايزه غير سلامتك
.............................................................................
بعد صلاة الظهر رن جرس الباب وكان يوسف...
يوسف: السلام عليكم
ملك بترحاب: و عليكم السلام اتفضل يا استاذ يوسف
يوسف: بابا .... قصدي عمو عمر قالي انك عايزاني
ملك: عايزاك تقعد معايا شويه أنا حبيتك أوي
يوسف :- وأنا كمان حبيتك أوي
ملك :- ايه رايك نبقي صحاب
يوسف بعد تفكيرغ: إممممم وانا موافق
ملك: يعني أي كلام بينا هيبقي سر
يوسف: طبعا هو أنا صغير
ملك : طب قلي انت و عمر بتعملوا ايه يوم الجمعه وليه بتتأخروا كده
يوسف: عشان عمو عمر بيحفظنا قران في المسجد بعد الصلاه انا و صحابي وتابع بقخر طفولي :- وانا اشطر واحد فيهم
ملك بدهشه : هو عمر حافظ القران
يوسف: اه حافظه كله زيك وانا كمان هحفظه كله إن شاء الله
ملك:ان شاء الله تحفظه كمان أنا ممكن أحفظك عشان تخلصه بسرعه
يوسف:بجد إنتي كمان هتحفظيني
ملك: أيوه هحفظك بس قولي مين مروان و ياسين دول صحابك
يوسف: اه دول صحابي الي في الملجأ بنروح نشوفهم و بابا عمر بيجبلهم هدايا لما يحفظوا
ملك ملجأ!!! ( سكتت مش عارفه تحاور حتي نفسها عمر ده طلع ملاك طلع أكتر ما هي حلمت وتمنت كمان )
ملك: ممكن اسألك سؤال؟
يوسف: اكيد احنا صحاب
ملك: انت ليه بتقول لعمر يا بابا و ساعات يا عمو
يوسف : اقولك بس ما تزعليش
ملك: قول
يوسف: انا بحب اقوله يا بابا بس تيتا قالت لي اقوله يا عمو عشان انتي ما تزعليش
ملك: وفين بابا وماما يا يوسف
يوسف : بابا و ماما ماتو و انا عايش مع تيتا
ملك ضمته بحنان ودموعها نزلت : آسفه يا حبيبي ربنا يرحمهم ما تزعلش بابا عمر هيفضل معاك
يوسف: يعني اقوله يا بابا عادي مش هتزعلي
ملك: لا طبعاً مش هزعل
يوسف:- ط طب انا ينفع اقولك ماما
ملك: اه ينفع جدا
يوسف: بجد
ملك: اه يا حبيبي تعالي في حضني تاني وبلاش دموع
الرجاله ما بتعيطش ولا إيه
مسح عمر عيونه :- صح
ملك :- أنا جعانه أوي إنت مش جعان ولا إيه؟
يوسف :- بصراحه جعان أوي أوي أوي
ملك :- إيه رايك لو نقوم نعمل بيتزا
قطعهم دخول عمر : السلام عليكم
ملك و يوسف: و عليكم السلام
عمر: الظاهر انكم بقيتوا صحاب
يوسف: احنا بقينا صحاب انا و ماما ملك مش كده يا ماما
ملك لعبت في شعره بابتسامة : ايو يا حبيبي هقوم أعمل بقي البيتزا علشان يوسف يتغدي معانا
قام يوسف: لأ انا أسف همشي بقي طالما بابا عمر جه عشان اساعد تيتا في تجهيز الاكل وخلي البيتزا مره تانيه
ملك: ماشي يا جميل هسيبك المره دي بس علشان خاطر تيتا وإن شاء الله هستناك بكره اوعي ما تجيش
يوسف: ان شاء الله هاجي سلام
نزلت ملك لمستواه وباسته من خده بحنان : سلام يا حبيبي
مشي يوسف وملك حضرت الغدا وقعدت هي عمر علي طاولة الاكل لاحظت ان عمر بيبص لها بابتسامه ومش بياكل اتكسفت وحمحمت بخجل :-
احم احم مش بتاكل ليه
عمر بابتسامه : مش عارف اشكرك ازاي علي معاملتك مع يوسف هو كان محتاج حد يبقي معاه و انا انشغلت عنه الفتره الي فاتت
ملك: ما فيش داعي تشكرني أنا حبيت يوسف أوي
.............
بدات علاقتي بعمر تتحسن بدانا نتكلم بس كلامنا كان بسيط و بقيت بذاكر ليوسف و بقعد معاه يحكيلي عن عمر و عرفت حاجات كتير عن عمر خلتني احترمه اكتر و يكبر في نظري
في يوم جديد رجع عمر من الشغل لقي يوسف وملك قاعدين مع بعض بص ليوسف بزعل
عمر: السلام عليكم
يوسف: عليكم السلام انت جيت يا بابا واحشني اوي
تجاهله عمر وبص لملك : ملك انا داخل انام و مش عايز اكلم حد
قام يوسف بسرعه وقف قدامه : بابا انت زعلان مني
عمر : انت عملت حاجه تزعل
يوسف : انا عارف انت زعلان مني علشان ما روحتش الدرس بقي لي كذا حصه بس
عمر بعصبيه : بس ايه انا قولتك إيه يايوسف قولت إنت مسؤول مني انا نسيت معاد دفع الشهر ليه ما تفكرنيش
سابه عمر دخل الاوضه و قفل الباب
يوسف بدموع : خليه يفتح الباب و يكلمني هو بيحبك و هيسمع كلامك و انا خلاص مش هزعله تاني
خبطت ملك علي الباب : عمر معلش افتح الباب عشان خاطري و يوسف مش هيزعلك تاني مش كده يا يوسف
يوسف: ايو يا بابا هسمع كلامك و مش هزعلك
عمر: انا فتحت الباب عشان خاطرك يا ملك انتي غاليه عندي لكن يوسف انا لسه زعلان منه
يوسف: سامحني يا بابا انا خلاص هروح الدروس انا قولت مش لازم اروح ماما ملك بتذاكر معايا و انت كمان بتذاكر معايا ليه اروح الدروس و ندفع فلوس علي الفاضي
عمر: انا قولتلك ميت مره انت ابني و مسؤل مني
يوسف: بس انا
عمر: بس ايه يا يوسف انا مش عايزك تعيش اللي انا عشته انا موجود علشانك
يوسف: خلاص يا بابا ما تزعلش مني
عمر: انت بتعيط ليه دلوقتي هو في رجاله بتعيط
يوسف : خلاص مش هعيط تاني بس انت ما تزعلش مني و هذاكر و اطلع الاول كمان
عمر: خلاص ما تزعلش و تعالي في حضني واحشني
يوسف: و انت واحشني اوي يا بابا انا بحبك اوي و مش هزعلك تاني
عمر: يلا عشان تتغدي معانا
يوسف : ماشي
طول الحوار ده وملك بتابع عمر اد ايه انت شخص حنين يا عمر ده مش ابنك و بتعامله كده امال هتعمل ايه مع ولادك. و ايه الي انت عيشته و مش عايز يوسف يعيشه
عمر : ملك
ملك: هااا كنت بتقول حاجه
عمر: بقول يلا نتغدي
ملك : ثواني هجيب الغدا
يوسف: و انا هاجي اساعدك
ملك: ماشي يا حبيبي يلا بينا
عمر بابتسامه :- يعني هي جت عليه وأنا كمان هساعدكم
...................
صحيت ملك من النوم وأول حاجه مسكتها الموبايل وتفاجأت إم الفجر أذن
ملك: ايه ده الفجر اذن و عمر ما جاش يصحيني
خرجت اتوضت وصلت ولاحظت إن عمر إتأخر في المسجد اتأخر في مسجد إتصلت عليه لكن سمعت صوت الموبايل بيرن في أوضته
ملك: ايه ده التليفون بيرن في اوضته شكله نسيه طب ما ممكن يكون جوه طب ادخل الاوضه ولا لا بعد تفكير وتردد كتير دخلت ملك ولقت عمر لسه نايم قربت منه
ملك: عمر انت هنا
عمر بصوت تعبان : اه
ملك: مالك ياعمر
عمر: مفيش بس تعبان شويه
ملك بخوف وقلق : قول لي حاسس بايه ايه الي تعبك
ملك: عمر ردي عليا حاسس بايه
قربت منه لقيته سخن اوي
ملك: انت تعبان كده ليه ما صحتنيش
عمر: ما تقلقيش أنا كويس ومش عايز اتعبك
ملك: تعب إيه بس إنت ناسي إني مراتك وات إيه
عمر بحزن :_ مراتي مع وقف التنفيذ